1 Im kiiō n̄a, Nipai, ij kōm̧m̧ane jem̧ļo̧kin ^akanaan kein aō n̄an kom̧, ro jeiū im jatū rejitōnbōro. Im ij jab maron̄ jeje elōn̄ ak jet wōt men, ko ijeļā ke renaaj kūrm̧ool; im barāinwōt, imaron̄ jeje jet wōt naan ko an ļeo jatū Jekab.

2 Kōn menin, men kein iaar jeje e po buruō kaki, ijello̧kun wōt jet naan ij aikuj kōnono kōn ^akatakin an Kraist; kōn menin, inaaj kōnono n̄an kom̧ ilo alikkar, ekkar n̄an alikkar in aō kanaan.

3 Bwe aō ej lan̄lōn̄ ilo alikkar; bwe ilo wāween in Irooj Anij ej jerbal ilubwiljin ro nejin armej. Bwe Irooj Anij ej letok ^ameram n̄an koļmānļo̧kijeņ; bwe E ej kōnono n̄an armej ekkar n̄an ^bkajin eo aer, n̄an aer meļeļe.

4 Kōn menin, ikōņaan bwe kom̧in aolep keememej bwe iaar kōnono n̄an kom̧ kōn ^arikanaan eo Irooj Eaar kwaļo̧k n̄an eō, eo enaaj peptaiji ^bLamb an Anij, eo E naaj bōkļo̧k jero̧wiwi ko an laļ.

5 Im kiiō, n̄e Lamb an Anij, E ekwōjarjar, Eaikuj kar ^apeptaij kōn dān, n̄an kam̧ool em̧m̧an otemjej, O innām, ewi jon̄an ļapļo̧k in ad aikuj, ro rejjab ekwōjarjar, in peptaij, aaet, em̧ool kōn dān!

6 Im kiiō, ikōņaan kajjitōk ippemi, ro jeiū im jatū rejitōnbōro, ekōjkan Lamb an Anij Eaar kam̧ool em̧m̧an otemjej ilo An peptaij kōn dān?

7 Kom̧ij jab jeļā bwe Eaar rikwōjarjar ke? Ak men̄e E ekwōjarjar, Ej kwaļo̧k n̄an ro nejin armej bwe, ekkar n̄an kanniōk Ej kōttāiki E im̧aan eo Jemān, im kam̧ool n̄an Jemān bwe Enaaj ^apokake E ilo kōjparok kien ko An.

8 Kōn menin, ālikin Eaar peptaij kōn dān Jetōb Kwōjarjar eaar wanlaļļo̧k Ioon E ilo ^anemāmeen juon ^bm̧uļe.

9 Im bar juon alen, men in ej kwaļo̧k n̄an ro nejin armej rānin̄ in iaļ eo, im aidik in ^akōjām eo, ijo rej aikuj deļo̧n̄, āinwōt ke Eaar kwaļo̧k jon̄ok eo im̧aer.

10 Im Ej ba n̄an ro nejin armej: Kom̧in ^aļoor Eō. Kōn menin, ro jeiū im jatū rejitōnbōro, jān maron̄ ke ^bļoor Jisōs eļan̄n̄e jej jab kōņaan kōjparok kien ko an Jemān?

11 Im Jemān ej ba: kom̧in ukeļo̧k, kom̧in ukeļo̧k, im peptaij ilo etan eo Nejū Jitōnbōro.

12 Im barāinwōt, ainikien Nejin ej itok n̄an eō, im ba: E eo ej peptaij ilo Eta, n̄an e Jema enaaj ^aleļo̧k Jetōb Kwōjarjar, āinwōt n̄an Eō; kōn menin, ^bļoor Eō, im kōm̧m̧an men ko kom̧ ar lo Aō kōm̧m̧an.

13 Kōn menin, ro jeiū im jatū rejitōnbōro, ijeļā bwe n̄e kom̧ naaj ļoor Nejin, kōn aolepān m̧wilaļ in buruō, kōn ejjeļo̧k etao im ejjeļo̧k m̧oņ im̧aan Anij, ak kōn bōro em̧ool, ukeļo̧k jān jero̧wiwi ko ami, im kam̧ool n̄an Jemān bwe kom̧ij m̧ōņōņō in bok ioomi etan Kraist, kōn ^apeptaij—aaet, jān ļoor ami Irooj im ami Rilo̧mo̧o̧r laļļo̧k n̄an dān eo, ekkar n̄an An innaan, lo, innām kom̧ naaj bōk Jetōb Kwōjarjar; aaet, innām ej itok ^bpeptaij kōn kijeek im an Jetōb Kwōjarjar; im kom̧ maron̄ kōnono kōn ^clo an enjeļ raņ, im lam̧ōj nebar n̄an eo Rikwōjarjar in Israel.

14 Ak, lo, ro jeiū im jatū rejitōnbōro, āindein ainikien Nejin eaar itok n̄an eō, im ba: ālikin ami kar ukeļo̧k jān jero̧wiwi ko ami, im kam̧ool n̄an Jemān bwe kom̧ m̧ōņōņō in kōjparok kien ko Aō, jān peptaij kōn dān, im kar bōk peptaij kōn kijeek im an Jetōb Kwōjarjar, im maron̄ kōnono kōn juon lo ekāāl, aaet, em̧ool kōn lo an enjeļ raņ, im ālikin men in n̄e kom̧ij ^akaarmejjete Eō, enaaj kar ^bem̧m̧anļo̧k n̄e kom̧ ar jab jeļā n̄a.

15 Im iaar ron̄ juon ainikien jān Jemān, ej ba: Aaet, naan ko an Aō Jitōnbōro rem̧ool im retiljek. E eo ej niknik n̄an jem̧ļo̧kin, ejja in wōt naaj lo̧mo̧o̧ren.

16 Im kiiō, ro jeiū im jatū rejitōnbōro, ijeļā jān men in bwe eļan̄n̄e juon armej ej jamin ^aniknik n̄an jem̧ļo̧kin, ilo ļoor ^bwaanjon̄ok eo an Nejin Anij emour, e jamin bōk lo̧mo̧o̧r.

17 Kōn menin, kōm̧m̧ani men ko iaar jiron̄ kom̧ im iaar loi bwe Irooj im ami Ripinmuur Enaaj kōm̧m̧an; bwe, bwe kōn tokjān in kar kwaļo̧ki n̄an eō, bwe kom̧in jeļā kōjām eo kom̧ij aikuj deļo̧n̄. Bwe kōjām eo kom̧ij aikuj deļo̧n̄ ie ej ukeļo̧k im ^apeptaij kōn dān; innām ej itok ^bjeorļo̧k in jero̧wiwi ko ami kōn kijeek im kōn Jetōb Kwōjarjar.

18 Innām kom̧ij pād ilo ^aiaļ in ^berānin̄ im eaidik eo ej tōlļo̧k n̄an mour indeeo; aaet, em̧ōj ami deļo̧n̄ ilo kōjām eo; kom̧ ar kōm̧m̧an ekkar n̄an kien ko an Jemān im Nejin; im kom̧ ar bōk Jetōb Kwōjarjar, eo ej ^ckam̧ool kōn Jemān im Nejin, im āindein ej kajejjet kallim̧ur ko Eaar kōm̧m̧ani, bwe n̄e kom̧ ar deļo̧n̄ ilo iaļ eo kom̧ij aikuj bōk e.

19 Im kiiō, ro jeiū im jatū rejitōnbōro, ālikin ami pād ilo iaļ in erānin̄ im eaidik, ikōņaan kajjitōk aolep ^aededeļo̧k ke? Lo, ij ba n̄an kom̧, Jab; bwe kom̧ ar jab tōprak tok ijin ijello̧kun wōt n̄e jān naan an Kraist kōn ^btōmak edim ilo E, ^catartar wōt ioon tōllo̧ke ko an Eo ekajoor n̄an lo̧mo̧o̧ren.

20 Kōn menin, kom̧ aikuj ^abun̄ m̧aanļo̧k kōn dim ilo Kraist, kōn juon ^bkōjatdikdik emeram, im juon ^ciakwe n̄an Anij im armej otemjeļo̧k. Kōn menin, n̄e kom̧ naaj bun̄ m̧aanļo̧k, kwōjkwōj ioon naan an Kraist, im ^dniknik n̄an jem̧ļo̧kin, lo, āindein Jemān ej ba: Kom̧ naaj bōk mour indeeo.

21 Im kiiō, lo, ro jeiū im jatū, ^aiaļ eo in; im ^bejjeļo̧k bar juon iaļ ak ^cāt letok ium̧win lan̄ bwe armej ren maron̄ mour ilo aelōn̄ in Anij. Im kiiō, lo, en̄in ej ^dkatak an Kraist, im katak an ^eJemān, im an Nejin, im an Jetōb Kwōjarjar, eo ej ^fjuon Anij, ejjeļo̧k jem̧ļo̧kin. Amen.