1 Paske Senyè a pral gen mizèrikòd pou Jakòb, e li pral ^achwazi Izrayèl ankò, li pral tabli yo nan tè yo a; epi ^betranje yo pral melanje ak yo, e yo pral fè tèt kole avèk kay Jakòb la.

2 ^aEpi pèp la pral pran yo pou mennen yo nan plas yo a; wi, sòti lwen nan tout kwen tè a; epi yo pral retounen nan ^btè pwomiz yo a. Epi kay Izrayèl la pral posede l ankò, tè Senyè a pral pou ^csèvitè ak bòn; epi yo pral mete nan prizon moun ki te mete yo nan prizon yo a; epi yo pral gouvène opresè yo.

3 Epi, se pral konsa, jou sa a, Senyè a pral ba w ^arepo, anba lapenn ou, ak lakrent ou, ak anba esklavaj di sa yo te mete w la.

4 Epi, se pral konsa, jou sa a, ou pral fè sa tounen pwovèb e kont wa ^aBabilòn nan, ou pral di: Kote opresè a pase, kote vil lò a pase!

5 Senyè a te kase baton mechan yo, baton dominatè yo.

6 Moun ki te frape pèp la avèk vanjans la, ki t ap plede bat li a, moun ki te gouvène nasyon yo ak kòlè a, kounyeya, li nan pèsekisyon, e pèsonn pa pote l sekou.

7 Tout tè a ap repoze, yo nan trankilite; yo tonbe ^achante.

8 Wi, ^apye bwapen yo, ak pye bwa sèd Liban yo rejwi pou ou, yo di: Depi lè w ^btonbe a ^cpèsonn pa vini pou koupe nou ankò.

9 ^aLanfè a louvri zantray li pou l vin rankontre w; li leve ^bmò yo pou ou, menm tout gwo tèt ki te mouri yo; li te fè tout wa nasyon yo leve sou twòn yo.

10 Yo tout pral pale e yo pral di ou: Èske ou vin fèb tankou nou tou? Èske w vin tankou nou?

11 Gran pan-pan ou yo desann nan tonm; moun pa tande vyolon ou yo; vè gaye sou ou, e vè kouvri ou.

12 ^aKòman ou fè tonbe sòti nan syèl la, O ^bLisifè, pitit gason maten an! Èske se chit ou, sa fè nasyon yo te afebli!

13 Paske, nan kè w, ou te di: ^aM pral monte anwo nan syèl la, m pral mete fotèy mwen pi wo zetwal Bondye yo; m pral chita sou mòn kongregasyon an, nan ekstremite ^bnò a;

14 M pral monte anlè sou tèt nyaj yo; m pral vin tankou Bondye Ki Pi Wo a.

15 Men, ou pral desann nan lanfè, nan ekstremite ^atwou a.

16 Moun ki wè w, yo pral ^apwoche pi pre w, yo pral gade w, e yo pral di: Èske se nonm sa a ki te fè tè a tranble a, e ki te souke wayòm yo?

17 Ki te fè mond lan tankou yon dezè, ki te detwi vil yo, e ki pa t louvri kay prizonye l yo?

18 Tout wa nasyon yo, wi, yo tout kouche nan laglwa, yo chak nan ^akay pa yo.

19 Men yo jete w sou tonm ou tankou yon ^avye branch, e tankou rès moun ki te mouri yo, ki te tonbe anba kout epe, ki desann sou ^bwòch yo nan twou a; tankou kadav yo pilonnen.

20 Ou p ap antere menm kote avèk yo, paske w detwi peyi w, e ou touye pèp ou a; ^adesandan ^bmechan yo p ap janm gen bon renome.

21 Pare destriksyon timoun li yo poutèt ^ainikite papa yo, pou yo pa leve, pran peyi a, ni tou pou yo pa ranpli sifas mond lan avèk vil.

22 Paske Senyè tout Lame yo di: M pral leve kont yo, e Senyè a di: M ap wete ^anon Babilòn nan, ak rès yo, ak pitit gason yo, ak ^bneve yo.

23 Senyè tout Lame yo di: M pral fè l tounen ^akay pou bèt ak marekaj e m pral bale l avèk bale destriksyon m.

24 Senyè tout Lame yo te fè sèman, li di: Sètènman, jan m te panse a, se konsa l ap pase; epi jan m te vle a se konsa l ap rete—

25 M pral mennen ^aAsiryen yo nan peyi m nan, e m pral pyetine l sou mòn ^bmwen an; lè sa a ^cpouvwa l pral soti sou yo, e fado li pral soti sou zèpòl yo.

26 ^aSa se desizyon m pran avèk tout tè a; epi sa se men ki lonje sou tout nasyon yo.

27 Paske, Senyè tout Lame yo te pran desizyon, ki moun ki kapab detounen l? Epi, men l lonje, ki moun ki kapab desann li?

28 Pwofesi sa a te fèt nan ^aane wa ^bAkaz te mouri a.

29 Pa rejwi nou, moun Filisti, paske baton moun ki t ap frape w la kase; paske yon ti koulèv pwazonnen pral sòti nan rasin manman koulèv la, e pitit li a pral yon sèpan dife avèk zèl.

30 Epi premye pitit pòv yo pral jwenn manje, epi moun ki nan bezwen yo pral repoze nan sekirite; epi m pral touye rasin ou avèk famin, epi li pral touye rès ou yo.

31 Jemi, O baryè; kriye, O vil; ou menm, tè Filisti nan, ou fini; paske yon lafimen pral leve nan nò, e pèsonn p ap pou kont li nan lè yo ba li a.

32 Kisa moun k ap preche nasyon yo pral di? Yo pral di Senyè a te fè fondasyon ^aSiyon, e moun ^bpòv yo ki nan pami pèp li a pral chèche refij ladan l.