iVolanikalou
Alama 11


Wase 11

Sa vakamacalataki na nodra ivakarau ni ilavo na Nifaiti—Sa veiba vata kei Sisoromi ko Amuleki—Ena sega ni vakabulai ira na tamata ena nodra ivalavala ca na Karisito—Ko ira ga era na taukena na matanitu vakalomalagi era na vakabulai—Era na tucake na tamata kecega me ra tawa mate rawa—Ena sega na mate ni sa oti na Tucake Tale. Rauta na 82 B.K.

1 Oqo sa tu ena lawa i Mosaia ni ko ira kece na tamata ka ra turaganilewa, se ko ira era sa digitaki me ra daunilewa, sa dodonu me ra saumi me vaka na gauna era cakacaka kina me ra lewai ira era kau mai me ra lewai.

2 Ia kevaka e dua na tamata e dinau tu vua e dua tale, ka qai sega ni sauma na veika sa dinautaka, ena tukuni vua na turaganilewa; sa na qai vakayagataka ko turaganilewa na nona dodonu ni veiliutaki, ka talai ira yani na vakailesilesi me vesu na tamata ko ya ka kau mai vua; sa na qai lewa ko koya na tamata koya me vaka na lawa kei na ivakadinadina sa beitaki kina, ia sa qai vakaroti me sauma na nona dinau, se vesu na nona iyau, se vakasavi tani mai na kedra maliwa na tamata me vaka e dua na daubutako.

3 Ka sa na saumi na turaganilewa me vaka na gauna e vakayagataka—dua na senaini na koula ena dua na siga, se dua na senumi na siliva, tautauvata kei na dua na senaini na koula; ka ni sa vakaoqo na kena lawa sa virikotori tu.

4 Sa vakaoqo na yaca ni wasewase ni nodra ilavo koula, kei na siliva, me vaka na kedra kaukauwa. Era sa solia na yaca ko ira na Nifaiti, ni ra sa sega ni taurivaka na yaca me vakataki ira na Jiu mai Jerusalemi; se me ra vakarautaka ena kena ivakarau vei ira na Jiu; ia era sa veisautaka na nodra wasewase kei na nodra vakavakarau, me vaka na nodra vakasama kei na nodra ivakarau na tamata, ena veitabatamata yadua me yacova na nodra gauna ni veiliutaki na turaganilewa, ni a atekivuna mai na tui ko Mosaia.

5 Sa vakaoqo na kena wasewase: Dua na senaini koula, dua na sioni koula, dua na suni koula kei na limina koula.

6 Dua na senumi siliva, dua na aminori siliva, dua na esiromo siliva kei na dua na oniti siliva.

7 E dua na senumi siliva sa tautauvata kei na dua na senaini koula, ia sa rawa ni dua vei rau me rawa kina e dua na ivakarau bali, se dua na ivakarau na veimataqali sila kecega.

8 Oqo na levu ni dua na sioni koula sa vakaruataki na kaukauwa ni dua na senaini.

9 Kei na dua na suni koula sa vakaruataki na kaukauwa ni dua na sioni.

10 Kei na dua na limina koula sa tautauvata kei na kedra kaukauwa kece sara oqo.

11 Kei na dua na aminori siliva sa tautauvata na kena levu kei na rua na senumi siliva.

12 Kei na dua na esiromo siliva sa tautauvata kei na va na senumi siliva.

13 Kei na dua na oniti sa levu duadua vei ira kece.

14 Ia sa vakaoqo na levu ni kena iwasewase lalai ni veika era nanuma—

15 E dua na sipiloni sa veimama ni dua na senumi; o koya, sa rawa kina e veimama ni ivakarau na bali.

16 Kei na dua na sipilumi sa veimama ni dua na sipiloni.

17 Kei na dua na lia sa veimama ni dua na sipilumi.

18 Oqo na ivakarau ni nodra iwiliwili me vaka na nodra nanuma.

19 Oqo e dua na anitioni na koula sa tautauvata kei na tolu na sipiloni.

20 Oqo, sa nodra inaki duadua ga me ra rawa iyau, baleta ni ra sa rawata na kedra isau me vaka na cakacaka era cakava, o koya, era sa vakayavalati ira kina na tamata ki na vakacaca, kei na ivalavala kecega ni veivakayavalati kei na caka ca, me levu kina na nodra cakacaka, me ra arawa ilavo me vaka na vei itavi vakalawa e kau mai vei ira; o koya era sa vakayavalati ira kina na tamata me ra saqati rau ko Alama kei Amuleki.

21 Ia a ka oqo sa tekivu me vakatarogi Amuleki kina ko Sisoromi, ka kaya: E rawa li mo sauma e so na noqu taro? Oqo ni sa kena dau sara ko Sisoromi ena ailawaki qaseqase ni tevoro, me rawa ni vakarusa kina na veika vinaka; o koya, sa kaya kina vei Amuleki: E rawa li mo sauma mada e so na noqu taro?

22 Ka sa kaya vua ko Amuleki: Io, kevaka sa vaka na aYalo ni Turaga, me vaka sa tu vei au; ni’u na sega ni tukuna e dua na ka me veisaqasaqa kei na Yalo ni Turaga. A sa kaya vua ko Sisoromi: Raica, sa tu oqo e ono na oniti na siliva, au na solia kece vei iko kevaka ko cakitaka ni sa bula tiko ko koya sa Cecere Sara.

23 A sa kaya vakaoqo ko Amuleki: Ko iko na aluvei eli, na cava ko sa btemaki au kina? Ko sa kila li ni ko ira na yalododonu era na sega ni rawai ena veitemaki vakaoqori?

24 Ko sa vakabauta li ni sega ni dua na Kalou? Au sa kaya vei iko, e segai, ko sa kila ni sa dua tiko na Kalou, ia ko sa lomana vakalevu na ailavo oqori ka vakalailai ko koya.

25 Ia oqo ko sa mai lasutaki au ena mata ni Kalou. Ko sa kaya vei au—Raica na ono na oniti oqo, e ra sa isau levu sara, au na solia vei iko—ni ko sa nanuma e yalomu mo taura mai vei au; ka ni sa nomu gagadre ga meu cakitaki koya na Kalou dina ka bula, mo rawa kina ni vakarusai au. Ia raica oqo, ena saumi vakaidina vei iko na ca levu oqo.

26 Ka sa kaya vua ko Sisoromi: Ko sa kaya ni sa tiko e dua na Kalou dina ka bula?

27 Ka sa kaya ko Amuleki: Io; sa tiko e dua na Kalou dina ka bula

28 A sa kaya oqo ko Sisoromi: E lewe levu li na Kalou?

29 A sa sauma ko koya, E segai.

30 Oqo sa kaya tale vua ko Sisoromi: Ko sa kila vakacava na veika oqo?

31 Ka sa kaya ko koya: Sa vakatakila vei au e dua na aagilosi.

32 A sa kaya tale ko Sisoromi: Ko cei ko koya ena lako mai? Ko koya li na Luve ni Kalou?

33 A sa kaya vua ko koya, Io.

34 A sa kaya tale ko Sisoromi: Ena mai vakabulai ira li na nona tamata aena nodra ivalavala ca? A sa sauma ko Amuleki ka kaya vua: Au sa kaya vakaidina vei iko, e segai, ni sa sega ni rawa vei koya me cakitaka na nona vosa.

35 A sa kaya vei ira na tamata ko Sisoromi: Ni nanuma tiko na veika oqo; ni sa kaya ko koya sa dua bau ga na Kalou; ia sa kaya tale ko koya ni na lako mai na Luve ni Kalou, ia ena sega ni mai vakabulai ira na nona tamata—sa vaka sara ga e tu vua na kaukauwa me vakarota na Kalou.

36 Ia ko Amuleki sa kaya tale vua: Raica ko sa lasu, ni ko sa kaya ni’u sa vosa me vaka e tu vei au na kaukauwa meu vakarota na Kalou, baleta ni’u a tukuna ni na sega ni vakabulai ira na nona tamata ena nodra ivalavala ca.

37 Ka’u sa kaya tale vei iko, ena sega ni rawa me vakabulai ira ena nodra aivalavala ca; ni’u na sega ni rawa ni cakitaka na nona vosa, ni sa kaya ko koya ni na sega ni taukena na bmatanitu vakalomalagi ce dua na ka tawasavasava; o koya, ena rawa vakaevei mo vakabulai, kevaka ko sa sega ni rawata na matanitu vakalomalagi? O koya, ko na sega ni vakabulai kina ena nomu ivalavala ca.

38 Oqo sa kaya tale vua ko Sisoromi: E sa Tama Tawamudu li na Luve ni Kalou?

39 A sa kaya vua ko Amuleki: Io, sai koya na aTama Tawamudu ni lomalagi kei na vuravura, kei na bveika kecega sa tu kina; sai koya na kena ivakatekivu kei na kena ivakataotioti, na kena imatai kei na kena imurimuri;

40 Ena lako mai ki avuravura me btasereki ira na nona tamata; ia ena ccolata ko koya na nodra talaidredre ko ira sa vakabauta na yacana; ia sai ira ga oqo ena nodra na bula tawamudu, ia ena sega ni yaco na veivakabulai vua e dua tale.

41 O koya gona era na tu ga kina ko ira na dau caka ca me vaka ni ase sega ni yaco e dua na veisereki, ia era na tasereki ga mai na ivau ni mate; ia raica, ena yaco mai na siga era na btucake kece kina mai na mate ka tu ena mata ni Kalou, ka clewai me vaka na nodra ivalavala.

42 Oqo, sa dua na mate sa vakatokai na mate vakayago; ia na mate i Karisito ena tasereki kina na aivau ni mate vakayago oqo, ka na tucake na tamata kecega mai na mate oqo.

43 Erau na acokotivata tale na yago kei na yalo ena kena itutu dina; ia ena semati vata tale na liga kei na yava kei na isema ena kena itutu ga, me vakai keda ga ena gauna oqo; ia eda na kau mai ka tu ena mata ni Kalou, ka kila me vaka na noda kila ena gauna oqo, ka bnanuma vinaka na noda ccala kecega.

44 Oqo, na veivakataucokotaki ena yaco vei ira na tamata kecega, o ira na qase kei na gone, o ira na bobula kei na galala, o ira na tagane kei na yalewa, ko ira sa caka ca kei ira na yalododonu; ka ena sega ni yali e dua na drau ni uludra; ia ena avakalesui tale na veika kece ki na kena itutu dina, me vaka ena gauna oqo, se ena yago, ia era na kau ki na itikotiko ni veilewai i Karisito na Luvena, kei na Kalou ko bTamada, kei na Yalo Tabu, ka ratou sa cKalou Tawamudu duabau ga, era na dlewai me vaka na nodra ivalavala, se vinaka se ca.

45 Oqo, raica, au sa vosa vei kemuni me baleta na mate vakayago, kei na atucake tale ni yago mai na mate. Au sa kaya vei kemuni ni na btucake tale na yago mate oqo me na ctawa mate rawa, io mai na mate mai na imatai ni mate ki na bula, me na dtawa mate rawa; ia ena cokotivata tale na yago kei na yalo, ka me na sega ni tawasei tale; oqo na ka taucoko ka evakayalo ka sega ni mate, ka sega ni raica tale vakadua na mate.

46 Oqo, ni sa tinia na nona vosa ko Amuleki, era sa kidroa na tamata, ka sa sautaninini talega ko Sisoromi. Ia oqo sa mudu na vosa i Amuleki, se sai koya oqo na levu ni ka au sa vola.