Dagiti Nasantuan a Kasuratan
3 Nephi 19


Kapitulo 19

Agpaay dagiti sangapulo-ket-dua a disipulo kadagiti tao ken nagkararagda iti Espiritu Santo—Mabuniagan ken awaten dagiti disipulo ti Espiritu Santo ken ti panagpaay dagiti anghel—Agkararag ni Jesus nga agaramat kadagiti balikas a saan a mabalin nga isurat—Paneknekanna ti aglaplapusanan a pammati dagitoy a Nephite. Agarup K.P. 34.

1 Ket ita napasamak nga idi immuli ni Jesus sadi langit, nagsisina ti ummong, ket tunggal lalaki innalana ti asawana ken annakna ket nagsublida iti bukodda a pagtaengan.

2 Ket nagsaknap a dagus ti damag kadagiti tao, sakbay a nagsipnget, a nakita ti ummong ni Jesus, ket nagpaay kadakuada, ket agparangto manen iti kabigatanna iti ummong.

3 Wen, ken nagpatnag a nagdinamag ti maipapan ken Jesus; ket kasta unay ti panangipadamagda kadagiti adu a tao, wen, nakaad-adu, ti nagikamakam iti trabahona iti dayta a rabii, tapno addadanto iti kabigatanna iti lugar a pangiparangan ni Jesus iti bagina iti ummong.

4 Ket napasamak nga iti kabigatanna, idi naguurnong ti ummong, adtoy, ni Nephi ken ti kabsatna a pinagungarna manipud kadagiti natay, a managan iti Timoteo, kasta met ti anakna, a managan iti Jonas, ken ni Mathoni, ken ni Mathonihah, ti kabsatna, ken ni Kumen, ken ni Kumenonhi, ken ni Jeremias, ken ni Shemnon, ken ni Jonas, ken ni Sedekias, ken ni Isaias—ita dagitoy ti nagan dagiti disipulo a pinili ni Jesus—ket napasamak a napanda nagtakder iti tengnga ti ummong.

5 Ket adtoy, dakkel unay ti ummong isu a biningayda iti sangapulo-ket-dua a ragup.

6 Ket insuro dagiti sangapulo-ket-dua ti ummong; ket adtoy, imbagada a nasken nga agparintumeng ti ummong iti daga, ket nasken nga agkararagda iti Ama iti nagan ni Jesus.

7 Ket nagkararag dagiti disipulo iti Ama iti nagan met ni Jesus. Ket napasamak a nagtakderda ket nagpaayda kadagiti tao.

8 Ket idi nayebkasda dagiti balikas a naisaon ni Jesus—nga awan ti maisupadi manipud iti balikas nga insawang ni Jesus—adtoy, nagparintumengda manen ket nagkararagda iti Ama iti nagan ni Jesus.

9 Ket inkararagda ti kaskenan kadakuada; ket dinawatda a rumbeng a maited kadakuada ti aEspiritu Santo.

10 Ket idi malpasda nga agkararag timmapogda iti danum, ket simmurot kadakuada ti ummong.

11 Ket napasamak a timmapog ni Nephi aiti danum ket nabuniagan.

12 Ket timmakdang iti danum ket inrugina ti nangbuniag. Ket binuniaganna amin dagiti pinili ni Jesus.

13 Ket napasamak idi anabuniaganda amin ken timmakdangda iti danum, bimmaba kadakuada ti Espiritu Santo, ket napnuanda iti bEspiritu Santo ken iti apuy.

14 Ket adtoy, analikmutda iti kasla apuy; ket immay manipud iti langit, ket nasaksian ti ummong, ket pinaneknekanda; ket immay dagiti anghel a bimmaba manipud iti langit ket nagpaayda kadakuada.

15 Ket napasamak a bayat ti panagpaay dagiti anghel kadagiti disipulo, adtoy, dimteng ni Jesus ket nagtakder iti tengnga ket nagpaay kadakuada.

16 Ket napasamak nga imbagana iti ummong, ket imbilinna kadakuada ti panagparintumengda manen iti daga, ken agparintumeng met dagiti disipulona iti daga.

17 Ket napasamak nga idi nakaparintumengda aminen iti daga, imbilinna kadagiti disipulona nga agkararagda.

18 Ket adtoy, nangrugida nga agkararag; ket nagkararagda ken ni Jesus, nga aw-awaganda nga Apo ken Diosda.

19 Ket napasamak a pimmanaw ni Jesus iti yanda, ket immadayo bassit kadakuada ket inruknoyna ti bagina iti daga, ket kinunana:

20 Ama, agyamanak kenka ta intedmo ti Espiritu Santo kadagitoy a pinilik; ket gapu iti pammatida kaniak, pinilik ida manipud iti lubong.

21 Ama, dawatek kenka a sika ti mangted iti Espiritu Santo kadakuada a mamati iti balikasda.

22 Ama, intedmo kadakuada ti Espiritu Santo agsipud ta mamatida kaniak; ket makitam a mamatida kaniak agsipud ta mangngegmo ida, ket agkararagda kaniak; ket agkararagda kaniak gapu ta addaak kadakuada.

23 Ket ita Ama, agkararagak kenka nga agpaay kadakuada, ket kasta met kadagiti amin a mamatinto iti balikasda, tapno mamatida kaniak, tapno addaak kadakuada a akas kenka, Ama, nga adda kaniak, tapno bagkaykaysata.

24 Ket napasamak a kalpasan ti panagkararag ni Jesus iti Ama, napan kadagiti disipulona, ket adtoy, nagtultuloyda, nga awan sardayna, nga agkararag kenkuana; ket saanda a aninayonan ti adu a balikas, agsipud ta naited kadakuada ti rumbeng nga bikararagda, ket napnuanda iti tarigagay.

25 Ket napasamak a binendisionan ni Jesus ti panagkararagda kenkuana; ket naisem ti rupana kadakuada, ket linawagan ida ti silnag ti arupana, ket adtoy kasda la bkatarnaw ti rupa ken kasta met ti kawes ni Jesus; ket adtoy ti kinatarnawna inartapanna ti amin a puraw, wen, awan ti sabali iti rabaw ti daga a mangartap pay iti kinatarnawna.

26 Ket kinuna ni Jesus kadakuada: Ituloyyo ti agkararag; iti kasta saanda a nagsardeng a nagkararag.

27 Ket tinallikudanna manen ida, ket kimmayakay bassit ket inruknoyna ti bagina iti daga; ket nagkararag manen iti Ama, a kinunana:

28 Ama, agyamanak kenka ta apinatarnawmo dagiti pinilik, gapu iti pammatida, ket agkararagak a maipaay kadakuada, ken maipaay met kadagiti mamatinto kadagiti balikasda, tapno tumarnawda koma kaniak, babaen ti pammati iti balikasda, a kas iti pannakadalusda kaniak.

29 Ama, saanak nga agkararag a maipaay iti lubong, ngem maipaay kadakuada nga intedmo kaniak a anaggapu iti lubong, gapu iti pammatida, tapno mapatarnawda kaniak, tapno addaak kadakuada, Ama, a kas iti kaaddam kaniak, tapno agkaykaysakami koma, tapno maidayawak koma kadakuada.

30 Ket idi maisawang ni Jesus dagitoy a balikas napan manen kadagiti disipulona; ket adtoy nagkararagda a sititibker, nga awan sardengna, kenkuana; ket immisem manen kadakuada; ket adtoy atimmarnawda, a kas ken ni Jesus.

31 Ket napasamak a kimmayakay manen ket nagkararag iti Ama;

32 Ket saan a mayebkas ti dila dagiti balikas ti kararagna, wenno amaisurat ti tao dagiti balikas iti kararagna.

33 Ket nangngeg ti ummong ket pinaneknekanda; ken nalukatan ti pusoda ket naimpusuan ti pannakaawatda kadagiti balikas iti kararagna.

34 Nupay kasta, naindaklan ken nakaskasdaaw dagiti balikas nga inkararagna a saanda a maisurat, wenno amaibalikas ida ti tao.

35 Ket napasamak nga idi nalpas ni Jesus nga agkararag immasideg manen kadagiti disipulona, ket kinunana kadakuada: Nagbilegen a apammati a diak pulos naimatangan kadagiti Hudio; gapuna saanko a maiparang kadakuada ti naindaklan a milagro, gapu iti bsaanda a panamati.

36 Pudno kunak kadakayo, awan kadakuada ti nakaimatang kadagiti naindaklan a banag a kas iti naimatanganyo; wenno nakangngeg kadagiti naindaklan a banag a kas iti nangngeganyo.