1 Ita dagitoy dagiti ^abalikas nga inkasaba ni ^bAmulek kadagiti tattao nga adda iti daga ti Ammonihah, a kunana:

2 Siak ni Amulek; siak ti lalaki nga anak ni Giddonah, a lalaki nga anak ni Ismael, a putot ni Aminadi; ket isu met la dayta nga Aminadi ti nangipatarus iti sinurat nga adda iti pader ti templo, nga insurat ti ramay ti Dios.

3 Ket ni Aminadi ti putot ni Nephi, a lalaki nga anak ni Lehi, a pimmanaw iti daga ti Jerusalem, a putot ni ^aManases, a lalaki nga anak ni ^bJose nga ^cinlako dagiti kabsatna idiay Egipto.

4 Ket kitaen, maysaak met a tao a saan a tagibassiten ti pakasarsaritaan kadagiti makaam-ammo kaniak; wen, ket kitaen, adu ti kakabsat ken ^agagayyemko, ket nakagun-odak met iti adu a kinabaknang babaen iti gaget ti imak.

5 Nupay kasta, kalpasan amin dagitoy, awan pay unay ti ammok kadagiti wagas ti Apo, ken dagiti ^amisterio ken nakaskasdaaw a bilegna. Kinunak nga awan pay unay ti ammok kadagitoy a banag; ngem kitaen, nagbiddutak, agsipud ta adun ti nakitak a misteriona ken ti nakaskasdaaw a bilegna; wen, uray pay ti pannakataginayon ti biag dagitoy a tao.

6 Nupay kasta, pinatangkenko ti pusok, agsipud ta namin-adu a ^anaawaganak ngem saanak a ^bdimngeg; ngarud naammuak ti maipanggep kadagitoy a banag, ngem saanko pay ammo; ngarud intuloyko ti agsupring iti Dios, iti kinadakes ti pusok, uray pay agingga iti maikapat nga aldaw daytoy maikapito a bulan, iti maikasangapulo a tawen ti panagturay dagiti ukom.

7 Bayat ti panagdaliasatko tapno kitaen ti asideg unay a kabsat, kitaen nagparang kaniak ti ^aanghel ti Apo ket kinunana: Amulek, agsublika iti bukodmo a balay, agsipud ta pakanem ti maysa a propeta ti Apo; wen, maysa a nasantuan a lalaki, isu ti pinili a lalaki ti Dios; agsipud ta ^bnagayuno iti adu nga aldaw gapu kadagiti basol dagiti tattao, ket nabisinan, ket ^cawatemto iti balaymo ken pakanemto, ket bendisionannakanto ken ti balaymo; ket agtalinaedto ti bendision ti Apo kenka ken iti balaymo.

8 Ket napasamak a tinungpalko ti timek ti anghel, ket nagsubliak iti balayko. Ket bayat ti papanko sadiay nasarakak ti ^alalaki a nagkunaan ti anghel kaniak: Awatem iti balaymo—ket kitaen daytoy met la a lalaki ti nagsasao kadakayo iti maipanggep kadagiti banag ti Dios.

9 Ket kinuna ti anghel kaniak a ^anasantuan a lalaki; gapuna ammok a nasantuan a lalaki gapu ta imbaga ti anghel ti Dios.

10 Ket manen, ammok a pudno dagiti banag a pinaneknekanna; ta kitaen kunak kadakayo, a bayat a sibibiag ti Apo, uray pay nga imbaonna iti ^aanghelna a mangiparangarang kaniak dagitoy a banag; ket inaramidna daytoy bayat ti ^bpanagnaed daytoy nga Alma iti balayko.

11 Ta kitaen, ^abinendisionanna ti balayko, binendisionannak, ken dagiti babbaik, ken dagiti annakko, ken ti amak ken kakabagiak; wen, binendisionanna pay amin dagiti kabsatko, ket nagtalinaed kadakami ti bendision ti Apo a mayannurot kadagiti balikas nga insaona.

12 Ket ita, idi maisao ni Amulek dagitoy a balikas nangrugi a nasdaaw dagiti tattao, ta nakitada nga adda ^aad-adu ngem maysa a saksi a nangpaneknek kadagiti banag a nakapabasolanda, kasta met kadagiti banag a dumteng, a mayannurot iti espiritu ti pammadto nga adda kadakuada.

13 Nupay kasta, adda sumagmamano kadakuada a nangpanunot a mangusig kadakuada, a babaen kadagiti nasikap a ^apamuspusanda matiliwda ida kadagiti balikasda, tapno makasarakda iti saksi a maibusor kadakuada, tapno yawatda ida kadagiti ukomda tapno maukomda a mayannurot iti linteg, ken tapno mapapatay wenno maipisokda iti pagbaludan, a mayannurot iti krimen a mapagbalinda nga iparang wenno saksi a maibusor kadakuada.

14 Ita isu dagidiay dagiti tattao a nagpanggep a mangdadael kadakuada, isuda dagiti ^aabogado, a binayadan wenno dinutokan dagiti tattao a mangipatungpal ti linteg iti panawen a pannakausigda, wenno iti pannakausig dagiti krimen ti tattao iti sango dagiti ukom.

15 Ita masirib dagitoy nga abogado kadagiti amin nga arte ken kinasikap dagiti tattao; ket naaramid daytoy tapno mamagbalinda a nalaing iti pagsapulanda.

16 Ket napasamak a rinugianda nga inusig ni Amulek, tapno iti kasta mabalinda a baliktaden dagiti balikasna, wenno mangbalusingsing kadagiti balikas a nasken nga isaona.

17 Ita saanda ammo a kabaelan ni Amulek a maammuan dagiti panggepda. Ngem napasamak a bayat a rinugianda nga usigen isuna, ^anatarusanna ti pampanunotda, ket kinunana kadakuada: O dakayo a dakes ken barusngi a ^bsangkaputotan, dakayo nga abogado ken managinsisingpet, ta mangisaadkayo iti pamuon ti sairo; ta mangipakpakatkayo iti ^cpalab-og ken silo a mangtiliw kadagiti nasantuan ti Dios.

18 Mangipakpakatkayo kadagiti plano a ^amangballikug kadagiti wagas ti nalinteg, ken mangidisso iti pungtot ti Dios kadagiti uloyo, uray pay ti maminpinsan a pannakadadael dagitoy a tao.

19 Wen, nasayaat kinuna ni Mosiah, ti naudi nga aritayo, idi sakbay a yawatna ti pagarian, nga awan ti pakaitalkanna, a gapu ti pannakaituray dagitoy a tao babaen kadagiti timekda—wen, saan kadi a kinunana nga inton dumteng ti panawen a ^apiliento ti timek dagitoy a tao ti kinadangkes, dayta, no dumtengto ti panawen a matnag dagitoy a tao iti panaglabsing, naluomdanton para iti pannakadadael.

20 Ket ita kunak kadakayo saan kadi nga ukomennakayo ti Apo gapu kadagiti kinadangkesyo; nasayaat nga iwaragawagna kadagitoy a tao, babaen ti timek dagiti ^aanghelna; Agbabawikayo, agbabawikayo, agsipud ta asidegen ti pagarian ti langit.

21 Wen, saan kadi nga iwaragawagna, babaen ti timek dagiti anghelna nga: ^aUmayakto kadagiti tattaok, nga addaan iti panagpapatas ken kinalinteg dagiti imak.

22 Wen, ket kunak kadakayo a no saan a gapu kadagiti ^akararag dagiti nalinteg, nga adda itan iti daga, a masarungkarankayo uray pay ita iti naminpinsam a pannakadadael; ngem saan a babaen iti ^blayus, a kas kadagiti tattao kadagidi aldaw ni Noe, ngem babaento ti bisin, ken babaen ti angol, ken ti espada.

23 Ngem naisalakankayo babaen ti ^akarkararag dagiti nalinteg; ita ngarud, no pagtalawenyo dagiti nalinteg manipud kadakayo ngarud saan kadi a pawilan ti Apo ti imana; ngem umayto a maibusor kadakayo ti nakaam-amak a pungtotna; ngarud masaplitkayo babaen iti bisin, ken babaen ti angol, ken babaen ti espada; ket asidegton ti ^bkanito malaksid no agbabawikayo.

24 Ket ita napasamak nga ad-adda a kinagura dagiti tattao ni Amulek, ket impukkawda, a kunada: Lalaisen daytoy a lalaki dagiti lintegtayo a nalinteg, ken dagiti nasirib nga abogado a pinilitayo.

25 Ngem inyennat ni Amulek ti imana, ket ad-adda a napigpigsa a nagpukkaw kadakuada, a kunana: O dakayo a dakes ken barusngi a sangkaputotan, apay a kasta la unayen ti panakatengngel ni Satanas iti puspusoyo? Apay nga insukoyo ti bagbagiyo kenkuana tapno maaddaan bilegna kadakayo, a ^amangbulsek kadagiti matayo, tapno saanyo maawatan dagiti balikas a nasaon, a mayannurot iti kinapudnoda?

26 Ta kitaen, namaneknekak kadi a maibusor iti lintegyo? Saanyo maawatan; kunayo a nagsaoak iti maibusor iti lintegyo; ngem saan, ngem nagsaoak ketdi iti mainugot iti lintegyo, iti pakakednganyo.

27 Ket ita kitaen, kunak kadakayo, a mangrugin a maisaad ti pamuon ti pannakadadael dagitoy a tao babaen ti kinaawan linteg dagiti ^aabogado ken ukomyo.

28 Ket ita napasamak nga idi maisao ni Amulek dagitoy a balikas impukkaw dagiti tattao ti maibusor kenkuana, a kunada: Ita ammomin nga anak ti sairo daytoy a lalaki, agsipud ta ^anagulbod kadatayo; agsipud ta nagsao iti maibusor iti lintegtayo. Ket ita kunana a saan a nagsao iti maibusor daytoy.

29 Ket manen, linaesna dagiti abogadotayo, ken dagiti ukomtayo.

30 Ket napasamak nga impapuso dagiti abogado a nasken a laglagipenda dagitoy a banag a maibusor kenkuana.

31 Ket adda maysa kadakuada nga agnagan iti Zeezrom. Ita isu ti kangrunaan a ^amamabpabasol kada Amulek ken Alma, gapu ta isu ti kalaingan kadakuada, ta isu ti kaaduan iti pamastrekan kadagiti tattao.

32 Ita gagem dagitoy nga abogado ti makaawat iti gunggona; ket nakaawatda iti gunggona a mayannurot iti trabahoda.