1 Ao ngkai e a koro bukina bwa e a ikotaki te uanao n aomata ae korakora, ake ana botanaomata Nibwaai, n taabo ake a uakaan ma te tembora n te Aba ni Mari; ao a bon miimi ma ni kubanako i marenaia, ao a kaoti i marenaia te bitaki ae ^akorakora ma ni kamiimi are e a tia n riki.

2 Ao a bon maroroakina naba taekan Iesu Kristo aio, are a tia n anganaki ^akanikinaean matena.

3 Ao e koro bukina bwa ngke a tabe ni marooro imarenaia, ao a ongo te ^abwanaa ae kanga e roko mai karawa; ao a taratara nako, bwa aki oota n te bwanaa are a ongo; ao bon tiaki te bwanaa ae matoatoa, ma e ngae n anne, ao e ngae ngke bon te bwanaa ae ^buarereke e bon ninianako nanoia ake a bon ongo, n te aro are bon akea mwakoron rabwataia ae e aki ruru; eng, e bon niniia nako kabin nanoia, ma ni kabuea nanoia.

4 Ao e koro bukina bwa a manga ongo riki te bwanaa, ao a bon aki oota iai.

5 Ao a manga ongo riki te bwanaa te katentai, ao a kauki taningaia bwa a na ongo; ao mataia e taraa te tabo are e roko mai iai te karongoa; ao a taraa karawa n aki kakamwakuri, ma te tabo are e roko mai iai te karongoa.

6 Ao nooria, a bon oota n te bwanaa te katentai are a ongo iai; ao e taku nakoia:

7 Nooria ^aNatiu ae Moan te Tangiraki, ^bare I kakatonga irouna, are e a tia ni mimitong arau irouna—kam na ongo irouna.

8 Ao e koro bukina bwa, ngke a oota ao a taratara nako riki nako karawa; ao nooria, a ^anoora te Aomata bwa e ruo mai karawa; ao e kunnikaina n te kunnikai ae mainaina; ao e ruo ma n tei i buakoia; ao mataia aomata ake a uanao akekei a bon bane n taraia, ao a bane ni kainabwaabu, i marenaia, ao a bon aki ataa nanona, bwa a taku bwa te anera are e kaoti nakoia.

9 Ao e a koro bukina bwa e arora baina man taetae nakoia aomata, ni kangai:

10 Nooria, bon Iesu Kristo Ngai, are a kakoaua ibukina burabeti bwa e na roko nakon te aonaba.

11 Ao nooria, Ngai te ^aoota ao maiun te aonaba; ao I a tia ni mooi n te ^bmwangko ae mao are e a tia n anganai te Tama, ao e a tia ni mimitong te Tama irou ngke I ^ckatokaa i aou buren aonaba, are I a tia ni kainnano iai ibukin ^dnanon Tamau ni bwaai ni kabane mai i moana.

12 Ao e a koro bukina bwa ngke e a tia Iesu n taekin taeka aikai ao a bane aomata ake a uanao akekei ni bwaka nako aontano; bwa a uringnga bwa e a bon tia n ^ataetae ni burabetiaki i buakoia bwa e na kaoti Kristo i buakoia i mwin riarakena nako karawa.

13 Ao e a koro bukina bwa e taetae te Uea nakoia ni kangai:

14 Teirake ao nakomai nakoiu, bwa kam na ^akarin baimi i rarikiu, ao bwa kam aonga naba n ^bnamakina mwin te nera i baiu ao i waeu, bwa kam aonga n ataia bwa bon ngai ^cAtuan Iteraera, ao Atuan ^daonaba ae bwanin, ao I a tia n tiringaki ibukin buren aonaba.

15 Ao e a koro bukina bwa a mwananga aomata ake a uanao, ma ni karin baia i rarikina, ao a namakina mwiin te neera i baina ao i waena; ao a bon karaoa aio, ni mwananga temanna i mwin temanna ni karokoa ae a bane n tia n nako, ma n nooria n oin mataia ma n namakinna ni baia ma n ataia raoi n te kakoaua ao ma ni kakoaua raoi, bwa ^abon ngaia, are e a tia ni koreaki taekana irouia burabeti, bwa e na roko.

16 Ao ngke a bane n tia n nako ma ni kakoaua bon i bukiia, ao a takaarua ni katiteuanaki, ni kangai:

17 Otanna! E na kakabwaiaki aran te Atua ae Moan te Rietata! Ao a bane ni bwaka inano i waen Iesu, ma n ^ataromauria.

18 Ao e koro bukina bwa e taetae nakon ^aNibwaai (bwa e mena Nibwaai i buakoia aomata ake a uanao) ao e tua bwa e na keerake.

19 Ao e teirake Nibwaai ao e mwananga, ma ni bobaraaki i matan te Uea man kaboria ma waena.

20 Ao te Uea e tua bwa e na teirake. Ao e teirake ma n tei imatana.

21 Ao e taku te Uea nakoina: N na anganiko te ^amwaaka bwa ko na ^bbwabetitoia te botanaomata aio ngkana I a rierake nako karawa.

22 Ao e weteia riki ^atabemwaang te Uea, ma ni kangai nakoia naba; ao e anganiia te mwaaka ni karaoa te bwabetito. Ao e taku nakoia: Kam na bwabetito n te aro aei; ao a na ^bakea te ikakaiwi imarenami.

23 E koaua ae I a tuangkami, bwa ane e rairananona man ana bure rinanon ami ^ataeka, ma n ^btangiria ni bwabetitoaki n arau, ae e na bwabetitoaki n te aro aei—Nooria, kam na ruo ma n ^ctei i nanon te ran, ao kam na bwabetitoia n arau.

24 Ao ngkai nooria, aikai taeka ake kam na taekin, weteia n araia, ao kangai:

25 N reken te ^akariaiakaki are I anganaki mai iroun Iesu Kristo, I bwabetitoiko n aran te ^bTama ao te Nati, ao te Tamnei ae Raoiroi. Amen.

26 Ao i mwina kam na ^akateboia i aan te ran, ao manga kawaerakeia man te ran.

27 Ao kam na bwabetito n te aro aei n arau; bwa nooria, e koaua ae I tuangkami, bwa te Tama, ao te Nati ao te Tamnei ae Raoiroi bon ti ^ateuana; ao I mena iroun te Tama, ao te Tama irou, ao bon ti teuana ngai ma te Tama.

28 Ao kam na bwabetito n aron are I a tia n tuangkami. Ao e na akea te ^aikakaiwi imarenami, n aron are e a tia n iai; ao a na akea naba te ikakaiwi i buakomi ni kaineti ma aron nako au reirei, n aron are e a tia n rereke.

29 Bwa e koaua, e koaua ae I tuangkami, bwa ane iai irouna ^atamnein te ^bkakauntaeka ao bon tiaki mai irou, ma bon mai iroun te riaboro, are taman te kakauntaeka, ao e kakiriweei nanoia aomata bwa a na itabaraaraa ma te un, i marenaia.

30 Nooria, bon tiaki au reirei, bwa N na kakireweei nanoia aomata bwa a na un, i marenaia; ma bon aio au reirei bwa a na riai ni kaakeaki bwaai aikai.

31 Nooria, e koaua, e koaua, ae I tuangkami, N na taekina nakoimi au ^areirei.

32 Ao aio au ^areirei, ao bon ana reirei te Tama ae e anganai; ao N na taekina ^bkoauan te Tama, ao te Tama e taekina koauau, ao te ^cTamnei ae Raoiroi e taekina koauan te Tama ao Ngai; ao I taekina koauana bwa te Tama e tuangiia aomata n taabo nako, bwa a na rairinanoia ma ni kakoauaai.

33 Ao ane e kakoauaai, ma ni ^abwabetitoaki, ao e na boni ^bkamaiuaki; ao naakai ake a na bon ^cbwaina uean te Atua.

34 Ao ane e aki kakoauaai, ma n aki bwabetitoaki, ao e na bon kabuakakaaki.

35 E koaua, e koaua, ae I tuangkami, bwa bon aio au reirei, ao I kakoaua mai iroun te Tama; ao ane e ^akakoauaai ao e kakoaua naba te Tama; ao e na taekina koauau te Tama nakoina, bwa e na kawaria ^bma te ai ao te ^cTamnei ae Raoiroi.

36 Mangaia are e kakoaua ibukiu te Tama, ao te Tamnei ae Raoiroi e na kakoaua nakoina ibukin te Tama ao ngai; bwa te Tama, ao Ngai, ao te Tamnei ae Raoiroi bon ti teuana.

37 Ao riki I taku nakoimi, kam riai n rairananomi, ma n ^ariki bwa kanga te teei ae uarereke, ma ni bwabetitoaki n arau, bwa kam a rawa n aki karekei bwaai aikai.

38 Ao riki I taku nakoimi, kam riai n rairinanomi, ma ni bwabetitoaki n arau, ma n riki bwa aiaron te teei ae uarereke, bwa kam rawa n aki karekea uean te Atua.

39 E koaua, e koaua, ae I taekinna nakoimi, bwa aio au reirei, bwa ane e ^akateitei iaon aio ao e boni kateitei iaon au bwa, ao e na bon aki tokanikai ^bmataroan moone ni kaaitaraa.

40 Ao ane e tataekina ana taeka te Uea ni karaka ke ni kaakea, ma ni kamatoa bwa au reirei, ao e bon roko mai iroun te buakaka, ao e aki kateaki iaon au bwa; ma e kateitei iaon te ^atano, ao mataroan moone a na tei n uki ni butimwaia ngkana e roko te ieka ao te ang e na korakora i aoia.

41 Mangaia are, nakoia te botanaomata aio, ma n taekin taeka ake I a tia n taekin, nakon tokin aonaba.