Ngaahi Folofolá
2 Nīfai 27


Vahe 27

ʻE ʻufiʻufi ʻe he fakapoʻulí mo e hē mei he moʻoní ʻa e funga ʻo e māmaní ʻi he ngaahi ʻaho fakaʻosí—ʻE ʻomai ʻa e Tohi ʻa Molomoná—ʻE ʻi ai ha kau fakamoʻoni ʻe toko tolu te nau fakamoʻoni ki he tohí—ʻE pehē ʻe he tangata potó ʻoku ʻikai te ne lava ʻo lau ha tohi kuo fakamaʻu—ʻE fakahoko ʻe he ʻEikí ha ngāue fakaofo mo fakaʻulia—Fakafehoanaki mo e ʻĪsaia vahe 29. Taʻu 559–545 K.M. nai.

1 Kae vakai, ʻi he ngaahi ʻaho afakaʻosí, pe ʻi he ngaahi ʻaho ʻo e kau Senitailé—ʻio, vakai ko e ngaahi puleʻanga kotoa ʻo e kau Senitailé mo e kau Siú foki, ʻa kinautolu ʻa ia ʻe haʻu ki he funga ʻo e fonua ní pea mo kinautolu foki ʻa ia te nau ʻi ha ngaahi fonua kehé, ʻio, ʻi he funga ʻo e ngaahi fonua kotoa pē ʻo e māmaní, vakai, te nau konā ʻi he angahalá mo e ngaahi faʻahinga anga-fakalielia kotoa pē—

2 Pea ʻo ka hokosia ʻa e ʻaho ko iá, ʻe tauteaʻi ʻa kinautolu ʻe he ʻEiki ʻo e Ngaahi Kau Taú, ʻaki ʻa e mana mo e mofuike pea mo e ʻuʻulu lahi, mo e matangi, mo e afā, pea mo e aulo ʻo e afi fakaʻauhá.

3 Pea ko e ngaahi apuleʻanga kotoa pē ʻa ia ʻoku btauʻi ʻa Saione, mo fakamamahiʻi iá, ʻe hangē ko ha misi ʻo ha meʻa hā mai ʻi he pō; ʻio, ʻe hoko kiate kinautolu, ʻo hangē ʻoku hoko ki ha tangata fiekaia ʻa ia ʻoku misi, pea vakai ʻokú ne kai ka ʻokú ne ʻā hake pea ʻoku ʻikai ke mākona ʻa hono laumālié; pe tatau mo e tangata ʻoku fieinua ʻa ia ʻoku misi, pea vakai ʻokú ne inu ka ʻokú ne ʻā hake pea vakai ʻokú ne vaivaia, pea ʻoku ʻikai fiemālie ʻa hono laumālié; ʻio, ʻe pehē pē ʻa e fuʻu tokolahi ʻo e ngaahi puleʻanga kotoa pē ʻa ia ʻoku tauʻi ʻa e Moʻunga ko Saioné.

4 He vakai, ko kimoutolu kotoa pē ʻoku fai angahalá, taʻofi ʻa kimoutolu pea mou fifili, he te mou kaila, mo tangi; ʻio, te mou konā kae ʻikai ʻi he uaine, te mou tāsipa kae ʻikai ʻi he inu mālohi.

5 He vakai, kuo lilingi hifo kiate kimoutolu ʻe he ʻEikí ʻa e laumālie ʻo e mohe maʻu. He vakai, kuo mou kuikui ʻa homou matá, pea kuo mou liʻaki ʻa e kau palōfitá; pea ko homou kau pulé, mo e kau tangata kikité, kuó ne fufuuʻi koeʻuhi ko hoʻomou angahalá.

6 Pea ʻe hoko ʻo pehē ʻe ʻomi ʻe he ʻEiki ko e ʻOtuá kiate akimoutolu ʻa e ngaahi lea ʻo ha btohi, pea ko e ngaahi lea ia ʻanautolu kuo mohé.

7 Pea vakai kuo afakamaʻu ʻa e tohí; pea ʻe ʻi he tohí ha bfakahā mei he ʻOtuá, mei he kamataʻanga ʻo māmaní ʻo aʻu ki hono cngataʻangá.

8 Ko ia, koeʻuhi ko e ngaahi meʻa kuo afakamaʻú, ʻe bʻikai fakahā ʻa e ngaahi meʻa kuo fakamaʻú ʻi he ʻaho ʻo e fai angahala mo e ngaahi anga-fakalielia ʻa e kakaí. Ko ia ʻe taʻofi meiate kinautolu ʻa e tohí.

9 Ka ʻe ʻoange ʻa e tohí ki ha atangata, pea te ne ʻave ʻa e ngaahi lea ʻo e tohí, ʻa ia ko e ngaahi lea ʻanautolu kuo mohe ʻi he efú, pea te ne ʻoange ʻa e ngaahi lea ko iá ki ha tokotaha bkehe;

10 Kā ko e ngaahi lea kuo fakamaʻú ʻe ʻikai te ne fakahā ia, pea ʻe ʻikai te ne fakahā foki ʻa e tohí. Koeʻuhi ʻe fakamaʻu ʻa e tohí ʻi he māfimafi ʻo e ʻOtuá, pea ko e fakahā naʻe fakamaʻú ʻe tauhi ia ʻi he tohí ʻo aʻu ki he taimi ʻoku finangalo ki ai ʻa e ʻEikí, koeʻuhi ke fakahā mai ai ia; he vakai, ʻoku fakahā ai ʻa e ngaahi meʻa kotoa pē talu mei hono ʻai ʻa e tuʻunga ʻo e māmaní ʻo aʻu ki hono ngataʻangá.

11 Pea ʻoku haʻu ʻa e ʻaho ʻe lau ʻa e ngaahi lea ʻo e tohi kuo fakamaʻú mei he tumuʻaki ʻo e ngaahi falé; pea ʻe lau ia ʻi he mālohi ʻo Kalaisí; pea ʻe afakahā ʻa e ngaahi meʻa kotoa pē ki he fānau ʻa e tangatá, ʻa e ngaahi meʻa kotoa pē ʻa ia kuo hoko ʻi he fānau ʻa e tangatá, pea mo e ngaahi meʻa ʻe hoko ʻo aʻu ki he ngataʻanga ʻo e māmaní.

12 Ko ia, ʻi he ʻaho ko iá ʻo ka ʻoange ai ʻa e tohí ki he tangata ʻa ia kuó u lau ki aí, ʻe fufuuʻi ʻa e tohí mei he mata ʻo e māmaní, koeʻuhi ke ʻoua naʻa mamata ki ai ʻa e mata ʻo ha tokotaha tuku kehe pē ʻo ka mamata ki ai ha kau afakamoʻoni ʻe toko btolu, ʻi he māfimafi ʻo e ʻOtuá, tuku kehe ia naʻe ʻoange ki ai ʻa e tohí; pea te nau fakamoʻoni ki hono moʻoni ʻo e tohí pea mo e ngaahi meʻa ʻoku ʻi aí.

13 Pea ʻe ʻikai mamata ki ai mo ha tokotaha kehe, kā ko ha tokosiʻi pē ʻo fakatatau mo e finangalo ʻo e ʻOtuá, ke fakamoʻoniʻi ki he fānau ʻa e tangatá ʻa ʻene folofolá; he kuo folofola ʻe he ʻEiki ko e ʻOtuá ʻe lea ʻa e ngaahi lea ʻa e kau tui faivelengá ʻo hangē ko ha lea mai ia amei he pekiá.

14 Ko ia, ʻe fai leva ʻe he ʻEiki ko e ʻOtuá ke ʻomai ʻa e ngaahi lea ʻo e tohí; pea ʻi he ngutu ʻo e kau fakamoʻoni tokolahi ʻo fakatatau mo ia ʻokú ne ʻafioʻi ʻoku leleí te ne fakamoʻoniʻi ʻa ʻene folofolá; pea ʻe malaʻia ia ʻoku aliʻaki ʻa e folofola ʻa e ʻOtuá!

15 Kae vakai, ʻe hoko ʻo pehē ʻe folofola ʻa e ʻEiki ko e ʻOtuá kiate ia te ne ʻoange ki ai ʻa e tohí: ʻAve ʻa e ngaahi leá ni ʻa ia kuo ʻikai fakamaʻú pea ʻoange ia ki ha tokotaha kehe, koeʻuhí ke ne fakahā ia ki ha tangata poto, ʻo pehē: ʻOku ou kole ke ke alau ʻeni. Pea ʻe pehē ʻe he tangata potó: ʻOmi ki heni ʻa e tohí, pea te u lau ia.

16 Pea ko ʻeni, koeʻuhi ko e holi ki he fakamālō ʻa e māmaní pea ke maʻu ha atotongí te nau lea ʻaki ʻeni, kae ʻikai koeʻuhi ko e nāunau ʻo e ʻOtuá.

17 Pea ʻe pehē ʻe he tangatá. ʻOku ʻikai te u lava ʻo ʻomi ʻa e tohí, he kuo fakamaʻu ia.

18 ʻE toki pehē ʻe he tangata potó: ʻOku ʻikai te u lava ʻo lau ia.

19 Ko ia ʻe hoko ʻo pehē, ʻe toe ʻoange ʻe he ʻEiki ko e ʻOtuá ʻa e tohí mo hono ngaahi leá kiate ia ʻoku ʻikai ke poto; pea ʻe pehē ʻe he tangata ʻoku ʻikai potó: ʻOku ʻikai te u poto.

20 ʻE toki folofola kiate ia ʻa e ʻEiki ko e ʻOtuá: ʻE ʻikai lau ia ʻe he kau potó, he kuo nau liʻaki ia, pea ʻoku ou mafai ke fai ʻa ʻeku ngāue pē ʻaʻakú; ko ia ke ke lau ʻa e ngaahi lea ʻa ia te u foaki kiate koé.

21 ʻOua naʻa aala ki he ngaahi meʻa ʻa ia kuo fakamaʻú, he te u fakahā mai ia ʻi he taimi ʻoku ou loto ki aí; he te u fakahā ki he fānau ʻa e tangatá ʻoku ou mafai ke fai ʻa ʻeku ngāue pē ʻaʻakú.

22 Ko ia, ʻo ka ʻosi ʻa hoʻo lau ʻa e ngaahi lea ʻa ia kuó u fekau kiate koé, mo maʻu ʻa e kau afakamoʻoni ʻa ia kuó u talaʻofa kiate koé, pea te ke toe fakamaʻu leva ʻa e tohí, pea fufuuʻi hake ia kiate au, koeʻuhi ke u lava ʻo fakatolonga ʻa e ngaahi lea kuo ʻikai te ke laú, kae ʻoua ke u pehē ʻoku lelei ʻi hoku poto ʻoʻokú ke fakahā ʻa e ngaahi meʻa kotoa pē ki he fānau ʻa e tangatá.

23 He vakai, ko e ʻOtua au; pea ko e ʻOtua au ʻo e ngaahi amana; pea te u fakahā ki he māmani ʻoku ou btatau ʻi he ʻaneafí, ʻaho nī, pea taʻengatá; pea ʻoku ʻikai te u ngāue ʻi he fānau ʻa e tangatá kae cfakatatau pē ki heʻenau tuí.

24 Pea ʻe hoko ʻo pehē foki ʻe folofola ʻa e ʻEikí kiate ia ʻa ia ʻe lau ʻa e ngaahi lea ʻe tuku kiate iá:

25 aKo e meʻa ʻi he ʻunuʻunu mai ʻa e kakaí ni kiate au ʻaki honau ngutú, pea bfakaʻapaʻapa kiate au ʻaki honau loungutú, ka ʻoku mamaʻo ʻaupito honau lotó meiate au, pea ko ʻenau manavahē kiate aú ʻoku tupu ia ʻi he ngaahi cakonaki ʻa e tangata pē—

26 Ko ia, te u hanga ke fai ha ngāue afakaofo ʻi he kakaí ni, ʻio, ko ha ngāue bfakaofo mo fakaʻulia, he ko e poto ʻo ʻenau kau tangata potó mo e kau tangata akonekiná ʻe ʻauha ia, pea ʻe fufuuʻi ʻa e ʻilo ʻa ʻenau kau tangata fakapotopotó.

27 Pea ʻe amalaʻia ʻa kinautolu ʻoku feinga lahi ke fufuuʻi ʻa ʻenau akonakí mei he ʻEikí! Pea ʻoku fai ʻi he fakapoʻuli ʻa ʻenau ngaahi ngāué; pea ʻoku nau pehē: Ko hai ʻoku mamata kiate kitautolu? pea ko hai ʻokú ne ʻiloʻi ʻa kitautolu? Pea nau pehē foki: Ko e moʻoni ko hoʻomou fulihi ʻa e ngaahi meʻá ʻe tatau ia mo e ʻumea ʻa e btangata ngaohi ipú. Kae vakai, te u fakahā kiate kinautolu, ʻoku folofola ʻe he ʻEiki ʻo e Ngaahi Kau Taú, ʻoku ou ʻiloʻi ʻa ʻenau ngaahi ngāue kotoa pē. He ʻe lea koā ʻe he meʻa kuo ngaohi ʻo kau kiate ia naʻá ne ngaohi iá, naʻe ʻikai te ne ngaohi au? Pe pehē ʻe he meʻa naʻe langá, ʻoku ʻikai te u ʻilo ki he meʻa naʻá ne faí?

28 Kae vakai, ʻoku folofola ʻe he ʻEiki ʻo e Ngaahi Kau Taú: Te u fakahā ki he fānau ʻa e tangatá ʻoku toetoe siʻi pea ʻe liliu ʻa Lepanoni ke hoko ko ha ngoue fua moʻui; pea ʻe lau ʻa e ngoue fua moʻuí ʻo hangē ha vao ʻakau.

29 aPea ʻi he ʻaho ko iá ʻe fanongo ʻa e tulí ki he ngaahi lea ʻo e tohí, pea ʻe mamata ʻa e mata ʻo e kuí mei he kakapú, pea mei he poʻulí.

30 Pea ko e kakai aangamaluú foki ʻe fakatokolahi, pea ko ʻenau bfiefiá ʻe ʻi he ʻEikí, pea ko e kau masiva ʻi he kakaí ʻe fiefia ʻi he Tokotaha Māʻoniʻoni ʻo ʻIsilelí.

31 He hangē ʻoku moʻui ʻa e ʻEikí ʻe pehē ʻenau sio ki hono tuku hifo ʻo e tokotaha afakamanavaheé ko ha meʻa noa pē, pea ʻoku fakaʻauha ʻa e kakai ʻoku manuki ki he ngaahi meʻa ʻa e ʻOtuá, pea ko kinautolu kotoa pē ʻoku lama ke angahalá ʻoku motuhi atu ʻa kinautolu;

32 Pea ko kinautolu ʻoku afakahalaiaʻi ha tangata koeʻuhi ko ha kupuʻi lea, pea tau ha tauhele kiate ia ʻoku valoki ʻi he bmatapaá, mo cfakasītuʻaʻi ʻa e angatonú, ʻo lau ko ha meʻa noa pē.

33 Ko ia, ʻoku folofola peheni ʻe he ʻEikí, ʻa ia naʻá ne huhuʻi ʻa ʻĒpalahamé, ʻo kau ki he fale ʻo Sēkopé: ʻE ʻikai mā ʻeni ʻa Sēkope, pea ʻikai foki liliu ʻo tea ʻa hono fofongá.

34 Ka ʻo ka ne ka amamata ki heʻene fānaú, ʻa ia ko e ngāue ʻa hoku nimá, ʻi hono lotolotongá, te nau fakatoputapuʻi ʻa hoku hingoá, pea fakatoputapuʻi ʻa e Tokotaha Māʻoniʻoni ʻo Sēkopé, pea manavahē ki he ʻOtua ʻo ʻIsilelí.

35 Ko kinautolu foki naʻe afehalaaki ʻi he ngaahi meʻa fakalaumālié te nau maʻu ʻa e ʻiló, pea ko kinautolu naʻe lāungá te nau bako ʻo ʻilo ʻa e tokāteliné.