1 Mo afta Kraes bae i ^agirap long ded, hem bae i ^bsoemaot hemwan long yufala, ol pikinini blong mi, mo ol brata blong mi we mi lavem tumas; mo ol toktok we bae hem i talemaot long yufala, bae oli ol ^dloa we bae yufala i mekem.

2 From luk, mi talem long yu se mi bin luk we i gat plante jeneresen bae oli pasawe, mo bae i gat ol bigfala wo mo ol rao long medel blong ol pipol blong mi.

3 Mo afta we Mesaea bae i kam, bae i gat ol ^asaen oli kamaot long ol pipol blong mi long saed blong ^btaem we bae hem i bon i kam long wol, mo tu, long saed blong ded mo laef bakegen blong hem; mo dei ia bae i wan bigfala mo rabis dei long ol nogud man, from bae oli ded; mo oli ded from oli sakemaot ol profet, mo ol sent, mo stonem olgeta, mo kilimded olgeta; taswe, krae blong ^dblad blong ol sent bae i agensem olgeta, i aot long graon i go kasem God antap.

4 “Taswe, olgeta we oli gat hae tingting, mo we oli stap mekem fasin nogud, dei we i stap kam bae i ^abonem olgeta evriwan,” Lod blong Ol Pipol i talem, “from bae oli olsem ol doti blong wit.

5 Mo olgeta we oli kilimded ol profet, mo ol sent, bae ol dip ples blong graon oli open mo ^asolemdaon olgeta,” Lod blong Ol Pipol i talem; “mo ol ^bbigfala hil bae oli kavremap olgeta, mo ol waelwin bae oli karem olgeta oli gowe, mo ol ston haos bae oli foldaon long olgeta mo smasem olgeta i go long pisis mo mekem olgeta i kam paoda.

6 Mo olgeta bae oli kasem visit blong ol tanda, mo ol laetning, ol graon oli seksek, mo evri kaen fasin blong smasem gud samting, from faea blong kros blong Lod bae i laet agensem olgeta, mo olgeta bae oli olsem doti blong wit, mo dei we i kam bae i kakae flatem olgeta,” Lod blong Ol Pipol i talem.

7 !O, bodi blong mi i soa, mo sol blong mi i trabol from ol pipol blong mi we oli ded! From mi, Nifae, mi bin luk samting ia finis, mo hem i kolosap kakae flatem mi long fored blong Lod; be mi mas singaot long God blong mi: “Ol fasin blong yu oli ^astret.”

8 Be luk, olgeta we oli stret mo gud we oli lisin long ol toktok blong ol profet, mo no prapa spolem gud olgeta, be oli lukluk i go fored long Kraes wetem strong bilif from ol saen we oli givim, i nomata long evri ^afasin blong givim hadtaem—luk, olgeta ia, oli olgeta we bae oli ^bno ded.

9 Be Pikinini blong Stret mo Gud Fasin bae i ^akamkamaot long olgeta; mo hem bae i ^bhilim olgeta, mo bae oli gat ^dpis wetem hem, kasem taem we ^etri jeneresen i pasawe, mo plante long olgeta blong ^fnambafo jeneresen bae oli pasawe long stret mo gud fasin.

10 Mo taem we ol samting ia oli pas finis, kwiktaem nomo bae Lod i ^aprapa spolem gud ol pipol blong mi; from i nomata long ol soa blong sol blong mi, mi bin luk samting ia; taswe, mi save se bae i kam blong hapen; mo oli salem olgeta blong nating; from se, olsem praes blong ol hae tingting blong olgeta mo krangke blong olgeta, bambae oli kakae ded evriwan; from oli givim olgeta long devel mo jusum ol wok blong tudak be i no blong laet, nao from hemia, oli mas go daon long ^bhel.

11 From Spirit blong Lod bae i no stap ^awok oltaem wetem man. Mo taem we Spirit i stop blong wok wetem man, nao kwiktaem Lod i prapa spolem gud man, mo hemia i mekem sol blong mi i harem nogud.

12 Mo olsem we mi bin toktok long saed blong ^awinim ol tingting blong Ol ^bJiu, blong oli biliv se Jisas hem i ^dtru Kraes, i mas nid i stap olsem se Ol Jentael oli kam blong biliv tu, se Jisas hem i Kraes, God we I No Save Finis.

13 Mo se hem i stap soemaot hemwan long olgeta we oli biliv long hem, tru long paoa blong ^aTabu Spirit; yes, long evri kantri, famli, lanwis, mo pipol, hem i mekem ol bigfala merikel, ol saen, mo ol samting blong sapraes, long medel blong ol pikinini blong ol man folem fet blong olgeta.

14 Be luk, mi talemaot profesi long yufala long saed blong ol ^alas dei; long saed blong ol dei we Lod God bae i ^bkarem ol samting ia oli go long ol pikinini blong ol man.

15 Afta we ol pikinini blong mi mo ol pikinini blong ol brata blong mi bae oli kam slak from we oli bin lusum bilif, mo oli kasem panis tru long Ol Jentael; yes, afta we Lod God i bin stanemap ol tenet raonabaot agensem olgeta, mo i bin raonem olgeta wetem wan wol, mo i bin leftemap ol strong haos agensem olgeta; mo afta we oli bin foldaon daon evriwan long das, kasem taem we oli nomo gat, be stil ol toktok blong ol man we oli stret mo gud, bambae oli raetemdaon, mo ol prea blong olgeta we oli fetful, bambae oli harem, mo olgeta we oli bin slak from oli bin lusum bilif, bambae oli no fogetem olgeta.

16 From se olgeta we bae oli kilimded olgeta bae oli ^atoktok long olgeta aot long graon, mo ol toktok blong olgeta bae oli stap daon aot long das, mo voes blong olgeta bae i olsem wan we i gat spirit blong wan dedman; from Lod God bae i givim long hem paoa, blong hem i save talem slo long saed blong olgeta, i olsem se i kamaot long graon; mo toktok blong olgeta bae i toktok slo aot long das.

17 From olsem ia nao Lod God i talem: “Bae oli ^araetemdaon ol samting we bae oli mekem long medel blong olgeta, mo bae oli raetemdaon olgeta mo silim long wan buk, mo olgeta we oli bin kam slak from we oli bin lusum bilif bae oli no kasem ol samting ia, from oli ^blukaotem blong prapa spolem gud ol samting blong God.

18 Taswe, olsem olgeta we oli bin kilimded olgeta, oli bin kilimded olgeta long wan kwik fasin; mo ol grup blong evri nogud wan bae oli olsem ^adoti blong skin blong wit we i flae longwe”—yes, olsem ia nao Lod God i talem: “Samting ia bae i hapen long sot taem, kwik taem nomo”—

19 Mo bae i kam blong hapen se olgeta we oli bin kam slak from we oli bin lusum bilif bae oli ^akasem panis tru long han blong Ol Jentael.

20 Mo Ol Jentael oli kam antap wetem ^ahae tingting blong ae blong olgeta, mo oli bin ^bfoldaon, from bigfala ^dsamting we i stap blokem rod blong olgeta, mekem se oli bin bildimap ^eplante jos; be, oli putum daon paoa mo ol merikel blong God, mo oli prijim long olgeta bakegen waes tingting blong olgeta nomo mo ol ^ftijing blong olgeta nomo, blong oli save kasem mane mo oli ^gsmasem fes blong ol pua.

21 Mo i gat plante jos we oli bildimap we i mekem se i gat plante fasin blong ^ajalus, mo ol smol rao, mo fasin blong gat tingting blong kilim narafala man.

22 Mo i gat tu ol ^asikret grup, we i olsem long ol taem blong bifo, folem ol grup blong devel, from hem i man blong statem evri samting ia; yes, man blong statem fasin blong kilim man i ded, mo ol wok blong tudak; yes, mo hem i lidim olgeta long nek wetem wan sofsof rop, kasem taem we hem i fasem taet olgeta wetem ol strong rop blong hem blong oltaem.

23 From luk, ol brata blong mi we mi lavem tumas, mi talem long yufala se Lod God i no wok long tudak.

24 Hem i no mekem eni samting sapos i no blong helpem wol; from hem i ^alavem wol, go kasem hem i givim laef blong hem bakegen blong hem i save pulum ^bevri man i kam long hem. Taswe, i no gat man we hem i givim oda long olgeta se bae oli no mas tekempat long fasin blong sevem man, we hem i givim.

25 Luk, ?hem i singaot long eni man, se: “Gowe long mi?” Luk, mi talem long yu se: “No.” Be hem i talem se: “^aKam long mi, yufala evriwan long evri en blong wol; ^bpem melek mo hani, wetem no mane mo wetem no praes.”

26 Luk, ?hem i givim oda long eni man se hem i mas aot long ol haos blong prea, o aot long ol haos blong wosip? Luk, mi talem long yu, No.

27 ?Hem i bin givim oda long eni man se oli no mas tekempat long ^afasin blong sevem man blong hem o no? Luk mi talem long yu se, No; be hem i bin ^bgivim i fri blong evri man; mo hem i bin givim oda long ol pipol blong hem se oli mas winim tingting blong ol man blong oli ^dsakem sin.

28 Luk, ?Lod i givim oda o no, long eni man se oli no mas tekem pat blong gud fasin blong hem? Luk mi talem long yu se, No; be ^aevri man i gat janis, wan i olsem narafalawan, mo i no gat wan we hem i blokem hem.

29 Hem i givim oda se oli no mas gat ^afasin blong giaman pris, from, luk, ol fasin blong giaman pris oli hemia we ol man oli prij mo putum olgeta antap olsem wan laet long wol, blong mekem se oli kasem mane mo ^bpres blong wol; be oli no lukaotem gudfala laef blong Saeon.

30 Luk, Lod i bin blokem samting ia; taswe, Lod God i bin givim wan komanmen se evri man i mas gat ^abigfala lav, we bigfala lav ia i ^blav. Mo sapos oli no gat bigfala lav oli nating nomo. Taswe, sapos bae oli gat bigfala lav bae oli no letem ol man we oli stap wok long Saeon blong oli ded.

31 Be ol man blong wok insaed long ^aSaeon bae oli wok blong Saeon; from sapos oli wok blong ^bmane bae oli ded.

32 Mo bakegen Lod God i bin ^agivim komanmen se ol man oli no mas kilim narafala man i ded, blong oli no mas giaman; blong oli no mas stil; blong oli no mas tekem nem blong Lod God blong olgeta blong ^bnating; blong oli no mas wantem ol samting blong ol narafala man, blong oli no mas gat tingting ia blong kilim ol narafala man; blong oli no mas rao wan wetem narawan; blong oli no mas mekem ol fasin ia blong slip olbaot; mo blong oli no mas mekem wan long ol samting ia; from eni man we i mekem ol samting ia bae i ded.

33 From i no gat wan long ol rabis fasin ia i kam long Lod; from hem i mekem wanem we i gud long medel blong ol pikinini blong ol man; mo hem i no mekem wan samting, be samting we i klia nomo long ol pikinini blong ol man; mo hem i askem olgeta evriwan blong kam long hem mo tekem pat blong gud fasin blong hem; mo hem i no ^atanem baksaed blong hem long eniwan we i kam long hem, blak mo waet, slef mo fri, man mo woman; mo hem i tingbaot olgeta we oli ^bno gat respek long tru God; mo ^devriwan i semmak long God, Ol Jiu tugeta wetem Ol Jentael.