1 Ta kaasianto ti Apo ni Jacob, ket ^apiliennanto pay laeng ti Israel, ket ipanna ida iti dagada; ket tumiponto kadakuada dagiti ^bganggannaet, ket makitipondanto iti balay ni Jacob.

2 ^aKet alaento ida dagiti tattao ken itugotdanto iti lugarda; wen, manipud iti adayo agingga iti pagpatinggaan ti daga; ket agsublidanto ^bkadagiti naikari a dagada. Ket tagikuaento ida ti balay ti Israel, ket agpaayto ti daga ti Apo para ^ckadagiti lallaki a tagabu ken kadagiti babbai a tagabu; ket alaendanto ida nga adipen kadagiti inadipenda; ket isudanto ti mangituray kadagiti nangirurumen kadakuada.

3 Ket mapasamakto iti dayta nga aldaw nga ikkannakayonto ti Apo iti ^apanaginana, manipud iti panagledleddaangyo, ken iti panagbutbutengyo, ken manipud iti narigat a pannakaadipen a namagbalin kadakayo nga agserbi.

4 Ket mapasamakto iti dayta nga aldaw, nga ibagadanto daytoy a pagsasao a maibusor iti ari ti ^aBabilonia, ket kunayo: Kasano a nagsardeng dagiti mangidadanes, nagsardengen ti nabalitokan a siudad!

5 Tinukkol ti Apo ti pagbasnot ti nadangkes, ti setro dagiti agturay.

6 Isu nga awan ressatna a sipupungtot a nangbasnot kadagiti tattao, a sigugura a nagturay kadagiti pagilian, maidaddanes, ket awan ti makatubeng.

7 Agin-inana ti sangalubongan, ket naulimek; sadanto ^aagkakanta.

8 Wen, agrag-o ^adagiti parwa kenka, kasta met dagiti sedro ti Lebanon, a kunkunada: Gapu ta ^bnapasagkan awanen ti umay pay a ^cmangpukan kadakami.

9 ^aImpierno ti mariribuk manipud iti baba a mangsabat kenka iti idadatengmo; bangonennanto ti ^bnatay para kenka, uray pay dagiti amin a pangulo iti daga; mabangonto manipud kadagiti tronoda dagiti amin nga ari iti pagpagilian.

10 Agsaodanto amin ket kunadanto kenka: Agbalinkanto kadi met a nakapsut a kas kadakami? Agbalinkanto kadi met a kas kadakami?

11 Maipanto iti tanem ti kinangayedmo; saan a mangngeg ti aweng ti biolinmo; naiwaras kadagiti igges ti nakaisaadam, ket saknapenka dagiti igges.

12 ^aAnian a pannakatnagmo manipud iti langit, O ^bLucifer, lalaki nga anak ti agsapa! Naduyokka aya iti daga, a nangpakapsut kadagiti pagilian!

13 Ta kinunam iti pusom: ^aSiak ket ngumatoak iti langit, itag-aykonto ti tronok iti ngatuen dagiti bituen ti Dios; agtugawakto met iti bantay a paguummongan, iti nasulinek a lugar ti ^bamianan;

14 Ngumatoak iti ngatuen ti kinangato dagiti ulep; agbalinakto a kas iti Kangatuan-amin.

15 Ngem maipababakanto iti impierno, iti kaunggan ti ^aabut.

16 ^aMatmatandakanto dagiti mangkita kenka, ket ibilangdakanto, ket kunadanto: Daytoy kadi ti tao a namagkintayeg iti lubong, a nanggunggon kadagiti pagarian?

17 Ken namagbalin iti lubong a kasla langalang, ken nangdadael kadagiti siudadna, ken saan a nanglukat iti balay dagiti baludna?

18 Amin nga ari dagiti pagilian, wen, isuda amin, naitanemda iti dayag, tunggal maysa kadakuada iti ^abukodna a balay.

19 Ngem naipuruakka iti tanemmo a kas iti ^amakarimon a sanga, ken ti mabati kadagiti napapatay, naduyok babaen ti espada, a naipurruak iti abut a ^bkabatbatoan; a kasla bangkay a napayatpayatan.

20 Saankanto a maitipon kadakuada a maitanem, gapu ta dinadaelmo ti dagam ken pinapataymo dagiti tattaom; ti ^akaputotan dagiti ^bmanagbasol ket saanto a pulos a madayaw.

21 Isaganam ti panangpapatay kadagiti annakna gapu iti ^akinamanagbasol dagiti ammada, tapno saanda a bumangon, wenno tagikuaen ti daga, wenno punnuen ti rabaw ti lubong kadagiti siudad.

22 Ta bumangonakto a mangbusor kadakuada, kinuna ti Apo ti Pangen, ket ikkatekto manipud iti Babilonia ti ^anagan, ken ti nabati, ken lalaki nga anak, ken ^blalaki nga kaanakan, kinuna ti Apo.

23 Aramidekto met a ^apagnaedan para iti kullaaw, ken danaw; ket sagadakto iti ^bkaykay ti pannakadadael, kinuna ti Apo ti Pangen.

24 Inkari ti Apo ti Pangen, a kinunana: Awan duadua a kas iti napanunotko, a matungpalto; ket kas iti pinanggepko, agtalinaedto a natibker—

25 Nga iturongko ti ^aAsirio iti dagak, ket payatpayatek ida kadagiti ^bbantayko; kalpasanna maikkatto ti ^csangolna kadakuada, ket maikkatto ti dagensenna kadagiti abagada.

26 ^aDaytoy ti panggep a naipanggep iti sangalubongan; ken daytoy ti ima a naiyunnat iti amin a pagilian.

27 Ta pinanggep ti Apo ti Pangen, ket asino ti mangwaswas? Ket siuunat ti imana, ket asino ti makaigawid?

28 Daytoy ^atawen nga ipapatay ni ari ^bAhaz ti dagensen.

29 Saankayo nga agrag-o, sangabukel a Palestina, agsipud ta natukkolen ti sarukodna a nangbasnot kadakayo; ta tumaudto ti nagita nga uleg manipud iti nagtaudan ti uleg, ket agtaytayab nga umap-apuy nga uleg ti bungana.

30 Ket mataraonanto ti umuna nga anak dagiti nakurapay, ket aginananto dagiti nakurapay a sitatalged; ket patayekto ti puonmo iti nakaro a bisin, ket papatayennanto dagiti nabatim.

31 Agdung-awka, O ruangan; umkiska, O siudad; sika, sangabukel a Palestina, narunawkan; ta addanto asuk nga aggapu iti amianan, ken awanto ti agsulsulo iti naituding a panawenna.

32 Ket anianto ngarud ti sungbat ti agipadpadamag kadagiti pagilian? A nabangonen ti Apo ti ^aSion, ket dagiti ^bnakurapay a taona ti ^cagtalekto iti daytoy.