1 Ket napasamak nga adda ^atimek a nangngeg dagiti amin nga agindeg iti daga, iti amin a rabaw daytoy a daga, a nagkuna:

2 Ay-ay, ay-ay, ay-ay dagitoy a tao; ^aay-ay dagiti agindeg iti intero a daga malaksid no agbabawida; ta ^bagkatawa ti sairo, ket agragsak dagiti anghelna, gapu iti pannakapapatay dagiti nasayaat a lallaki ken babbai nga annak dagiti tao, ket gapu iti basol ken makarimon nga aramidda ti nakatnaganda!

3 Adtoy, pinuorak iti apuy dayta dakkel a siudad ti Zarahemla, ken dagiti agindegna.

4 Ket adtoy, imbilinko a lumned dayta dakkel a siudad ti Moroni iti tukot ti baybay, ken malmes dagiti agindegna.

5 Ket adtoy, ginaburak iti daga dayta dakkel a siudad ti Moronihah, ken dagiti agindegna, tapno mailemmeng ti nagbasolanda ken dagiti makarimon nga aramidda manipud iti sangok, tapno saanen nga agsubli pay kaniak a maibusor kadakuada ti dara dagiti propeta ken santo.

6 Ket adtoy, imbilinko a lumned ti siudad ti Gilgal, ken dagiti agindegna a maitanem iti tukot ti daga;

7 Wen, ken ti siudad ti Onihah ken dagiti agindegna, ken ti siudad ti Mocum ken dagiti agindegna, ken ti siudad ti Jerusalem ken dagiti agindegna; ket imbilinko a tumakdang ti ^adanum kadagitoy, a mangilemmeng iti kinadangkes ken dagiti makarimon nga aramidda iti sangok, tapno saanen nga agsubli pay kaniak a maibusor kadakuada ti dara dagiti propeta ken santo.

8 Ket adtoy, ti siudad ti Gadiadi, ken ti siudad ti Gadiomnah, ken ti siudad ti Jacob, ken ti siudad ti Gimgimno, amin dagitoy imbilinko a lumned, ket maaramid ti ^aturturod ken tantanap kadagita a lugar; ket intanemko iti tukot ti daga dagiti agindeg kadagita, tapno mailemmeng ti kinadangkes ken dagiti makarimon nga aramidda iti sangok, tapno saanen nga agsubli pay kaniak a maibusor kadakuada ti dara dagiti propeta ken santo.

9 Ket adtoy, dayta dakkel a siudad ti Jacobugath, a nagindegan dagiti tao ni ari Jacob, imbilinko a mapuoran iti apuy gapu iti basbasol ken iti kinadangkesda, a nangrimbaw iti amin a kinadangkes iti intero a daga, gapu kadagiti ^analimed a nadawel a panagpapatay ken kinnunsaboda; ta isuda ti nangdadael iti kappia dagiti tao ken ti gobierno ti daga; ngarud imbilinko a mapuoranda, tapno ^bmadadaelda iti sangok, tapno saanen nga agsubli pay kaniak a maibusor kadakuada ti dara dagiti propeta ken santo.

10 Ket adtoy, ti siudad ti Laman, ken ti siudad ti Josh, ken ti siudad ti Gad, ken ti siudad ti Kishkumen, ibilinko a mapuoran iti apuy, ken dagiti agindegna, gapu iti kinadangkesda a nangpapanaw kadagiti propeta, ken nangbato kadagiti imbaonko a mangipakdaar kadakuada ti maipanggep iti kinadangkesda ken dagiti makarimon nga aramidda.

11 Ket gapu ta pinapanawda amin ida, nga awan ti nalinteg kadakuada, nangibabaak iti ^aapuy a mangdadael kadakuada, tapno mailemmeng kaniak ti kinadangkes ken dagiti makarimon nga aramidda, tapno saan nga umasug kaniak ^bmanipud iti daga a maibusor kadakuada ti dara dagiti propeta ken santo nga imbaonko kadakuada.

12 Ken ^aadu pay a panangdadael ti imbaonko ditoy a daga, ken kadagitoy a tao, gapu iti kinadangkesda ken kadagiti makarimon nga aramidda.

13 O dakayo a ^anaisalakan gapu ta amang a nalinlintegkayo ngem isuda, saankayo kadi nga agsubli ita kaniak, ket ibabawiyo dagiti basolyo, ket mapasurotkayo, tapno ^bagasankayo?

14 Wen, pudno kunak kadakayo, no ^aumaykayo kaniak maaddaankayo iti ^bagnanayon a biag. Adtoy, nakatanggaya kadakayo ti manangngaasi nga ^cimak, ket asino man nga umasideg, awatek; ket mabendisionan dagiti umay kaniak.

15 Adtoy, siak ni Jesucristo nga Anak ti Dios. ^aPinarsuak ti langit ken ti daga, ken amin a banag nga adda kadakuada. Addaak idi iti Amak manipud iti punganay. ^bAddaak iti Ama, ken adda ti Amak kaniak; ket siak ti nangigloriaan ti Ama iti naganna.

16 Immayak iti bukbukodko, ket awan ti ^anangawat kaniak. Ket natungpal ti nasantuan a kasuratan maipanggep iti yaayko.

17 Ket kas iti kaadu ti nangawat kaniak, kadakuada ti ^anangtedak nga agbalin nga annak a lallaki ti Dios; ket kasta met ti aramidek kadagiti adu a mamati iti naganko, ta adtoy, babaen kaniak umay ti ^bpannakasubbot, ken siak ti pakatungpalan ti ^cpaglintegan ni Moises.

18 Siak ti ^asilaw ken ti biag ti lubong. Siak ti ^bAlpha ken ti Omega, ti pangrugian ken ti paggibusan.

19 Ket ^asaanyon nga idaton pay kaniak ti agayus a dara; wen, maisardengen ti panagidatonyo ken dagiti napuoran a sagutyo, ta saanakon nga umawat iti datdaton ken napuoran a sagsagutyo.

20 Ket idatonyo kaniak a ^adaton ti nasneban a puso ken napnuan babawi nga espiritu. Ket asino man nga umay kaniak nga addaan iti nasneban a puso ken napnuan babawi nga espiritu, ^bbuniagak iti apuy ken iti Espiritu Santo, a kas kadagiti Lamanite, gapu iti pammatida kaniak iti kanito a pannakapasurotda, nabuniaganda iti apuy ken iti Espiritu Santo, ket dida ammo.

21 Adtoy, immayak ditoy lubong a mangyeg iti pannakasubbot ti lubong, a mangisalakan iti lubong iti basol.

22 Ngarud, asino man nga ^aagbabawi ket umay kaniak a kasla bassit nga ^bubing, awatek, ta kasta ti pagarian ti Dios. Adtoy, ta kasta ti ^cnangisangratak iti biagko, ken naalak manen; ngarud agbabawikayo, ket umaykayo kaniak dakayo iti ngudo ti daga, ket maisalakankayo.