Mataupu 23
O le faaumatiaga o Papelonia o se faatusa o le faaumatiaga i le taimi o le Afio Mai Faalua—O le a avea o se aso o le toasa ma le tauimasui—O Papelonia (le lalolagi) o le a pa’ū e faavavau—Faatusatusa i le Isaia 13. E tusa o le 559–545 T.L.M.
1 O le aavega a ePapelonia na vaaia e Isaia le atalii o Amota.
2 Inā sisi a’e ia e outou se afu’a i le mauga maualuga, sii atu le leo ia te i latou, tālo atu le lima, ina ia latou o atu i faitotoa o alii mamalu.
3 Ua Ou poloaiina o’u atagata faapaiaina, ua Ou valaauina foi o’u tagata malolosi, ona ua lē i ai lo’u ita i luga o i latou o e ua olioli i lo’u mamalu.
4 O le vavaō o le vao o tagata i mauga ua peiseai o se nuu tele, o se vavaō tele o amalo o atunuu ua efaapotopoto faatasi, ua faapotopoto e le Alii o ’Au, ’au mo le taua.
5 Ua latou o mai mai se atunuu mamao, mai le tuluiga o le lagi, ioe, o le Alii, ma auupega o lona toasa, e faaumatia le nuu atoa.
6 Ia outou uiō, ona ua oo mai le aso o le Alii; o le a oo mai lea aso o se faafanoga mai Le ua Malosi Aoao.
7 O lea o le a vaivai ai lima uma, o le a liusuavai loto o tagata uma taitoatasi;
8 Ma o le a latou matata’u; o le a maua i latou i tiga ma faanoanoaga; o le a latou taufaiofo o le tasi i le isi; o o latou mata o le a pei o apeafi mumū.
9 Faauta, ua oo mai le aso o le Alii, e sauā i le to’atama’i ma le toasa tele, e faatafuna le laueleele; ma o le a ia afaaumatia tagata agasala o i ai.
10 Ona o le a lē fepulafi mai fetu o le lagi ma ona faaputuputugafetu; o le a afaapouliuligia le la i lona, ma o le a lē faasusulu mai e le masina lona malamalama.
11 Ma o le a Ou afaasalaina le lalolagi ona o le leaga, ma e amioleaga ona o lo latou amioletonu; ma o le a Ou faia ia uma le fiasili o e efaamaualuluga, ma faamutaina le faasausili o lē ua matautia.
12 O le a Ou faia le atagata ia sili lona taua nai lo le auro lelei; o se tagata foi nai lo le auro sili ona lelei mai Ofeira.
13 O lea, o le a Ou lūlūina le lagi, ma o le a aaveesea le lalolagi mai lona tulaga, i le to’atama’i o le Alii o ’Au, ma i le aso o lona toasa tele.
14 Ma o le a pei o le sevi ua tulia, ma pei o se mamoe ua leai se na te avea, ma o le a taitasi le tagata o i latou ma liliu atu i lona lava nuu, ma sosola tagata taitoatasi i lona lava laueleele.
15 O i latou uma ua faamaualuluga o le a tutūia; ioe, ma o i latou uma o e e aufaatasi i e amioleaga o le a pa’u’ū i le pelu.
16 O a latou fanau foi o le a tu’ilili’iina i luma o o latou mata; o le a veteina o latou fale ma tosoina a latou avā.
17 Faauta, o le a Ou faaoso Metai e faasaga ia te i latou, o lē o le a lē manatu i le ario ma le auro, pe fiafia i ai.
18 O le a tu’ilili’iina foi e a latou aufana tama talavou; ma o le a leai so latou alofa i le fua o le faa’autama; o le a lē faasaoina e o latou mata fanau.
19 Ma o Papelonia, le mamalu o malo, le alalelei o le matagofie o Kaletaia, o le a pei o le taimi na faatoilalo ai e le Atua eSotoma ma Komoro.
20 O le a le toe aainā lava, pe toe mau ai se tasi mai lea tupulaga i lea tupulaga: o le a lē tu ai foi se faleie o se Arapi iina; pe fai ai foi e leoleo mamoe a latou pa manu iina.
21 Ae o le a taooto ai amanu feai o le toafa iina; ma o le a tumu o latou fale i manu faasiasia; ma o le a mau lulu iina, ma o le a sisiva ai e’oti aivao iina.
22 Ma o le a tagi manu feai o motu i o latou afale tuufua, ma etarako i o latou maota matagofie; ma ua lata ona oo mai o lona taimi, ma o le a lē tolopoina lona aso. Ona o le a vave ona Ou faaumatia o ia; ioe, ona o le a Ou alofa mutimutivale i lo’u nuu, ae o e amioleaga o le a fano.