IKATLONG NEPHI
Ang Aklat ni Nephi
ANG ANAK NI NEPHI, NA ANAK NI HELAMAN

KABANATA 27

Iniutos ni Jesus sa kanila na tawagin ang Simbahan sa kanyang pangalan—Ang kanyang misyon at pagbabayad-salang hain ang bumubuo ng kanyang ebanghelyo—Ang mga tao ay inuutusang magsisi at magpabinyag upang sila ay pabanalin ng Espiritu Santo—Sila ay nararapat na maging katulad ni Jesus. Mga A.D. 34–35.

  At ito ay nangyari na, na samantalang ang mga disipulo ni Jesus ay naglalakbay at ipinangangaral ang mga bagay na kapwa nila nakita at narinig, at nagbibinyag sa pangalan ni Jesus, ito ay nangyari na, na ang mga disipulo ay magkakasamang nagtipon at anagkaisa sa mataimtim na panalangin at bpag-aayuno.

  At muling aipinakita ni Jesus ang kanyang sarili sa kanila, sapagkat sila ay nananalangin sa Ama sa kanyang pangalan; at si Jesus ay dumating at tumayo sa gitna nila, at sinabi sa kanila: Ano ang nais ninyong ibigay ko sa inyo?

  At kanilang sinabi sa kanya: Panginoon, nais naming sabihin ninyo sa amin ang pangalan kung paano namin tatawagin ang simbahang ito; sapagkat may mga pagtatalo sa mga tao hinggil sa bagay na ito.

  At sinabi ng Panginoon sa kanila: Katotohanan, katotohanan, sinasabi ko sa inyo, bakit kinakailangang bumulung-bulong ang mga tao at magtalo dahil sa bagay na ito?

  Hindi ba nila nabasa ang mga banal na kasulatan, na nagsasabing inyong taglayin ang apangalan ni Cristo, na aking pangalan? Sapagkat sa pangalang ito kayo tatawagin sa huling araw;

  At sinuman ang magtataglay ng aking pangalan, at amagtitiis hanggang wakas, siya rin ay maliligtas sa huling araw.

  Kaya nga, anuman ang inyong gagawin, gawin ninyo ito sa aking pangalan; kaya nga tatawagin ninyo ang simbahan sa aking pangalan; at kayo ay mananawagan sa Ama sa aking pangalan upang kanyang pagpalain ang simbahan alang-alang sa akin.

  At paano ito magiging asimbahanbko maliban kung ito ay tinatawag sa aking pangalan? Sapagkat kung ang isang simbahan ay tinatawag sa pangalan ni Moises, kung gayon iyon ay simbahan ni Moises; o kung iyon ay tatawagin sa pangalan ng isang tao kung gayon iyon ay simbahan ng isang tao; ngunit kung ito ay tinatawag sa aking pangalan kung gayon ito ay aking simbahan, kung mangyayari na ang mga ito ay nakatayo sa aking ebanghelyo.

  Katotohanang sinasabi ko sa inyo, na kayo ay nakatayo sa aking ebanghelyo; kaya nga, inyong tatawagin ang mga anumang bagay na inyong tatawagin, sa aking pangalan; kaya nga, kapag kayo ay nananawagan sa Ama, para sa simbahan, kung ito ay sa aking pangalan, diringgin kayo ng Ama;

  10  At kung mangyayari na ang simbahan ay nakatayo sa aking ebanghelyo at saka lamang ipakikita ng Ama ang kanyang sariling mga gawain dito.

  11  Ngunit kung hindi ito nakatayo sa aking ebanghelyo, at nakatayo sa mga gawa ng tao, o sa mga gawa ng diyablo, katotohanang sinasabi ko sa inyo na mayroon silang kagalakan sa kanilang mga gawa nang kaunting panahon, at maya-maya ang wakas ay darating, at sila ay apuputulin at ihahagis sa apoy, kung saan ay walang makababalik.

  12  Sapagkat ang kanilang mga gawa ay asumusunod sa kanila, sapagkat dahil sa kanilang mga gawa kung kaya sila ay pinuputol; kaya nga, tandaan ang mga bagay na sinabi ko sa inyo.

  13  Masdan, naibigay ko na sa inyo ang aking aebanghelyo, at ito ang ebanghelyo na aking ibinigay sa inyo—na ako ay pumarito sa daigdig upang gawin ang bkalooban ng aking Ama, sapagkat isinugo ako ng aking Ama.

  14  At isinugo ako ng aking Ama upang ako ay aipako sa krus; at matapos na ako ay maipako sa krus, upang bmahikayat ko ang lahat ng tao na lumapit sa akin, at katulad ng pagtataas sa akin ng mga tao gayundin ang mga tao ay ibabangon ng aking Ama, upang tumayo sa harapan ko, upang chatulan sa kanilang mga gawa, kung ang mga yaon ay mabuti o kung ang mga yaon ay masama—

  15  At sa dahilang ito ako ay aipinako; kaya nga, alinsunod sa kapangyarihan ng Ama ay hihikayatin ko ang lahat ng tao sa akin, upang sila ay mahatulan alinsunod sa kanilang mga gawa.

  16  At ito ay mangyayari, na sinuman ang amagsisisi at bmabibinyagan sa aking pangalan ay mapupuspos; at kung siya ay cmagtitiis hanggang wakas, masdan, siya ay pawawalan ko ng sala sa harapan ng aking Ama sa araw na yaon kung kailan ako tatayo upang hatulan ang sanlibutan.

  17  At siya na hindi magtitiis hanggang wakas, siya rin ang siyang mapuputol at ihahagis sa apoy, kung saan sila ay hindi na makababalik pa, dahil sa akatarungan ng Ama.

  18  At ito ang salitang kanyang ibinigay sa mga anak ng tao. At sa ganitong dahilan kanyang tinutupad ang mga salitang kanyang ibinigay, at hindi siya nagsisinungaling, kundi tinutupad ang lahat ng kanyang mga salita.

  19  At awalang maruming bagay ang makapapasok sa kanyang kaharian; anupa’t walang makapapasok sa kanyang bkapahingahan maliban sa mga yaong cnahugasan ang kanilang mga kasuotan ng aking dugo, dahil sa kanilang pananampalataya, at sa pagsisisi ng lahat ng kanilang mga kasalanan, at sa kanilang katapatan hanggang sa wakas.

  20  Ngayon, ito ang kautusan: aMagsisi, lahat kayong nasa mga dulo ng mundo, at lumapit sa akin at bmagpabinyag sa aking pangalan, upang kayo ay cpabanalin sa pamamagitan ng pagtanggap sa Espiritu Santo, upang kayo ay makatayong dwalang bahid-dungis sa aking harapan sa huling araw.

  21  Katotohanan, katotohanan, sinasabi ko sa inyo, ito ang aking ebanghelyo; at alam ninyo ang mga bagay na kinakailangan ninyong gawin sa aking simbahan; sapagkat ang mga gawang nakita ninyong ginawa ko ay siya rin ninyong gagawin; sapagkat yaong nakita ninyong ginawa ko ay gayon din ang nararapat ninyong gawin;

  22  Samakatwid, kung gagawin ninyo ang mga bagay na ito, pinagpala kayo, sapagkat kayo ay dadakilain sa huling araw.

  23  Isulat ang mga bagay na inyong nakita at narinig, maliban doon sa mga aipinagbabawal.

  24  Isulat ang mga gawain ng mga taong ito, na mga mangyayari, maging katulad ng mga naisulat na, katulad ng mga nangyari na.

  25  Sapagkat masdan, mula sa mga aklat na naisulat na, at isusulat pa, ay ahahatulan ang mga taong ito, sapagkat sa pamamagitan ng mga yaon ang kanilang mga bgawa ay ipahahayag sa mga tao.

  26  At masdan, ang lahat ng bagay ay aisinulat ng Ama; kaya nga, mula sa mga aklat na isusulat ang sanlibutan ay hahatulan.

  27  At alam ninyo na akayo ay magiging mga hukom ng mga taong ito, alinsunod sa kahatulan na aking ibibigay sa inyo, na magiging makatarungan. Kung gayon, maging anong buri ng mga tao ba nararapat kayo? Katotohanang sinasabi ko sa inyo, maging ckatulad ko.

  28  At ngayon, ako ay apatutungo sa Ama. At katotohanang sinasabi ko sa inyo, anumang mga bagay ang hihingin ninyo sa Ama sa aking pangalan ay ipagkakaloob sa inyo.

  29  Kaya nga, ahumingi, at kayo ay makatatanggap; kumatok, at kayo ay pagbubuksan; sapagkat siya na humihingi ay tumatanggap; at siya na kumakatok ay pagbubuksan.

  30  At ngayon, masdan, ang aking kagalakan ay lubos, maging hanggang sa kapunuan, dahil sa inyo, at gayon din sa salinlahing ito; oo, at maging ang Ama ay nagsasaya, at gayon din ang lahat ng banal na anghel, dahil sa inyo at sa salinlahing ito; sapagkat awala sa kanila ang naliligaw.

  31  Masdan, nais kong inyong maunawaan; sapagkat ang tinutukoy ko ay sila na angayon ay nabubuhay sa salinlahing bito; at wala sa kanila ang naliligaw; at sa kanila ay ganap ang aking ckagalakan.

  32  Ngunit masdan, ako ay nagdadalamhati dahil sa aikaapat na salinlahi mula sa salinlahing ito, sapagkat sila ay naakay palayo na bihag niya maging katulad ng anak na lalaki ng kapahamakan; sapagkat ipagbibili nila ako sa pilak at sa ginto, at sa mga yaong sinisira ng btanga at kung saan ang mga magnanakaw ay sapilitang nakapapasok at nagnanakaw. At sa araw na iyon sila ay parurusahan ko, maging sa pagbabalik ng kanilang mga gawa sa kanilang mga sariling ulo.

  33  At ito ay nangyari na, nang matapos si Jesus sa mga salitang ito ay sinabi niya sa kanyang mga disipulo: Pumasok kayo sa amakipot na pasukan; sapagkat makipot ang pasukan, at makitid ang daan patungo sa buhay, at kakaunti ang makasusumpong nito; ngunit malapad ang pasukan, at malawak ang daan patungo sa kamatayan, at marami ang naglalakbay roon, hanggang sa sumapit ang gabi, kung saan ay walang taong makagagawa pa.