Jeje Ko Rekwojarjar
3 Nipai 14


Jebta 14

Jisōs ej jiron̄: Jab ekajet; kajjitōk jān Anij; kom̧in ekkōl kōn rikanaan ro reriab—E ej kallim̧ur mour n̄an ro rej kōm̧m̧an ankilaan Jemān—Keidi Matu 7. Iturinļo̧k Ā.K. 34.

1 Im kiiō ālikin men kein ālikin an Jisōs kar kōnono naan kein Eaar bar oktakļo̧k n̄an jarlepju eo, im Eaar kōpeļļo̧k lo̧n̄iin n̄an er bar juon alen, im ba: Em̧ool, em̧ool, Ij ba n̄an kom̧, Kom̧in ajab ekajet, bwe ren jab ekajet kom̧.

2 aBwe kōn ekajet eo kom̧ij ekajet, naaj ekajet kom̧; im kōn jon̄ok eo kom̧ij jon̄jon̄, enaaj bar jon̄e kom̧.

3 Im etke kom̧ij lo pelo̧k eo ilo mejān jeiūm̧i im jātimi, ak kom̧ij jab ļōmņak kōn wōjke eo ilo mejam̧ make?

4 Ak ekōjkan ami naaj ba n̄an eo jeiūm̧i im jātimi: Kōtļo̧k eō bwe in kanōktok pelo̧k eo jān mejam̧—im lo, juon wōjke ej pād ilo mejam̧ make?

5 Kom̧ rietao, m̧okta joļo̧k awōjke eo jān mejam̧ make; innām kwōnaaj alikkar am̧ lo n̄an joļo̧k pelo̧k eo jān mejān eo jeiūm̧ im jatūm̧.

6 Jab leļo̧k men eo aekwōjarjar n̄an kidu kaņ, im jab juļo̧k bōōr ko ami im̧aan piik, n̄e raab jujuri er ium̧win neer, im oktaklik im kekōl kom̧.

7 aKajjitōk, im naaj lewōj e n̄an kom̧; kappukot, im kom̧ naaj lo; kaļļaļļaļ, im naaj kōpeļļo̧k e n̄an kom̧.

8 Bwe jabdewōt eo ej kajjitōk, ej bōk; im e eo ej kappukot, ej lo; im n̄an eo ej kaļļaļļaļ, enaaj peļļo̧k n̄an e.

9 A armej ōt jān ilubwiljimi, eo, eļan̄n̄e ļeo nejin ej kajjitōk pilawā, naaj leļo̧k n̄an e juon dekā?

10 A eļan̄n̄e ej kajjitōk juon ek, en leļo̧k n̄an e ke juon jedpānit?

11 Innām eļan̄n̄e kom̧, ro renana, kom̧ij jeļā ekōjkan n̄an leļo̧k mennin leļo̧k ko rem̧m̧an n̄an ro nejimi, ekōjkan an ļapļo̧k Jemāmi eo ej pād ilo lan̄ naaj lewōj men ko rem̧m̧an n̄an ro rej kajjitōk Ippān?

12 Kōn menin, aolep men otemjeļo̧k kom̧ kōņaan bwe armej ren kōm̧m̧an n̄an kom̧, kom̧in akōm̧m̧an n̄an er, bwe en̄in ej kien eo im rikanaan ro.

13 Kom̧in deļo̧n̄ ilo akōjām eo erānin̄; bwe bedepakpak kōjām eo, im eļap iaļ eo, eo ej tōl n̄an ko̧kkure, im elōn̄ renaaj pād ijo kōjām eo edepakpak;

14 Kōnke erānin̄ akōjām eo, im beaidik iaļ eo, eo ej tōlļo̧k n̄an mour, im cjet wōt renaaj lo e.

15 Kom̧in ekkōl kōn arikanaan ro reriab, ro rej itok n̄an kom̧ ilo kilin sip, ak ilowa rej kidu oļip rellāj.

16 Kom̧ naaj jeļā er jān leen ko aer. Armej rej ke m̧adm̧ōd grep ko jān liklik, ak leen wōjke fig ko jān mar kuuj?

17 Em̧ool āindein wōjke otemjej em̧m̧an ej le kōn leen em̧m̧an; a juon wōjke nana ej le kōn leen enana.

18 Wōjke eo em̧m̧an eban le kōn leen ko renana, barāinwōt wōjke eo enana ejamin le kōn leen ko rem̧m̧an.

19 Jabdewōt wōjke ej le kōn aleen enana naaj juokwe, im joļo̧k ilo kijeek.

20 Kōn menin, jān aleen ko aer kom̧ naaj jeļā er.

21 Jab jabdewōt ej ba n̄an Eō, Irooj, Irooj, enaaj deļo̧n̄ ilo aelōn̄ in lan̄; a eo ej kōm̧anm̧an ankilaan Jema eo ej pād ilo lan̄.

22 Elōn̄ renaaj aba n̄an Eō ilo raan eo: Irooj, Irooj, kōm ar ke jab kanaan ilo Etam̧, im ilo Etam̧ kar kadiwōjļo̧k jetōb ettoon ko, im ilo Etam̧ kar kōm̧m̧an elōn̄ jerbal ko rem̧m̧an?

23 Innām Inaaj ba n̄an er: I jan̄in kar ajeļā kom̧; bilo̧k jān Eō, kom̧ rijerbal in nana.

24 Kōn menin, jabdewōt eo ej ron̄ ennaan kein Aō im kōm̧m̧ani, Inaaj keidi e n̄an juon armej emālōtlōt, eo ej kalōk m̧weo im̧ōn ioon juon aejm̧aan

25 Im awōt ej wōtlo̧k, im ibwij eo ej itok, im kōto ko rej m̧akroro, im wōtlo̧k ioon m̧weo; im e bjab bun̄, bwe eaar ekkal ioon ejm̧aan eo.

26 Im jabdewōt eo ej ron̄ ennaan kein Aō im kōm̧m̧ani renaaj jab āinwōt juon armej ebwebwe, eo eaar kalōk m̧weo im̧ōn ioon abok

27 Im wōt eaar wōtlo̧k, im ibwij eo eaar itok, im kōto rej m̧akroro, im wōtlo̧k ioon m̧weo; im eaar bun̄, im eļap kar bun̄ eo an.