Ngaahi Folofolá
3 Nīfai 15


Vahe 15

ʻOku fakahā ʻe Sīsū ʻoku fakahoko ʻiate ia ʻa e fono ʻa Mōsesé—Ko e kau Nīfaí ʻa e fanga sipi kehe naʻá ne folofola ʻo kau ki ai ʻi Selūsalemá—Ko e meʻa ʻi he fai angahalá, ne ʻikai ʻiloʻi ai ʻe he kakai ʻo e ʻEikí ʻi Selūsalemá ki he fanga sipi ne fakamoveteveteʻi ʻo ʻIsilelí. Taʻu T.S. 34 nai.

1 Pea ko ʻeni naʻe hoko ʻo pehē ʻi he fakaʻosi ʻe Sīsū ʻene ngaahi folofola ní, naʻe ʻafio holo hono fofongá ki he kakaí, ʻo folofola kiate kinautolu: Vakai, kuo mou fanongo ki he ngaahi meʻa naʻá ku ako ʻaki ʻi he teʻeki ai ke u ʻalu hake ki heʻeku Tamaí; ko ia, ʻilonga ia ʻe manatuʻi ʻa ʻeku ngaahi leá ni mo afai ki aí, te u bhiki hake ia ʻi he ʻaho fakaʻosí.

2 Pea naʻe hoko ʻo pehē ʻi he hili hono folofola ʻaki ʻe Sīsū ʻa e ngaahi folofola ní naʻá ne ʻafioʻi ʻoku ʻi ai ʻa e niʻihi ʻiate kinautolu ʻoku ofo, mo fifili pe ko e hā ha meʻa te ne fai ki he afono ʻa Mōsesé; he naʻe ʻikai mahino kiate kinautolu ʻa e folofola kuo ʻosi ʻa e ngaahi meʻa motuʻá, pea kuo hoko ʻa e meʻa kotoa pē ʻo foʻou.

3 Pea naʻá ne folofola kiate kinautolu: ʻOua te mou ofo ʻi heʻeku tala kiate kimoutolu kuo ʻosi ʻa e ngaahi meʻa motuʻá, pea kuo hoko ʻa e meʻa kotoa pē ʻo foʻou.

4 Vakai, ʻoku ou pehē kiate kimoutolu kuo fakakakato ʻa e afono ʻa ia naʻe tuku kia Mōsesé.

5 Vakai, ko aau ia naʻá ne foaki ʻa e fonó, pea ko au ia ʻa ia naʻá ne fuakava ki hoku kakai ko ʻIsilelí; ko ia, kuo fakakakato ʻiate au ʻa e fonó, he kuó u haʻu ke bfakakakato ʻa e fonó; ko ia kuo ngata ia.

6 Vakai, ʻoku aʻikai te u fakataʻeʻaongaʻi ʻa e kau palōfitá, he ko ʻenau ngaahi lea kotoa pē ʻoku teʻeki ai ke fakahoko ʻiate aú, ko e moʻoni ʻoku ou pehē kiate kimoutolu, ʻe fakahoko ia kotoa pē.

7 Pea ko e meʻa ʻi heʻeku tala kiate kimoutolu kuo ʻosi ʻa e ngaahi meʻa motuʻá, ʻoku ʻikai te u fakataʻeʻaongaʻi ai ʻa e ngaahi meʻa kuo lea ʻaki ʻo kau ki he ngaahi meʻa ʻe hokó.

8 He vakai, ʻoku teʻeki ai fakahoko hono kotoa ʻo e afuakava ʻa ia naʻá ku fai mo hoku kakaí; ka ko e fono ʻa ia naʻe foaki kia Mōsesé ʻoku ngata ia ʻiate au.

9 Vakai, ko au ʻa e afonó, pea mo e bmāmá. Sio kiate au, pea kātaki ki he ngataʻangá, pea te mou cmoʻui; he ko ia ia ʻokú ne dkātaki ki he ngataʻangá te u foaki kiate ia ʻa e moʻui taʻengatá.

10 Vakai, kuó u foaki kiate kimoutolu ʻa e ngaahi afekaú; ko ia tauhi ʻeku ngaahi fekaú. Pea ko e fonó ʻeni mo e meʻa naʻe tohi ʻe he kau palōfitá, he ko e moʻoni naʻa nau bfakamoʻoni kiate au.

11 Pea ko ʻeni naʻe hoko ʻo pehē ʻi he hili hono folofola ʻaki ʻe Sīsū ʻa e ngaahi folofola ní, naʻá ne folofola ki he toko hongofulu mā ua ʻa ia kuó ne filí:

12 Ko ʻeku kau ākonga ʻa kimoutolu; pea ko e maama ʻa kimoutolu ki he kakaí ni, ʻa ia ko e toenga ʻo e fale ʻo aSiosefá.

13 Pea vakai, ko e afonua ʻeni ʻo homou tofiʻá; pea kuo foaki ia ʻe he Tamaí kiate kimoutolu.

14 Pea kuo teʻeki ai ha taimi ʻe fai kiate au ʻe he Tamaí ha fekau ke u afakahā ia ki homou kāinga ʻi Selūsalemá.

15 Pea kuo teʻeki ai ha taimi ʻe fai kiate au ʻe he Tamaí ha fekau ke u fakahā kiate kinautolu ha meʻa ʻo kau ki he ngaahi faʻahinga akehe ʻo e fale ʻo ʻIsilelí, ʻa ia kuo tataki atu ʻe he Tamaí mei he fonuá.

16 Ko hono kotoa ʻeni ʻo e meʻa naʻe fekau kiate au ʻe he Tamaí, ke u fakahā kiate kinautolú:

17 ʻOku ʻi ai mo ʻeku fanga sipi kehe ʻoku ʻikai kau ʻi he lotoʻaá ni; ʻoku totonu ke u ʻomi mo kinautolu foki, pea te nau fanongo ki hoku leʻó; pea ʻe ʻi ai ʻa e lotoʻā pē taha, mo e atauhi pē taha.

18 Pea ko ʻeni, ko e meʻa ʻi he kia-kekevá mo e taʻetuí naʻe ʻikai ai ke amahino kiate kinautolu ʻeku leá; ko ia naʻe fekau au ʻe he Tamaí ke ʻoua naʻá ku lea ʻaki mo ha toe meʻa kehe kiate kinautolu ʻi he meʻá ni.

19 Kā, ko e moʻoni, ʻoku ou pehē kiate kimoutolu kuo fekau au ʻe he Tamaí, pea ʻoku ou fakahā ia kiate kimoutolu, naʻe fakamavahe ʻa kimoutolu meiate kinautolú koeʻuhi ko ʻenau angahalá; ko ia koeʻuhi ko ʻenau angahalá ʻoku ʻikai ai te nau ʻilo kiate kimoutolú.

20 Pea ko e moʻoni, ʻoku ou toe pehē kiate kimoutolu ʻoku ʻi ai ha ngaahi faʻahinga kehe kuo fakamavaheʻi ʻe he Tamaí meiate kinautolu; pea koeʻuhi ko ʻenau angahalá ʻoku ʻikai ai te nau ʻilo kiate kinautolú.

21 Pea ko e moʻoni ʻoku ou pehē kiate kimoutolu, ko kimoutolu ia ʻa e faʻahinga ʻa ia naʻá ku lau ki ai ʻo pehē: ʻOku ai mo ʻeku fanga sipi akehe ʻoku ʻikai ʻi he lotoʻaá ni; te u ʻomi mo kinautolu foki, pea te nau fanongo ki hoku leʻó; pea ʻe ʻi ai ʻa e lotoʻā pē taha, mo e tauhi pē taha.

22 Pea naʻe taʻemahino kiate kinautolu ʻa ʻeku leá, he naʻa nau mahalo ko e lau ia ki he kau aSenitailé; he naʻe ʻikai mahino kiate kinautolu ʻe bfakaului ʻa e kau Senitailé ʻi heʻenau malangá.

23 Pea naʻe ʻikai mahino kiate kinautolu ʻeku pehē te nau fanongo ki hoku leʻó; pea naʻe ʻikai mahino kiate kinautolu ʻeku pehē ʻe ʻikai fanongo ʻa e kau aSenitailé ʻi ha taimi ki hoku leʻó—pea ʻe ʻikai te u fakahā au kiate kinautolu ka ʻi he bLaumālie Māʻoniʻoní pē.

24 Kae vakai, kuo mou fanongo ki ahoku leʻó, mo mamata foki kiate au; pea ko ʻeku fanga sipi ʻa kimoutolu, pea ʻoku lau ʻa kimoutolu fakataha mo kinautolu kuo bfoaki kiate au ʻe he Tamaí.