፩ እናም እንግዲህ እንዲህ ሆነ ኢየሱስ ንግግሩን በጨረሰ ጊዜ ዐይኑን በዙሪያው ባሉ ሰዎች ላይ አሳረፈ፣ እናም እንዲህ አላቸው፥ እነሆ ወደ አባቴ ከማረጌ በፊት ያስተማርኩትን ነገሮች ሰምታችኋል፤ ስለዚህ፣ ይህንን ንግግሬን የሚያስታውስ እናም ^ሀየሚፈፅም በመጨረሻው ቀን ^ለአስነሳዋለሁ።

፪ እናም እንዲህ ሆነ ኢየሱስ እነዚህን ቃላት በተናገረ ጊዜ የሙሴን ^ሀህግ በተመለከተ ምን እንዲያደርጉ እንደሚፈልግባቸው የሚገረሙና፣ የሚደነቁ ጥቂቶች እንዳሉ አስተዋለ፤ አሮጌዎቹ ነገሮች እንዳለፉ እናም ሁሉም ነገሮች አዲስ እንደሆኑ የተነገሩትን አልተረዱምና።

፫ እናም እንዲህ ሲል ተናገራቸው፥ አሮጌዎቹ ነገሮች አልፈዋል፣ እናም ሁሉም ነገር አዲስ ሆነዋል ስላልኳችሁ አትገረሙ።

፬ እነሆ፣ ለሙሴ የተሰጠው ^ሀህግ ተፈፅሟል እላችኋለሁ።

፭ እነሆ፣ ህጉን የሰጠሁት ^ሀእኔ ነኝ፤ ከእስራኤል ህዝቦቼ ጋር ቃል ኪዳን የገባሁትም እኔ ነኝ፤ ስለዚህ ህጉን ልፈጽም ስለመጣሁ ህጉ በእኔ ^ለተፈፅሟል፤ ስለዚህ ይህም መጨረሻ አለው።

፮ እነሆ፣ ነቢያትን ^ሀአልሽርም፣ ምክንያቱም ብዙዎች በእኔ አልተፈፀሙምና፣ እውነት እላችኋለሁ፣ ሁሉም ይፈፀማሉ።

፯ እናም አሮጌዎቹ ነገሮች ያልፋሉ ስላልኳችሁ፣ ስለሚመጡት ነገሮች ተነግረው የነበሩትን አልሽርም።

፰ እነሆም፣ ከህዝቤ ጋር የገባሁት ^ሀቃል ኪዳን በሙሉ አልተፈጸመም፤ ነገር ግን ለሙሴ የተሰጠው ህግ በእኔ መጨረሻ አለው።

፱ እነሆ፣ እኔ ^ሀህግ እንዲሁም ^ለብርሃን ነኝ። ወደ እኔ ተመልከቱ፣ እናም እስከመጨረሻው የጸናችሁ ሁኑ፣ እናም ^ሐህያው ትሆናላችሁ፤ እስከመጨረሻው ^መለሚፀናም የዘላለምን ህይወት እሰጠዋለሁና።

፲ እነሆ፣ ትዕዛዝን ሰጥቻችኋለሁ፤ ስለዚህ ^ሀትዕዛዜን ጠብቁ። እናም ህጉና ነቢያትም ይህ ነው፣ ስለእኔ በእውነት ^ለይመሰክራሉና።

፲፩ እናም እንግዲህ እንዲህ ሆነ ኢየሱስ እነዚህን ቃላት በተናገረበት ጊዜ፣ ለእነዚያ ለመረጣቸው አስራ ሁለቱ እንዲህ አላቸው፥

፲፪ እናንተ የእኔ ደቀመዛሙርት ናችሁ፤ እናም ^ሀለዮሴፍ ቤት ቅሪት ለሆኑትም ለእነዚህ ሰዎች ብርሃን ናችሁ።

፲፫ እናም እነሆ፣ ይህች ^ሀምድር የርስታችሁ ስፍራ ናት፣ እናም አብም ለእናንተ ይህን ሰጥቷችኋል።

፲፬ እናም በኢየሩሳሌም ለሚገኙት ወንድሞቻችሁ በማንኛውም ጊዜ ይህን ^ሀእንድናገር አብ ትዕዛዝ አልሰጠኝም ነበር።

፲፭ አብ ከምድሪቱ እንዲወጡ ስለመራቸው የእስራኤል ቤት ስለሆኑት ^ሀሌሎች ነገዶች በየትኛውም ጊዜ በኢየሩሳሌም ላሉት ወንድሞቻችሁ እንድናገር ትዕዛዝ አልሰጠኝም።

፲፮ አብም እስከዚህ ድረስ ለእነርሱ እንድናገራቸው አዞኛል፥

፲፯ ከዚህም በረት ያልሆኑ ሌሎች በጎች አሉኝ፤ እነርሱንም ደግሞ ላመጣ ይገባኛል፣ ድምፄንም ይሰማሉ፣ አንድም መንጋ ይሆናሉ፣ ^ሀእረኛውም አንድ ይሆናል።

፲፰ እናም እንግዲህ፣ አንገተ ደንዳና በመሆናቸውና፣ ባለማመናቸው ቃሌን ^ሀሊረዱ አልቻሉም፤ ስለዚህ ይህን ነገር በተመለከተ ከዚህ የበለጠ እንዳልናገር በአብ ታዝዤ ነበር።

፲፱ ነገር ግን፣ እውነት እላችኋለሁ፣ በክፋታቸው የተነሳ እናንተ ከእነርሱ ተለይታችኋል ብዬ እነግራችሁ ዘንድ አብ አዞኛል፤ ስለዚህ በክፋታቸውም የተነሳ ነው ስለእናንተ የማያውቁት።

፳ እናም እንደገና እውነት እላችኋለሁ፣ ሌሎች ነገዶችን አብ ከእነርሱ ለይቷል፤ እናም በክፋታቸው የተነሳ ነው ስለእነርሱ የማያውቁት።

፳፩ እናም እውነት እላችኋለሁ፤ ከዚህም በረት ያልሆኑ ^ሀሌሎች በጎች አሉኝ፤ እነርሱን ደግሞ ላመጣ ይገባኛል፤ እነርሱም ድምጼን ይሰማሉ፤ እናም አንድ መንጋና፣ እረኛውም አንድ ይሆናል፣ በማለት የተናገርኩአችሁ እናንተ ናችሁ።

፳፪ እናም ሌሎቹ በጎች ^ሀአህዛብ ናቸው ብለው ስለገመቱ እኔን አልተረዱኝም፤ ምክንያቱም አህዛብ በእነርሱ ስብከት ^ለእንደሚለወጡ አልተረዱምና።

፳፫ እናም ድምፄን ያዳምጣሉ ማለቴንም አልተረዱም፤ እናም በማንኛውም ጊዜ ^ሀአህዛብ ድምፄን መስማት እንደማይችሉ፣ ^ለበመንፈስ ቅዱስ አማካኝነት ካልሆነም በቀር ራሴን እንደማልገልፅላቸውም አልተረዱኝም።

፳፬ ነገር ግን እነሆ፣ ^ሀድምፄን ሰምታችኋልም፣ አይታችሁኛልም፤ እናንተም የእኔ በጎች ናችሁ፤ እናም አብ ለእኔ ^ለከሰጣቸው መካከልም የተቆጠራችሁ ናችሁ።