Nifae ToluO Le Tusi a Nifae O Le Atalii o Nifae, O Le Atalii ia o Helamana

Na faaali mai e Iesu Keriso o ia lava i le nuu o Nifae, ao faapotopoto faatasi le motu o tagata i le laueleele o Nuumau, ma sa ia auauna atu ia te i latou; ma sa faapenei ona ia faaali mai o ia lava ia te i latou.

Mataupu 11

Ua molimau le Tamā i lona Alo Pele—Ua afio mai Keriso ma tautino mai lana togiola—Ua pai atu tagata i manua i ona lima, ma vae, ma lona itu—Ua latou alalaga, Osana—Ua ia faatuina le ala ma le faiga o le papatisoga—O le agaga o le finau e mai le tiapolo—O le mataupu a Keriso o le tatau lea i tagata ona salamo ma papatiso ma talia le Agaga Paia. E tusa o le 34 T.A.

 Ma o lenei sa oo ina sa i ai se motu tele o tagata, o le nuu o Nifae, sa faapotopoto faatasi faataamilo i le malumalu lea sa i le laueleele o Nuumau; ma sa latou maofa ma taufaiofo o le tasi i le isi, ma faaali atu e le tasi i le isi suiga atetele ma ofoofogia ia ua oo mai.

 Ma sa latou fetautalatalaai foi e uiga i lenei Iesu Keriso, o le na faatatau i ai le afaailoga na tuuina mai e uiga i lona maliu.

 Ma sa oo ina ao faapea ona latou fetautalatalaai o le tasi i le isi, sa latou faalogoina se aleo e peiseai ua sau mai le lagi; ma sa latou fevaavaaiai solo, ona sa latou le malamalama i le leo lea sa latou faalogoina; ma sa le o se leo saua, pe o se leo sa leotele, e ui i lea, ma e ui lava o se leo eitiiti ae sa ati i le totonugalemu o i latou o e na faalogo i ai, sa oo ina leai se vaega o o latou tino sa lei gatete ai; ioe, sa ati lava i o latou agaga, ma sa mu ai o latou loto.

 Ma sa oo ina latou toe faalogoina le leo, ma sa latou le malamalama i ai.

 Ma sa latou toe faalogoina le leo i le taimi lona tolu, ma sa latou tatala atu o latou taliga e faalogo i ai; ma sa faasasaga atu latou mata i le mea na sau ai lea leo; ma sa latou tetepa taulai faasasaga atu i le lagi, i le mea na sau ai le leo.

 Ma faauta, o le taimi lona tolu na latou malamalama ai i le leo lea na latou faalogoina; ma sa fetalai mai ia te i latou:

 Faauta i lou aAtalii Pele, eo le ua ou fiafia lava i ai, o le ua ou faamamaluina ai lou igoa—ia outou faalogo ia te ia.

 Ma sa oo ina ua latou malamalama sa latou toe tetepa ae o latou mata faasaga i le lagi; ma faauta, sa latou avaaia se Tagata ua afio ifo mai le lagi; ma sa laei o ia i se ofutalaloa paepae; ma sa afio ifo o ia ma tu i le totonugalemu o i latou; ma sa fuli atu mata o le motu atoa o tagata ia te ia, ma sa latou fefefe e tatala o latou gutu, e oo lava o le tasi i le isi, ma sa latou le iloa le uiga o lenei mea, ona sa latou manatu o se agelu lea ua faaali mai ia te i latou.

 Ma sa oo ina ia faaloaloa mai lona aao ma fetalai mai i tagata, ua faapea mai:

 10 Faauta, o Au o Iesu Keriso, o le na molimau i ai perofeta o le a sau i le lalolagi.

 11 Ma faauta, o Au o le amalamalama ma le ola o le lalolagi; ma ua ou inu i lena eipu oona lea na tuuina mai e le Tamā ia te au, ma ua ou faamamaluina le Tamā i lou iaveina i ou luga o agasala a le lalolagi, o se mea na ou tuu atu ai i le ofinagalo o le Tamā i mea uma mai le amataga.

 12 Ma sa oo ina ua uma ona fetalai mai e Iesu o ia upu sa pauu le motu atoa o tagata i le eleele; ona ua latou manatua sa avaloia mai ia te i latou o le a faaalimai e Keriso o ia lava ia te i latou pe a mavae lona afio ae i le lagi.

 13 Ma sa oo ina fetalai mai le Alii ia te i latou ua faapea mai:

 14 Tutulaia ma o mai ia te au, ina ia outou atuu mai o outou lima i lou itu, ma ina ia outou etagotago foi i tulaga o fao o i ou lima ma ou vae, ina ia outou iloa ai o Au o le iAtua o Isaraelu, ma le Atua o le olalolagi uma, ma sa fasiotia mo agasala a le lalolagi.

 15 Ma sa oo ina o atu le motu o tagata i luma, ma tuu atu o latou lima i lona itu, ma latou tagotago i tulaga o fao i ona lima ma ona vae; ma sa latou faia lenei mea, i le o atu i luma taitoatasi seia oo ina latou o atu uma, ma vaai i o latou mata ma tago atu i ai o latou lima, ma latou iloa mautinoa ai ma molimau ai, o aia lava lea, o le na tusi i ai perofeta, o le a afio mai.

 16 Ma ina ua uma ona latou o atu uma ma molimau mo i latou lava, sa latou alalaga faatasi, ua fai mai:

 17 Osana! Ia faamanuina lava le suafa o le Atua Silisili Ese! Ma sa latou faapauu i lalo i vae o Iesu, ma atapuai atu ia te ia.

 18 Ma sa oo ina fetalai mai o ia ia aNifae (ona sa i ai Nifae i totonu o le motu o tagata) ma ia poloai mai ia te ia ia alu atu o ia i luma.

 19 Ma sa tulai Nifae ma alu atu i luma, ma ifo atu o ia lava i luma o le Alii ma sogi atu i ona vae.

 20 Ma sa poloai mai le Alii ia te ia ia tulai. Ma sa tulai o ia ma ua tu i ona luma.

 21 Ma sa fetalai mai le Alii ia te ia: Ou te tuu atu ia te oe le amana e te epapatiso ai nei tagata pe a ou toe alu ae i le lagi.

 22 Ma sa toe valaauina aisi e le Alii, ma faapea foi ona ia fetalai atu ia te i latou; ma sa ia tuu atu ia te i latou le mana e papatiso atu ai. Ma sa ia fetalai atu ia te i latou: O le ala lenei ia outou papatiso atu ai; ma o le a eleai ai ni finauga i totonu ia te outou.

 23 E moni ou te fai atu ia te outou, soo se tasi e salamo i ana agasala e ala i a outou aupu, ma emananao e papatiso i lou igoa, o le ala lenei ia outou papatisoina ai i latou—Faauta, ia outou o ifo i lalo ma itutu i totonu o le vai, ma i lou igoa ia outou papatisoina ai i latou.

 24 Ma o lenei faauta, o upu nei ia outou faia, ma tau i latou i o latou igoa, ma fai atu:

 25 Ona ua tuuina mai ia te au le apule e Iesu Keriso, ou te papatiso ia te oe i le suafa o le eTamā, ma le Alo, ma le Agaga Paia. Amene.

 26 Ma ona outou afaatofu lea o i latou i totonu o le vai, ma toe aumai i fafo o le vai.

 27 Ma o le ala lenei ia outou papatiso atu ai i lou igoa; aua faauta, e moni ou te fai atu ia te outou, o le Tamā, ma le Alo, ma le Agaga Paia ua atasi; ma o au ua i totonu o le Tamā, ma o le Tamā ua i totonu o au, ma o le Tamā ma au ua tasi.

 28 Ma ia faapea lava ona outou papatiso atu e pei ona ou poloaiina ai outou. Ma ia aua nei i ai ni afinauga i totonu ia te outou, e pei ona sa i ai e oo mai i le taimi nei; pe i ai foi ni finauga i totonu ia te outou e uiga i matautu o lau mataupu, e pei ona sa i ai e oo mai i le taimi nei.

 29 Aua e moni, e moni ou te fai atu ia te outou, o le e i ai le agaga o le afinauga ua le mai ia te au o ia, ae ua mai le etiapolo ia, o le o le tamā o le finauga, ma ua faaoso e ia loto o tagata ia fefinauai ma le ita, o le tasi i le isi.

 30 Faauta, e le o lau mataupu lea, le faaoso o loto o tagata i le ita, o le tasi e faasaga i le isi; ae o lau mataupu lenei, ia aveesea mea faapena.

 31 Faauta, e moni, e moni, ou te fai atu ia te outou, o le a ou tau atu ia te outou lau amataupu.

 32 Ma o lau amataupu lenei, ma o le mataupu lea na tuu mai e le Tamā ia te au; ma ou te emolimau atu e uiga i le Tamā, ma e molimau mai le Tamā e uiga ia te au, ma o le iAgaga Paia e molimau e uiga i le Tamā ma au; ma ou te molimau atu ua poloaiina e le Tamā tagata uma, i soo se mea o i ai, ia salamo ma talitonu mai ia te au.

 33 Ma o soo se tasi e talitonu mai ia te au, ma apapatisoina, o ia lava lea o le a efaaolaina; ma o i latou ia o i latou o e o le a imautofi i le malo o le Atua.

 34 Ma o soo se tasi e le talitonu mai ia te au, ma le papatisoina, o le a faasalaina.

 35 E moni, e moni, ou te fai atu ia te outou, o lau mataupu lenei, ma ou te molimau atu ua mai le Tamā; ma o soo se tasi e atalitonu mai ia te au ua talitonu foi i le Tamā; ma o ia o le a molimau i ai le Tamā e uiga ia te au, ona o le a asiasi mai o ia ia te ia ei le afi ma le iAgaga Paia.

 36 Ma o le a faapea ona molimau mai o le Tamā e uiga ia te au, ma o le Agaga Paia o le a molimau mai ia te ia e uiga i le Tamā ma au; aua o le Tamā, ma au, ma le Agaga Paia ua tasi.

 37 Ma ou te toe fai atu ia te outou, e ao ina outou salamo, ma aavea e pei o se tamaitiiti, ma papatiso i lou igoa, a leai e le mafai lava i se ala ona outou maua o nei mea.

 38 Ma ou te toe fai atu ia te outou, e ao ina outou salamo, ma papatiso i lou igoa, ma avea e pei o se tamaitiiti, a leai e le mafai lava i se ala ona outou mautofi i le malo o le Atua.

 39 E moni, e moni, ou te fai atu ia te outou, o lau mataupu lenei, ma o soo se tasi e aatiae i luga o lenei mataupu ua atiae i luga o lau papa, ma o le a le manumalo efaitotoa o seoli e faasaga ia te i latou.

 40 Ma o soo se tasi na te talai atu se mea e sili atu pe itiiti nai lo lenei, ma faatu e faapea o lau mataupu lea, o ia lava lea ua sau mai i le leaga, ma ua le atiae i luga o lau papa; ae ua atiae i luga o se faavae aoneone, ma o le a tutu matatala mai faitotoa o seoli e tali i latou faapea pe a oo mai lologa ma pesi mai matagi i luga o i latou.

 41 O lea, ia outou o atu i lenei nuu, ma talai atu upu ua ou tautala atu ai, e oo atu i tuluiga o le lalolagi.