Ai Karua ni iVola i Nifai

2 Nifai 

A itukutuku ni mate i Liai. Eratou sa vorati Nifai na tuakana. Sa vakasalataki Nifai na Turaga me lako yani ki na loma ni lekutu. Na nona ilakolako ena loma ni lekutu kei na veika tale e so.
Wase 1

Sa parofisaitaka ko Liai e dua na vanua ni bula galala—Era na veiseyaki ka yaviti na nona kawa kevaka era na cata na Yalo Savasava ni Isireli—Sa vakauqeti iratou na luvena me ratou tokara na iyaragi ni ivalavala dodonu. Rauta na 588–570 B.K.

Wase 2

Sa rawa na veivueti mai vua na Mesaia Tabu—Na galala ni digidigi e gadrevi ki na bula kei na toso ki liu—Sa lutu ko Atama me sucu na tamata—Sa galala na tamata me digitaka na bula galala kei na bula tawamudu. Rauta na 588–570 B.K.

Wase 3

Sa raici ira na Nifaiti ena raivotu ko Josefa mai Ijipita—Sa parofisaitaki Josefa Simici na daurairai ena gauna oqo; kei Mosese, o koya ena qai sereki Isireli; kei na kena yaco mai na iVola i Momani. Rauta na 588–570 B.K.

Wase 4

Sa vakasalataki ira ka vakalougatataki ira na nona kawa ko Liai—Sa mate ko koya ka bulu—Sa vakalagilagia ko Nifai na vinaka ni Kalou—Sa biuta ko Nifai na nona vakanuinui vua na Turaga me sega ni mudu. Rauta na 588–570 B.K.

Wase 5

Era sa tawasei ira tani mai vei ira na Leimanaiti ko ira na Nifaiti, era sa muria na lawa i Mosese, ka tara e dua na valetabu—Ena vuku ni nodra tawavakabauta era sa muduki tani mai na iserau ni Turaga ko ira na Leimanaiti, era sa cudruvi, ka ra sa vu ni veivakararawataki vei ira na Nifaiti. Rauta na 588–559 B.K.

Wase 6

Sa vakamacalataka ko Jekope na kedra itukutuku makawa na Jiu: Na tiko vakavesu mai Papiloni kei na lesu tale; na veiqaravi kei na nona vakamatei ena kauveilatai na Yalo Savasava ni Isireli; na veivuke mai vei ira na Kai Matanitu Tani; kei na nodra vakalesui tale na Jiu ena siga mai muri ni ra sa vakabauta na Mesaia. Rauta na 559–545 B.K.

Wase 7

E tomana o Jekope nona wiliwili mai na Aisea: Sa vosa vaka na Mesaia ko Aisea—Ena tiko vua na Mesaia na yame ni vuku—Ena solia na Dakuna vei ira na dau veivakanakuitataki—Ena sega ni vakalialiai ko koya—Vakatautauvatataka kei na Aisea 50. Rauta na 559–545 B.K.

Wase 8

E tomana o Jekope nona wiliwili mai na Aisea: Ena vakacegui Saioni ena veisiga mai muri na Turaga ka vakasoqoni Isireli—Era na lako mai ki Saioni ko ira na sa vueti ena marau levu—Vakatautauvatataka na Aisea 51 kei 52:1–2. Rauta na 559–545 B.K.

Wase 9

E vakamacalataka o Jekope ni ra na vakasoqoni vata na Jiu ena nodra veivanua yalataki kece—Na Veisorovaki sa sereki ira na tamata mai na Lutu—Na yagodra na mate era na tucake mai na ibulubulu, kei na yalodra mai eli kei parataisi—Era na qai lewai—Na veisorovaki ena veivakabulai mai na mate, eli, na tevoro, kei na veivakararawataki tawacava—Ko ira na yalododonu era na vakabulai ena matanitu ni Kalou—Sa tukuni na itotogi ni valavala ca—Na Yalo Savasava ni Isireli sa ivakatawa ni matamata. Rauta na 559–545 B.K.

Wase 10

E vakamacalataka o Jekope ni ra na vakota na nodra Kalou ki na kauveilatai ko ira na Jiu—Era na veiseyaki me yacova na gauna era na vakabauti Koya kina—Ena vanua ni bula galala ko Amerika ka na sega ni dua na tui e veiliutaki kina—Mo ni vakaduavatataki kemuni ki vua na Kalou ka rawata na nomuni vakabulai ena vuku ni Nona loloma soli wale. Rauta na 559–545 B.K.

Wase 11

E a raica ko Jekope na nona Dauveivueti—Sa vakatakilakilataki Karisito na lawa i Mosese ka vakadinadinataka ni na lako mai ko Koya. Rauta na 559–545 B.K.

Wase 12

Sa raica ko Aisea na valetabu ena siga mai muri, na vakasoqoni vata nei Isireli, kei na veilewai kei na veisaututaki me duanaudolu na yabaki—Era na vakalolovirataki ko ira na dokadoka kei ira na dau caka ca ena ikarua ni Lako Mai—Vakatautauvatataka na Aisea 2. Rauta na 559–545 B.K.

Wase 13

Erau na totogitaki ko Juta kei Jerusalemi ena vuku ni nodrau talaidredre—Sa vakamamasu ena vukudra ka lewai ira na Nona tamata na Turaga—Era sa cudruvi ka vakararawataki na gone yalewa ni Saioni ena vuku ni nodra vakavuravura—Vakatautauvatataka na Aisea 3. Rauta na 559–545 B.K.

Wase 14

Ena vueti ka vakasavasavataki ko Saioni kei ira na luvena yalewa ena gauna ni dua na udolu na yabaki—Vakatautauvatataka na Aisea 4. Rauta na 559–545 B.K.

Wase 15

Ena lala tu na nona were ni vaini na Turaga (ko Isireli), ka ra na veiseyaki na Nona tamata—Ena yaco vei ira na rarawa ena itutu ni lutu tani kei na veiseyaki era tu kina—Ena laveta na Turaga e dua na drotini ka vakasoqoni ira na Isireli—Vakatautauvatataka na Aisea 5. Rauta na 559–545 B.K.

Wase 16

Sa raica na Turaga ko Aisea—Sa vosoti na ivalavala ca nei Aisea—Sa kacivi ko koya me dau parofisai—Sa parofisaitaka ko koya na nodra beca na Jiu na ivakavuvuli i Karisito—Era na lesu tale e so na kena ivovo—Vakatautauvatataka na Aisea 6. Rauta na 559–545 B.K.

Wase 17

Erau sa vakacibi ivalu vei Juta ko Ifireimi kei Siria—Ena sucu mai vua e dua na goneyalewa savasava na Karisito—Vakatautauvatataka na Aisea 7. Rauta na 559–545 B.K.

Wase 18

Ena vatu ni veivakatarabetaki kei na vatu ni veivakacudrui ko Karisito—Mo vakasaqara na Turaga, ka sega na dau vakasausa—Vuki ki na lawa kei na ivakadinadina mo dusimaki kina—Vakatautauvatataka na Aisea 8. Rauta na 559–545 B.K.

Wase 19

Sa vosa ko Aisea me vaka na Mesaia—Era na raica na rarama levu ko ira na tamata era tu ena butobuto—Ena sucu vei keda e dua na gone—Ko koya ena Ravouvou ni Sautu ka na veiliutaki ena itikotiko vakatui nei Tevita—Vakatautauvatataka na Aisea 9. Rauta na 559–545 B.K.

Wase 20

Na vakarusai nei Asiria sa ivakaraitaki ni nodra vakarusai na daucaka ca ena iKarua Ni Lako Mai—Ena lewe lailai ga na tamata ena vo tiko ena nona lako tale mai na Turaga—Era na lesu mai ena siga ko ya na ivovo nei Jekope—Vakatautauvatataka na Aisea 10. Rauta na 559–545 B.K.

Wase 21

Ena vakatulewa vakadodonu na toloi Jese (Karisito)—Ena roboti vuravura na kilai ni Kalou ena Mileniumi—Ena vakarewataka na Turaga e dua na drotini ka vakasoqoni Isireli—Vakatautauvatataka na Aisea 11. Rauta na 559–545 B.K.

Wase 22

Ena siga ni dua na udolu na yabaki, era na vakacaucautaka na Turaga na tamata kecega—Ena tiko ena kedra maliwa ko Koya—Vakatautauvatataka na Aisea 12. Rauta na 559–545 B.K.

Wase 23

Na vakarusai nei Papiloni sa ivakaraitaki ni veivakarusai ena iKarua ni Lako Mai—E sa na dua na siga ni veicudruvi kei na veitotogitaki—Ena bale me sega ni mudu ko Papiloni (na vuravura)—Vakatautauvatataka na Aisea 13. Rauta na 559–545 B.K.

Wase 24

Ena vakasoqoni vata ko Isireli, ka na marautaka na gauna ni vakacegu yabaki e udolu—A cemuri tani mai lomalagi ko Lusefa ena nona veisaqasaqa—Ena qaqa ko Isireli vei Papiloni (na vuravura)—Vakatautauvatataka na Aisea 14. Rauta na 559–545 B.K.

Wase 25

Sa dau talei vei Nifai na veika matata—Ena qai kilai ena veisiga e muri na veika e parofisaitaka ko Aisea—Era na lesu mai Papiloni ko ira na Jiu, era na vakota na Mesaia ki na kauveilatai, era na qai veiseyaki ka vakanakuitataki—Era na qai vakalesui tale mai ni ra sa vakabauti koya na Mesaia—Ena qai lako mai ko koya ena matai ni gauna, ni oti e ono na drau na yabaki ena nona biuti Jerusalemi mai ko Liai—Era sa muria na lawa i Mosese ka vakabauti Karisito ko koya na Yalo Savasava ni Isireli ko ira na Nifaiti. Rauta na 559–545 B.K.

Wase 26

Ena vakavuvuli vei ira na Nifaiti na Karisito—Sa raica ko Nifai na nodra vakarusai na nona tamata—Era na vosa mai ena kuvu ni soso—Era na tara cake na vei lotu lasulasu kei na vei isoqosoqo vuni ko ira na kai Veimatanitu tani—Sa vakatabui ira na tamata na Turaga mera vakaitavi ena cakacaka ni bete vakailasu. Rauta na 559–545 B.K.

Wase 27

Ena roboti vuravura ena veisiga mai muri na butobuto kei na vuki tani mai na lotu—Ena lako mai na iVola i Momani—Eratou na vakadinadinataka na ivola e lewe tolu na ivakadinadina—Ena kaya na tamata kilaka ni sega ni wilika rawa na ivola dregati—Ena vakayacora na Turaga e dua na cakacaka talei ka veivakurabuitaki—Vakatautauvatataka na Aisea 29. Rauta na 559–545 B.K.

Wase 28

Ena levu na lotu vakailasu ena vakaduri cake ena veisiga mai muri—Era na vakatavuvulitaka na ivakavuvuli vakailasu, tawayaga, ka lialia—Ena levu na vuki tani ena vuku ni ivakavuvuli vakailasu—Ena cakacaka vakaukauwa na tevoro ena lomadra na tamata—Ena vakatavuvulitaka ko koya na veivakavuvuli lasu kece sara. Rauta na 559–545 B.K.

Wase 29

Era na cata na iVola i Momani e lewe levu na kai Veimatanitu Tani—Era na kaya, Keimami sega ni gadreva e dua tale Na iVolatabu—Sa vosa na Turaga ki na veimatanitu e vuqa—Ena lewai ira na kai vuravura ko koya mai na ivola era na volai. Rauta na 559–545 B.K.

Wase 30

Era na wiliki vata kei ira na tamata ni veiyalayalati ko ira na kai Veimatanitu tani era sa saumaki—Ena lewe levu vei ira na Leimanaiti kei na Jiu era na qai vakabauta na vosa ka na yaco mera taleitaki—Ena vakalesui mai ko Isireli ka ra na vakarusai na ivalavala ca. Rauta na 559–545 B.K.

Wase 31

Sa tukuna ko Nifai na vuna e a papitaisotaki kina na Karisito—Me na muri Karisito na tamata, me papitaiso, ciqoma na Yalo Tabu, ka vosota me yacova na ivakataotioti ena qai vakabulai—Sa matamata ki na sala sa qiqo ka rabailailai na veivutuni kei na papitaiso—Na Bula Tawamudu ena yaco vei ira era muria na ivakaro ni oti na papitaiso. Rauta na 559–545 B.K.

Wase 32

Era vosa na agilosi mai na kaukauwa ni Yalo Tabu—Me daumasu na tamata ka me rawata kina na kilaka mai vua na Yalo Tabu. Rauta na 559–545 B.K.

Wase 33

Era sa dina na vosa i Nifai—Era sa vakadinadinataki Karisito—Ko ira era vakabauta na Karisito era na vakabauta na vosa i Nifai, ka na tu me ivakadinadina ena idabedabe ni veilewai. Rauta na 559–545 B.K.