iVolanikalou
Alama 10


Wase 10

Sa kawa i Manasa ko Liai—Sa nanuma lesu ko Amuleki na ivakaro ni agilosi me maroroi Alama—Na nodra masu na yalododonu sa vakavuna me ra vakabulai na tamata—Ko ira na loya kei na turaganilewa sega ni dodonu era a vakaduria na yavu me ra vakarusai kina na tamata. Rauta na 82 B.K.

1 Oqo na avosa ka vunautaka ko bAmuleki vei ira na tamata e ra tiko ena vanua ko Amonaia, ka kaya:

2 Koi au ko Amuleki; koi au na luvei Kitiona, o koya na luvei Isimeli, e dua na kawa i Aminatai; ia ko Aminatai vata ga ka a vakadewataka na vosa ena lalaga ni valetabu, ka a volai mai na iqaqalo ni liga ni Kalou.

3 Ka a dua na kawa i Nifai ko Aminatai, na luvei Liai, ko koya ka a lako tani mai na vanua ko Jerusalemi, o koya e dua na kawa i aManasa, na luvei bJosefa o koya era a cvolitaka ki Ijipita na tuakana.

4 Ia raica, koi au e dua na tamata rogo levu vei ira era sa kilai au; io, ka raica, era sa lewe vuqa na wekaqu kei na noqu aitokani, ia au sa rawata vakalevu na iyau ni’u sa tamata gugumatua.

5 Ia, ni sa oti kece oqo, au se sega mada ni kila na sala ni Turaga kei na nona aka vuni kei na kaukauwa veivakurabuitaki. Au kaya ni’u a sega mada ni kila na veika oqo; ia raica, au sa cala kina, ni’u sa raica oti e vuqa na nona veika vuni kei na nona kaukauwa veivakurabuitaki; io, ena nona maroroya na nodra bula na tamata oqo.

6 Ia oqo, au sa dau vakaukauwataka ga na lomaqu, ni’u sa akacivi oti vakavuqa ka’u sega ga ni brogoca; o koya au sa kila tu na veika oqo, ia au sega ga ni kila; o koya au sa dau vakaduiduile tiko ga vua na Kalou, ena vuku ni ca ni lomaqu, io ena ikava ni siga ni ikavitu ni vula oqo, ena ikatini ni yabaki ni nodra veiliutaki na turaganilewa.

7 Ena noqu sa lako tiko me’u sikova e dua na wekaqu voleka, raica sa rairai vei au e dua na aagilosi ni Turaga ka kaya: Amuleki, mo lesu tale ki na nomu vale, ni ko na vakania e dua na parofita ni Turaga; io a tamata yalododonu ka sa digitaki koya na Kalou; ni a blolo ko koya ka vuqa na siga ena vuku ni nodra ivalavala ca na tamata oqo, ka sa via kana sara, ia mo ckauti koya ki na nomu vale ka vakani koya, ia ena qai vakalougatataki iko ko koya kei na nomu vuvale; ia na veivakalougatataki ni Turaga ena yaco vei iko kei na nomu vuvale.

8 Ka sa yaco me’u talairawarawa ki na domo ni agilosi ka lesu tale ki na noqu vale. Ia ni’u sa lako tiko yani au sa raica na atamata a tukuna vei au na agilosi ka kaya: Mo kauti koya ki na nomu vale—ia raica sai koya ga oqo na tamata a mai tukuna tiko vei iko na veika me baleta na Kalou.

9 Ka sa kaya vei au na agilosi ni sa atamata yalododonu; o koya au sa kila kina ni tamata yalododonu ko koya baleta ni a tukuna e dua na agilosi ni Kalou.

10 Ia oqo tale au kila ni sa dina na veika sa vakadinadinataka ko koya; ia raica au sa kaya vei kemudou, me vaka sa bula na Turaga, sa tala vakaidina ko Koya na nona aagilosi me vakatakila vei au na veika oqo; ia sa vakayacora ko koya na ka oqo ena gauna sa btiko kina ena noqu vale ko Alama oqo.

11 Ia raica, sa avakalougatataka ko koya na noqu vuvale, sa vakalougatataki au, kei ira na noqu yalewa, kei ira na luvequ, kei na tamaqu kei ira na kai noqu; io, ko ira kece na wekaqu sa vakalougatataka ko koya, sa yaco vei keimami na veivakalougatataki ni Turaga me vaka na vosa sa tukuna ko koya.

12 Ia oqo, ni sa vosataka oti na veika oqo ko Amuleki a ra sa kurabui vakalevu na tamata, ni ra raica ni sa asega ni dua wale ga sa vakadinadinataka na veika era sa beitaki kina, kei na ka talega ena qai yaco mai, me vaka na yalo ni parofisai sa tu vei rau.

13 Ia oqo, e so ena kedra maliwa era sa nanuma me ra tarogi rau, mai na nodra ailawaki qaseqase era nanuma me ra toboki rau kina ena nodrau vosa, me ivakadinadina me rau beitaki kina, me rawa ni rau kau yani kina vei ira na turaganilewa ka lewai me vaka na lawa, ka me rawa kina ni rau vakamatei se biu ki vale ni veivesu, me vaka na cala era sa rawa ni qisia me ra beitaki rau kina.

14 Oqo sai ira na tamata koya era sa segata me ra vakacacani rau, ko ira na aloya, ko ira era saumi se digitaki mai vei ira na tamata me ra qarava na lawa ena gauna ni veilewai, se na veilewai ni nodra cala na tamata ena matadra na turaganilewa.

15 Ko ira na loya oqo era sa vulica vinaka sara na nodra ilawaki qaseqase kecega na tamata; ia na ka oqo sa iyaragi vinaka ni nodra cakacaka.

16 Ka sa yaco ni sa tekivu me ra vakatarogi Amuleki, me rawa kina ni veisautaka ko koya na nona itukutuku, se me cakitaka na vosa ena tukuna.

17 Ia era sa sega ni kila ni rawa me kila ko Amuleki na nodra inaki. Ia sa yaco ni ra sa tekivu me vakatarogi koya, sa akila ko koya na lomadra, ka kaya vei ira: Oi kemudou na bitabatamata ivalavala ca ka yalo vakatani, oi kemuni na loya kei na dauveivakaisini, raica ni sa tura tiko na yavu ni tevoro; ko ni sa tura tiko na cdai me ra coriti kina ka vesu na tamata yalododonu ni Kalou.

18 Io ni sa tura tiko mo ni avakacala na veika dodonu, ka me tau kina e buradelamuni na cudru ni Kalou, ka me ra qai rusa kina vakadua na tamata oqo.

19 Io, sa kaya ko Mosaia, o koya na iotioti ni noda tui, ni sa voleka me solia na matanitu, ka sega tu ni dua me solia vua, ka sa vakavuna me ra liutaki na nona tamata ena domodra ga vakaira—io, e sega li ni kaya kevaka ena yaco na kena gauna me ra adigitaka kina ena domodra na tamata, na caka cala, o koya, ke na yaco na gauna me ra na lutu ki na talaidredre na tamata oqo, era sa na matua kina me ra vakarusai.

20 Ia oqo au sa kaya vei kemuni sa lewa vinaka na Turaga na nomuni caka ca; ia sa kacivaka vei ira na nona tamata, ena domodra na nona aagilosi: Mo ni veivutuni, veivutuni, ni sa voleka na matanitu vakalomalagi.

21 Io, e sa mai kacivaka, ena domodra na nona agilosi ka vaka: aAu na lako sobu mai ena kedra maliwa na noqu tamata, ena veivakaduavatataki kei na lewa dodonu e ligaqu.

22 Io, ka’u sa kaya vei kemuni kevaka me a sega na nodra amasu na tamata yalododonu, ka ra sa tiko oqo ena vanua, ke dou sa vakarusai vakaidina; ia e sega ena bwaluvu, me vakataki ira na tamata ena gauna i Noa, ia ena dausiga ga, kei na mate dauveitauvi, kei na iseleiwau.

23 Ia ena nodra amasu na yalododonu dou sa vakabulai kina; o koya oqo, kevaka ko ni sa vakasavi ira tani na yalododonu mai na kemuni maliwa ena qai sega beka ni tarova na ligana na Turaga; ia ena nona cudru waqawaqa ena qai lako mai kina vei kemuni; ia ko ni na yaviti ena dausiga, kei na mate dauveitauvi, kei na iseleiwau; ka na yaco kusarawa na kena bgauna vakavo ga kevaka ko ni sa veivutuni.

24 Ka sa qai yaco ni ra sa cudruvi Amuleki sara vakalevu na tamata, e ra sa vosa, ka kaya: Raica na tamata oqo sa vosa vakacacataka na noda lawa ka da kila ni sa dodonu, kei ira tale ga na loya vuku ka da sa digitaki ira.

25 Ia sa dodoka yani na ligana ko Amuleki, ka kacivaka yani vakaukauwa vei ira, ka kaya: Oi kemuni na itabatamata dau caka ca ka yalo vakatani, a cava sa lewai kemuni sara kina ko Setani? A cava ko ni sa soli kemuni kina vei koya me lewai kemuni, ka avakamatabokotaka na matamuni, mo ni kakua kina ni kila na vosa sa tukuni, me vaka na kedra dina?

26 Ia raica, au sa vosa vakadinadina li beka me saqata na nomuni lawa? Ko ni sa sega ni kila; ko ni sa kaya ni’u sa vosa saqata na nomuni lawa; e segai sara, raica au sa vosa ka tokona na nomuni lawa, mo ni cudruvi kina.

27 Ia oqo raica, au sa kaya vei kemuni, sa tekivu vakotori na yavu ni nodra vakarusai na tamata oqo ena nodra cakacaka vakatawadodonu na nomuni aloya kei na turaganilewa.

28 Ka sa qai yaco ni sa cavuta oti na vosa oqo ko Amuleki era sa cudruvi koya sara na tamata, ka kaya: Keimami sa kila ni sa luve ni tevoro na tamata oqo, ni sa alasutaki keda; sa vosa vakacacataka na noda lawa. Ia oqo sa kaya ni sa sega ni vosa vakacacataka.

29 Ka sa vosa vakacacataki ira tale na noda loya, kei ira na noda turaganilewa.

30 Ka sa yaco ni ra sa vakauqeti ira na tamata ko ira na loya me ra nanuma matua e lomadra na ka oqo me beitaki kina.

31 Ka sa dua vei ira na yacana ko Sisoromi. Sa kaukauwa duadua na nona abeitaki rau ko Amuleki kei Alama, ni sa dua vei ira na kena dau ko koya, ni sa dau taurivaki sara vakalevu mai vei ira na tamata.

32 Oqo era sa gadreva ga na loya me levu na nodra iyau; ia sa vakatau ga na iyau era rawata ena levu ni nodra cakacaka.