Tusitusiga Paia
2 Nifae 27


Mataupu 27

O le a ufitia le lalolagi i le pogisa ma le liliuese i aso e gata ai—O le a oo mai le Tusi a Mamona—E toatolu molimau o le a molimau i le tusi—O le a fai mai le tagata ua aoaoina e lē mafai ona ia faitauina le tusi ua faamauina—O le a faia e le Alii se galuega ofoofogia ma le mea e ofo ai—Faatusatusa i le Isaia 29. E tusa o le 559–545 T.L.M.

1 Ae, faauta, i aaso e gata ai, po o i aso o Nuuese—ioe, faauta, o atunuu uma o Nuuese ma Iutaia foi, i latou uma ia o e o le a o mai i luga o lenei laueleele ma i latou o e o le a i ai i luga o isi laueleele, ioe, i latou uma lava e i ai i luga o laueleele uma o le lalolagi, faauta, o le a onanā i latou i le amioletonu ma ituaiga uma o mea inosia eseese.

2 Ma a oo mai lena aso o le a asiasia i latou e le Alii o ’Au, i le faititili ma le mafuie, ma le vavaō tele, ma uaga, ma le afā malosi, ma le aapeafi o le afi faaumatia.

3 Ma o aatunuu uma e efaasaga tau ia Siona, ma faatiga ia te ia, o le a pei o se miti o se faaaliga vaaia o le po; ioe, o le a oo ia te i latou, e pei o se tagata fia ’ai ua moemiti, ma faauta, e ’ai o ia ae ala a’e o ia ua gaogao lona agaga; pe pei o se tagata fia inu ua moemiti, ma faauta e inu o ia ae ala a’e o ia ma faauta ua mole o ia, ma ua galala lona agaga; ioe, e faapea lava motu o tagata o atunuu uma o e e faasaga tau i le Mauga o Siona.

4 Aua faauta, o outou uma o e faia le amioletonu, ia outou tutū lava outou ma ofo, ona o le a outou alalaga atu, ma lauē; ioe, o le a outou ’onanā ae lē i le uaina, o le a outou tautevateva ae lē i le ’ava malosi.

5 Aua faauta, ua sasaa ifo e le Alii i o outou luga le agaga o le moe gase. Aua faauta, ua outou tapunipuni o outou mata, ma ua outou teena perofeta; ma o o outou pule, ma tagatavāai ua ufi e ia ona o lo outou amioletonu.

6 Ma o le a oo ina tuuina mai e le Alii le Atua ia te aoutou upu o se etusi, ma o le a fai ma upu a i latou o e ua momoe.

7 Ma faauta o le a afaamauina le tusi; ma o le a i ai i totonu o le tusi se efaaaliga mai le Atua, mai i le amataga o le lalolagi e oo i lona iiuga.

8 O le mea lea, ona o mea ua afaamauina, o mea ua faamauina o le a e tuuina mai i le aso o le amioleaga ma mea inosia a tagata. O le mea lea o le a taofia ai le tusi mai ia te i latou.

9 Ae o le a tuu atu le tusi i se atagata, ma o le a tuu atu e ia upu o le tusi, o upu ia a i latou o e ua momoe i le efuefu, ma o le a tuu atu e ia ia upu i se eisi.

10 Ae o upu ua faamauina o le a lē tuuina atu e ia, pe tuuina atu e ia le tusi. Ona o le tusi o le a faamauina i le mana o le Atua, ma o le faaaliga ua faamauina o le a taofia pea i totonu o le tusi seia oo i le taimi e tatau ai o le Alii lava ia, e mafai ona oo mai ai; aua faauta, ua faaali mai ai mea uma mai le faavaega o le lalolagi e oo i lona iuga.

11 Ma e oo mai le aso o le a faitau ai mai tumutumu o fale upu o le tusi sa faamauina; ma o le a faitauina i le mana o Keriso; ma o le a afaaalia i le fanauga a tagata mea uma sa i ai i totonu o le fanauga a tagata, ma mea uma o le a i ai e oo lava i le iuga o le lalolagi.

12 O le mea lea, i lena aso e tuu atu ai le tusi i le tagata ua ou tautala atu ai, o le a natia ai le tusi mai mata o le lalolagi, ina ia lē vaai i ai mata o se tasi vagana ai amolimau e etoatolu o le a vaai i ai, e ala i le mana a le Atua, e ese mai ia te ia o lē o le a tuu atu i ai le tusi; ma o le a latou molimau i le moni o le tusi ma mea o i ai i totonu.

13 Ma e leai se tasi e ese mai ai e vaai i ai, vagana ai ni isi e toaitiiti e tusa ai ma le finagalo o le Atua, e molimau atu lana afioga i le fanauga a tagata; ona ua fetalai mai le Alii le Atua o le a tautatala mai upu a e faatuatua e peiseai ua amai i e ua oti.

14 O le mea lea, o le a amata e le Alii le Atua ona aumai o upu o le tusi; ma o fofoga o molimau e tusa le toatele ma lona lava finagalo o le a faamautuina ai e ia lana afioga; ma oi talofa ia te ia o lē na te ateena le afioga a le Atua!

15 Ae faauta, e oo mai o le a fetalai atu le Alii le Atua ia te ia o lē o le a tuu atu i ai e ia le tusi: Ia e ave upu ia e lei faamauina ma tuu atu i se isi, ina ia mafai ona ia faaali atu i lē ua aoaoina, ma fetalai atu: Ou te aioi atu ia te oe, sei e afaitauina nei upu. Ma o le a fai mai lē ua aoaoina: Aumai iinei le tusi, ma o le a ou faitauina.

16 Ma o lenei, ona o le mamalu o le lalolagi ma le fia fai aoloa latou te fai mai ai ia upu, ae lē mo le mamalu o le Atua.

17 Ma o le a fai atu le tagata: E lē mafai ona ou aumai le tusi, ona ua faamauina.

18 Ona fai mai lea o lē ua aoaoina: E lē mafai ona ou faitauina.

19 O le mea lea e oo mai o le a toe tuu atu e le Alii le Atua le tusi ma upu o i ai i lē e lei aoaoina; ma o le a fai mai le tagata e lei aoaoina: E lei aoaoina a’u.

20 Ona fetalai mai lea o le Alii le Atua ia te ia: O le a lē faitauina i latou e e ua aoaoina, ona ua teena e i latou, ma Ou te mafai ona faia o la’u lava galuega; o le mea lea ia e faitauina upu o le a ’Ou tuu atu ia te oe.

21 aAua e te tago i mea ua faamauina, ona o le a Ou aumaia i latou i lo’u lava taimi e tatau ai; ona o le a Ou faaali atu i le fanauga a tagata Ou te mafai ona faia o la’u lava galuega.

22 O le mea lea, pe a uma ona e faitauina o upu ua Ou poloaiina ai oe, ma maua amolimau na Ou folafola atu ia te oe, ona e toe faamauina lea o le tusi, ma natia mai ia te a’u, ina ia mafai ona Ou faasaoina upu e te lei faitauina, seia oo ina Ou iloa i lo’u lava poto ua tatau ai ona faaali atu o mea uma i le fanauga a tagata.

23 Aua faauta, o A’u o le Atua; ma o A’u o se Atua o avavega; ma o le a Ou faaali atu i le lalolagi e etutusa lava A’u ananafi, i le asō, ma le faavavau; ma Ou te lē galue i totonu o le fanauga a tagata vagana ua itusa ai ma lo latou faatuatua.

24 O lenei foi e oo mai o le a fetalai mai le Alii ia te ia o lē o le a faitauina upu o le a tuu mai ia te ia:

25 aTalu ai ona ua faalatalata mai lenei nuu ia te a’u ma o latou gutu, ma ua latou efaamamalu mai ia te a’u i o latou laugutu, a ua aveese mamao atu o latou loto mai ia te a’u, ma o lo latou matata’u mai ia te a’u ua aoaoina e imataupu a tagata—

26 O lea, o le a Ou faia ai se agaluega ofoofogia i totonu o lenei nuu, ioe, o se egaluega ofoofogia ma le mea e ofo ai, ona o le a fano le poto o o latou tagata popoto ma aoaoina, ma o le a natia le malamalama o o latou tagata mafaufau.

27 Ma aoi talofa ia te i latou o e latou te saili loloto e nanā a latou taupulepulega mai le Alii! Ma o a latou galuega ua fai i le pouliuli; ma ua latou fai mai: O ai ua vaai mai ia te i matou, ma o ai ua ia iloaina i matou? Ma latou te fai mai foi: E moni, o lou fuli o mea i luga ma lalo ua faatusa i le omea a le etufuga fai ipu. Ae faauta, o le a Ou faaali atu ia te i latou, ua fetalai mai ai le Alii o ’Au, ua Ou iloa a latou galuega uma. Ona e fai mai ea le galuega e uiga i lē na faia o ia, na te lei faia a’u? Pe fai mai le mea ua gaosia e uiga i lē na gaosiaina, ua leai se malamalama o ia te ia?

28 Ae faauta, ua fetalai mai le Alii o ’Au: O le a Ou faaali atu i le fanauga a tagata ua toe itiiti lava ona liua lea o Lepanona e avea ma fanua uluola; ae o le fanua uluola o le a pei o se vao matua.

29 aMa i lena aso o le a faalogo ai e ua tutuli i upu o le tusi, ma o le a pupula mata o e ua tauaso i fafo mai le pouliuli ma fafo mai le pogisa.

30 Ma o le a faateteleina foi e aagamalu, ma o lo latou eolioli o le a i ai i le Alii, ma o e matitiva e i ai i totonu o tagata o le a olioli i le Paia e Toatasi o Isaraelu.

31 Aua e moni e pei ona soifua le Alii o le a latou vaai i lē ua afaasauā ua fai ma tagata noa, ma lē ua faatauemu ua susunuina, ma o i latou uma e vaavaai mo le amioletonu ua vavaeeseina;

32 Ma i latou o e e faia se tagata ia aagasala ona o se upu, ma tatao se mailei mo ia o lē e a’oa’i atu i le efaitotoa, ma itetee ese le amiotonu e pei o se meanoa.

33 O lea, ua faapea ona fetalai mai o le Alii, o lē na togiolaina Aperaamo, e uiga i le aiga o Iakopo: O le a lē maasiasi nei Iakopo, pe o le a solo sesega nei ona mata.

34 Ae a avaai atu o ia i lana fanau, o le galuega a o’u lima, o i totonugalemu o ia, o le a latou faapaiaina lo’u igoa, ma faapaia le Paia e Toatasi o Iakopo, ma o le a matata’u i le Atua o Isaraelu.

35 O i latou foi na asese i la le agaga o le a oo ina malamalama, ma o i latou sa muimui o le a latou eaoaoina mataupu faavae.