1 Porongo, O kowos mwet Gentile, ac lohng kahs luhn Jisus Kraist, Wen nuhtin God moul, suc El tuh sapkihn nuh sihk tuh nga in sramsram keiwos, tuh, liye El sapkihn nuh sihk tuh nga in suhmuhslah, fahk:

2 Forlah, kowos nuhkwewa mwet Gentile, liki ohiyac koluk lowos; ac auliyak ke orekma koluk lowos, ke kikiacp ac kuhtasrihk lowos, ac ke orek kosro lowos, ac ke ma sruhngwacyuck lukmac lowos, ac ke alu nuh sin ma sruhlwaclah lowos, ac ke ahkmas lowos, ac ke orekma kuhtasrihk luhn mwet kol alu lowos, ac sok lowos, ac akuhkuhin lowos, ac liki ma koluk ac ma sruhngwacyuck nuhkwewa lowos, ac tuhkuh nuh Yuruk, ac pacptaislac ke Inek, tuh kowos in kuh in eis iyucklac luhn ma koluk lowos, ac sesseslah ke Nguhn Muhtahl, tuh kowos in kuh in oacwaclah wi mwet Luhk suc pa mwet Israel.