1 Dou vakarorogo mai na Veimatanitu Tani ka rogoca na vosa i Jisu Karisito na Luve ni Kalou bula, ka sa ^avakarota ko koya me’u vosataka vei kemuni, raica sa vakaroti au ko koya me’u vola vakaoqo ka kaya:

2 Mo ni saumaki mai na nomuni ivalavala ca koi kemuni na ^aVeimatanitu Tani; ka ^bveivutunitaka na nomuni caka ca, na nomuni lasu kei na veivakaisini, kei na nomuni veibutakoci kei na nomuni veika vuni, ka vakasisila, na nomuni qarava na kalou matakau, na nomuni laba, na nomuni bete vakailasu, na vuvu kei na nomuni veileti, io mai na nomuni caka ca kecega kei na nomuni veika vakasisila, ka lako mai vei au, ka papitaisotaki ena yacaqu, me bokoci kina na nomuni ivalavala ca, ka mo ni vakasinaiti ena Yalo Tabu ka mo ni ^cwili vata kei ira na noqu tamata, ko ira na mataqali i Isireli.