1 Mo nao i bin hapen se, taem we Jisas i endem ol toktok ia, hem i sakem ol ae blong hem raonabaot long grup blong pipol ia, mo i talem long olgeta: “Luk, yufala i bin harem ol samting we mi tijim, bifo mi go antap long Papa blong mi; from hemia, eni man we i tingbaot ol toktok ia blong mi mo ^amekem olgeta, hem bae mi ^bleftemap hem long las dei.”

2 Mo i bin hapen se taem we Jisas i talem ol toktok ia, hem i luk se i gat samfala long olgeta we oli sapraes tumas, mo oli tingbaot wanem hem i wantem talem long saed blong ^aloa blong Moses; from oli no bin andastanem toktok ia, se evri olfala samting oli bin pas oli go lus, mo se evri samting i kam niu.

3 Mo hem i bin talem long olgeta: “No sapraes we mi bin talem long yufala se ol olfala samting oli bin pas oli go lus, mo se evri samting i kam niu.

4 Luk, mi talem long yufala se, ^aloa i stap hapen, we mi bin givim long Moses.

5 Luk, ^ami mi hem we i bin givim loa ia, mo mi mi hem we i bin mekem kavenan wetem pipol blong mi Isrel; from hemia, loa ia, tru long mi, i hapen, from mi bin kam blong mekem loa ia i ^bkamtru; from hemia, hem i gat wan en.

6 Luk, mi ^ano prapa spolem gud wanem we ol profet oli raetem, from plante samting ia we oli no bin hapen tru long mi, i tru mi talem long yufala, bae evriwan i hapen.

7 Mo from mi bin talem long yufala se ol olfala samting i bin pas i go, mi no prapa spolem ol samting we oli bin talem long saed blong ol samting we bae i kam.

8 From luk, ^akavenan we mi bin mekem wetem ol pipol blong mi i no hapen evriwan; be loa we mi bin givim long Moses i gat wan en tru long mi.

9 Luk, mi mi ^aloa, mo ^blaet. Lukluk long mi, mo stap strong kasem en, mo bae yufala i ^dlaef, from long hem we i ^estap strong kasem en, bae mi givim laef we i no save finis.

10 Luk, mi bin givim long yufala ol ^akomanmen; from hemia, obei ol komanmen blong mi. Mo hemia i loa mo ol profet, from i tru we oli bin ^btestifae long saed blong mi.”

11 Mo nao i bin hapen se taem we Jisas i talem ol toktok ia, hem i talem long olgeta twelef we hem i bin jusum:

12 “Yufala i ol disaepol blong mi; mo yufala i wan laet long pipol ia, we i wan smol haf blong laen blong ^aJosef.

13 Mo luk, hemia i ^agraon we i blong yufala we i kam long ol papa, mo Papa i bin givim graon ia long yufala.

14 Mo i no gat eni taem, we Papa i bin givim oda long mi se mi mas ^atalem samting ia long ol brata blong yufala long Jerusalem.

15 Mo tu, i no gat eni taem, we Papa i bin givim oda long mi se, mi mas talem long olgeta long saed blong ol ^anarafala laen blong haos blong Isrel we Papa i bin lidim olgeta oli aot long graon.

16 Hemia Papa i bin givim oda long mi, se mi mas talem long olgeta:

17 ‘Se ol narafala sipsip, mi mi gat, we oli no blong yad ia; olgeta tu mi mas karem olgeta oli kam, mo bae oli harem voes blong mi; mo bae i gat wan yad, mo wan ^aman blong lukaot long sipsip.’

18 Mo nao, from ol stronghed fasin mo fasin blong olgeta blong no bilif, oli no bin ^aandastanem toktok blong mi; from hemia, Papa i bin givim oda long mi se mi no mas talem wan samting moa long saed blong samting ia long olgeta.

19 Be, i tru, mi talem long yufala, se Papa i bin givim oda long mi, mo mi talem samting ia long yufala, we yufala i bin seraot aot long olgeta from nogud fasin blong olgeta; nao, hem i from nogud fasin blong olgeta we i mekem se oli no save long saed blong yufala.

20 Mo i tru, mi talem long yufala bakegen se ol narafala laen Papa i bin seraotem aot long olgeta; mo hemia i from nogud fasin blong olgeta mekem se oli no save long saed blong olgeta.

21 Mo i tru mi talem long yufala, se yufala i olgeta we mi bin talem: ‘Ol ^anarafala sipsip we mi mi gat we oli no blong yad ia; olgeta tu, mi mas karem olgeta oli kam, mo bae oli harem voes blong mi; mo bae i gat wan yad, mo wan man blong lukaot long sipsip.’

22 Mo oli no bin andastanem mi, from oli ting se olgeta ia, oli Ol ^aJentael; from oli no andastanem se Ol Jentael bae oli ^bjenisim laef tru long ol prijing blong olgeta.

23 Mo oli no bin andastanem mi, taem mi talem se bae oli harem voes blong mi; mo oli no andastanem mi se, Ol ^aJentael, i no gat eni taem we bae oli harem voes blong mi—we bae mi no soemaot miwan long olgeta be tru long ^bTabu Spirit nomo.

24 Be luk, yufala i bin tugeta, harem ^avoes blong mi, mo bin luk mi; mo yufala i ol sipsip blong mi, mo mi kaontem yufala wetem olgeta we Papa i bin ^bgivim long mi.