Wase 10
Sa vakanomodi na vanua me vuqa na auwa—Sa yalataka na domoi Karisito ni na vakasoqoni ira vata na Nona tamata me vaka sa vakasoqoni ira vata na luvena na tina ni toa—Era sa maroroi na iwase ni tamata ivalavala dodonu cake. Rauta na 34–35 S.K.
1 Ka raica oqo, a sa yaco ni ra sa rogoca ka vakadinadinataka na vosa oqo ko ira kecega na tamata ena vanua taucoko. Ia ni sa mudu na vosa oqo, sa vakanomodi tu na vanua ena vica vata na auwa;
2 A ra sa kurabui vakalevu na tamata ka sa mudu kina na nodra qoqolou ka tagicaka na nodra sa yali na wekadra era sa vakamatei; o koya oqo sa vakanomodi tu kina na vanua taucoko me vica vata na auwa.
3 Ka sa yaco ni sa rogo tale e dua na domo vei ira na tamata, ka ra sa rogoca ko ira kecega, ka ra sa vakadinadinataka, a sa kaya:
4 Oi kemuni na tamata ena aveikoro lelevu ka ra sa bale oqo, ko ni sa kawa i Jekope, io, koi kemuni na mataqali i Isireli, au a nanuma vakavica me’u vakasoqoni kemuni vata ka maroroi kemuni me vaka na toa yalewa sa vakasoqoni ira na luvena e ruku ni tabana, ka bkaroni kemuni.
5 Me vakadua tale, au sa nanuma avakavica me’u vakasoqoni kemuni vata me vaka na toa yalewa sa vakasoqoni ira na luvena e ruku ni tabana, io, oi kemuni na lewe ni mataqali i Isireli, koi kemuni na sa bale mate; Isa oi kemuni na lewe ni mataqali Isireli, koi kemuni sa tiko mai Jerusalemi, me vaka ni ko ni sa bale; io, au sa nanuma vakavica me’u vakasoqoni kemuni vata me vaka na toa yalewa sa vakasoqoni ira na luvena e ruku ni tabana, ia ko ni a sega ni vinakata.
6 Oi kemuni na mataqali i Isireli ka’u a avakavoca, au sa nanuma vakavica me’u vakasoqoni kemuni vata me vaka na toa yalewa sa vakasoqoni ira na luvena e ruku ni tabana, kevaka ko ni sa veivutuni ka blesu mai vei au ena clomamuni taucoko.
7 Ia kevaka e sega, oi kemuni na mataqali i Isireli, ena vakalalai na nomuni itikotiko me yacova na gauna sa vakayacori kina na aveiyalayalati vei ira na nomuni qase.
8 Ia oqo a sa yaco ni ra sa rogoca na tamata na vosa oqo, raica, sa tekivu me ra qoqolou tale ka tagicaki ira na wekadra kei na nodra itokani era sa yali yani.
9 Ka sa yaco ni sa oti yani vakaoqo e tolu na siga. Ia ni sa mataka na vanua, sa seyavu tani na abutobuto mai na delai vuravura ka sa mudu na sakure ni vanua, sa mudu tale ga na kakavidavida ni veivatu, ka sa mudu mai na qoqolou ni vutugu, ka sa takali yani na mamaue rogolevu kecega.
10 Ka sa cokocokovata tale na veitiki ni vanua, ka yaco me tudei tale na vuravura; ka sa mudu na tagi, kei na veitagicaki, kei na domo ni nodra qoqolou na tamata ka ra sa vakabulai; ka sa vuki na nodra tagi me reki, ka vuki na nodra lele me vakacaucau kei na vakavinavinaka vua na Turaga ko Jisu Karisito na nodra Dauveivueti.
11 Me yacova mai oqo, sa avakayacori kina na ivolanikalou era a tukuna mai na parofita.
12 Ka ra sa vakabulai ga na aiwase ni tamata yalododonu cake, ka sai ira era a ciqomi ira na parofita ka sega ni vakaviriki ira ena vatu; o ira ka sega ni vakadavea na nodra dra na yalododonu, era a vakabulai—
13 Ka ra vakavotaki ka sega ni luvu ka tilomi ira na qele; se lutu dromu ena wasaliwa titobu; era sa sega ni kama ena bukawaqa, ka sega na ka e lutuki ira me ra dasila ka mate kina; a sega ni vukataki ira na covulaca; ka sega tale ga ni rawai ira na cawa ni kubou kei na butobuto.
14 Ia oqo, ko koya yadua sa wilika me kila sara; kei koya sa tu vua na ivolanikalou me avakasaqaqara kina, ka raica kevaka era a sega ni a sa tukuna oti tu na parofita tabu na veivakarusai oqo ena bukawaqa, kei na kubou, kei na cagilaba, kei na covulaca, kei na bkavida ni qele, me tilomi ira na ka kece oqo, me vakayacori kina na veiparofisai oqori.
15 Raica au sa kaya vei kemuni, Io, era sa lewevuqa era a sa vakadinadinataka ni na yaco na veika oqo ni na lako mai na Karisito, ia era a avakamatei ni ra sa vakadinadinataka na veika oqo.
16 Io, e a vakadinadinataka na veika oqo na parofita ko aSinosi, ka a vosa tale ga ko Sinoki me baleta na veika oqo, baleta ni rau a vakadinadinataka na veika sara ga e baleti keda, ni da sa ivovo ni nodrau kawa.
17 Raica, e a vakadinadinataka tale ga na noda qase ko Jekope me baleta e dua na aivovo ni kawa i Josefa. Ka raica eda sa sega li ni dua na ivovo ni kawa i Josefa koi keda oqo? Ia sa sega li ni volai tu na veika oqo ka vakadinadinataki keda, era sa sega beka ni volai tu ena peleti parasa ka a kauta mai Jerusalemi na tamada ko Liai?
18 Ka sa yaco ni sa mai cava na i ka tolusagavulu kava ni yabaki, raica, au na vakaraitaka mada vei kemuni ni a vakaraitaki e vuqa na veika talei vei ira na tamata i Nifai era a vakavotaki, kei ira tale ga era sa vakatokai me ra Leimanaiti, era a vakavotaki, ka sa sovaraki e uludra na veivakalougatataki lelevu ka cecere, ka yaco sara me a vakatakilai koya vakaidina vei ira ni oti ga na nona alako ki lomalagi ko Karisito—
19 A sa arairai vakayago vei ira ka veiqaravi vei ira; ia ena qai soli malua yani na itukutuku ni nona cakacaka. O koya oqo au sa tinia mada eke na noqu vosa.