1 Og sjá. Nú segi ég yður, að þegar Drottni þóknast í visku sinni, að þessi orð ^aberist Þjóðunum í samræmi við orð hans, þá megið þér vita, að þegar er hafin uppfylling ^bsáttmálans, sem faðirinn hefur gjört við börn Ísraels um endurreisn þeirra til erfðalands síns.

2 Og þér megið vita, að orð Drottins, sem heilagir spámenn hafa mælt, munu öll rætast. Og þér þurfið ekki að segja, að Drottinn ^afresti komu sinni til barna Ísraels.

3 Og þér þurfið ekki að halda, að orð þau, sem töluð hafa verið, séu hégómi. Því að sjá. Drottinn minnist sáttmála síns, sem hann hefur gjört við þjóð sína af Ísraelsætt.

4 Og þegar þér sjáið þessi orð rætast á meðal yðar, þá þurfið þér eigi framar að lítilsvirða verk Drottins, því að ^asverð ^bréttvísi hans er í hægri hendi hans. Og sjá. Ef þér lítilsvirðið verk hans þann dag, mun hann fljótlega láta það falla yfir yður.

5 ^aVei sé þeim, sem ^blítilsvirðir verk Drottins. Já, vei sé þeim, sem ^cafneitar Kristi og verkum hans!

6 Já, ^avei sé þeim, sem afneitar opinberunum Drottins og segir, að Drottinn starfi ekki lengur með opinberunum eða spádómum eða ^bgjöfum eða tungum eða lækningum eða með krafti heilags anda!

7 Já, vei sé þeim, sem þann dag segir í ^ahagnaðarskyni, að Jesús Kristur vinni ^bengin kraftaverk. Því að sá, sem slíkt gjörir, mun verða eins og ^cglötunarsonurinn, sem enga miskunn hlaut, samkvæmt orði Krists!

8 Já, og þér þurfið ekki lengur að ^ahæða, ^blítilsvirða og spotta ^cGyðinga, né heldur nokkurn af Ísraelsætt. Því að sjá. Drottinn minnist sáttmála síns við þá, og hann mun breyta gagnvart þeim eins og hann hefur heitið.

9 Þess vegna skuluð þér ekki ætla, að þér getið snúið hægri hendi Drottins til vinstri og varnað honum að fella dóminn til fullkomnunar sáttmálanum, sem hann hefur gjört við Ísraelsætt.