ບົດທີ 29
ການອອກມາຂອງພຣະຄຳພີມໍມອນຄືເຄື່ອງໝາຍທີ່ ພຣະຜູ້ເປັນເຈົ້າໄດ້ເລີ່ມຕົ້ນເຕົ້າໂຮມຊາວອິດສະຣາເອນ ແລະ ເຮັດໃຫ້ພັນທະສັນຍາຂອງພຣະອົງສຳເລັດ—ຜູ້ທີ່ປະຕິເສດການເປີດເຜີຍ ແລະ ຂອງປະທານຂອງພຣະອົງໃນຍຸກສຸດທ້າຍຈະຖືກສາບແຊ່ງ. ປະມານ ຄ.ສ. 34–35.
1 ແລະ ບັດນີ້ຈົ່ງເບິ່ງ, ຂ້າພະເຈົ້າກ່າວກັບທ່ານວ່າ ເມື່ອພຣະຜູ້ເປັນເຈົ້າເຫັນສົມຄວນໃນຄວາມສະຫລຽວສະຫລາດຂອງພຣະອົງ, ວ່າຂໍ້ຄວາມເຫລົ່ານີ້ຈະ ກມາສູ່ຄົນຕ່າງຊາດ, ຕາມພຣະຄຳຂອງພຣະອົງ ເມື່ອນັ້ນທ່ານຈະຮູ້ວ່າ ຂພັນທະສັນຍາຊຶ່ງພຣະບິດາໄດ້ເຮັດໄວ້ກັບລູກຫລານອິດສະຣາເອນກ່ຽວກັບການກັບຄືນມາຫາແຜ່ນດິນຊຶ່ງເປັນມູນມໍລະດົກຂອງພວກເຂົານັ້ນເລີ່ມຈະສຳເລັດແລ້ວ.
2 ແລະ ທ່ານຈະຮູ້ວ່າ ພຣະຄຳຂອງພຣະຜູ້ເປັນເຈົ້າຊຶ່ງສາດສະດາຜູ້ບໍລິສຸດເວົ້າໄວ້ຈະສຳເລັດທັງໝົດ; ແລະ ທ່ານບໍ່ຄວນເວົ້າວ່າພຣະຜູ້ເປັນເຈົ້າ ກຊັກຊ້າໃນການສະເດັດມາຫາລູກຫລານອິດສະຣາເອນ.
3 ແລະ ທ່ານບໍ່ຄວນຄິດຢູ່ໃນໃຈວ່າ ຄຳທີ່ເວົ້າໄວ້ນັ້ນບໍ່ມີປະໂຫຍດ, ເພາະຈົ່ງເບິ່ງ, ພຣະຜູ້ເປັນເຈົ້າຈື່ຈຳພັນທະສັນຍາຊຶ່ງພຣະອົງໄດ້ເຮັດໄວ້ກັບຜູ້ຄົນຂອງພຣະອົງຜູ້ເປັນເຊື້ອສາຍອິດສະຣາເອນ.
4 ແລະ ເມື່ອທ່ານເຫັນຂໍ້ຄວາມເຫລົ່ານີ້ອອກມາໃນບັນດາພວກທ່ານ, ເມື່ອນັ້ນທ່ານບໍ່ຄວນໝິ່ນປະໝາດການກະທຳຂອງພຣະຜູ້ເປັນເຈົ້າອີກຕໍ່ໄປ, ເພາະວ່າ ກດາບແຫ່ງ ຂຄວາມຍຸດຕິທຳຂອງພຣະອົງຢູ່ໃນພຣະຫັດເບື້ອງຂວາຂອງພຣະອົງ; ແລະ ຈົ່ງເບິ່ງ, ໃນມື້ນັ້ນ ຖ້າຫາກວ່າທ່ານໝິ່ນປະໝາດການກະທຳຂອງພຣະອົງແລ້ວ ພຣະອົງຈະເຮັດໃຫ້ມັນຕາມມາທັນທ່ານຢ່າງວ່ອງໄວ.
5 ກວິບັດແກ່ຄົນທີ່ ຂໝິ່ນປະໝາດການກະທຳຂອງພຣະຜູ້ເປັນເຈົ້າ; ແທ້ຈິງແລ້ວ, ວິບັດແກ່ຄົນທີ່ ຄປະຕິເສດພຣະຄຣິດ ແລະ ວຽກງານຂອງພຣະອົງ!
6 ແທ້ຈິງແລ້ວ, ກວິບັດແກ່ຄົນທີ່ປະຕິເສດການເປີດເຜີຍຂອງພຣະຜູ້ເປັນເຈົ້າ, ແລະ ເວົ້າວ່າພຣະຜູ້ເປັນເຈົ້າບໍ່ກະທຳວຽກງານໂດຍການເປີດເຜີຍ, ຫລື ໂດຍການທຳນາຍ, ຫລື ໂດຍ ຂຂອງປະທານ, ຫລື ໂດຍພາສາ, ຫລື ໂດຍການປິ່ນປົວ, ຫລື ໂດຍອຳນາດຂອງພຣະວິນຍານບໍລິສຸດຕໍ່ໄປອີກແລ້ວ!
7 ແທ້ຈິງແລ້ວ, ແລະ ວິບັດແກ່ຜູ້ທີ່ຈະເວົ້າສິ່ງນີ້ອອກມາໃນມື້ນັ້ນເພື່ອຫາ ກຜົນປະໂຫຍດ, ວ່າມັນ ຂບໍ່ມີສິ່ງມະຫັດສະຈັນເກີດຂຶ້ນໂດຍພຣະເຢຊູຄຣິດ; ເພາະຄົນທີ່ທຳການນີ້ຈະເປັນດັ່ງ ຄບຸດແຫ່ງຄວາມຈິບຫາຍ, ຊຶ່ງຄົນເຊັ່ນນີ້ຈະບໍ່ໄດ້ຮັບຄວາມເມດຕາເລີຍຕາມພຣະຄຳຂອງພຣະຄຣິດທີ່ໃຫ້ໄວ້!
8 ແທ້ຈິງແລ້ວ, ແລະ ທ່ານບໍ່ຄວນ ກດູຖູກ ຫລື ຂໝິ່ນປະໝາດ, ຫລື ເຍາະເຍີ້ຍ ຄຊາວຢິວ, ຫລື ຄົນໃດຜູ້ທີ່ເຫລືອຢູ່ຂອງເຊື້ອສາຍອິດສະຣາເອນອີກຕໍ່ໄປ; ເພາະຈົ່ງເບິ່ງ, ພຣະຜູ້ເປັນເຈົ້າຈື່ຈຳພັນທະສັນຍາຂອງພຣະອົງທີ່ໃຫ້ໄວ້ກັບພວກເຂົາ, ແລະ ພຣະອົງຈະກະທຳຕໍ່ພວກເຂົາຕາມທີ່ພຣະອົງໄດ້ສາບານໄວ້.
9 ສະນັ້ນ ທ່ານບໍ່ຕ້ອງຄິດວ່າ ທ່ານຈະສາມາດຫັນພຣະຫັດເບື້ອງຂວາຂອງພຣະຜູ້ເປັນເຈົ້າໄປທາງຊ້າຍໄດ້, ເພື່ອວ່າພຣະອົງຈະບໍ່ດຳເນີນການພິພາກສາ ຈົນເຖິງການເຮັດໃຫ້ພັນທະສັນຍາຊຶ່ງພຣະອົງໄດ້ເຮັດໄວ້ກັບເຊື້ອສາຍອິດສະຣາເອນສຳເລັດ.