Nifae ToluO Le Tusi a Nifae O Le Atalii o Nifae, O Le Atalii ia o Helamana

Mataupu 17

Ua poloai Iesu i tagata ia mafaufau i ana upu ma tatalo mo le malamalama—Ua ia faamaloloina e ua mamai—Ua tatalo o ia mo tagata, ua faaaoga ai le gagana e le mafai ona tusia—Ua auauna mai agelu ma ua siosiomia o latou tamaiti laiti i le afi. E tusa o le 34 T.A.

 Faauta, o lenei sa oo ina ua uma ona fetalai mai e Iesu o nei upu sa ia toe silasila solo faataamilo i le motu o tagata, ma sa ia fetalai mai ia te i latou: Faauta, ua oo mai lou ataimi.

 Ua ou iloa ua outou vaivai, ua le mafai ona outou amalamalama i au upu uma ia na poloaiina ai au e le Tamā e tautala atu ia te outou i le taimi nei.

 O lea, ia outou o atu i o outou fale, ma amafaufau i mea ia na ou fai atu ai, ma ole atu i le Tamā, i lou igoa, ina ia outou malamalama, ma esaunia o outou mafaufau mo a itaeao, ma ou te toe sau ai ia te outou.

 Ae o le a ou aalu atu nei i le Tamā, ma e efaaali atu foi au lava i iituaiga ua leiloloa o Isaraelu, aua ua le o leiloloa i latou i le Tamā, ona ua silafia e ia le mea ua ia ave i ai i latou.

 Ma sa oo ina ua uma ona fetalai atu faapea o Iesu, sa toe silasila solo faataamilo ona fofoga i luga o le motu o tagata, ma silasila atu ua maligi o latou loimata, ma ua latou pulatoa mai ia te ia e peiseai ua latou mananao e ole mai ia te ia ia afio pea o ia faatasi ma i latou mo sina taimi umi teisi atu.

 Ma sa ia fetalai mai ia te i latou: Faauta, ua tumu ou loto i le aagaalofa ia te outou.

 E i ai ea ni isi o ia te outou ua mamai? Ia aumai i latou iinei. E i ai ea ni isi o outou ua pipili, pe ua tauaso, pe ua setu, pe ua manua, pe ua lepela, pe ua supa, pe ua tutuli, pe ua puapuagatia i soo se ala? Ia aumai i latou iinei ma o le a ou faamaloloina i latou, ona ua ou agaalofa tele ia te outou; ua tumu ou loto i le alofa mutimutivale.

 Aua ua ou iloa ua outou mananao ia ou faaali atu ia te outou mea na ou faia i o outou uso i Ierusalema, aua ua ou iloa ua alava lo outou efaatuatua ou te faamaloloina ai outou.

 Ma sa oo ina ua uma ona fetalai mai o ia faapea, sa o atu faatasi uma le motu o tagata, ma o latou tagata mamai ma o latou tagata puapuagatia, ma o latou pipili, ma o latou tauaso, ma o latou gugu, ma i latou uma o e na puapuagatia i soo se ala; ma sa ia afaamaloloina i latou uma taitoatasi ina ua aumaia i latou ia te ia.

 10 Ma o i latou uma, i latou uma o e na faamaloloina ma i latou o e na malolosi, sa latou punonou i lalo i ona vae, ma tapuai atu ia te ia; ma o le toatele o i latou o le motu o tagata o e na mafai ona o atu sa asogi i ona vae, sa oo ina latou faataeleina ona vae i o latou loimata.

 11 Ma sa oo ina poloai mai o ia ia avatu a latou fanau alaiti.

 12 O lea na latou aumai ai a latou fanau laiti ma ua faanonofo i latou i lalo i luga o le eleele faataamilo ia te ia, ma sa tu Iesu i le totonugalemu; ma sa soso ese le motu o tagata seia oo ina aumai i latou uma ia te ia.

 13 Ma sa oo ina ua uma ona aumai o i latou uma, ma sa tu Iesu i le totonugalemu, sa ia poloaiina le motu o tagata ia latou atootutuli i lalo i luga o le eleele.

 14 Ma sa oo ina ua uma ona latou tootutuli i luga o le eleele, sa oi Iesu i totonu ia te ia lava, ma fetalai: Le Tamā e, ua aātu lava au ona o le amioleaga o tagata o le aiga o Isaraelu.

 15 Ma ina ua uma ona ia fetalai o ia nei upu, sa tootuli foi o ia lava i luga o le eleele; ma faauta, sa tatalo atu o ia i le Tamā, ma o mea sa ia tatalo atu ai ua le mafai ona tusia, ma sa molimau le motu o tagata o e na faalogo ia te ia.

 16 Ma ua faapenei le ala ua latou molimau mai ai: E alei vaaia lava e le mata, pe na faalogoina foi muamua e le taliga, le tetele ma le ofoofogia naua o mea e pei ona matou vaai ma faalogo o fetalaia e Iesu i le Tamā.

 17 Ma e le mafai e se alaulaufaiva ona tautala ai, pe mafai foi e se tagata ona tusia, pe mafai foi e loto o tagata ona malamalama i mea e faapea ona tetele ma le ofoofogia naua e pei ona matou vaaia ma faalogoina o fetalaia e Iesu; ma e leai se tagata e mafai ona malamalama i le olioli lea na faatumuina ai o matou loto i le taimi na matou faalogo ia te ia o tatalo atu i le Tamā mo i matou.

 18 Ma sa oo ina ua uma ona faaiu e Iesu le tatalo atu i le Tamā, sa tulai o ia; ae sa matua tele naua le aolioli o le motu o tagata sa lofituina i latou.

 19 Ma sa oo ina fetalai mai Iesu ia te i latou, ma poloai mai ia latou tutulai.

 20 Ma sa latou tutulai mai le eleele, ma sa ia fetalai mai ia te i latou: Amuia lava outou ona o lo outou faatuatua. Ma o lenei faauta, ua atoatoa lou olioli.

 21 Ma ina ua uma ona ia fetalai mai o nei upu, sa atutulu o ia, ma sa molimauina e le motu o tagata lenei mea, ma sa ia ave a latou fanau laiti, taitoatasi, ma efaamanuia i latou, ma tatalo atu i le Tamā mo i latou.

 22 Ma ina ua uma ona ia faia o lenei mea sa toe tutulu o ia;

 23 Ma sa ia fetalai mai i le motu o tagata, ma fofoga mai ia te i latou: Faauta i o outou tamaiti.

 24 Ma a o latou vaai atu sa tetepa ae o latou mata e faasaga i le lagi, ma sa latou vaai ua avanoa le lagi, ma sa latou vaai i agelu ua afifio ifo mai le lagi e peiseai ua i ai i le totonugalemu o se afi; ma sa latou afifio ifo i lalo ma alio faataamilo ia tamaiti laiti, ma sa lio faataamilo i latou i se afi; ma sa auauna atu agelu ia te i latou.

 25 Ma sa vaai ma faalogo ma molimau le motu o tagata; ma ua latou iloa ua moni la latou molimau ona sa latou vaai ma faalogo uma, o tagata taitoatasi mo ia lava; ma o lo latou aofai pe tusa o le lua afe ma le lima selau tagata; ma sa aofia ai i latou o tane, fafine, ma tamaiti.