Tusitusiga Paia
3 Nifae 21


Mataupu 21

O le a faapotopotoina Isaraelu pe a oo mai le Tusi a Mamona—O le a faatuina Nuuese i Amerika o ni tagata saoloto—O le a faaolaina i latou pe a fai latou te talitonu ma usiusitai; a leai, o le a vavaeeseina i latou ma faaumatia—O le a faatuina e Isaraelu le Ierusalema Fou, ma o le a toe foi mai ituaiga ua leiloloa. E tusa o le 34 T.A.

1 Ma e moni ou te fai atu ia te outou, ou te tuu atu ia te outou se faailoga, ina ia outou iloa le ataimi o le a lata ai ina taunuu nei mea—o le a ou faapotopoto mai ai lou nuu, le aiga o Isaraelu, mai le umi o faataapeapeina i latou, ma toe faatuina ia te i latou lau Siona;

2 Faauta foi, o le mea lenei o le a ou tuu atu ia te outou mo se faailoga—aua e moni ou te fai atu ia te outou, a oo ina faaali atu nei mea ua ou ta’u atu ia te outou, ma mea o le a ou ta’u ia te outou i se taimi o mulimuli mai e a’u lava ia, ma i le mana o le Agaga Paia lea o le a tuu atu ia te outou e le Tamā, i Nuuese, ina ia latou iloa e uiga i lenei nuu o se vaega o totoe o le aiga o Iakopo, ma e faatatau i o’u tagata nei o ē o le a latou faataapeapeina;

3 E moni, e moni, ou te fai atu ia te outou, pe a faailoa atu anei mea ia te i latou e le Tamā, ma o le a oo mai mai le Tamā, mai ia te i latou ia te outou;

4 Ona o le poto o i ai i le Tamā e tatau ona faatuina i latou i lenei laueleele, ma faatutu o se nuu asaoloto i le mana o le Tamā, ina ia mafai ona oo mai o nei mea mai ia te i latou i se vaega o totoe o a outou fanau, ina ia mafai ona faataunuuina o le efeagaiga a le Tamā lea na ia osifeagaiga ai ma lona nuu, o le aiga o Isaraelu;

5 O lea, a oo mai nei galuega ma galuega o le a faia i totonu o outou i se taimi o mulimuli mai amai Nuuese, ia outou efanau o ē o le a faaitiitia i le le talitonu ona o amioletonu;

6 Aua ua faapea ona finagalo le Tamā e tatau ona oo mai nei mea mai aNuuese, ina ia mafai ona ia faaali atu lona mana i Nuuese, mo le pogai lenei, ina ia latou salamo ma o mai ia te au ma papatiso i lo’u igoa ma iloa e uiga i aoaoga moni o la’u aoaoga faavae, ina ia mafai ona efaitauina i latou i totonu o lo’u nuu, o le aiga o Isaraelu, pe afai latou te le faamaaa o latou loto;

7 Ma pe a faataunuuina ia mea o le a amata ona iloa e au afanau nei mea—o le a avea o se faailoga ia te i latou, ina ia mafai ona latou iloa ai ua uma ona amataina o le galuega a le Tamā mo le faataunuuina o le feagaiga lea na ia faia i le nuu o ē o le aiga o Isaraelu.

8 Ma pe a oo mai lena aso, o le a oo mai o le a tapunia e tupu o latou lava gutu; ona o le a latou vaai i mea sa lei ta’uina atu ia te i latou; ma o le a latou manatunatu i mea sa latou lei faalogo i ai.

9 Aua i lena aso, ona o a’u lava, o le a galueaiina ai e le Tamā se galuega, lea o le a avea o se galuega tele ma le aofoofogia i totonu ia te i latou; ma o le a i ai i totonu ia te i latou ni isi o ē o le a le talitonu i ai, e ui ina o le a ta’u atu e se tagata ia te i latou.

10 Ae faauta, o le a i ai i o’u lima le ola o la’u auauna; o lea o le a latou le faamanualia ai o ia, e ui i lea o le a afaaleagaina o ia ona o i latou. Peitai o le a ou faamaloloina o ia, ona o le a ou faaali atu ia te i latou ua sili atu le tele o elo’u poto nai lo togafiti a le tiapolo.

11 O lea, o le a oo mai foi o soo se tasi e le talitonu i a’u upu, o a’u o Iesu Keriso, o lē o le a poloaiina o aia e le Tamā ia aumai i Nuuese, ma o le a ia tuuina atu ia te ia le mana o le a ia aumai ai i latou i Nuuese, (o le a faia e pei lava ona fai mai ai Mose) o le a evavae ese mai totonu o lo’u nuu i latou o le feagaiga.

12 Ma o o’u tagata o ē o se vaega o totoe o Iakopo o le a i ai i totonu o Nuuese, ioe, i totonu o i latou e pei o se aleona i totonu o manu o le vao, e pei o se leona taanoa i totonu o lafu mamoe, o lē, afai e ui atu ai o ia, o le a ia esolia i lalo i latou ma saeia ninii, ma e leai se e mafai ona laveaiina.

13 O le a siitia a’e lo latou lima i luga o o latou fili, ma o le a vavae ese o latou fili uma.

14 Ioe, oi talofa i Nuuese vagana ai ua latou asalamo; aua o le a oo mai i lena aso, ua fetalai mai ai le Tamā, o le a ou vavae ese au solofanua mai ia te oe, ma o le a ou lepetia au kariota;

15 Ma o le a ou vavae ese aai o lou laueleele, ma lafo i lalo ou puipui malolosi uma;

16 Ma o le a ou vavae ese faataulaitu mai lou laueleele, ma o le a le toe i ai ia te oe ni tagata iite;

17 O le a ou vavae ese foi ou atupua ua ta, ma ou tupua tapuai mai ia te oe, ma o le a e le toe tapuai atu i galuega a ou lima;

18 Ma o le a ou lia’i a’e ou togalaau mai totonu ia te oe; o le a faapea ona ou lepeti o ou aai.

19 Ma o le a oo mai o apepelo, ma taufaasese, ma lotovale, ma finauga, ma faitaulaga pepelo, ma faitaaga uma, o le a aveesea.

20 Aua o le a oo mai, ua fetalai mai ai le Tamā, i lena aso, o soo se tasi e le salamo ma sau i lo’u Atalii Pele, o i latou ia o le a ou vavae ese mai totonu o lo’u nuu, le aiga o Isaraelu;

21 Ma o le a ou faaoo le tauimasui ma le ita tele i luga o i latou, e pei lava ona faia i luga o e ua faapaupau, i se ala latou te lei faalogo i ai.

22 Ae afai latou te salamo ma faalogo mai i a’u upu, ma lē faamaaaina o latou loto, o le a ou afaatuina la’u ekalesia i totonu o i latou, ma o le a latou o mai i totonu o le feagaiga, ma efaitauina i totonu o le vaega lenei o totoe o Iakopo, o e ua ou tuu atu i ai le laueleele lenei mo o latou tofi;

23 Ma o le a latou fesoasoani i o’u tagata, le vaega o totoe o Iakopo, ma le toatele foi o le aiga o Isaraelu o le a o mai, ina ia mafai ona latou fausia o se aai, lea o le a latou ta’ua o le aIerusalema Fou.

24 Ma ona latou fesoasoani ai lea i o’u tagata ina ia faapotopoto mai i latou, o ē ua faataapeapeina i luga o le laueleele atoa, i totonu o le Ierusalema Fou.

25 Ma ona oo mai ai lea i lalo o le amana o le lagi ia i latou; ma o le a eou i ai foi i le totonugalemu.

26 Ma ona amata ai lea o le galuega a le Tamā i lena aso, i lea lava taimi o le a tala’i atu ai lenei talalelei i totonu o le vaega o totoe o lenei nuu. E moni ou te fai atu ia te outou, o lena aso o le a aamata ai le galuega a le Tamā i totonu o tagata uma o lo’u nuu ua faataapeapeina, ioe, e oo lava i ituaiga sa eleiloloa, ia sa ta’ita’i ese atu e le Tamā mai Ierusalema.

27 Ioe, o le a amata, e le Tamā, le galuega i totonu o tagata uma o lo’u nuu ua afaataapeapeina, e saunia le ala e mafai ai ona latou o mai ia te au, ina ia mafai ona latou valaau atu i le Tamā i lo’u igoa.

28 Ioe, ma ona amata ai lea, e le Tamā, le galuega i totonu o atunuu uma, i le sauniuniga o le ala e mafai ai ona afaapotopoto mai ona tagata i le aiga i le laueleele o lo latou tofi.

29 Ma o le a latou o ese mai atunuu uma; ma o le a latou le o ese atu afaanatinati, pe o atu faasulusulu, ona o le a ou muaau ia te i latou, ua fetalai mai ai le Tamā, ma o le a ou muliau foi ia te i latou.