Nifae ToluO Le Tusi a Nifae O Le Atalii o Nifae, O Le Atalii ia o Helamana

Mataupu 27

Ua poloaiina i latou e Iesu ia faaigoa le ekalesia i lona igoa—O lana misiona ma lana taulaga togiola o lana talalelei lea—Ua poloaiina tagata ia salamo ma papatiso ina ia mafai ona faapaiaina i latou e le Agaga Paia—Ia avea i latou ia pei lava o Iesu ia. E tusa o le 34–35 T.A.

 Ma sa oo ina malaga atu soo o Iesu ma ao latou talai atu mea ia na latou faalogo ma vaaia, ma ao latou papatiso atu i le suafa o Iesu, sa oo ina faapotopoto faatasi le au soo ma aaufaatasi i le tatalo faatauanau atu ma le eanapogi.

 Ma sa toe afaaali mai e Iesu o ia lava ia te i latou, ona sa latou tatalo atu i le Tamā i lona suafa; ma sa afio mai Iesu ma tu i totonu o i latou, ma fetalai mai ia te i latou: O le a se mea ua outou mananao ou te tuu atu ia te outou?

 Ma sa latou fai mai ia te ia: Le Alii e, matou te mananao sei e fofoga mai ia te i matou le igoa matou te faaigoa ai lenei ekalesia; ona o loo i ai ni finauga i totonu o le nuu e faatatau i lenei mataupu.

 Ma sa fetalai atu le Alii ia te i latou: E moni, e moni, ou te fai atu ia te outou, aisea ea ua tomumumu ma finau ai le nuu ona o lenei mea?

 Latou te lei faitau ea i tusitusiga paia, ia ua fai mai e ao ina outou ave i o outou luga le asuafa o Keriso, o lou igoa lea? Ona o le igoa lea o le a valaau ai outou i le aso gataaga;

 Ma o soo se tasi na te ave i ona luga lou igoa, ma atumau seia oo i le iuga, o ia lava lea o le a faaolaina i le aso gataaga.

 O lea, soo se mea tou te faia, ia outou faia i lou igoa; o lea ia outou faaigoa ai le ekalesia i lou igoa; ma ia outou valaau atu i le Tamā i lou igoa ia faamanuia mai o ia i le ekalesia ona o au.

 Ma e faapefea ona avea ma aau eekalesia vagana ai ua faaigoaina i lou igoa? Aua afai e faaigoaina se ekalesia i le igoa o Mose o lona uiga o le ekalesia lea a Mose; pe afai e faaigoaina i le igoa o se tagata o lona uiga o le ekalesia lea a le tagata; ae afai e faaigoaina i lou igoa o lona uiga o lau ekalesia lea, pe afai ua atiae i latou i luga o lau talalelei.

 E moni ou te fai atu ia te outou, ua atiae outou i luga o lau talalelei; o lea ia outou valaauina i lou igoa soo se mea tou te valaauina; o lea afai tou te valaau atu i le Tamā, mo le ekalesia, afai e faia i lou igoa o le a faafofoga mai le Tamā ia te outou.

 10 Ma afai ua faapea ona atiae o le ekalesia i luga o lau talalelei ona faaali mai ai lea e le Tamā o ana lava galuega i totonu o ia.

 11 Ae afai ua le atiae i luga o lau talalelei, ma ua atiae i luga o galuega a tagata, po o luga o galuega a le tiapolo, e moni ou te fai atu ia te outou latou te maua le olioli ia latou galuega mo se tau, ma e toe itiiti ane oo mai le iuga, ma o le a atatuu i latou i lalo ma lafo i le afi, lea ua leai se toe foi mai ai.

 12 Aua e amulimuli atu a latou galuega ia te i latou, aua ona o a latou galuega ua tatuu ai i lalo i latou; o lea ia outou manatua ai mea ua ou tau atu ia te outou.

 13 Faauta, ua ou tuu atu ia te outou lau atalalelei, ma o le talalelei lenei ua ou tuu atu ia te outou—e faapea, ua ou sau i le lalolagi e fai le efinagalo o lou Tamā, aua na auina mai au e lou Tamā.

 14 Ma na auina mai au e lou Tamā ina ia asii ae au i luga o le satauro; ma a mavae ona sii ae o au i luga o le satauro, ina ia mafai ona ou eaumai o tagata uma ia te au, ina ia pei ona sii ae o au i luga e tagata ia faapea foi ona sii ae i luga o tagata e le Tamā, e tutu i ou luma, e ifaamasinoina i a latou galuega, pe ua lelei pe ua leaga—

 15 Ma le pogai lenei na asii ai au i luga; o lea, e tusa ai ma le mana o le Tamā, o le a ou aumai ai tagata uma ia te au, ina ia faamasinoina i latou e tusa ma a latou galuega.

 16 Ma o le a oo mai foi, o le a faatumuina soo se tasi e asalamo ma epapatiso i loʼu igoa; ma afai e itumau o ia seia oo i le iuga, faauta, o ia lea o le a ou le tausalaina i luma o lou Tamā i lena aso pe a ou tu e faamasino i le lalolagi.

 17 Ma o ia e le tumau seia oo i le iuga, o ia lava lea e tatuu foi i lalo ma lafo i le afi, o se mea e le mafai ona latou toe foi mai ai, ona o le afaamasinotonu o le Tamā.

 18 Ma o le afioga lenei ua ia tuuina mai i le fanauga a tagata. Ma o le pogai lenei ua ia faataunuuina ai afioga ia na ia tuuina mai, ma e le pepelo lava ia, ae na te faataunuuina ana afioga uma.

 19 Ma e aleai se mea le mama e mafai ona ulu atu i lona malo; o lea e leai se mea e ulu atu i lona emalologa vagana ai i latou o e ua ifaamamaina o latou ofu i lou toto, ona o lo latou faatuatua, ma le salamo i a latou agasala uma, ma lo latou faamaoni e oo i le iuga.

 20 O lenei o le poloaiga lenei: Ia asalamo, outou tuluiga uma o le lalolagi, ma o mai ia te au ma ia epapatiso i lou igoa, ina ia ifaapaiaina outou i le taliaina o le Agaga Paia, ina ia outou tutu ma le ole pona i ou luma i le aso gataaga.

 21 E moni, e moni, ou te fai atu ia te outou, o lau talalelei lea; ma ua outou iloa mea e tatau ona outou faia i lau ekalesia; ona o galuega na outou vaai na ou faia o mea ia tou te faia foi; aua o mea na outou vaai ua ou faia o mea lava ia ia outou faia;

 22 O lea, afai tou te faia nei mea, amuia outou, ona o le a sii ae outou i luga i le aso gataaga.

 23 Ia tusia mea na outou vaaia ma faalogoina, vagana ai mea ua afaasaina.

 24 Ia tusia galuega a lenei nuu, ia o le a faia, e pei lava ona tusia, e uiga i mea ua mavae.

 25 Aua faauta, o tusi ua tusia, ma ia o le a tusia, o le a afaamasinoina mai ai lenei nuu, ona o i latou o le a iloa ai e tagata a latou egaluega.

 26 Faauta foi, ua atusia mea uma e le Tamā; o lea o mea mai tusi o le a tusia o le a faamasino ai le lalolagi.

 27 Ma ia outou iloa o le a aavea outou ma faamasino o lenei nuu, e tusa ma le faamasinoga o le a ou tuu atu ia te outou, lea o le a tonu. O lea, o a eituaiga o tagata e tatau ona outou i ai? E moni ou te fai atu ia te outou, e pei lava o iau nei.

 28 Ma o lenei ou te aalu atu i le Tamā. Ma e moni ou te fai atu ia te outou, soo se mea tou te ole atu ai i le Tamā i lou igoa o le a tuuina mai ia te outou.

 29 O lea, aole atu, ma o le a outou maua; tuitui atu, ma o le tatala mai ia te outou; aua o ia e ole atu, e maua e ia; ma i le e tuitui atu, e tatala mai i ai.

 30 Ma o lenei, faauta, ua tele lou olioli, ua oo lava i le atoatoa, ona o outou, ma lenei foi tupulaga; ioe, ma e oo lava i le Tamā ua olioli, ma agelu paia uma foi, ona o outou ma lenei tupulaga, ona ua aleai so latou ua se.

 31 Faauta, ou te manao ia outou malamalama; aua e faatatau lau tala ia te i latou o loo ola anei o le tupulaga elenei; ma ua leai so latou ua se; ma o i latou ia ua ou maua ai le atoatoa o le iolioli.

 32 Ae faauta, ua ou faanoanoa ona o le tupulaga lona afa mai le tupulaga lenei, ona e taitai ese faatagataotaua i latou e ia e pei lava o le atalii o le malaia; ona o le a latou faatau atu au mo ario ma auro, ma mo mea na e faaleaga e emogamoga ma mea e mafai e tagata gaoi ona tulioso mai i ai ma gaoi. Ma i lena aso o le a ou asiasi atu ai ia te i latou, e oo i le liliuina o a latou galuega i luga o o latou lava ulu.

 33 Ma sa oo ina ua uma ona faaiuina e Iesu o ia fetalaiga sa ia fetalai atu ai i ona soo: Ia outou ulu atu i le afaitotoa vaapiapi; aua e vaapiapi le faitotoa, ma lauitiiti le ala e tau i le ola, ma e toaitiiti i latou o e latou te mauaina; ae ua vatele le faitotoa, ma lautele le ala e tau i le oti, ma e toatele i latou o e e ui atu ai, seia oo mai le po, e le mafai e se tagata ona galue ai.