Maikatlo a Nephi Ti Libro ni NephiTI LALAKI NGA ANAK NI NEPHI, A LALAKI NGA ANAK NI HELAMAN

Dagiti Kapitulo 

Ket ni Helaman ti lalaki nga anak ni Helaman, a lalaki nga anak ni Alma, a lalaki nga anak ni Alma nga an-annabo ni Nephi a lalaki nga anak ni Lehi, a pimmanaw iti Jerusalem iti umuna a tawen a panagturay ni Sedekias, ti ari ti Juda.
Kapitulo 1
Pumanaw ni Nephi, a lalaki nga anak ni Helaman, iti pagilian, ket ti lalaki nga anakna a ni Nephi ti mangidulin iti kasuratan—Uray adu dagiti pagilasinan ken datdatlag a mapaspasamak, panggep dagiti nadangkes a papatayen dagiti nalinteg—Dumteng ti rabii a pannakayanak ni Cristo—Maited ti pagilasinan, ket lumgak ti baro a bituen—Umadu ti panagulbod ken panangallilaw, ket adu ti mapapatay dagiti tulisan a kadua ni Gadianton. Agarup k.p. 1–4.
Kapitulo 2
Kumaro ti kinadangkes ken makarimon nga aramid kadagiti tao—Agkaykaysa dagiti Nephite ken Lamanite a mangsalaknib iti bagbagida kadagiti tulisan ni Gadianton—Agbalin a puraw dagiti napasurot a Lamanite ket maawaganda iti Nephite. Agarup k.p. 5–16.
Kapitulo 3
Dawatan ni Giddianhi, ti dadaulo ni Gadianton, nga isuko da Lachoneus ken dagiti Nephite ti bagbagida ken dagiti dagada—Tudingan ni Lachoneus ni Gidgiddoni a pangulo a kapitan dagiti buyot—Aguummong dagiti Nephite iti Zarahemla ken Bountiful a mangsalaknib iti bagbagida. Agarup k.p. 16–18.
Kapitulo 4
Abaken dagiti buyot a Nephite dagiti tulisan ni Gadianton—Mapapatay ni Giddianhi, ket ti sukatna, ni Zemnarihah, maibitin—Agyaman dagiti Nephite iti Apo gapu kadagiti balligida. Agarup k.p. 19–22.
Kapitulo 5
Agbabawi dagiti Nephite ket tallikudanda dagiti basolda—Isurat ni Mormon ti pakasaritaan dagiti taona ken ipakdaarna kadakuada ti agnanayon a balikas—Maummong ti Israel iti napaut a pannakawarana. Agarup k.p. 22–26.
Kapitulo 6
Rumang-ay dagiti Nephite—Lumtuad ti panaggigidiat ti kinapannakkel, kinabaknang, ken kasasaad—Mawara ti Simbaan iti panagsisinnuppiat—Idauluan ni Satanas dagiti tao iti nabatad a yaalsa—Adu a propeta ti nangidawat iti panagbabawi ken napapatay—Nagtutulag dagiti nadawel a mammapatay a mangipagna iti gobierno. Agarup k.p. 26–30.
Kapitulo 7
Mapapatay a sidadawel ti pangulo nga ukom, madadael ti gobierno, ket maguduagudua dagiti tao iti tribtribu—ni Jacob, ti Anticristo, agbalin nga ari ti nalimed a kinnunsabo—Ikasaba ni Nephi ti panagbabawi ken pammati ken ni Cristo—Inaldaw nga isuro dagiti anghel, ket bangonenna ti kabsatna kadagiti natay—Adu ti agbabawi ken mabuniagan. Agarup k.p. 30–33.
Kapitulo 8
Allawig, ginggined, ur-uram, alipugpog, ken didigra ti mangipaneknek iti pannakailansa ni Cristo iti krus—Adu kadagiti umili ti madadael—Kinumotan ti sipnget ti daga iti tallo nga aldaw—Dung-awan dagiti nagbati ti gasatda. Agarup k.p. 33–34.
Kapitulo 9
Ipakdaar ti timek ni Cristo iti kasipngetan ti pannakadadael ti adu a tao ken siudad gapu iti kinadangkesda—Ipakdaarna met ti kinadiosna, iwaragawagna ti pannakatungpal ti paglintegan ni Moises, ket awisenna dagiti tao a sumurot kenkuana ket maisalakan. Agarup k.p. 34.
Kapitulo 10
Adda ulimek iti daga iti adu nga oras—Ikari ti timek ni Cristo nga ummongenna dagiti taona a kas iti panangummong ti pamusian kadagiti piekna—Nataginayonen dagiti nalinlinteg a bilang dagiti tao. Agarup k.p. 34–35.
Impakita ni Jesucristo ti bagina kadagiti tao ni Nephi, bayat ti panaguummong ti kaaduan iti daga ti Bountiful, ket kinasabaanna ida; ket daytoy a wagas ti panangiparangna iti bagina kadakuada.
Sakupenna ti kapitulo 11 agingga iti 26.
Kapitulo 11
Paneknekan ti Ama ti Ay-ayatenna nga Anak—Agparang ni Cristo ket ipalawagna ti pannubbotna—Dapadapen dagiti tao ti lamma dagiti sugat ti dakulap, dapan, ken bakrangna—Ipukkawda ti Hosanna—Ipakitana ti wagas ken kasasaad ti panagbuniag—Aramid ti sairo ti espiritu ti panagsisinnupanget—Doktrina ni Cristo ti rumbeng a patien ti tao ken mabuniagan ken umawat iti Espiritu Santo. Agarup k.p. 34.
Kapitulo 12
Awagan ken dutokan ni Jesus dagiti Sangapulo-ket-dua—Itedna kadagiti Nephite ti palawag a kapadpada ti Sermon idiay Bantay—Isaona ti maipapan iti Naespirituan a Kababalin—Nangatngato dagiti isursurona ngem iti paglintegan ni Moises—Maibilin ti panagbalin ti tao a naan-anay a kas kenkuana ken ti Amana—Idilig iti Mateo 5. Agarup k.p. 34.
Kapitulo 13
Isuro ni Jesus kadagiti Nephite ti Kararag ti Apo—Isuda ti mangisaad iti kinabaknang idiay langit—Nabilin dagiti Sangapulo-ket-dua a saan nga agpanunot iti naindagaan a banag—Idilig ti Mateo 6. Agarup k.p. 34.
Kapitulo 14
Ibilin ni Jesus: Dikayo mangeddeng; agdawatkayo iti Dios; agannadkayo kadagiti ulbod a propeta—Ikarina ti pannakaisalakan dagiti agtungpal iti pagayatan ti Ama—Idilig iti Mateo 7. Agarup k.p. 34.
Kapitulo 15
Ipakaammo ni Jesus a natungpal kenkuana ti paglintegan ni Moises—Dagiti Nephite ti sabali a karnero a nasaona iti Jerusalem—Saan nga ammo dagiti tao ti Apo iti Jerusalem dagiti naisina a karnero ti Israel gapu iti kinadakes. Agarup k.p. 34.
Kapitulo 16
Sarungkaran ni Jesus dagiti dadduma a napukaw a karnero ti Israel—Maipan ti ebanghelio kadagiti Gentil sa iti balay ti Israel iti ud-udina nga aldaw—Agkikitanto dagiti tao ti Apo inton yegna manen ti Zion. Agarup k.p. 34.
Kapitulo 17
Idalan ni Jesus dagiti tao a mangusig kadagiti balikasna ken agkararag nga agpaay iti pannakaawat—Agasanna dagiti masakitda—Ikararaganna dagiti tao, iti panagaramatna iti pagsasao a saan a mabalin a maisurat—Agpaay dagiti anghel ken likmuten ti apuy dagiti babassit nga ubbingda. Agarup k.p. 34.
Kapitulo 18
Ilungalong ni Jesus ti sakramento kadagiti Nephite—Maibilin kadakuada ti kanayon a panagkararagda iti naganna—Madusa dagiti mangipauneg iti lasag ken uminum iti darana a saan a maikari—Maikkan dagiti disipulo iti pannakabalin a mangited iti sagut ti Espiritu Santo. Agarup k.p. 34.
Kapitulo 19
Agpaay dagiti sangapulo-ket-dua a disipulo kadagiti tao ken nagkararagda iti Espiritu Santo—Mabuniagan ken awaten dagiti disipulo ti Espiritu Santo ken ti panagpaay dagiti anghel—Agkararag ni Jesus nga agaramat kadagiti balikas a saan a mabalin nga isurat—Paneknekanna ti aglaplapusanan a pammati dagitoy a Nephite. Agarup k.p. 34.
Kapitulo 20
Nakaskasdaaw ti panangisagana ni Jesus iti tinapay ken arak ket manen intakderna ti sakramento kadagiti tao—Maammuanto ti Apo a Diosda dagiti natda ni Jacob ket tawidendanto ti America—Propeta ni Jesus a kas ken ni Moises, ket annak dagiti propeta dagiti Nephite—Maummongto ti dadduma kadagiti tao ti Apo iti Jerusalem. Agarup k.p. 34.
Kapitulo 21
Maummongto ti Israel inton rummuar ti Libro ni Mormon—Mabigbigto dagiti Gentil a kas nawaya a tao iti America—Maisalakandanto no mamati ken agtulnogda; no saan, maisinadanto ken madadael—Bangonento ti Israel ti Baro a Jerusalem, ken agsublinto dagiti napukaw a tribu. Agarup k.p. 34.
Kapitulo 22
Maipasdekto iti ud-udina nga aldaw ti Zion ken dagiti istakana, ket maummongto ti Israel iti asi ken kinaanus—Agballigidanto—Idilig iti Isaias 54. Agarup k.p. 34.
Kapitulo 23
Anamongan ni Jesus dagiti balikas ni Isaias—Ibilinna kadagiti tao nga amirisenda dagiti propeta—Mainayon kadagiti kasuratanda dagiti balikas ni Samuel a Lamanite maipapan iti Panagungar. Agarup k.p. 34.
Kapitulo 24
Isagananto ti mensahero ti Apo ti dalan ti Maikadua a Yaay—Agtugawto ni Cristo a mangukom—Mabilin ti Israel nga agbayad iti apagkapullo ken datdaton—Maidulin ti libro ti pakalaglagipan—Idilig iti Malakias 3. Agarup k.p. 34.
Kapitulo 25
Mauramto dagiti natangsit ken nadangkes a kas iti naggapasan iti Maikadua a Yaay—Agsublinto ni Elias a propeta sakbay dayta naindaklan ken nakaal-alingget nga aldaw—Idilig iti Malakias 4. Agarup k.p. 34.
Kapitulo 26
Ipalawag ni Jesus ti amin a banag manipud iti punganay agingga iti panungpalan—Agsao dagiti maladaga ken ubbing iti nakaskasdaaw a bambanag a saan a mabalin a maisurat—Addaan dagiti adda iti Simbaan ni Cristo kadagiti banag nga agpapada. Agarup k.p. 34.
Kapitulo 27
Ibilin ni Jesus kadakuada a nagananda ti Simbaan iti naganna—Ti misionna ken ti pannubbotna ti pakabuklan ti ebangheliona—Maibilin ti panagbabawi ken panagpabuniag ti tao tapno mapasanto babaen ti Espiritu Santo—Agbalinda a kas ken ni Jesus. Agarup k.p. 34–35.
Kapitulo 28
Siam kadagiti Sangapulo-ket-dua ti agtarigagay ken pakaikarian ti tawid iti pagarian ni Cristo inton matayda—Tallo kadagiti Nephite ti agtarigagay ken maikkan iti pannakabalin a mangdaeg iti patay tapno agtalinaedda iti daga agingga iti yaay manen ni Cristo—Mabaliwanda ket makitada dagiti banag a saan a nainkalintegan a maisawang, ket agpapaayda ita kadagiti tao. Agarup k.p. 34–35.
Kapitulo 29
Ti idadateng ti Libro ni Mormon ti pagilasinan a rinugianen ti Apo ti mangurnong iti Israel ken mangtungpal kadagiti katulaganna—Mailunodto dagiti mangtallikud kadagiti paltiing ken sagutna iti ud-udina nga aldaw. Agarup k.p. 34–35.
Kapitulo 30
Mabilin dagiti Gentil iti ud-udina nga aldaw nga agbabawi, umasideg ken ni Cristo, ket maibilangda iti balay ti Israel. Agarup k.p. 34–35.