Tusitusiga Paia
3 Nifae 5


Mataupu 5

Ua salamo sa Nifaē ma ua lafoai a latou agasala—Ua tusi e Mamona le talafaasolopito o ona tagata ma ia tala’i atu le afioga tumau e faavavau ia te i latou—O le a faapotopotoina Isaraelu mai lona faataapeapeina umi. E tusa o le 22–26 T.A.

1 Ma o lenei faauta, sa leai se tagata ola e tasi i totonu o tagata uma o sa Nifaē sa masalosalo i se mea itiiti i upu a perofeta paia uma o e na fetalai mai; ona sa latou iloa sa tatau lava ona faataunuuina i latou.

2 Ma sa latou iloa e tatau lava ona uma ona afio mai o Keriso, ona o faailoga e tele ua uma ona tuuina mai, e tusa ma upu a perofeta; ma ona o mea ia ua uma ona faataunuuina sa latou iloa e tatau lava ona faataunuuina o mea uma lava e tusa ma mea na tautalagia.

3 O lea na latou lafoai ai a latou agasala uma, ma a latou mea inosia, ma a latou faitaaga, ma latou auauna atu i le Atua ma le filiga uma i le ao ma le po.

4 Ma o lenei sa oo ina ua uma ona latou ave faapagota o le au faomea uma, sa oo ina leai se tasi o e na sola sa lei fasiotia, sa latou lafo a latou pagota i totonu o le falepuipui, ma faatonu ia talai atu le afioga a le Atua ia te i latou; ma o le toatele o i latou o e e salamo ia latou agasala ma ulu atu i se feagaiga o le a latou le toe fasiotia tagata sa afaasaolotoina.

5 Ae o le toatele o i latou o e sa i ai sa lei ulu atu i se feagaiga, ma o e sa i ai pea i o latou loto le fasioti tagata faalilolilo, ioe, o le toatele o i latou o e na maua o manava mai upu faamata’u e faasaga i o latou uso sa tausalaina ma faasalaina e tusa ma le tulafono.

6 Ma sa faapea ona latou faia ia taofia o ia faapotopotoga uma amioleaga, ma faalilolilo, ma inosia, ia sa tupu mai ai le faia o le amioleaga tele, ma le tele o le fasioti tagata.

7 Ma sa faapea ona mavae atu o le tausaga e aluasefulu ma le lua, ma le tausaga foi e luasefulu ma le tolu, ma le luasefulu ma le fa, ma le luasefulu ma le lima; ma sa faapea ona mavae atu o le luasefulu ma le lima o tausaga.

8 Ma e tele mea na tutupu, ia sa silisili ma ofoofogia, i le vaai a ni isi; ae ui i lea, e le mafai ona tusia ia mea uma i lenei tusi; ioe, e le mafai on ofi i lenei tusi e oo lava i se vaega atasivaeselau o mea na faia i totonu o ni tagata ua matuā toatele faapenei i le va o tausaga e luasefulu ma le lima;

9 Ae faauta e i ai ni atalafaamaumau ua i ai i totonu taualumaga uma a lenei nuu; ma o se tala puupuu ae ua moni sa tuuina mai e Nifae.

10 O lea ua ou faia ai la’u talafaamaumau o nei mea e tusa ai ma le talafaamaumau a Nifae, ia sa togitogia i luga o papatusi ia sa ta’ua o papatusi a Nifae.

11 Ma faauta, ua ou faia le talafaamaumau i luga o papatusi ia na ou faia i o’u lava lima.

12 Ma faauta, ua faaigoa a’u ia aMamona, ua faaigoaina i le igoa o le elaueleele o Mamona, le laueleele lea sa faatuina ai e Alema le ekalesia i totonu o le nuu, ioe, le ekalesia muamua lea sa faatulagaina i totonu ia te i latou ina ua mavae lo latou solitulafono.

13 Faauta, o au o se soo o Iesu Keriso, le Alo o le Atua. Ua ia valaauina au e tala’i atu lana afioga i totonu o ona tagata, ina ia mafai ona latou maua le ola tumau e faavavau.

14 Ma sa oo ina tatau ia te au, e tusa ma le finagalo o le Atua, ona ou faia se atalafaamaumau o ia mea ua faia, ina ia faataunuuina talosaga a e amiotonu ua mavae atu, o e o i latou o ni tagata paia, e tusa ma lo latou faatuatua—

15 Ioe, o se talafaamaumau itiiti o ia mea na tutupu mai le taimi na tuua ai e Liae Ierusalema, seia oo mai lava i le taimi nei.

16 O lea ou te faia ai la’u talafaamaumau mai tala ia na tuu mai e i latou o e na muamua mai ia te au, seia oo mai i le amataga o o’u aso;

17 Ma ona ou faia ai lea o se atalafaamaumau o mea ia na ou vaai i ai i o’u lava mata.

18 Ma ua ou iloa o le talafaamaumau lea ua ou faia o se talafaamaumau ua tonu ma faamaoni; ae ui i lea e tele mea o i ai, ia e le mafai ona matou atusia, e tusa ma la matou gagana.

19 Ma o lenei ou te faaiu atu a’u upu, o ni a’u lava upu ia, ma faaauau ona tuuina atu o la’u tala i mea na tutupu i o’u luma atu.

20 O a’u o Mamona, ma o se e tupuga moni mai ia Liae. Ua ia te a’u se pogai ou te faamanu ai i lo’u Atua, ma lo’u Faaola o Iesu Keriso, i lona aumaia o o matou tamā mai le laueleele o Ierusalema, (ma sa aleai se tasi na ia iloaina vagana ai o ia lava ma i latou o e na ia aumaia mai lena laueleele), ma i lona tuuina mai ia te au ma ou tagata le malamalama tele naua mo le olataga o o matou agaga.

21 E moni lava ua ia faamanuiaina le aaiga o eIakopo, ma ia ialofa mutimutivale i fanau a Iosefa.

22 Ma e atusa ma le tele o le tausia e le fanau a Liae o ana poloaiga ua faapea lava ona ia faamanuiaina i latou ma faauluolaina i latou e tusa ma lana fetalaiga.

23 Ioe, ma e moni lava o le a ia toe aumai se avaega o totoe o le fanau a Iosefa i le emalamalama o le Alii lo latou Atua.

24 Ma e pei ona mautinoa o loo soifua le Alii, pe na te afaapotopotoina ea mai i itu e fa o le lalolagi i latou uma na totoe o le fanauga a Iakopo, o e ua faataapeapeina solo i le lalolagi atoa.

25 Ma e pei ona ia osifeagaiga ma le aiga uma o Iakopo, o le a faapea lava ona faataunuuina o le feagaiga lea na ia osifeagaiga ai ma le aiga o Iakopo i lona lava taimi e tatau ai, i le atoefuataiga o le aiga uma o Iakopo i le malamalama o le feagaiga lea na osifeagaiga ai o ia faatasi ma i latou.

26 Ma ona latou ailoa ai lea o lo latou Togiola, o Iesu Keriso, le Alo o le Atua; ma o le a faapotopotoina ai i latou mai itu e fa o le lalolagi i o latou lava laueleele, mai mea sa faataapeapeina ai i latou; ioe, e pei ona soifua le Alii, o le a faapea lava ona fai. Amene.