1 Mo i bin hapen se, i gat wan ^avoes we evri pipol we oli stap laef long wol, long ful fes blong graon ia oli bin harem, we i talem se:

2 “!Sore tumas, sore tumas, sore tumas long ol pipol ia; ^asore tumas long olgeta we oli stap laef long ful wol ia sapos oli no sakem sin; from devel i stap ^blaf, mo ol enjel blong hem oli stap glad, from ded blong ol naes boe mo ol gel blong ol pipol blong mi; mo hem i from ol nogud fasin mo ol rabis sin blong olgeta we i mekem se oli foldaon!

3 Luk, bigfala bigtaon ia Sarahemla mi bin bonem long faea, wetem ol pipol we oli stap laef long hem.

4 Mo luk, bigfala bigtaon ia Moronae mi bin mekem se i go andanit long ol dip ples blong solwota, mo ol pipol we oli stap laef long hem oli draon.

5 Mo luk, bigfala bigtaon ia Moronaeha mi bin kavremap wetem graon, wetem tu ol pipol we oli stap laef long hem, blong haedem ol nogud fasin blong olgeta mo ol rabis sin blong olgeta long fored blong fes blong mi, blong mekem se blad blong ol profet mo ol sent bae i nomo kam long mi agensem olgeta.

6 Mo luk, bigtaon blong Gilgal mi bin mekem se i go andanit long graon, mo ol pipol we i stap long hem blong berem olgeta long ol dip ples blong graon;

7 Yes, mo bigtaon blong Onaeha mo olgeta we oli stap laef long hem, mo bigtaon blong Mokam mo olgeta we i stap laef long hem, mo bigtaon blong Jerusalem mo olgeta we i stap laef long hem; mo ol ^awota, mi bin mekem se oli kam antap long ples blong olgeta, blong haedem ol fasin nogud blong olgeta mo ol rabis sin blong olgeta long fored blong fes blong mi, blong mekem se blad blong ol profet mo ol sent bae i nomo kam antap long mi agensem olgeta.

8 Mo luk, bigtaon blong Gadiandae mo bigtaon blong Gadiomna, mo bigtaon blong Jekob, mo bigtaon blong Gimgimno, olgeta evriwan ia mi bin mekem se oli go andanit long graon, mo mi bin mekem ol ^ahil mo ol vale oli tekem ples blong olgeta; mo olgeta we oli stap laef long olgeta, mi bin berem andanit long ol dip ples blong graon, blong haedem ol fasin nogud blong olgeta mo ol rabis sin long fored blong fes blong mi, blong mekem se blad blong ol profet mo ol sent bae i nomo kam antap long mi agensem olgeta.

9 Mo luk, bigtaon ia Jekobugat, we ol pipol blong king Jekob i bin stap laef long hem, mi bin mekem i bon long faea from ol sin blong olgeta mo ol fasin nogud blong olgeta, we i antap moa i bitim evri fasin nogud blong ful wol ia, from ol ^asikret fasin blong olgeta blong kilim man i ded mo from ol sikret plan blong olgeta; from i bin olgeta ia nao, we oli bin prapa spolem gud pis blong ol pipol blong mi mo gavman blong kantri; from hemia, mi bin mekem se oli bon, blong ^bkilimded olgeta long fored blong fes blong mi, blong mekem se blad blong ol profet mo ol sent bae i nomo kam antap long mi agensem olgeta.

10 Mo luk, bigtaon blong Leman, mo bigtaon blong Jos, mo bigtaon blong Gad, mo bigtaon blong Kiskumen, mi bin mekem se oli bon long faea, wetem olgeta we i stap laef long olgeta, from ol fasin nogud blong olgeta blong sakemaot ol profet, mo stonem olgeta we mi bin sendem blong talemaot long olgeta, long saed blong ol fasin nogud blong olgeta mo ol rabis sin blong olgeta.

11 Mo from oli bin sakem evriwan aot, mekem se i no bin gat wan we i stret mo gud long medel blong olgeta, nao mi bin sendem ^afaea i kamdaon mo mi kilimded olgeta, blong mekem se ol fasin nogud mo ol rabis sin blong olgeta, i save haed long fored blong fes blong mi, blong mekem se blad blong ol profet mo ol sent we mi bin sendem long medel blong olgeta bae i no save krae long mi aot ^blong graon agensem olgeta.

12 Mo ^aplante bigfala fasin blong prapa spolem gud samting mi bin mekem se i kam long graon ia, mo long pipol ia, from ol fasin nogud blong olgeta mo ol rabis sin blong olgeta.

13 O yufala evriwan we i ^astap laef from we yufala i moa stret bitim olgeta, ?bae yufala i no kambak naoia long mi, mo sakem ol sin blong yufala, mo jenisim laef blong yufala blong mekem se mi save mekem yufala i ^bkam oraet?

14 Yes, i tru mi talem long yufala, sapos yufala i ^akam long mi bae yufala i gat ^blaef we i no save finis. Luk, mi stap stretem ^dhan blong sore blong mi i go long yufala, mo eni man we bae i kam, hem bae mi akseptem; mo olgeta we oli kam long mi, oli kasem blesing.

15 Luk, mi mi Jisas Kraes Pikinini blong God. Mi bin ^amekem ol heven mo wol, mo evri samting we oli stap long olgeta. Mi bin stap wetem Papa stat long stat. ^bMi mi stap long Papa mo Papa i stap long mi, mo tru long mi Papa i leftemap nem blong hem.

16 Mi bin kam long olgeta blong mi, mo olgeta blong mi ^aoli no bin akseptem mi. Mo ol skripja long saed blong taem we bae mi kam oli hapen finis.

17 Mo olgeta we oli bin akseptem mi, long olgeta mi ^agivim long olgeta blong kam ol pikinini blong God; mo olsem ia bae mi mekem long olgeta evriwan we bae oli biliv long nem blong mi, from luk, tru long mi ^bfasin blong pemaot man i kam, mo tru long mi ^dloa blong Moses i hapen.

18 Mi mi ^alaet mo laef blong wol. Mi, mi ^bAlfa mo Omega, mi mi stat mo mi mi en.

19 Mo bae yufala i ^anomo givim long mi fasin blong mekem blad i ron; yes, ol sakrifaes blong yufala mo ol ofring we yufala i stap bonem, bae i mas stop, from bae mi no akseptem eni long ol sakrifaes blong yufala mo ol ofring we yufala i stap bonem.

20 Mo bae yufala i mekem olsem wan ^asakrifaes long mi, wan hat we i fulap wetem sore mo wan spirit we i wantem blong sakem sin. Mo huia we bae i kam long mi wetem wan hat we i fulap wetem sore mo wan spirit we i wantem blong sakem sin, hem, bae mi ^bbaptaesem wetem faea mo wetem Tabu Spirit; hemia i semmak olsem Ol Man blong Leman, from fet blong olgeta long mi long taem we oli bin jenisim laef blong olgeta, we oli bin baptaes wetem faea mo wetem Tabu Spirit, mo oli no bin save.

21 Luk, mi kam long wol blong tekem fasin blong pemaot man i kam long wol, blong sevem wol long sin.

22 From hemia, huia we i ^asakem sin mo kam long mi olsem wan smol ^bpikinini, hem, bae mi akseptem, from olgeta ia oli gat raet long kingdom blong God. Luk, from olgeta olsem nao, mi bin ^dgivim laef blong mi mo mi bin tekem bakegen; from hemia, sakem sin, mo kam long mi yufala evriwan long ol en blong wol, mo bae mi sevem yufala.”