፩ እናም እውነት፣ እውነት እላችኋለሁ፣ ከዚህች ምድር ወይም ከኢየሩሳሌም ወይም እኔ ካገለገልኩባቸውም ቦታዎች ዙሪያ ያልሆኑ ^ሀሌሎች በጎች አሉኝ።

፪ የምናገርባቸውም ገና ድምፄን አልሰሙትምና፤ ወይም በማንኛውም ጊዜ ራሴን አልገለጽኩላቸውም።

፫ ነገር ግን ወደ ^ሀእነርሱ እንድሄድ ዘንድ፣ እናም ድምፄን ይሰሙና፣ ከበጎቼም ጋር ይቆጠሩ፣ እናም አንድም መንጋ፣ እረኛውም አንድ እንዲሆን ከአብ ትዕዛዝ ተቀብያለሁ፤ ስለዚህ ራሴንም ላሳያቸው እሄዳለሁ።

፬ እናም እኔም ከሄድኩኝ በኋላ ይህንን ^ሀየተናገርኩትን እንድትፅፉ አዛችኋለሁ፤ ይህ ከሆነ እኔን የተመለከቱኝና፣ በአገልግሎቴ ወቅት ከእኔ ጋር የነበሩት በኢየሩሳሌም ያሉት ህዝቦቼ ስለ እናንተ፣ እናም ደግሞ ስለሚያውቋቸው ሌሎች ነገዶች በመንፈስ ቅዱስ እውነትን ያገኙ ዘንድ አብን በስሜ ካልጠየቁ፣ በዚህም ^ለበአህዛብ ሙላት በኩል፣ ባለማመናቸው ምክንያት በምድር ገፅ ላይ የሚበተኑት የዘሮቻቸው ቅሪት እንዲመጡ ዘንድ፣ ወይም አዳኛቸው ወደሆንኩት ወደ እኔም ^ሐእውቀት ይመጡ ዘንድ እናንተ የምትፅፏቸው እነዚህ አባባሎች ይጠበቃሉ እና ለአህዛብም ይገለጻሉ።

፭ እናም ከምድሪቱ ከአራቱም ማዕዘናት ^ሀእሰበስባቸዋለሁ፤ እናም አብ ^ለከእስራኤል ቤት ከሁሉም ጋር የገባውን ^ሐቃል ኪዳን እፈፅማለሁ።

፮ እናም ^ሀአህዛብ ስለእኔ እንዲሁም ስለእኔና ስለአብ ስለሚመሰክርላቸው ^ለመንፈስ ቅዱስ በማመናቸው የተባረኩ ናቸው።

፯ እነሆ፣ አብም እንዲህ ይላል፣ በእኔም ስለሚያምኑ፣ እናም፣ የእስራኤል ቤት ሆይ፣ እናንተ ስለማታምኑ ^ሀበኋለኛው ቀን እውነት ለአህዛብ ትመጣለች፤ የእነዚህን ነገሮች ሙሉነት እነርሱ እንዲያውቁት ይሆናል።

፰ ነገር ግን አብም ለማያምኑ አህዛብ ወዮላቸው ይላል—እነርሱ ወደዚህች ምድር ገፅ የመጡም ቢሆኑ፣ እናም የእስራኤል ቤት የሆኑትንም ህዝቦቼን ^ሀቢበትኑም፣ እናም ከእስራኤል ቤት የሆኑት ህዝቦቼ ከመካከላቸው ^ለቢጣሉም፣ እናም በእነርሱም እግር ቢረገጡም፤

፱ እናም አብ ለአህዛብ ባለው ምህረቱና፣ ደግሞ የእስራኤል ቤት በሆኑት ህዝቦቼ ላይ በአብ በነበረው ቅጣት የተነሳ እውነት፣ እውነት እላችኋለሁ፣ ከዚህ ሁሉ በኋላ፣ እናም የእስራኤል ቤት የሆኑትን ህዝቦቼን እንዲመቱና፣ እንዲሰቃዩ፣ እናም ^ሀእንዲገለሉና፣ ከመካከላቸው እንዲጣሉም፣ በእነርሱ እንዲጠሉና፣ በአህዛብ መካከል እንዲያፏጭባቸው እናም እንዲናቁ ካደረኩኝ በኋላ—

፲ እናም እንዲህ እንድላችሁም አብ አዞኛል፥ አህዛብ በዚያ ቀን በወንጌሌ ላይ ኃጢያት ሲፈፅሙ፣ እናም የወንጌሌንም ሙሉነት አንቀበልም ሲሉና፣ ልባቸው ከሀገር ሁሉ በላይ፣ እናም በምድሪቱ ካሉት ሰዎች ሁሉ በላይ ልባቸው በኩራት ^ሀሲወጠር፣ እናም በሁሉም አይነት ውሸትና፣ በማጭበርበርም፣ በግብዝነትም፣ በመግደልም፣ ^ለበካህናት ተንኮልና በዝሙት፣ እናም በሚስጥር እርኩሰት የተሞሉ ሲሆኑ፤ እናም እነዚህን ነገሮች በሙሉ የሚያደርጉ ከሆነና የወንጌሌን ሙሉነት ካልተቀበሉ፣ እነሆ፣ አብ እንዲህ ይላል፣ የወንጌሌን ሙሉነት ከመካከላቸው እወስድባቸዋለሁ።

፲፩ እና ከዚያም፣ የእስራኤል ቤት ሆይ፣ ለህዝቤ የገባሁትን ቃል ኪዳን ^ሀአስታውሳለሁ፣ እናም ወንጌሌንም ለእነርሱ አመጣለሁ።

፲፪ እናም የእስራኤል ቤት ሆይ፣ አህዛብ በእናንተ ላይ ስልጣን እንደሌላቸው አሳያችኋለሁ፤ ነገር ግን የእስራኤል ቤት ሆይ ለእናንተ የገባሁትን ቃል ኪዳን አስታውሳለሁ፣ እናም ወደ ወንጌሌ ሙሉ ^ሀእውቀትም ትመጣላችሁ።

፲፫ ነገር ግን አብም እንዲህ ይላል፥ አህዛብ ንሰሃ ከገቡ፣ እናም ወደ እኔ ከተመለሱ፣ የእስራኤል ቤት ሆይ፣ ከህዝቦቼ መካከል ^ሀየተቆጠሩ ይሆናሉ።

፲፬ እናም አብም እንዲህ ይላል፥ የእስራኤል ቤት የሆኑትን ህዝቦቼን በመካከላቸው አልፈው እናም እንደ ጭቃ እንዲረግጧቸው አልፈቅድም።

፲፭ ነገር ግን ወደ እኔ ካልተመለሱና፣ ድምፄን ካልሰሙ፣ እነርሱን አዎን፣ የእስራኤል ቤት የሆኑት ህዝቦቼ ወደ እነርሱ እንዲሄዱና፣ እንደጭቃም እንዲረግጧቸው እፈቅዳለሁ፣ እናም ጣዕሙን እንዳጣ ጨውም ሆነው፣ ከዚህ ጊዜ በኋላ ከንቱ እንደሆኑ ነገር ግን እንደሚወረወሩ፣ እናም የእስራኤል በሆኑትም በህዝቦቼ ^ሀየሚረገጡ ይሆናሉ።

፲፮ እውነት፣ እውነት እላችኋለሁ—ለዚህ ህዝብ ይህንን የርስት ምድራቸውን እንድሰጣቸው አብ እኔን አዞኛል።

፲፯ እናም ነቢዩ ኢሳይያስም እንዲህ ሲል የተናገራቸው ^ሀቃላት ይፈጸማሉ፥

፲፰ ^ሀየአንቺ ^ለጠባቂዎች ይጮሀሉ፤ ጌታም ወደ ፅዮን በተመለሰ ጊዜ፣ ዐይን ለዐይን ይተያያሉና፣ በአንድነት ድምጽም ይዘምራሉ።

፲፱ እናንተ የኢየሩሳሌም ፍርስራሾች፣ ጌታ ህዝቡን አፅናንቶአልና፤ ኢየሩሳሌምን ታድጎአልና ደስ ይበላችሁ፣ በአንድነትም ዘምሩ።

፳ ጌታም የተቀደሰውን ክንዱን በሀገሮች ሁሉ ፊት ገልጿል፤ እናም በምድር ዳርቻም ያሉት ሁሉ የእግዚአብሔርን መድሐኒት ያያሉ።