Tusitusiga Paia
3 Nifae 26


Mataupu 26

Ua auiliili atoatoa mai e Iesu mea uma mai le amataga e oo i le iuga—Ua tautala mai pepe ma tamaiti i mea ofoofogia e le mafai ona tusia—O i latou e i ai i totonu o le Ekalesia a Keriso ua taatele mea uma i totonu ia te i latou. E tusa o le 34 T.A.

1 Ma sa oo ina ua uma ona fetalai mai e Iesu nei mea sa ia auiliili mai i latou i le motu o tagata; ma sa ia auiliili mai mea uma ia te i latou, o mea tetele ma mea laiti.

2 Ma sa ia fetalai mai: aO tusitusiga paia nei, ia sa lei i ai ia te outou, ua poloai mai le Tamā e tatau ona ou tuuina atu ia te outou; ona o le poto lea ua ia te ia e tatau ona tuuina atu i latou i tupulaga o le lumanai.

3 Ma sa ia auiliili mea uma, mai lava i le amataga seia oo i le taimi e afio mai ai o ia i lona amamalu—ioe, mea uma lava ia o le a oo mai i luga o le fogaeleele, seia oo lava ina liusuavai eelemene i le vevela tele, ma itaataai faatasi le lalolagi e pei o se tusi taai, ma o le a mavae atu ai le lagi ma le lalolagi;

4 Ma seia oo lava i le aso atele ma gataaga, lea o le a elaulaututu ai tagata uma, ma ituaiga uma, ma atunuu uma, ma gagana eseese, i luma o le Atua, e faamasinoina ia latou galuega pe ua lelei pe ua leaga—

5 Afai sa lelei i latou, e atoetutu mai i le ola faavavau; ma afai sa leaga i latou, e toetutu mai i le faasalaga; ua tutu faafeagai, o le tasi i le tasi itu ma le isi i le isi itu, e tusa ma le alofa mutimutivale, ma le efaamasinotonu, ma le paia lea ua ia Keriso, o lē na i ai a’o ilei amataina le lalolagi.

6 Ma o lenei e le mafai ona tusia i lenei tusi e oo i sina atasi vaeselau o mea na tonu ona a’oa’o atu e Iesu i le nuu;

7 Ae faauta ua i ai i apapatusi a Nifae le vaega tele o mea ia na ia a’oa’o atu i le nuu.

8 Ma o mea nei ua ou tusia, o se vaega itiiti lea o mea ia na ia a’oa’o atu i le nuu; ma ua ou tusiaina i latou mo le faamoemoe ia mafai ona toe aumai i latou i lenei nuu, amai Nuuese, e tusa ai ma afioga ia na fetalai ai Iesu.

9 Ma pe oo ina latou mauaina lenei mea, lea e tatau ona latou maua muamua, e tofotofo ai lo latou faatuatua, ma afai e faapea o le a latou talitonu i nei mea, ona faaalia mai ai lea ia te i latou o amea silisili atu.

10 Ma afai e faapea o le a latou le talitonu i nei mea, ona ataofia lea o mea e silisili atu mai ia te i latou, mo le tausalaina o i latou.

11 Faauta, sa fai o le a ou tusiaina i latou, mea uma ia sa togitogia i luga o papatusi a Nifae, ae sa faasaina e le Alii, ua fetalai mai: O le a ou atofotofoina le faatuatua o lo’u nuu.

12 O lea, o a’u, o Mamona, ou te tusia mea ia na poloaiina ai a’u e le Alii. Ma o lenei, o a’u, o Mamona, ou te faaiu atu a’u upu, ma faaauau ona tusia mea ia na poloaiina ai a’u.

13 O lea, ou te manao ia outou tagai sa tonu ona a’oa’o atu e le Alii le nuu, mo le va o aso e tolu; ma ina ua mavae lena sa ia afaaali soo mai o ia lava ia te i latou, ma ia tofitofi soo le eareto, ma faamanuia, ma avatu ia te i latou.

14 Ma sa oo ina ia aoao atu ma auauna atu i afanau a le motu o tagata o ē ua ta’ua, ma ia etatala o latou laulaufaiva, ma sa latou tautatala atu i o latou tamā mea tetele ma le ofoofogia, sa silisili atu lava ona tetele i lo mea na ia faaali atu i le nuu; ma sa ia tatalaina o latou laulaufaiva ina ia mafai ona latou tautatala mai.

15 Ma sa oo ina ua mavae ona afio ae o ia i le lagi—o le taimi lona lua na ia faaali mai ai o ia lava ia te i latou, ma na afio atu ai i le Tamā, ina ua uma lea ona ia afaamaloloina o o latou tagata mamai uma, ma o latou pipili, ma faapupulaina mata o o latou tauaso ma tatalaina taliga o e tutuli, ma uma foi ona ia faia o faamalologa uiga eseese uma i totonu ia te i latou, ma faatu se tagata mai le oti, ma uma ona faaali atu o lona mana ia te i latou, ma afio atu i le Tamā—

16 Faauta, sa oo i le aso na sosoo ai na faapotopoto faatasi ai le motu o tagata i latou lava, ma sa latou vaai ma lagonaina nei fanau; ioe, e oo lava i apepe sa tatalaina o latou gutu ma tautatala mai i mea ofoofogia; ma o mea sa latou tautatala mai ai sa faasaina sa le tatau i soo se tagata ona tusia i latou.

17 Ma sa oo ina amata e asoo na filifilia e Iesu mai lena taimi ma agai atu i le lumanai ona epapatiso ma a’oa’o atu le toatele o ē na o mai ia te i latou; ma o le toatele o i latou o ē na papatiso i le suafa o Iesu sa faatutumulia i le Agaga Paia.

18 Ma o le toatele o i latou sa vaai ma faalogo i mea e le mafaamatalaina, ia ua ale faatagaina faaletulafono ona tusia.

19 Ma sa latou a’oa’o atu, ma auauna atu o le tasi i le isi; ma sa ia i latou mea auma e etaatele i totonu ia te i latou, ma faamaoni tagata uma, o le tasi i le isi, i fealoaiga na latou fai.

20 Ma sa oo ina latou faia mea uma e pei lava ona poloaiina ai i latou e Iesu.

21 Ma o i latou o ē na papatisoina i le suafa o Iesu sa ta’ua o le aekalesia a Keriso.