1 Im kiiō, lo, ro jeiū im jatū, iaar kōnono n̄an kom̧, āinwōt jetōb eaar kipel eō; kōn menin, ijeļā bwe em̧ool renaaj kūrm̧ool.

2 Im men ko renaaj jeje jān ^abok eo renaaj kanooj ^baorōk n̄an ro nejin armej, im eļaptata n̄an ro ineed, eo ej bwein m̧weo im̧ōn Israel.

3 Bwe enaaj kūrm̧ool ilo raan eo bwe ^akabun̄ ko raar jutak, im jab n̄an Irooj, n̄e juon ej ba n̄an eo juon: Lo, n̄a, n̄aij an Irooj; im ro jet renaaj ba: n̄a, n̄aij an Irooj; im āindein aolep ro raar kajutak kabun̄ ko renaaj ba, im jab n̄an Irooj—

4 Im renaaj aitwerōk ippān doon; im pris ro aer renaaj aitwerōk ippān doon, im renaaj katakin ^ajeļā ko aer, im kaarmejjete Jetōb Kwōjarjar, eo ej letok ekkōnono.

5 Im rej ^akaarmejjete ^bkajoor an Anij, eo Rikwōjarjar in Israel; im rej ba n̄an armej raņ: kom̧in eo̧ron̄ kōm, im kom̧in ron̄jaki katak ko am; bwe lo ^cejjeļo̧k Anij rainin, bwe Irooj im Ripinmuur em̧ōj an kōm̧m̧ane jerbal eo An, im Eaar leļo̧k kajoor eo An n̄an armej;

6 Lo, kom̧in eo̧ron̄ katak ko am; eļan̄n̄e renaaj ba ewōr juon mennin bwilōn̄ kōm̧anm̧an in pein Irooj, jab tōmak e; bwe rainin E ej jab Anij in mennin ^abwilōn̄ ko; em̧ōj An kōm̧m̧ane jerbal eo An.

7 Aaet, im enaaj lōn̄ ro renaaj ba: ^aMōn̄ā, idaak, im lan̄lōn̄, bwe ilju jej mej; im enaaj em̧m̧an n̄an kōj.

8 Im enaaj lōn̄ ro renaaj barāinwōt ba: Kanooj, idaak, im lan̄lōn̄; ijoke, mijak Anij—E naaj ^akōtļo̧k ad kōm̧m̧ane jidik jero̧wiwi; aaet, ^briab jidik, idenoņe nana n̄an juon kōn naan ko an, kūbwij ^cro̧n̄in eo riturum̧; ejjeļo̧k kōmetak ilo men in; im kōm̧m̧ani aolep men kein, bwe ilju jej mej; im n̄e āindein bwe jej bōd, Anij Enaaj den̄ļo̧ke kōj kōn jet den̄den̄, im āliktata jenaaj mour ilo aelōn̄ in Anij.

9 Aaet, im enaaj lōn̄ ro renaaj katakin ilo wāween in, ^akatak ko rebōd im pata im ^brebwebwe, im renaaj kōmmejāje ilo burueer, im naaj kappukot n̄an ņooji pepe ko aer jān Irooj; im jerbal ko aer renaaj ilo marok.

10 Im ^abōtōktōkin ro rekwōjarjar naaj lam̧ōj jān bwidej ņae er.

11 Aaet, raar aolep ilo̧k jān ^aiaļ eo; em̧ōj aer aolep ^bettoon.

12 Kōn ^ajuwa, im kōn rikaki in bōd ro, im katak ko reriab, kabun̄ ko aer raar erom ettoon, im kabun̄ ko aer rej utiej; kōn juwa rej kōmmejāje.

13 Rej ^ako̧o̧te ^brijeram̧ōl kōn jikin kwōjarjar ko aer; rej ko̧o̧te rijeram̧ōl kōn nuknuk ko aer rem̧m̧an; im rej matōrtōre ro ettā burueer im ro rej jeram̧ōl kōn Jetōb, kōn ^cjuwa in burueer rej kōmmejāje.

14 Rej kōņak ^akōnwa ko rekankan im bar ko reutiej; aaet, im kōn juwa in burueer, im nana, im mennin jōjō ko, im juwaļōn̄ļōn̄ ko, raar aolep ^bjebwābwe ijello̧kun wōt jet, ro rej ettā rikaļooran Kraist; mekarta, rein tōl er, bwe ilo elōn̄ wāween ko rej bōd kōnke katakin er katak ko an armej.

15 O ^arimālōtlōt, im rijeļāļo̧kjeņ, im rim̧weie, ro rej kōmmejāje ilo ^bjuwa in burueer; im aolep ro rej katakin katak ko rebōd, im aolep ro rej kōm̧m̧ani jerbal in ļōn̄ ko, im kaankekeik iaļ eo ejim̧we an Irooj, ^cwo, wo, wo n̄an er, Irooj Anij Ekajoor Bōtata ej ba, bwe naaj jolaļļo̧k er n̄an hell!

16 Wo n̄an er ro rej ^aeļļo̧k jān ro rejim̧we n̄an men eo e waan im jab bōk men eo em̧m̧an, im ba bwe ejjeļo̧k aorōkin! Bwe raan eo enaaj itok im Irooj Anij enaaj m̧ōkaj An loļo̧k ro ilaļ; im ilo raan eo renaaj ^bkanooj kalo ilo nana renaaj jako.

17 A lo, eļan̄n̄e ro ilo laļ renaaj ukeļo̧k jān nana im mennin jōjō ko rej jamin jako, Irooj in Inelep eo ej ba.

18 A lo, kabun̄ eo eļap im kajjōjō, ^alio ekijon̄ in aolepān laļ, eaikuj ^bwōtlo̧k n̄an laļ, im wōtlo̧k in enaaj kanooj ļap.

19 Bwe aelōn̄ eo an devil ej aikuj ^awūdiddid, im ro ie rej aikuj em̧m̧akūt n̄an ukeļo̧k, ak ^bdevil enaaj lukwōj er kōn ^ctomede ko an ejjeļo̧k jem̧ļo̧kier, im naaj kōketak er n̄an illu, im jako;

20 Bwe lo, ilo raan eo enaaj ^akajoor ibūruōn ro nejin armej, im kōketak er n̄an illu ņae men eo em̧m̧an.

21 Im ro jet enaaj ^akajokane, im kaalļo̧k er n̄an kōjatdikdik ioon men ko an kanniōk, bwe renaaj ba: Men otemjej ej em̧m̧an ilo Zaion; aaet, Zaion ej jeraam̧m̧anļo̧k, men otemjej em̧m̧an—im āindein ^bdevil enaaj m̧oņe jetōb ko aer, im tōlļo̧k er ilo tiljek n̄an hell.

22 Im lo, ro jet enaaj lo̧n̄iin mejwōnwōne er, im jiron̄ er bwe ^aejjeļo̧k hell; im ej ba n̄an er: Ej jab n̄a devil, bwe ejjeļo̧k juon—im āindein ej unoojdikdik ilo lo̧jiln̄ier, m̧ae iien ej lukwōj er kōn ^btomede ko renana an, jān iien eo ejjeļo̧k lo̧mo̧o̧ren.

23 Aaet, rej lokjak kōn mej, im hell; im mej, im hell, im devil, im aolep ro raar po kōn tomede kein reaikuj jutak im̧aan tūroon an Anij, im ^aekajet ekkar n̄an jerbal ko aer, jān ijin rej aikuj etal n̄an jikin eo kōpooj n̄an er, em̧ool ^breba in kijeek im brimstone, eo ej en̄taan ejjeļo̧k jem̧ļo̧kin.

24 Kōn menin, wo n̄an e eo ej kakkije ilo Zaion!

25 Wo n̄an eo ej lam̧ōj: Men Otemjej em̧m̧an!

26 Aaet, wo n̄an eo ej ^aeo̧ron̄ katak ko an armej, im kariab kajoor in Anij, im mennin letok eo an Jetōb Kwōjarjar!

27 Aaet, wo n̄an eo ej ba: Kōm ar bōk, im kōmij ^ajab bar aikuj!

28 Im ilo tukaduin, wo n̄an aolep ro rej ļōkatip, im rej ^aillu kōn m̧ool an Anij! Bwe lo, eo ej kalōk ioon ^bejm̧aan eo ej bōk e ilo m̧ōņōņō; im eo ej kalōk ioon pedped eo ebokbok ej wūdiddid bwe enaaj wōtlo̧k.

29 Wo n̄an eo enaaj ba: Kōm ar bōk naan in Anij, im kōmij jab bar ^aaikuji ^bnaan in Anij, bwe ebwe ijo ippām!

30 Bwe lo, āindein Irooj Anij ej ba: Inaaj leļo̧k n̄an ro nejin armej lain im bar lain, naan in ^akain̄i im bar naan in kain̄i, ijin jidik im ijjuweo jidik; im em̧ōņōņō ro rej eo̧ron̄ naan in kain̄i ko Aō, im wūjleptok lo̧jiln̄ier n̄an Aō kōkapilōklōk, bwe renaaj jeļā ^bmālōtlōt; bwe n̄an eo ej ^cbōk Inaaj leļo̧k ^deļapļo̧k; im jān er ro renaaj ba, ebwe ippām, jān er naaj bōk em̧ool ijo ewōr ippāer.

31 E lia eo ej likūt an ^akōjatdikdik ilo armej, ak kōm̧m̧an bwe kanniōk en pein, ak naaj eo̧ron̄ katak ko an armej, ijello̧kun wōt n̄e katak ko aer liļo̧k jān kajoor in Jetōb Kwōjarjar.

32 ^aWo n̄an ro riAelōn̄ ko, Irooj Anij in Inelep eo ej ba! Bwe men̄e Inaaj erļo̧keļo̧k Peiū n̄an er jān raan n̄an raan, renaaj kajekdo̧o̧n Eō; mekarta, Inaaj tūriam̧okake er, Irooj Anij ej ba, eļan̄n̄e renaaj ukeļo̧k im itok n̄an Ippa; bwe ^bPeiū ej erļo̧kļo̧k aolepān raan eo, Irooj Anij in Inelep eo ej ba.