ບົດທີ 23
ພຣະເຢຊູເຫັນພ້ອມກັບຄຳຂອງເອຊາຢາ—ພຣະອົງບັນຊາໃຫ້ຜູ້ຄົນຄົ້ນຫາສາດສະດາ—ຄຳຂອງຊາມູເອນຄົນເລມັນກ່ຽວກັບການຟື້ນຄືນຊີວິດຖືກບັນທຶກໄວ້ໃນແຜ່ນຈາລຶກ. ປະມານ ຄ.ສ. 34.
1 ແລະ ບັດນີ້, ຈົ່ງເບິ່ງເຮົາກ່າວກັບເຈົ້າວ່າ ເຈົ້າຄວນ ກຄົ້ນຫາສິ່ງເຫລົ່ານີ້. ແທ້ຈິງແລ້ວ, ເຮົາໃຫ້ບັນຍັດແກ່ເຈົ້າເພື່ອໃຫ້ຄົ້ນຫາສິ່ງເຫລົ່ານີ້ຢ່າງພາກພຽນ; ເພາະວ່າຄຳເວົ້າຂອງ ຂເອຊາຢານັ້ນໃຫຍ່ຍິ່ງ.
2 ເພາະເພິ່ນໄດ້ເວົ້າໄວ້ໃນທຸກເລື່ອງກ່ຽວກັບຜູ້ຄົນຂອງເຮົາແທ້ໆ ຜູ້ຊຶ່ງເປັນເຊື້ອສາຍອິດສະຣາເອນ; ສະນັ້ນ ຈຶ່ງຈຳເປັນທີ່ເພິ່ນຈະຕ້ອງເວົ້າກັບຄົນຕ່າງຊາດເໝືອນກັນ.
3 ແລະ ທຸກເລື່ອງທີ່ເພິ່ນໄດ້ເວົ້າໄວ້ ໄດ້ເກີດຂຶ້ນ ແລະ ກຈະເກີດຂຶ້ນຕາມຄຳທີ່ເພິ່ນເວົ້າ.
4 ສະນັ້ນ ຈົ່ງເອົາໃຈໃສ່ໃນຄຳຂອງເຮົາ; ຈົ່ງຂຽນເລື່ອງທີ່ເຮົາບອກເຈົ້າ; ແລະ ຕາມພຣະປະສົງຂອງພຣະບິດາທີ່ເຫັນວ່າສົມຄວນ ມັນຈະອອກໄປຫາຄົນຕ່າງຊາດ.
5 ແລະ ຜູ້ໃດກໍຕາມທີ່ຈະເຊື່ອຟັງຄຳຂອງເຮົາ ແລະ ກັບໃຈ ແລະ ຮັບບັບຕິສະມາ ຜູ້ນັ້ນຈະລອດ. ຈົ່ງຄົ້ນຫາ ກສາດສະດາ, ເພາະວ່າຫລາຍຄົນໄດ້ໃຫ້ຖ້ອຍຄຳໄວ້ເຖິງເລື່ອງເຫລົ່ານີ້.
6 ແລະ ບັດນີ້ເຫດການໄດ້ບັງເກີດຂຶ້ນຄື ເມື່ອພຣະເຢຊູກ່າວຂໍ້ຄວາມເຫລົ່ານີ້ແລ້ວ, ພຣະອົງກໍໄດ້ກ່າວກັບພວກເຂົາອີກ, ຫລັງຈາກທີ່ພຣະອົງໄດ້ຊີ້ແຈງພຣະຄຳພີທັງໝົດກັບພວກເຂົາ ຊຶ່ງພວກເຂົາໄດ້ຮັບມາ, ພຣະອົງໄດ້ກ່າວກັບພວກເຂົາວ່າ: ຈົ່ງເບິ່ງ, ເຮົາຢາກໃຫ້ເຈົ້າຂຽນພຣະຄຳພີອື່ນທີ່ເຈົ້າຍັງບໍ່ມີ.
7 ແລະ ເຫດການໄດ້ບັງເກີດຂຶ້ນຄື ພຣະອົງໄດ້ກ່າວກັບນີໄຟວ່າ: ຈົ່ງເອົາບັນທຶກທີ່ເຈົ້າມີອອກມາ.
8 ແລະ ເວລານີໄຟໄດ້ເອົາບັນທຶກອອກມາ ແລະ ວາງໄວ້ຕໍ່ພຣະພັກຂອງພຣະອົງ, ແລ້ວພຣະອົງໄດ້ທອດພຣະເນດເບິ່ງມັນ ແລະ ກ່າວວ່າ:
9 ຕາມຈິງແລ້ວເຮົາກ່າວກັບເຈົ້າວ່າ, ເຮົາໄດ້ສັ່ງໃຫ້ ກຊາມູເອນຄົນເລມັນຂ້າໃຊ້ຂອງເຮົາໃຫ້ຖ້ອຍຄຳກັບຜູ້ຄົນພວກນີ້, ວ່າໃນມື້ທີ່ພຣະບິດາຈະແຜ່ບາລະມີພຣະນາມຂອງພຣະອົງໃນເຮົາ ຈະມີ ຂໄພ່ພົນຂອງເຮົາ ຄເປັນຈຳນວນຫລວງຫລາຍທີ່ຈະ ງລຸກຂຶ້ນຈາກຄວາມຕາຍ, ແລະ ຈະມາປະກົດແກ່ຜູ້ຄົນຢ່າງຫລວງຫລາຍ, ແລະ ຈະປະຕິບັດສາດສະໜາກິດແກ່ພວກເຂົາ. ແລະ ພຣະອົງໄດ້ກ່າວກັບພວກເພິ່ນວ່າ: ມັນບໍ່ໄດ້ເປັນເຊັ່ນນັ້ນບໍ?
10 ແລະ ສານຸສິດຂອງພຣະອົງໄດ້ຕອບພຣະອົງ ແລະ ກ່າວວ່າ: ແມ່ນແລ້ວ, ພຣະອົງເຈົ້າເອີຍ, ຊາມູເອນໄດ້ທຳນາຍຕາມພຣະຄຳຂອງພຣະອົງ, ແລະ ພຣະຄຳເຫລົ່ານັ້ນສຳເລັດແລ້ວທັງໝົດ.
11 ແລະ ພຣະເຢຊູໄດ້ກ່າວກັບພວກເພິ່ນວ່າ: ດ້ວຍເຫດໃດເຈົ້າຈຶ່ງບໍ່ຂຽນເລື່ອງນີ້ໄວ້, ເລື່ອງທີ່ໄພ່ພົນຂອງເຮົາຢ່າງຫລວງຫລາຍໄດ້ລຸກຂຶ້ນ ແລະ ໄດ້ມາປະກົດແກ່ຜູ້ຄົນຢ່າງຫລວງຫລາຍ ແລະ ໄດ້ປະຕິບັດສາດສະໜາກິດແກ່ພວກເຂົາ?
12 ແລະ ເຫດການໄດ້ບັງເກີດຂຶ້ນຄື ນີໄຟຈຳໄດ້ວ່າ ເລື່ອງນີ້ບໍ່ໄດ້ຖືກຂຽນໄວ້.
13 ແລະ ເຫດການໄດ້ບັງເກີດຂຶ້ນຄື ພຣະເຢຊູໄດ້ບັນຊາໃຫ້ຂຽນເລື່ອງນີ້ໄວ້; ສະນັ້ນ ມັນຈຶ່ງມີຂຽນໄວ້ຕາມທີ່ພຣະອົງໄດ້ບັນຊາ.
14 ແລະ ບັດນີ້ເຫດການໄດ້ບັງເກີດຂຶ້ນຄື ເມື່ອພຣະເຢຊູໄດ້ ກຊີ້ແຈງພຣະຄຳພີທັງໝົດແລ້ວ ຊຶ່ງພວກເພິ່ນໄດ້ຂຽນໄວ້, ພຣະອົງໄດ້ບັນຊາໃຫ້ພວກເພິ່ນສິດສອນເລື່ອງທີ່ພຣະອົງໄດ້ຊີ້ແຈງມານັ້ນແກ່ພວກເຂົາ.