Mga Kasulatan
Alma 1


Ang Basahon ni Alma
ang Anak nga Lalaki ni Alma

Ang asoy ni Alma, kinsa mao ang anak ni Alma nga lalaki, ang una ug labaw nga maghuhukom sa katawhan ni Nephi, ug usab ang labaw nga pari sa Simbahan. Usa ka asoy sa paghari sa mga maghuhukom, ug sa mga gubat ug panagbingkil sa katawhan. Ug usab usa ka asoy sa gubat tali sa mga Nephita ug mga Lamanita, sumala sa talaan ni Alma, ang una ug labaw nga maghuhukom.

Kapitulo 1

Si Nehor nagtudlo og sayop nga mga doktrina, nagtukod og usa ka simbahan, nagpasiugda og panapi sa mga pari, ug mipatay ni Gideon—Si Nehor gisilotan sa kamatayon tungod sa iyang mga krimen—Ang panapi sa mga pari ug mga pagpanglutos mikaylap diha sa katawhan—Ang mga pari nagsuporta sa ilang mga kaugalingon, ang katawhan mialima sa mga kabos, ug ang Simbahan miuswag. Mga 91–88 B.C.

1 Karon nahitabo nga sa unang tuig sa paghari sa mga maghuhukom sa katawhan ni Nephi, gikan niini nga panahon, si hari Mosiah nga anamatay na, kay nakiggubat og usa ka maayo nga pakiggubat, naglakaw nga matarong sa atubangan sa Dios, walay gibilin nga mohari puli kaniya; bisan pa niana siya mihimo og bmga balaod, ug gidawat kini sa katawhan; busa sila napugos sa pagtuman sa mga balaod nga iyang gihimo.

2 Ug nahitabo nga sa unang tuig sa paghari ni Alma sa hukmanan, dihay atawo nga gidala sa iyang atubangan aron hukman, usa ka dakong tawo, ug gibantog sa iyang kakusgan.

3 Ug gilibot niya ang katawhan, nagsangyaw kanila niana nga iyang agitawag og pulong sa Dios, bnakigbatok sa simbahan; nga nagpadayag ngadto sa katawhan nga ang matag pari ug magtutudlo kinahanglan mahimo nga cinila; ug sila ddili kinahanglan magtrabaho sa ilang mga kamot, ug nga angay gani sila nga suportahan sa katawhan.

4 Ug siya usab mipamatuod ngadto sa katawhan nga ang tanang katawhan maluwas sa kataposang adlaw, ug nga sila dili angay nga mahadlok ni mangurog, apan nga sila unta mohangad sa ilang mga ulo ug maglipay; kay ang Ginoo milalang sa tanang tawo, ug usab mitubos sa tanang tawo; ug, sa kataposan, ang tanang tawo makaangkon og kinabuhing dayon.

5 Ug nahitabo nga gitudlo niya pag-ayo kini nga mga butang nga daghan ang mituo sa iyang mga pulong, gani hilabihan ka daghan nga sila misugod sa pagsuporta kaniya ug mihatag kaniya og kwarta.

6 Ug nagsugod siya sa pagkamapagarbohon sa iyang kasingkasing, ug nagsul-ob og mahal kaayo nga sapot, oo, ug gani nagsugod sa pagtukod og asimbahan sunod sa paagi sa iyang pagsangyaw.

7 Ug nahitabo nga samtang miadto siya, aron sa pagsangyaw niadtong kinsa mituo sa iyang pulong, nakasugat siya og tawo kinsa sakop sa simbahan sa Dios, oo, gani usa sa ilang mga magtutudlo; ug siya misugod sa pagpakiglalis kaniya pag-ayo, aron iyang madala ang katawhan palayo sa simbahan; apan ang tawo misanta kaniya, nagbadlong kaniya gamit ang amga pulong sa Dios.

8 Karon ang ngalan sa tawo mao si aGideon; ug siya ang nahimong himan sa mga kamot sa Dios sa pagluwas sa katawhan ni Limhi gikan sa pagkaulipon.

9 Karon, tungod kay si Gideon nangatarongan kaniya gamit ang mga pulong sa Dios nasuko siya kang Gideon, ug mihulbot sa iyang espada ug misugod sa pagtigbas kaniya. Karon kay si Gideon tigulang na, busa wala na siya makapanalipod sa iyang mga pagtigbas, busa siya anapatay pinaagi sa espada.

10 Ug ang tawo kinsa mipatay kaniya gidakop sa katawhan sa simbahan, ug gidala sa atubangan ni Alma, aron ahukman sumala sa mga krimen nga iyang nabuhat.

11 Ug nahitabo nga mibarog siya sa atubangan ni Alma ug maisogong miatubang sa pagpanalipod sa iyang kaugalingon.

12 Apan si Alma miingon kaniya: Tan-awa, kini ang unang higayon nga ang apanapi sa pari gitudlo taliwala sa katawhan. Ug tan-awa, dili lamang kay sad-an ka sa panapi sa pari, apan nagtinguha sa pagpatuman niini pinaagi sa espada; ug kon ang panapi sa mga pari ipatuman sa katawhan mosangpot kini sa ilang hingpit nga kalaglagan.

13 Ug ikaw nakapaagas sa dugo sa usa ka matarong nga tawo, oo, usa ka tawo kinsa nakahimo og daghan nga kaayohan niini nga katawhan; ug kon kami moluwas kanimo ang iyang dugo modangat kanamo sa apagpanimalos.

14 Busa ikaw asilotan sa kamatayon, sumala sa balaod nga gihatag kanato ni Mosiah, nga atong kataposang hari; ug kini gidawat niini nga katawhan; busa kini nga katawhan kinahanglan nga mosunod sa balaod.

15 Ug nahitabo nga sila midakop kaniya; ug ang iyang ngalan mao si aNehor; ug sila midala kaniya sa ibabaw sa bungtod sa Manti, ug didto siya gipasulti, o labing klaro gipaangkon, tali sa kalangitan ug sa yuta, nga ang iyang gitudlo sa katawhan sukwahi sa pulong sa Dios; ug didto siya nag-antos og makauulaw nga bkamatayon.

16 Bisan pa niana, wala kini makapahunong sa pagkaylap sa panapi sa pari sa tibuok yuta; kay dihay daghan nga nahigugma sa kawang nga mga butang sa kalibotan, ug nanagsangyaw sila sa sayop nga mga doktrina; ug ila kining gibuhat tungod sa akatigayonan ug dungog.

17 Bisan pa niana, wala sila mangahas sa apagpamakak, kay kon kini mahibaloan, tungod sa kahadlok sa balaod, kay ang mga bakakon pagasilotan; busa sila nagpakaaron-ingnon nga nagsangyaw sumala sa ilang gituohan; ug karon ang balaod walay gahom ngadto ni bisan kinsa nga tawo tungod sa biyang gituohan.

18 Ug wala sila mangahas sa apagpangawat, tungod sa kahadlok sa balaod, kay ang ingon niana pagasilotan; ni mangahas sila sa pagpanulis, ni sa pagpatay, kay siya nga bmakapatay pagasilotan ngadto sa ckamatayon.

19 Apan nahitabo nga si bisan kinsa nga dili sakop sa simbahan sa Dios misugod sa paglutos niadtong mga sakop sa simbahan sa Dios, ug ilang gidala ang ngalan ni Kristo.

20 Oo, sila milutos kanila, ug misakit kanila gamit ang tanan nga matang sa pulong, ug kini tungod sa ilang pagkamapainubsanon; tungod kay sila dili mapagarbohon sa ilang kaugalingon nga mga mata, ug kay gipakigbahin nila ang pulong sa Dios, ngadto sa usag usa, nga walay akwarta ug walay kantidad.

21 Karon dihay higpit nga balaod sa katawhan sa simbahan, nga walay bisan kinsa nga tawo, nga nahisakop sa simbahan, nga mobarog ug amolutos niadtong dili sakop sa simbahan, ug nga walay himoong pagpanglutos sa usag usa kanila.

22 Bisan pa niana, dihay daghan kanila kinsa misugod sa pagkamapagarbohon, ug misugod sa mainiton nga pagpakiglalis sa ilang mga kaaway, bisan sa pagbinunalay; oo, sila misukmag sa usag usa gamit ang ilang mga kumo.

23 Karon nahitabo kini sa ikaduhang tuig sa pagmando ni Alma, ug kini ang hinungdan sa daghan nga kasakit sa simbahan; oo, kini ang hinungdan sa daghan nga pagsulay sa simbahan.

24 Kay ang mga kasingkasing sa kadaghanan mga tig-a, ug ang ilang mga ngalan agipapas, nga sila wala na hinumdomi taliwala sa katawhan sa Dios. Ug usab daghan ang bmipalayo sa ilang kaugalingon gikan kanila.

25 Karon nahimo kining dako nga pagsulay niadtong nagpabilin nga lig-on ang pagtuo; bisan pa niana, nagmakanunayon sila ug wala matarog sa pagtuman sa mga sugo sa Dios, ug sila midawat nga amapailobon sa pagpanglutos nga gipahamtang diha kanila.

26 Ug sa dihang ang mga pari mibiya sa ilang atrabaho aron sa pagpaambit sa pulong sa Dios ngadto sa katawhan, ang katawhan usab mibiya sa ilang mga trabaho aron maminaw sa pulong sa Dios. Ug sa dihang ang mga pari nakapaambit kanila sa pulong sa Dios silang tanan makugihon nga mibalik pag-usab sa ilang mga trabaho; ug ang pari, nga wala magtamod sa iyang kaugalingon nga labaw sa iyang mga tigpaminaw, kay ang tigsangyaw dili labaw kaysa tigpaminaw, ni ang magtutudlo mas maayo kaysa tinudloan; ug sa ingon niana silang tanan managsama, ug silang tanan nagtrabaho, matag tawo bsumala sa iyang kusog.

27 Ug amipakigbahin sila sa ilang mga kabtangan, matag tawo sumala sa unsay anaa kaniya, ngadto sa mga bkabos, ug timawa, ug sa masakiton, ug sa gisakit; ug sila wala magsul-ob og mahalon nga sapot, apan hapsay ug nindot nga tan-awon.

28 Ug sa ingon niana sila midumala sa mga kalihokan sa simbahan; ug nagsugod na usab sila sa pagbaton og padayon nga kalinaw, bisan pa sa tanan nga mga pagpanglutos kanila.

29 Ug karon, tungod sa kalig-on sa simbahan sila misugod sa hilabihan nga apagkaadunahan, nakaangkon og kabuhong sa tanan nga butang bisan unsay ilang panginahanglan—kabuhong sa mga panon ug mga kahayopan, ug pinatambok nga nati sa tanan nga matang, ug usab kabuhong sa lugas, ug sa bulawan, ug sa pilak, ug sa mahalon nga mga butang, ug kabuhong sa bsida ug maanindot nga binubod nga hilo, ug sa tanan nga matang sa maayo ug yano nga panapton.

30 Ug sa ingon niana, sa ilang amauswagon nga pagkabutang, wala nila gisalikway si bisan kinsa nga mga bhubo, o mga gigutom, o mga giuhaw, o mga masakiton, o ang wala maamumahi; ug wala nila ipahimutang ang ilang mga kasingkasing diha sa mga katigayonan; busa nagmanggihatagon sila ngadto sa tanan, sa tigulang ug sa batan-on, sa ulipon ug sa gawasnon, sa lalaki ug sa babaye, bisan gawas sa simbahan o sulod sa simbahan, sa walay cpagpili sa mga tawo nga nagkinahanglan.

31 Ug sa ingon niana miuswag sila ug nahimong mas adunahan pa kay niadtong dili sakop sa ilang simbahan.

32 Kay kadtong dili sakop sa ilang simbahan mihimo sa ilang mga kaugalingon nga mga mamamarang, ug sa apagsimba og mga dios-dios o sa bpagkatapolan, ug sa mga cpagyamyam, ug sa dmga kasina ug panagbangi; pagsul-ob sa mahalon nga sapot; ingon nga egibayaw sa garbo sa ilang kaugalingong mga mata; nanglutos, namakak, nanulis, nangawat, nagbuhat og malaw-ay nga mga buhat, ug nagbuno, ug tanan nga matang sa pagkadaotan; bisan pa niana, ang balaod gipahamtang ngadto sa tanan niadtong kinsa milapas niini, kutob sa mahimo.

33 Ug nahitabo nga sa ingon niana nga paagi sa pagpatuman sa balaod diha kanila, ang matag tawo nag-antos sumala sa unsay iyang gibuhat, mas nalig-on sila, ug wala na mangahas sa pagbuhat og bisan unsa nga pagkadaotan kon kini mahibaloan man; busa, dihay dako nga kalinaw taliwala sa katawhan ni Nephi hangtod sa ikalima nga tuig sa paghari sa mga maghuhukom.