1 Epi frè m yo, m te pale avèk nou, jan Lespri a te oblije m fè; se poutèt sa, m konnen yo dwe fèt sètènman.

2 Epi, bagay ki pral ekri nan ^aliv la pral gen anpil ^bvalè pou pitit lèzòm, espesyalman pou desandan nou yo, ki se yon rès nan kay Izrayèl la.

3 Paske, se pral konsa, jou sa a, ^alegliz ki bati, e ki pa pou Senyè a yo, pral di youn avèk lòt: Se mwen ki legliz Senyè a; e lòt yo pral di: Se mwen menm; se konsa tout moun ki bati legliz pral di, men, se p ap legliz Senyè a—

4 Epi, yo pral chirepit, youn avèk lòt; e prèt yo pral fè chirepit youn avèk lòt, yo pral preche avèk ^akonesans pa yo, e yo pral nye Sentespri a, ki bay enspirasyon.

5 Epi, yo ^anye ^bpouvwa Bondye, Sen Izrayèl la; e yo di pèp la: Koute nou, tande pawòl nou; paske ^cpa gen Bondye jodi a, paske Senyè a ak Redanmtè a te fin fè travay li, e li te bay lèzòm pouvwa li a.

6 Gade, koute pawòl mwen; si yo di men Senyè a fè yon ^amirak, pa kwè; paske jodi a li pa yon Bondye ki fè mirak; li fin fè travay li a.

7 Wi, epi gen anpil ki pral di: ^aManje, bwè, epi fè kè nou kontan, paske demen n ap mouri; e tout bagay pral byen pou nou.

8 Epi tou, gen anpil moun ki pral di: Manje, bwè, e fè kè nou kontan; men pè Bondye—li pral ^akite yon ti peche pase; wi, fè yon ti ^bmanti; pran avantaj sou yon moun pou sa li di, pare ^cpèlen pou vwazen nou; pa gen anyen mal nan sa; fè tout bagay sa yo, paske demen nou pral mouri; e si nou antò, Bondye pral ban nou kèk ti kout frèt, e apre sa nou pral sove nan wayòm Bondye a.

9 Wi, e gen anpil moun ki pral ansenye konsa, ^afo ^bdoktrin ki san valè epi ki ensanse, e yo pral fè gwo kòlè nan kè yo, e yo pral chèche kache plan yo pou Senyè a pa konnen; e zèv yo pral fèt nan tenèb.

10 Epi ^asan sen yo pral kriye anba tè a kont yo.

11 Wi, yo tout te ^asòti nan chemen an; yo vin ^bkowonpi.

12 Poutèt ^alògèy, ak poutèt fo enstriktè, ak fo doktrin, legliz yo vin kowonpi, e legliz yo kare zèpòl yo; e yo chaje avèk lògèy.

13 Yo ^adechèpiye ^bpòv yo pou kay adorasyon rafine yo; yo dechèpiye pòv yo pou bèl rad chè yo; e yo pèsekite moun ki dou yo ak moun ki gen kè sansib yo, paske yo chaje avèk ^clògèy.

14 Yo mache avèk kou yo ^arèd, ak tèt yo dwat; wi, e poutèt lògèy yo, ak mechanste yo, ak abominasyon yo, ak libètinaj seksyèl yo, yo tout te ^bpèdi wout la, eksepte kèk ladan yo ki suiv Kris la avèk imilite; se poutèt sa, yo resevwa direksyon ki fè yo pèdi nan anpil fason, paske se enstriksyon lèzòm ki ansèyman yo.

15 O, moun ki ^asaj, moun save, moun rich, ki chaje avèk ^blògèy nan kè yo, e tout moun ki ansenye fo doktrin, e tout moun ki nan libètinaj seksyèl, ki chanje chemen dwat Senyè a, ^cmalè, malè, malè yo, paske Senyè Bondye Toupuisan an di, yo pral desann nan lanfè!

16 Malè moun ki fè ^amoun ki jis pase pou anyen, ki meprize sa ki bon, e ki di li san valè! Paske jou a pral vini rapid pou Senyè Bondye a vizite abitan yo ki sou tè a; e lejou yo ^bantyèman pouri nan inikite, yo pral peri.

17 Men gade, Senyè tout Lame yo di, si abitan yo ki sou tè a repanti nan mechanste ak abominasyon yo, yo p ap detwi.

18 Men gade, gwo legliz abominab la, ^apostitye ki kouvri tout tè a, dwe ^btonbe atè, e l ap tonbe fò.

19 Paske wayòm dyab la dwe ^asouke, e moun ki fè pa ti ladan l yo dwe chèche repantans, san sa, ^bdyab la pral mare yo avèk ^cchenn etènèl li a, li pral pwovoke yo nan kòlè pou yo peri.

20 Paske gade, jou sa a, li pral ^aanraje nan kè pitit lèzòm, e li pral pwovoke yo nan kòlè kont bagay ki bon.

21 Epi gen lòt moun li pral ^afè lapè, pou l andòmi yo nan sekirite chanèl, e yo pral di: Tout bagay byen nan Siyon; wi, Siyon ap pwospere, tout bagay byen—se konsa ^bdyab la pral vòlè nanm yo, pou l mennen yo desann nan lanfè avèk prekosyon.

22 Epi gade, gen lòt moun li pral flate, li pral di yo pa gen ^alanfè; e li di yo: M pa dyab, paske pa gen okenn dyab—se konsa li chichote nan zòrèy yo, jistan l mare yo avèk ^bchenn terib li a, kote pa gen delivrans la.

23 Wi, lanmò ak lanfè sezi yo; e lanmò, ak lanfè, ak dyab la, ak tout moun yo sezi yo dwe kanpe devan twòn Bondye a, pou yo ^ajije daprè zèv yo, pou yo kapab ale nan kote ki te pare pou yo a, menm yon ^blak dife ak souf, ki se yon mizè ki san finisman.

24 Se poutèt sa, malè moun ki alèz nan Siyon!

25 Malè moun k ap rele di: Tout bagay byen!

26 Wi, malè moun ki ^akoute pawòl lèzòm, e ki nye pouvwa Bondye, ak don Sentespri a!

27 Wi, malè yon moun ki di: Nou fin resevwa, nou ^apa bezwen ankò!

28 Epi, alafen, malè pou tout moun ki tranble, e ki ^afache poutèt verite Bondye a! Paske, yon moun ki bati sou ^bwòch la resevwa verite a ak kontantman; men yon moun ki bati sou yon fondasyon sab, tou pè pou l pa tonbe.

29 Malè yon moun ki di: Nou te resevwa pawòl Bondye, e ^anou pa bezwen ^bpawòl Bondye ankò, paske nou gen ase!

30 Paske gade, Senyè Bondye di: M pral bay pitit lèzòm liy apre liy, ^aenstriksyon apre enstriksyon, ti mòso isit, ti mòso lòtbò; epi moun ki koute enstriksyon m ak konsèy mwen yo beni, paske yo pral aprann ^blasajès; paske moun ki ^cresevwa, m pral ba yo ^dplis; men moun ki di, Nou gen ase, m pral pran menm sa yo genyen an.

31 Ralè yon moun ki mete ^akonfyans li nan yon moun, oubyen ki mete konfyans li sou ponyèt li, oubyen ki koute enstriksyon lèzòm, eksepte lè pouvwa Sentespri a ba yo enstriksyon yo.

32 Senyè Bondye tout Lame yo di, ^amalè pou Janti yo! Paske menm si m pral lonje men m ba yo jou apre jou, yo pral nye m; men, m pral gen mizèrikòd pou yo, si yo repanti e si yo vin jwenn mwen; paske ^bponyèt mwen lonje tout lajounen, se sa Senyè Bondye tout Lame yo di.