1 Ao ngkai, Ngai ae Nibwaai, I a motika au ^ataetae ni burabeti nakoimi, tariu aika kam tangiraki. Ao I aki koroi bwaai aika a mwaiti ma ti ake I ataia bwa a na koro bukiia; ao I aki naba koroi ana taeka tariu ae Iakobwa ma ti tabeua mai buakoia.

2 Ngaia ae e kukurei nanou ni bwaai ake I a tia ni koroi, ma iai riki taeka tabeua ake I kan taekin iaon ana ^areirei Kristo; ngaia ae N na kamataatai au taeka nakoim, n aron ootan au taetae ni burabeti.

3 Bwa e kimwareirei tamneiu n te oota; bwa bon aio aron te Uea ae te Atua ni mwammwakuri i buakoia natia aomata. Bwa e anga te ^aoota te Uea ae te Atua nakon te kaantaninga; bwa e taetae nakoia aomata n aia ^btaetae, ao n aron are a na oota iai.

4 Mangaia ae I tangiria bwa kam na uringnga ae I a tia n taetae nakoimi n taekina te ^aburabeti are e a tia ni kaotia te Uea nakoiu, are e na bwabetitoa Ana ^bTiibu te Teei te Atua, are e na anaa buren te aonaba.

5 Ao ngkai e riai bwa e na ^abwabetitoaki i nanon te ran Ana Tiibu te Teei te Atua, ae tabu, ibukin kakororaoan raoiroi ni kabane, O ngkanne, a na korakora riki riain bwabetitoakira, ngaira aika tiaki tabu, eng, i nanon te ran.

6 Ao ngkai, tariu aika kam tangiraki, N na titiraki nakoimi, e kangaa Ana Tiibu te Teei te Atua ni kakoroi bukin raoiroi ni kabane ni bwabetitoana i nanon te ran?

7 Kam aki ataia ae tabu? E ngae ngke a ataia ae tabu, ao e kaotia nakoia natia aomata, bwa n ana tai ni maiu n rabwata ao e karinanoa imatan te Tama, ao e kakoaua nakon te Tama bwa e na ^aongeaba nakoina ni kaawakin ana tua ni kabane.

8 Mangaia are i mwin bwabetitoakina i nanon te ran ao e ruo nakoina te Tamnei are Raoiroi n ^arabwatana ae te ^btaobe.

9 Ao ikai are e a manga kaotaki riki iai nakoia natia aomata etirurun te kawai, ma warikin te ^amataroa are ti riai n rin iai, n aron te katoto are karaoia imataia.

10 Ao e taku ana taeka nakoia natiia aomata: Kam na ^airirai. Mangaia ae tariu aika kam tangiraki, ti na kan n ^birira Iesu ngkana ti aki tauraoi ni kaawakin ana tua te Tama?

11 Ao e kangai te Tama: rairananom, rairananom, ao bwabetitoaki n aran Natiu ae Tangiraki.

12 Ao e a roko naba bwanaan te Nati nakoiu ae kangai: Ane bwabetitoaki n arau, ao e na ^aanganaki te Tamnei ae Raoiroi iroun te Tama, n arona ngke e anganai; mangaia ae ^birirai, ao karaoi bwaai ake kam a tia n noori bwa I karaoi.

13 Ngaia ae tariu aika kam tangiraki, I ataia bwa ngkana kam katotonga te Nati, ma nanomi ni kabane, n akea te mwaamwana te aba ke ni kewe imatan te Atua, ma te nano ni koaua, n rairinanomi man ami bure, ao ni kakoaua nakon te Tama bwa kam tauraoi ni katoka iaomi aran Kristo, rinanon te ^abwabetito—eng, ngkana kam ira kawain ami Uea ma ami Tia Kamaiu nako nanon te ran, n aron ana taeka, taraia, n te tai anne are e na reke iai iroumi te Tamnei ae Raoiroi; eng, ao e na reke iroumi te ^bbwabetitoaki n te ai ma te Tamnei ae Raoiroi; ao kam na kona n taetae n ^cneweia anera, ao N taekina neboan Atuan Iteraera ae Tabu.

14 Ma taraia tariu aika kam tangiraki, e a tia n roko ana taeka te Nati nakoiu, ni kangai: Ngkana kam tia n rairinanomi man ami bure, ao ni kakoaua nakon te Tama bwa kam a tauraoi ni kaawakin au tua, ni karaoan te bwabetito i nanon te ran, ao n tia ni karekea te bwabetitoaki n te ai ma te Tamnei ae Raoiroi, ao ni kona n taetae n taetae ae boou, eng, ae aia taetae anera, ao i mwiin bwaai aikai kam a manga ^akaakeaai, ao e tamaroa ^briki ngke arona bwa kam aki ataai.

15 Ao I ongo bwanaan te Tama, ae kangai: Eng, a koaua ao a kakaonimaki ana taeka Natiu ae Tangiraki. Te aomata are teimatoa ni karokoa te toki, boni ngaia are e na kamaiuaki.

16 Ao ngkai tariu aika kam tangiraki, I ataia man bwaai aika I a tia n taekin bwa ngkana e aki ^ateimatoa te aomata ni karokoa te toki, n aron te ^bkatoto are e a tia ni karaoia Natin te Atua ae maiu, ao e na aki kamaiuaki.

17 Mangaia ae kam na karaoi bwaai ake I a tia n taekin bwa I nooria bwa e na karaoi ami Uea ma ami Tia Kaboingkami; bwa bon ibukin aio are a tia ni kaotaki iai nakoiu, bwa kam aonga n ataa te mataroa are kam na rin iai. Bwa te mataroa are kam na riai n rin iai bon te rairannano ma te ^abwabetito i nanon te ran; ao i mwina e reke ^bkamaunan ami bure n te ai ao iroun te Tamnei ae Raoiroi.

18 Ao ngkanne kam na nakonako iaon te ^akawai ae ^beti man irariki are e na kairingkami nakon te maiu ae akea tokina; eng, kam a tia n rin rinanon te mataroa; kam a tia ni maiu n aron ana tua te Tama ma te Nati; ao kam a tia ni karekea te Tamnei ae Raoiroi, are e ^ckakokaua ibukin te Tama ao te Nati, are e a kakoroa iai bukin te berita are e a tia n taekinna, ae ngkana ko rin n te mataroa aio ao e na reke iroum.

19 Ao ngkai, tariu aika kam tangiraki, i mwin touan te kawai ae eti man irariki aio, I kan titirakiningkami bwa akea riki te bwai ae kam riai ni ^akaraoia? Taraia, I taekina aio nakoimi, A mwaiti riki; bwa kam na bon aki kona n roko n te mwaneka aio n aki tauan ana taeka Kristo ma te ^bonimaki ae matoatoa irouna, n ^conimakina teuare e tau, are iai mwaakana ni kamaiu, ma te aki nanokokoraki.

20 Ngaia ae kam ^awaaki nako man teimatoa i nanon Kristo, ma te ^bkaantaninga ae tamaroa ma ni kororaoi, ma ^ctangiran te Atua ma aomata ni kabane. Mangaia ae kam na waaki nako, ni kanuaingkami n ana taeka Kristo, ao n ^dteimatoa ni karokoa te toki, ao taraia, e kangai ana taeka te Tama: E na reke iroumi te maiu ae akea tokina.

21 Ao ngkai, taraia tariu aika kam tangiraki, aio te ^akawai ao ^bakea riki te kawai teuana ke te ^cara are e a tia n taekinaki i aan karawa are e na kona ni kamaiuaki iai te aomata i nanon uean te Atua. Ao ngkai, aio ana ^dreirei Kristo, ae ti ngaia ana reirei ni koaua te ^eTama, ma te Nati, ma te Tamnei ae Raoiroi, are te ^fAtua ae ti temanna, ae aki totoki. Amen.