1 Epi lè sa a, pawòl ki te ekri yo pral akonpli: Chante, ou menm esteril, ou menm ki pa t fè pitit, leve vwa w pou w ^achante ak rele fò, ou menm ki pa t santi doulè akouchman; Senyè a di konsa, paske pitit fanm abandone yo pi plis pase pitit madanm marye yo.

2 Fè plas nan tant ou a, e fè yo lonje rido nan abitasyon w yo; pa fè rezèv, tire kòd ou yo, e ranfòse ^apye w yo.

3 Paske ou pral avanse a dwat epi a goch, e desandan w yo ap eritye tè yo nan men ^aJanti yo, e yo pral abite nan vil vid yo.

4 Pa pè, paske w p ap wont; ni tou yo p ap konfonn ou, paske yo p ap kapab ^aavili w; paske w ap bliye wont lè w te jèn nan, epi ou p ap sonje repwòch lè w te jèn nan, e ou p ap sonje repwòch lè w te vèv la ankò.

5 Paske, kreyatè w la, mari w la, se Senyè tout Lame yo ki non l; e Redanmtè w la, Sen Izrayèl la—y ap rele li Bondye tout tè a.

6 Paske, Senyè a te rele w kòmsi w se yon fi abandone, ak aflije nan lespri; e Bondye w la di konsa, ou te yon jèn madanm lè yo te abandone w.

7 Paske m te bliye pou yon ti tan, men, m pral rasanble nan gwo mizèrikòd.

8 Epi Senyè a, Redanmtè w la di konsa, nan yon ti kòlè m te kache figi m ba ou pou yon ti tan, men, avèk yon jantiyès etènèl m ap gen ^amizèrikòd pou ou.

9 Pou ^asa se tankou, zafè ^bdlo Noye a devan mwen, paske menm jan m te sèmante pou dlo Noye a pa janm kouvri tè a ankò, se konsa m te sèmante pou m pa fache kont ou ankò.

10 Paske ^amontay yo pral sòti, e kolin yo pral deplase; men, men jantiyès mwen p ap ^bkite w, mwen p ap ritire alyans lapè mwen an nonplis, se sa Senyè ki gen mizèrikòd pou ou a di.

11 Ou menm ki aflije, ou menm tanpèt la ap balanse a, e ki san konsolasyon! Gade, m ap mete bèl koulè sou ^awòch ou yo, e m ap bati fondasyon w la avèk safran.

12 Epi m ap fè fenèt ak wòch kolore, e pòt ou yo avèk ribi, e tout miray ou yo avèk bèl wòch.

13 Epi, ^atout pitit ou yo pral aprann konsènan Senyè a; e lapè pitit ou yo pral gran.

14 Ou pral tabli nan ^alajistis; ou p ap oprime paske p ap gen rezon pou w pè, e ou p ap sibi kòlè, paske li p ap vin prè w.

15 Gade, y ap rasanble ansanm kont ou, san konsantman m; nenpòt moun ki rasanble kont ou ap tonbe poutèt mwen.

16 Gade, m te kreye fòjewon an pou soufle sou chabon dife, e pou fè zouti pou travay li; e m te kreye piyajè a pou detwi.

17 Senyè a di, onkenn zam ki itilize kont ou p ap pwospere; e w ap kondane tout lang ki pale mal sou ou. Sa se eritaj sèvitè Senyè a yo, e m ap fè yo pwogrese, se sa Senyè a di.