1 Ti ^adagensen ti ^bBabilonia, a pudno a nakita ni Isaias a lalaki nga anak ni Amos.

2 Ibayogyo ti ^awagayway iti nangato a bantay, ipukkawmo kadakuada, ^biwagesyo ti imam, tapno mapanda iti ruangan dagiti natakneng.

3 Binilinkon ^adagiti nasantuak, naawagak metten dagiti maingelko, ta saan nga agpaay ti pungtotko kadakuada nga agrag-o iti kinatan-okko.

4 Ti ariwawa ti ummong dagiti kabambantayan a kas kadagiti nabileg a tattao, ti makariribuk nga arimbangaw ^adagiti pagarian ti pagilian ket ^bnagtitipon a sangsangkamaysa, inummong ti Apo ti Pangen dagiti buyot iti paggugubatan.

5 Naggapuda iti adayo a pagilian, manipud iti ungto ti langit, wen, ti Apo, ken dagiti igam ti pungtotna, a mangdadael iti intero a daga.

6 Agdung-awkayo, ta asidegen ti aldaw ti Apo; umayto a kas pangdadael manipud iti Mannakabalin.

7 Ngarud kumapsutto amin nga ima, marunawto ti puso ti tunggal tao;

8 Ket agbutengdanto; iturayanto ida dagiti sanaang ken leddaang; masdaawdanto iti tunggal maysa; ket kaslanto apuy dagiti rupada.

9 Kitaem, dumtengen ti aldaw ti Apo, naranggas nga addaan iti agpada a pungtot ken nakaro a panagunget, tapno pagbalinenna a langalang ti daga; ket ^adadaelennanto dagiti managbasol manipud iti daytoy.

10 Ta saanto a mangted iti lawag dagiti bituen iti langit ken dagiti konstelasion; agsipngetto ti ^ainit iti isisingisingna, ken saannanto a pagsilnagen ti bulan ti lawagna.

11 Ket ^adusaekto ti lubong gapu iti kinadakesna, ken dagiti nadangkes gapu iti kinadangkesda; ti kinatangsit dagiti ^bnapalangguad ipasardengkonto, ken pagpatinggaekto ti kinadursok ti nakaam-ames a tao.

12 Aramidekto a napatpateg ti ^atao ngem iti puro a balitok; urayto ti tao ngem iti bimmalitok a sangkap ti Ophir.

13 Ngarud, pagkintayegekto ti langit, ket ^amaikkatto ti daga iti ayanna, iti pungtot ti Apo ti Pangen, ken iti aldaw ti nakaro a panagungetna.

14 Ket kaslanto iti ^anakamat nga urbon ti ugsa, ken iti karnero nga awan ti tao a mangpastor; ket agsublinto ti tunggal maysa kadagiti taona, ken tumarayto ti tunggal maysa a mapan iti dagana.

15 Mapasagto ti tunggal maysa a napannakkel, wen, ket matayto iti espada ti tunggal maysa a kimmappon kadagiti nadangkes.

16 Marumrumekto dagiti annakda iti imatangda; madadaelto dagiti balbalayda ken maramesto dagiti assawada.

17 Kitaem, sugsogakto dagiti taga-Medo a mangbusor kadakuada, a saan a matmatan ti pirak ken balitok, wenno maay-ayo kadagitoy.

18 Mangrumrumekto met dagiti agtutubo a lallaki iti baida; ket awanto ti asida iti bunga iti saklulo; saanto nga isalakan dagiti matada dagiti ubbing.

19 Ket agbalinto ti Babilonia, ti dayag dagiti pagarian, ti ngayed ti ^akinapintas dagiti Caldeano, a kas idi pinarmek ti Dios ti ^bSodoma ken Gomorra.

20 Saanto a pulos a ^amapagnaedan, wenno mapagtaengan manipud iti maysa a kaputotan agingga kadagiti amin a kapkaputotan; wenno mangipatakder dagiti Arabo iti tolda idiay; wenno mangipaarab dagiti pastor iti arbanna sadiay.

21 Ngem agiddanto idiay dagiti ^aatap nga ayup iti disierto; ket mapnonto dagiti balbalayda kadagiti aglaladut a naparsua; ket agtaengto met idiay dagiti kullaaw, ken agsalanto ^bdagiti nainsairuan a kalding idiay.

22 Agtaguobto dagiti atap nga ayup kadagiti puro iti naliday a ^abalbalayda, ken ^bdagiti dragon iti napintas a palasioda; ket asidegen ti idadateng ti kanitona, ket saanen a maitantan ti aldawna. Ta dadaelekto a sipapardas; wen, ta kaasiakto dagiti tattaok, ngem maungawto dagiti nadangkes.