ບົດທີ 16
ພຣະເຢຊູຈະຢ້ຽມຢາມແກະອື່ນອີກທີ່ເສຍໄປຂອງອິດສະຣາເອນ—ໃນຍຸກສຸດທ້າຍ ພຣະກິດຕິຄຸນຈະໄປຫາຄົນຕ່າງຊາດ ແລ້ວຈຶ່ງໄປຫາເຊື້ອສາຍອິດສະຣາເອນ—ຜູ້ຄົນຂອງພຣະຜູ້ເປັນເຈົ້າຈະໄດ້ເຫັນດ້ວຍຕາຂອງຕົນເອງເມື່ອພຣະອົງນຳຊີໂອນຄືນມາອີກ. ປະມານ ຄ.ສ. 34.
1 ແລະ ຕາມຈິງ, ຕາມຈິງແລ້ວ, ເຮົາກ່າວກັບເຈົ້າວ່າ ເຮົາມີ ກແກະອື່ນອີກ ຊຶ່ງບໍ່ໄດ້ຢູ່ໃນແຜ່ນດິນນີ້, ທັງບໍ່ໄດ້ຢູ່ໃນແຜ່ນດິນເຢຣູຊາເລັມ, ທັງບໍ່ໄດ້ຢູ່ໃນສ່ວນໃດສ່ວນໜຶ່ງຂອງແຜ່ນດິນນັ້ນໂດຍຮອບ ທີ່ເຮົາເຄີຍໄດ້ປະຕິບັດສາດສະໜາກິດ.
2 ເພາະວ່າຄົນທີ່ເຮົາກຳລັງເວົ້າເຖິງນີ້ຄືຄົນທີ່ບໍ່ທັນໄດ້ຍິນສຽງຂອງເຮົາເທື່ອ; ແລະ ເຮົາກໍບໍ່ເຄີຍສະແດງຕົນໃຫ້ປະຈັກແກ່ພວກເຂົາຈັກເທື່ອ.
3 ແຕ່ວ່າເຮົາໄດ້ຮັບພຣະບັນຊາຈາກພຣະບິດາວ່າ ໃຫ້ເຮົາໄປຫາ ກພວກເຂົາ, ແລະ ໃຫ້ພວກເຂົາຍິນສຽງຂອງເຮົາ, ແລະ ຈະນັບພວກເຂົາເຂົ້າຢູ່ໃນບັນດາແກະຂອງເຮົາ, ເພື່ອຈະຮ່ວມເປັນຝູງດຽວກັນ ແລະ ມີຜູ້ລ້ຽງແຕ່ພຽງຜູ້ດຽວ; ສະນັ້ນ ເຮົາຈຶ່ງຈະໄປປະກົດຕົວແກ່ພວກເຂົາ.
4 ແລະ ເຮົາບັນຊາເຈົ້າວ່າ ຈົ່ງຂຽນ ກຂໍ້ຄວາມເຫລົ່ານີ້ໄວ້ຫລັງຈາກທີ່ເຮົາໄປແລ້ວ, ແລະ ຖ້າຫາກເປັນໄປວ່າ ຜູ້ຄົນຂອງເຮົາທີ່ເຢຣູຊາເລັມຜູ້ທີ່ເຄີຍເຫັນເຮົາ ແລະ ຢູ່ກັບເຮົາໃນການປະຕິບັດສາດສະໜາກິດຂອງເຮົາ, ບໍ່ທູນຂໍພຣະບິດາໃນນາມຂອງເຮົາ ເພື່ອພວກເຂົາຈະໄດ້ຮັບຄວາມຮູ້ເລື່ອງເຈົ້າໂດຍພຣະວິນຍານບໍລິສຸດ, ແລະ ເລື່ອງເຜົ່າອື່ນໆຊຶ່ງພວກເຂົາບໍ່ຮູ້ຈັກ ເພື່ອວ່າຂໍ້ຄວາມເຫລົ່ານີ້ຊຶ່ງເຈົ້າຈະຂຽນໄວ້ ຈະໄດ້ຮັບການຮັກສາໄວ້ ແລະ ຖືກສະແດງໃຫ້ປະກົດແກ່ ຂຄົນຕ່າງຊາດ, ເພື່ອໂດຍທາງຄວາມບໍລິບູນຂອງຄົນຕ່າງຊາດ ພວກທີ່ເຫລືອຢູ່ຂອງລູກຫລານຂອງພວກເຂົາ, ຊຶ່ງຈະກະຈັດກະຈາຍໄປຕາມຜືນແຜ່ນດິນໂລກເພາະຄວາມບໍ່ເຊື່ອຖືຂອງພວກເຂົາຈະຖືກນຳເຂົ້າມາ, ຫລື ຈະຖືກນຳມາສູ່ ຄຄວາມຮູ້ເລື່ອງເຮົາ, ພຣະຜູ້ໄຖ່ຂອງພວກເຂົາ.
5 ແລະ ເມື່ອນັ້ນເຮົາຈະ ກເຕົ້າໂຮມພວກເຂົາເຂົ້າມາຈາກສີ່ສ່ວນຂອງແຜ່ນດິນໂລກ; ແລະ ເມື່ອນັ້ນເຮົາຈະເຮັດໃຫ້ ຂພັນທະສັນຍາຊຶ່ງພຣະບິດາໄດ້ກະທຳໄວ້ກັບຜູ້ຄົນທັງໝົດຂອງ ຄເຊື້ອສາຍອິດສະຣາເອນສຳເລັດ.
6 ແລະ ກຄົນຕ່າງຊາດຍ່ອມເປັນສຸກ, ເພາະຄວາມເຊື່ອຂອງພວກເຂົາທີ່ມີໃນເຮົາ, ໂດຍຜ່ານທາງ ຂພຣະວິນຍານບໍລິສຸດທີ່ໄດ້ເປັນພະຍານຕໍ່ພວກເຂົາເຖິງເຮົາ ແລະ ເຖິງພຣະບິດາ.
7 ຈົ່ງເບິ່ງ, ເພາະຄວາມເຊື່ອຂອງພວກເຂົາທີ່ມີໃນເຮົາ, ພຣະບິດາໄດ້ກ່າວ, ແລະ ເພາະຄວາມບໍ່ເຊື່ອຖືຂອງເຈົ້າ, ໂອ້ ເຊື້ອສາຍອິດສະຣາເອນ, ດັ່ງນັ້ນ ໃນ ກຍຸກສຸດທ້າຍຄວາມຈິງຈຶ່ງຈະມາເຖິງຄົນຕ່າງຊາດ, ເພື່ອວ່າຄວາມສົມບູນຂອງເລື່ອງເຫລົ່ານີ້ຈະໄດ້ເປັນທີ່ຮູ້ຈັກແກ່ພວກເຂົາ.
8 ແຕ່ພຣະບິດາໄດ້ກ່າວວ່າ, ວິບັດແກ່ຄົນຕ່າງຊາດຜູ້ທີ່ບໍ່ເຊື່ອ—ເພາະວ່າທັງໆທີ່ພວກເຂົາໄດ້ມາຢູ່ໃນຜືນແຜ່ນດິນນີ້ ແລະ ໄດ້ເຮັດໃຫ້ຜູ້ຄົນຂອງເຮົາ ຊຶ່ງເປັນຂອງເຊື້ອສາຍອິດສະຣາເອນຕ້ອງແຕກ ກກະຈັດກະຈາຍໄປ; ແລະ ໄດ້ ຂຂັບໄລ່ຜູ້ຄົນຂອງເຮົາ ຊຶ່ງເປັນເຊື້ອສາຍອິດສະຣາເອນອອກຈາກບັນດາພວກເຂົາ ແລະ ຖືກຢຽບຍ່ຳໄວ້ໃຕ້ຕີນຂອງພວກເຂົາ;
9 ແລະ ເປັນຍ້ອນພຣະເມດຕາຂອງພຣະບິດາທີ່ມີຕໍ່ຄົນຕ່າງຊາດ, ແລະ ການພິພາກສາຂອງພຣະບິດາທີ່ມີຕໍ່ຜູ້ຄົນຂອງເຮົາຜູ້ເປັນເຊື້ອສາຍອິດສະຣາເອນນຳອີກ, ຕາມຈິງ, ຕາມຈິງແລ້ວ, ເຮົາກ່າວກັບເຈົ້າ, ວ່າຫລັງຈາກທັງໝົດນີ້ ແລະ ເຮົາໄດ້ເຮັດໃຫ້ຜູ້ຄົນຂອງເຮົາ ຊຶ່ງເປັນເຊື້ອສາຍອິດສະຣາເອນໄດ້ຮັບການລົງທັນ, ແລະ ໄດ້ຮັບຄວາມເປັນທຸກ ແລະ ຖືກ ກຂ້າ, ແລະ ຖືກຂັບໄລ່ອອກໄປຈາກບັນດາພວກເຂົາ, ແລະ ຖືກພວກເຂົາກຽດຊັງ ແລະ ຖືກພວກເຂົາເວົ້າຂວັນນິນທາ—
10 ແລະ ພຣະບິດາບັນຊາໃຫ້ເຮົາກ່າວກັບເຈົ້າດັ່ງນີ້ວ່າ: ໃນມື້ນັ້ນເມື່ອຄົນຕ່າງຊາດເຮັດບາບເພື່ອຕໍ່ຕ້ານພຣະກິດຕິຄຸນ ແລະ ປະຕິເສດຄວາມສົມບູນແຫ່ງພຣະກິດຕິຄຸນຂອງເຮົາ, ແລະ ກລະເມີເພີ້ຝັນດ້ວຍຄວາມທະນົງໃຈ ເໜືອກວ່າປະຊາຊາດທັງປວງ, ແລະ ເໜືອກວ່າຜູ້ຄົນທັງປວງເທິງແຜ່ນດິນໂລກ, ແລະ ຈະເຕັມໄປດ້ວຍການເວົ້າຕົວະ, ແລະ ການຫລອກລວງ, ແລະ ການກໍ່ກວນ, ແລະ ການໜ້າຊື່ໃຈຄົດ, ແລະ ການຄາດຕະກຳ, ແລະ ການປະຕິບັດໂດຍ ຂການຫລອກລວງຂອງປະໂລຫິດ, ແລະ ການໂສເພນີ, ແລະ ຄວາມໜ້າກຽດຊັງອັນລີ້ລັບນາໆປະການ; ແລະ ຖ້າຫາກເມື່ອໃດພວກເຂົາກະທຳສິ່ງທັງໝົດນີ້ ແລະ ບໍ່ຍອມຮັບຄວາມສົມບູນແຫ່ງພຣະກິດຕິຄຸນຂອງເຮົາ, ຈົ່ງເບິ່ງ, ພຣະບິດາໄດ້ກ່າວວ່າ, ເຮົາຈະເອົາຄວາມສົມບູນແຫ່ງພຣະກິດຕິຄຸນຂອງເຮົາໄປຈາກບັນດາພວກເຂົາ.
11 ແລະ ເວລານັ້ນເຮົາຈະ ກນຶກເຖິງພັນທະສັນຍາທີ່ເຮົາໄດ້ກະທຳໄວ້ກັບຜູ້ຄົນຂອງເຮົາ, ໂອ້ ເຊື້ອສາຍອິດສະຣາເອນ, ແລະ ເຮົາຈະນຳເອົາພຣະກິດຕິຄຸນຂອງເຮົາມາຫາພວກເຂົາ.
12 ແລະ ແລ້ວເຮົາຈະສະແດງແກ່ເຈົ້າ, ໂອ້ ເຊື້ອສາຍອິດສະຣາເອນ, ວ່າຄົນຕ່າງຊາດຈະບໍ່ມີອຳນາດເໜືອເຈົ້າ; ແຕ່ເຮົາຈະນຶກເຖິງພັນທະສັນຍາຂອງເຮົາທີ່ໄດ້ໃຫ້ແກ່ເຈົ້າ, ໂອ້ ເຊື້ອສາຍອິດສະຣາເອນ, ແລະ ເຈົ້າຈະມາສູ່ ກຄວາມຮູ້ເລື່ອງຄວາມສົມບູນແຫ່ງພຣະກິດຕິຄຸນຂອງເຮົາ.
13 ແຕ່ຖ້າຫາກຄົນຕ່າງຊາດຈະກັບໃຈ ແລະ ກັບມາຫາເຮົາ, ພຣະບິດາໄດ້ກ່າວ, ຈົ່ງເບິ່ງ ໂອ້ ເຊື້ອສາຍອິດສະຣາເອນ, ເຮົາຈະ ກນັບພວກເຂົາເຂົ້າຢູ່ໃນບັນດາຜູ້ຄົນຂອງເຮົາ.
14 ແລະ ເຮົາຈະບໍ່ຍອມໃຫ້ຜູ້ຄົນຂອງເຮົາ ຊຶ່ງເປັນເຊື້ອສາຍອິດສະຣາເອນເຂົ້າໄປໃນບັນດາພວກເຂົາເພື່ອຢຽບຍ່ຳພວກເຂົາ, ພຣະບິດາໄດ້ກ່າວ.
15 ແຕ່ຖ້າຫາກພວກເຂົາບໍ່ຫັນມາຫາເຮົາ, ແລະ ບໍ່ເຊື່ອຟັງສຽງຂອງເຮົາ, ເຮົາຈະຍອມໃຫ້ພວກເຂົາ, ແທ້ຈິງແລ້ວ, ເຮົາຈະຍອມໃຫ້ຜູ້ຄົນຂອງເຮົາ, ໂອ້ ເຊື້ອສາຍອິດສະຣາເອນ, ເຂົ້າໄປໃນບັນດາພວກເຂົາ ແລະ ກຢຽບຍ່ຳພວກເຂົາ, ແລະ ພວກເຂົາຈະເປັນເໝືອນດັ່ງເກືອທີ່ໝົດຄວາມເຄັມ ຊຶ່ງນັບແຕ່ເວລານັ້ນໄປ ມັນຈະບໍ່ມີຄຸນຄ່າ, ມີແຕ່ຈະຖືກໂຍນຖິ້ມ ແລະ ຖືກຢຽບຍ່ຳໄວ້ໃຕ້ຕີນຂອງຜູ້ຄົນຂອງເຮົາ, ໂອ້ ເຊື້ອສາຍອິດສະຣາເອນ.
16 ຕາມຈິງ, ຕາມຈິງແລ້ວ, ເຮົາກ່າວກັບພວກເຈົ້າ, ພຣະບິດາໄດ້ສັ່ງເຮົາໄວ້ດັ່ງນີ້ຄື—ໃຫ້ເຮົາມອບແຜ່ນດິນນີ້ໃຫ້ແກ່ຜູ້ຄົນພວກນີ້ ເພື່ອເປັນມູນມໍລະດົກຂອງພວກເຂົາ.
17 ແລະ ເວລານັ້ນ ກຄຳເວົ້າຂອງສາດສະດາເອຊາຢາຈະສຳເລັດ, ຊຶ່ງກ່າວວ່າ:
18 ກຄົນຍາມ ຂຂອງເຈົ້າຈະເປັ່ງສຽງ; ພວກເຂົາຈະຮ້ອງເພງພ້ອມກັນ, ເພາະວ່າພວກເຂົາຈະເຫັນພ້ອມກັນ ເວລາທີ່ພຣະຜູ້ເປັນເຈົ້ານຳຊີໂອນມາອີກ.
19 ຈົ່ງເປັ່ງສຽງປິຕິຍິນດີ, ຮ້ອງເພງນຳກັນ, ກຸງເຢຣູຊາເລັມເອີຍ ເຈົ້າຜູ້ທີ່ເປັນເມືອງຮົກຮ້າງ; ເພາະພຣະຜູ້ເປັນເຈົ້າໄດ້ອອຍໃຈຜູ້ຄົນຂອງພຣະອົງແລ້ວ, ພຣະອົງໄດ້ໄຖ່ກຸງເຢຣູຊາເລັມແລ້ວ.
20 ພຣະຜູ້ເປັນເຈົ້າໄດ້ກາງແຂນອັນສັກສິດຂອງພຣະອົງໃນສາຍຕາຂອງປະຊາຊາດທັງປວງ; ແລະ ທົ່ວທີ່ສຸດຂອງແຜ່ນດິນໂລກຈະເຫັນການຊ່ວຍໃຫ້ລອດຂອງພຣະເຈົ້າ.