iVolanikalou
3 Nifai 1


iKatolu ni Nifai

Ai Vola i Nifai
Na Luvei Nifai, o koya na Luvei Ilamani

Ka a luvei Ilamani ko Ilamani, o koya ka a luvei Alama, o koya ka a luvei Alama, e dua na kawa i Nifai na luvei Liai, o koya ka lako tani mai Jerusalemi ena imatai ni yabaki ni gauna ni lewa i Setekaia na tui Juta.

Wase 1

Sa biuta na vanua ka lako yani ko Nifai na luvei Ilamani, ka sa maroroya na ivolatukutuku ko Nifai na luvena—E dina ga ni sa levu tu na vei ivakatakilakila kei na ka veivakurabuitaki, era sa nakita ga na tamata cakaca me ra yaviti ira na ivalavala dodonu—Sa yaco mai na bogi ni nona sucu na Karisito—Sa soli mai na ivakatakilakila, ka sa cabe e dua na kalokalo vou—Sa tubu cake na lasu kei na veidabui, ka ra sa yavita e vuqa ko ira na daubutako i Ketianitoni. Rauta na 1–4 S.K.

1 Oqo a sa yaco ni sa sivi yani e ciwasagavulu kadua na yabaki, ka sa aono na drau na yabaki mai na gauna ka biuti Jerusalemi mai kina ko Liai; io oqo na yabaki sa turaganilewa levu ka kovana kina ni vanua ko Lakoniasi.

2 A sa biuta na vanua ko Saraemala ko Nifai na luvei Ilamani, ka solia vei aNifai na luvena tagane qase duadua me maroroya na bpeleti parasa, kei na itukutuku kece ka a volai kei na veika kece sa maroroi tu me vaka ni ka tabu mai na gauna ka biuti Jerusalemi mai kina ko Liai.

3 A sa lako tani mai na vanua, ka asega ni dua e kila na vanua e lako kina; a sa sosomitaki koya ko Nifai na luvena ena kena maroroi na ivolatukutuku, io, na kedra ivolatukutuku na tamata oqo.

4 Ka sa yaco ena itekivu ni ikaciwasagavulu karua ni yabaki, raica, sa tekivu me vakayacori sara na veika era a parofisaitaka na parofita; a sa tekivu me vakayacori na vei ivakatakilakila kei na cakacaka mana lelevu ena kedra maliwa na tamata.

5 Ia era a tiko ga e so ka ra kaya ni sa oti na gauna me vakayacori kina na veivosa ka a ayalataka ko Samuela na Leimanaiti.

6 Ka sa tekivu me ra marau ka kaya vei ira na wekadra: Raica sa oti na gauna, ka sa sega ni yaco na veivosa a yalataka ko Samuela; ia sa mate wale na nomuni reki kei na nomuni vakabauta ena vuku ni veika oqo.

7 Ka sa yaco ni ra sa vakavuna e dua na yavavala levu ena vanua taucoko; era sa tekivu rarawa sara kina vakalevu ko ira sa vakabauta, de sega ni yaco dina na veika sa yalataki tu.

8 Ia raica, era sa namaka toka ga na siga ko ya, kei na bogi ko ya, kei na siga ko ya ka na yaco me vaka e dua ga na siga ka sega kina na bogi, me ra kila kina ni sa sega ni mate wale na nodra vakabauta.

9 Ka sa yaco ni ra sa lokuca e dua na siga ko ira na tawavakabauta me ra na avakamatei kina ko ira sa vakabauta na vei ivakarau ko ya, ka vakavo kevaka ena rairai mai na ivakatakilakila sa yalataka tu ko Samuela na parofita.

10 Oqo a sa yaco ni sa raica ko Nifai, na luvei Nifai, na nodra caka ca na nona tamata, sa rarawa sara vakalevu na lomana.

11 Ka sa yaco ni sa lako yani ka cuva vakatoboicu ki na qele, ka masu vakaukauwa vua na nona Kalou ena vukudra na nona tamata, io ko ira era sa vakarau vakarusai ena vuku ni nodra vakabauta tiko na ivakavuvuli ni nodra qase.

12 Ka sa yaco ni sa masu vakakaukauwa vua na Turaga ena asiga taucoko koya; ka raica, sa rogo vua na domo ni Turaga, ka kaya:

13 Mo laveta cake na ulumu ka marau; raica ni sa yaco mai na gauna, sa na vakaraitaki kina na ivakatakilakila ena bogi ga oqo, ia ni amataka au sa na lako yani kina ki vuravura, me’u vakaraitaka yani ki vuravura ni’u na vakayacora taucoko sara na veika au a vakarota me ra btukuna na noqu parofita tabu.

14 Raica, au sa alako yani vei ira na noqu, me’u bvakayacora na veika taucoko ka’u a tukuna tu vei ira na luve ni tamata mai na ctauyavutaki ni vuravura, ka kitaka na lomadrau dna Tamada kei na Luvena—io vua na Tamada ena vukuqu, vua na Luvena ena vuku ni yagoqu. Ka raica, sa yaco mai na gauna, ka sa na vakaraitaki na ivakatakilakila ena bogi ga oqo.

15 Ka sa yaco ni sa vakayacori na veivosa kece ka tukuni vei Nifai, me vaka na ka sa tukuni oti; ia raica, ni sa dromu sobu na matanisiga, a sa asega na butobuto; a ra sa kurabui na tamata ni sa sega na butobuto ni sa bogi mai na vanua.

16 Ka sa lewevuqa vei ira, era a sega ni vakabauta na nodra vosa na parofita, era sa abale sobu ki na qele me vaka era sa mate, ni ra kila ni sa daro na binaki levu era a vakarautaka tu me ra vakarusai kece ko ira sa vakabauta tiko na nodra vosa na parofita; ni sa rairai mai na ivakatakilakila e yalataki tu.

17 Ka ra sa kila ni sa voleka ni rairai mai na Luve ni Kalou; io, me vakalekalekataki ga, era sa kila ko ira kece na tamata e delai vuravura taucoko, mai na ra ki na tokalau, ena vanua ki na vualiku ki na vanua ena ceva, a ra sa bale sobu ki na qele ena levu ni nodra kidroa.

18 Ka ni ra sa kila ni ra a sa vakadinadinataka tu na parofita na veika oqo ena vuqa na yabaki sa oti, ka sa rairai mai na ivakatakilakila e a soli; ka sa tekivu me ra rere vakalevu ena vuku ni nodra cakacala kei na nodra tawavakabauta.

19 Ka sa yaco ni sa sega na butobuto ena bogi taucoko ko ya, ka sa rarama me vaka ga sa sigalevu tutu. Ka sa yaco ni sa cabe tale na matanisiga ena mataka kadua, me vaka ga na kena ivakarau; o koya era sa kila kina ni sai koya oqo na siga sa asucu kina na Turaga me vaka na ivakatakilakila sa tukuni oti tu.

20 Ka sa qai yaco, io, na veika kece sara, na kena veitikina kece me vaka na nodra vosa na parofita.

21 Ka sa yaco ni sa rairai tale ga e dua na akalokalo vou, me vaka na vosa.

22 Ka sa yaco ni mai na gauna oqo ka lako yani sa vakatetea vagumatua sara kina ko Setani na nona itukutuku lasu, ena kedra maliwa na tamata, me vakaukauwataka na lomadra, ena inaki me ra kakua kina ni vakabauta na ivakatakilakila kei na veika veivakurabuitaki era sa raica; ia e dina ga sa vakatetea yani na itukutuku lasu kei na veivakaisini, era sa vakabauta ga na iwase levu cake ni tamata ka ra saumaki vua na Turaga.

23 Ka sa yaco ni sa lako yani ko Nifai kei na lewevuqa tale ena kedra maliwa na tamata, ka papitaisotaki ira ki na veivutuni, a sa abokoci kina na nodra ivalavala ca na lewevuqa. A ra sa tekivu tiko sautu tale na tamata ena vanua.

24 A sa sega na veileti, ka vakavo ga e lewe vica era sa vunau voli ka ra tovolea me ra vakadinadinataka mai na ivolanikalou ni sa asega ni yaga me muri tiko na lawa i Mosese. Ia era sa cala ena ka oqo ni ra sa sega ni kila na ivolanikalou.

25 Ia a sa yaco ni ra a qai saumaki totolo tale mai ka vakadinadinataka na nodra cala ka ni a tukuni vei ira ni a se bera ni avakayacori kece sara na lawa; ka na vakayacori kece sara ena kena vei tikina, io, sa lako mai vei ira na vosa ni na vakayacori vakaidina; io, ni na sega ni takali e dua na matanivola lailai se dua na tikina lailai sara, ena yaco mada kecega; o koya era a kila kina ni ra sa cala ka ra bvakatusa sara na nodra cala ena yabaki tiko ga ko ya.

26 Ka sa takali yani na ikaciwasagavulu karua ni yabaki, ka kauta mai na itukutuku rekitaki vei ira na tamata ena vuku ni veivakatakilakila era sa vakayacori, me vaka na nodra vosa ni parofisai na parofita tabu kecega.

27 Ka sa yaco ni ra sa tiko sautu me yacova ni sa cava tale na ikaciwasagavulu katolu ni yabaki, ka vakavo ga o ira na adaubutako i Ketianitoni, ka ra tiko mai na veiulunivanua, ka ra sewaruta na vanua; ka ni sa rui kaukauwa na nodra koro ni valu kei na nodra itikotiko vuni ka ra sa sega ni rawai ira rawa kina ko ira na tamata; o koya era sa vakayacora kina e vuqa na laba, kei na veivakarusai ena kedra maliwa na tamata.

28 Ka sa yaco ni ena ikaciwasagavulu kava ni yabaki sa tubu vakalevu cake sara na kedra iwiliwili, ni sa vuqa na Nifaiti era se tani era sa dro yani vei ira, era sa rarawa kina vakalevu ko ira na Nifaiti era vo tiko ena nodra vanua.

29 Ka sa dua tale ga na vu ni rarawa levu ena kedra maliwa na Leimanaiti; ia raica, era sa tubu cake mai e vuqa na nodra gone, era sa tamata bula cake sara ena nodra yabaki, ka dui lewai ira ga, ia era sa rawai ena nodra lasu kei na nodra vosa veicavilaki na aSoramaiti, me ra curu ki na ilawalawa daubutako i Ketianitoni.

30 Era sa vakararawataki vakaoqo na Leimanaiti, ka ra sa lailai sobu ena nodra vakabauta kei na nodra ivalavala dodonu, ena vuku ni nodra caka ca na itabatamata era se qai tubu tiko mai.