Tusitusiga Paia
2 Nifae 32


Mataupu 32

E tautatala agelu i le mana o le Agaga Paia—E tatau i tagata ona tatalo ma maua le malamalama mo i latou lava mai le Agaga Paia. E tusa o le 559–545 T.L.M.

1 Ma o lenei, faauta, o’u uso pele e, ou te manatu ua outou tau mafaufau ifo i o outou loto e uiga i mea e tatau ona outou faia pe a uma ona outou ulu atu i le ala. Ae, faauta, aisea ua outou tau mafaufau ifo ai i nei mea i o outou loto?

2 Tou te lē manatua ea na ou fai atu ia te outou a uma ona outou amaua o le Agaga Paia o le a mafai ona outou tautatala i le egagana a agelu? Ma o lenei, e faapefea ona mafai ona outou tautatala i le gagana a agelu vagana ai ua ala mai i le Agaga Paia?

3 E tautatala aagelu i le mana o le Agaga Paia; o le mea lea, latou te fetalai mai afioga a Keriso. O le mea lea, na ou fai atu ai ia te outou, ia etaumamafa fiafia i afioga a Keriso; aua faauta, o afioga a Keriso o le a ta’u mai ai ia te outou mea uma e tatau ona outou faia.

4 O le mea lea, o lenei, a uma ona ou tautala atu o nei upu, afai tou te lē malamalama i ai, e pogai ona tou te a ole atu, pe tu’itu’i atu; o le mea lea, ua lē aumaia ai outou i le malamalama, ae o le a outou fano i le pouliuli.

5 Aua faauta, ou te toe fai atu i te outou afai tou te ulu atu i le ala, ma maua le Agaga Paia, o le a faaali mai e ia ia te outou mea uma e tatau ona outou faia.

6 Faauta, o le mataupu faavae lenei a Keriso, ma e lē toe i ai se isi mataupu faavae e tuu mai seia mavae ona ia afaaali mai o ia lava ia te outou i la le tino. Ma pe a ia faaali mai o ia lava ia te outou i la le tino, o mea uma o le a fetalai mai ai o ia ia te outou, ia outou faia.

7 Ma o lenei, o a’u o Nifae, e lē mafai ona ou fai atu ni isi upu; ua taofia e le Agaga lo’u tautala atu, ma tuua ai a’u ou te faanoanoa ona o le a talitonu, ma le amioleaga, ma le valelea, ma le ua maaa o tagata; ona latou te lē fia saili le poto, pe fia malamalama i le poto silisili, e ui ina tuu mai ia te i latou i le emanino, e tusa ma le manino e mafai ona oo i ai se upu.

8 Ma o lenei, o’u uso pele e, ua ou vaai atu o loo outou tau mafaufau pea i o outou loto; ma ou te faanoanoa lava ona o le tatau ona ou tautala atu e uiga i lenei mea. Ona a na tou faalogo i le Agaga ua ia aoaoina le tagata ia atatalo, po ua outou iloa e tatau ona outou tatalo; ona e lē aoaoina e le eagaga leaga se tagata ia tatalo, ae na te aoao atu ia te ia e lē tatau ona tatalo o ia.

9 Ae faauta, ou te fai atu ia te outou e ao ina outou atatalo e lē aunoa, ma ia lē faavaivai; ma ia outou lē faia se mea mo le Alii vagana ai ua muamua ona outou tatalo atu i le Tamā i le esuafa o Keriso, ina ia faapaiaina e ia a outou galuega mo outou, ina ia mafai ona avea a outou galuega mo le imanuia o o outou agaga.