Ngaahi Folofolá
3 Nīfai 29


Vahe 29

ʻOku hoko hono ʻomi ʻo e Tohi ʻa Molomoná ko ha fakaʻilonga kuo kamata ʻe he ʻEikí ʻene tānaki ʻa ʻIsileli mo fakahoko ʻene ngaahi fuakavá—ʻE malaʻia ʻa kinautolu ʻoku nau fakaʻikaiʻi ʻa ʻene ngaahi fakahaá mo e ngaahi meʻa-foakí ʻi he ngaahi ʻaho fakaʻosí. Taʻu T.S. 34–35 nai.

1 Pea ko ʻeni vakai, ʻoku ou pehē kiate kimoutolu ʻo ka ʻafioʻi ʻe he ʻEikí ʻoku feʻunga ʻi hono potó ke aʻomi ʻa e ngaahi folofolá ni ki he kau Senitailé ʻo fakatatau ki heʻene folofolá, te mou toki ʻilo ai kuo kamata hono fakahoko ʻo e bfuakava ko ia naʻe fai ʻe he Tamaí mo e fānau ʻa ʻIsilelí, ʻo kau ki honau fakafoki ki he ngaahi fonua ʻo honau tofiʻá.

2 Pea te mou lava ʻo ʻilo, ʻe fakahoko ʻa e ngaahi folofola kotoa pē ʻa e ʻEikí, ʻa ia kuo lea ʻaki ʻe he kau palōfita māʻoniʻoní; pea ʻoku taʻeʻaonga hoʻomou pehē ʻoku afakatoloi ʻe he ʻEikí ʻa ʻene hāʻele mai ki he fānau ʻa ʻIsilelí.

3 Pea ʻoku ʻikai fie maʻu ke mou mahalo ʻi homou lotó ʻoku taʻeʻaonga ʻa e ngaahi folofola kuo folofolaʻakí, he vakai, ʻe manatuʻi ʻe he ʻEikí ʻa ʻene fuakava ʻa ia kuó ne fai ki hono kakai ʻoku ʻo e fale ʻo ʻIsilelí.

4 Pea ʻo ka mou ka vakai ki he ʻalu atu ʻa e ngaahi folofolá ni ʻi homou lotolotongá, ʻe ʻikai lava ʻo fai atu hoʻomou manukiʻi ʻa e ngaahi ngāue ʻa e ʻEikí, he ʻoku ʻi hono toʻukupu toʻomataʻú ʻa e aheletā ʻo ʻene bfakamaau totonú; pea vakai, ʻi he ʻaho ko iá, kapau te mou manukiʻi ʻene ngaahi ngāué te ne tuʻutuʻuni ke ne ikunaʻi ʻa kimoutolu.

5 ʻE amalaʻia ia ʻokú ne bmanukiʻi ʻa e ngaahi ngāue ʻa e ʻEikí; ʻio, ʻe hoko ʻa e malaʻia kiate ia te ne cfakaʻikaiʻi ʻa e Kalaisí mo ʻene ngaahi ngāué!

6 ʻIo, ʻe amalaʻia ia te ne fakaʻikaiʻi ʻa e ngaahi fakahā ʻa e ʻEikí, ʻo pehē ʻoku ʻikai toe ngāue ʻaki ʻe he ʻEiki ʻa e ngaahi fakahaá, pe ha kikite, pe ha ngaahi bmeʻa-foaki, pe ha lea ʻi he ngaahi lea kehekehé, pe ha fakamoʻui mahaki, pe ha mālohi ʻo e Laumālie Māʻoniʻoní!

7 ʻIo, pea ʻe malaʻia ia ʻe pehē ʻi he ʻaho ko iá, koeʻuhi ke ne maʻu ai ha atupu, ʻoku bʻikai fai ha mana ʻia Sīsū Kalaisi; he ko ia ia ʻe fai peheé ʻe tatau ia mo e cfoha ʻo e malaʻiá, ʻa ia naʻe ʻikai ha ʻaloʻofa kiate ia, ʻo hangē ko e folofola ʻa Kalaisí!

8 ʻIo, pea ʻoku ʻikai lelei ke mou toe alauʻikovi, pe bmanukiʻi, pe lumaʻi ʻa e kau cSiú, pe ha taha ʻi he toenga ʻo e fale ʻo ʻIsilelí; he vakai, ʻoku manatuʻi ʻe he ʻEikí ʻa ʻene fuakava kiate kinautolú, pea te ne fai kiate kinautolu ʻo hangē ko ia kuó ne fuakavaʻakí.

9 Ko ia ʻoku ʻikai ʻaonga ke mou mahalo te mou faʻa fakatafoki ʻa e toʻukupu toʻomataʻu ʻo e ʻEikí ki he toʻohemá, koeʻuhi ke ʻoua te ne fai ha tautea ke fakahoko ʻa e fuakava ʻa ia kuó ne fai ki he fale ʻo ʻIsilelí.