Mataupu 25
O le a susunuina i le Afio Mai Faalua e pei o tagutugutu o saito ē e faamaualuluga ma ē e amioleaga—O le a toe foi mai Elia ae lei oo i lena aso tele ma le matautia—Faatusatusa i le Malaki 4. E tusa o le 34 T.A.
1 Aua faauta, e oo mai le aso o le a amu ai e pei o se umu; ma o e uma e efaamaualuluga, ioe, ma e uma e fai amioleaga, o le a pei o tagutugutu o saito; ma o le aso o le a oo mai o le a susunuina i latou, ua fetalai mai ai le Alii o ’Au, o le a ia le tuua ai se aa po o se lala mo i latou.
2 Ae ia te outou o ē e matatau i lo’u igoa, o le a tulai mai i ai le aAtalii o le Amiotonu ma le faamalologa i ona apaau; ma o le a outou o atu ma etutupu ae e pei o ni itamaipovi i le lotoa.
3 Ma o le a outou asoli i lalo e ua amioleaga; ona o le a avea i latou ma lefulefu i lalo o o outou alofivae i le aso lena o le a ou fai ai lenei mea, ua fetalai mai ai le Alii o ’Au.
4 Ia outou manatua le tulafono a Mose, la’u auauna, lea na ou poloai atu ia te ia i aHorepa mo Isaraelu uma, faatasi ma tulafono ma faamasinoga.
5 Faauta, o le a ou auina atu ia te outou aElia le perofeta ae lei oo mai le easo tele ma le matautia o le Alii;
6 Ma o le a ia aliliu loto o tamā i fanau, ma loto o fanau i o latou tamā, nei ou alu atu ma taia le lalolagi i se fetuu.