ບົດທີ 11
ເງິນຫລຽນ ແລະ ການວັດແທກຂອງຊາວນີໄຟຖືກກຳນົດຂຶ້ນ—ແອມມິວເລັກໄດ້ໂຕ້ຖຽງກັບຊີເອສຣອມ—ພຣະຄຣິດຈະບໍ່ຊ່ວຍຄົນໃຫ້ລອດໃນບາບຂອງເຂົາ—ມີພຽງແຕ່ຜູ້ທີ່ໄດ້ຮັບອານາຈັກສະຫວັນເປັນມູນມໍລະດົກເທົ່ານັ້ນທີ່ຈະລອດ—ມະນຸດທຸກຄົນຈະລຸກຂຶ້ນໃນຄວາມອະມະຕະ—ຈະບໍ່ມີຄວາມຕາຍຫລັງຈາກການຟື້ນຄືນຊີວິດ. ປະມານ 82 ປີ ກ່ອນ ຄ.ສ.
1 ບັດນີ້ມີຢູ່ໃນກົດໝາຍຂອງໂມໄຊຢາວ່າ ທຸກຄົນທີ່ເປັນຜູ້ຕັດສິນກົດໝາຍ ຫລື ຜູ້ໃດທີ່ໄດ້ຮັບແຕ່ງຕັ້ງໃຫ້ເປັນຜູ້ຕັດສິນຈະໄດ້ຮັບຄ່າຈ້າງຕາມເວລາທີ່ຜູ້ນັ້ນໃຊ້ຕັດສິນຄົນທີ່ຖືກນຳມາຢູ່ຕໍ່ໜ້າເຂົາເຈົ້າເພື່ອຮັບການຕັດສິນ.
2 ບັດນີ້ຖ້າຫາກຜູ້ໃດເປັນໜີ້ຜູ້ອື່ນ ແລະ ລາວບໍ່ຍອມຈ່າຍເງິນທີ່ເປັນໜີ້ນັ້ນ, ເມື່ອເຈົ້າໜີ້ຟ້ອງຕໍ່ຜູ້ຕັດສິນ; ແລະ ຜູ້ຕັດສິນຍ່ອມປະຕິບັດໄປຕາມສິດອຳນາດ, ແລະ ສົ່ງເຈົ້າໜ້າທີ່ອອກໄປເອົາຕົວຜູ້ນັ້ນມາຢູ່ຕໍ່ໜ້າເພິ່ນ; ແລະ ຜູ້ຕັດສິນຈະຕັດສິນຄົນນັ້ນຕາມກົດໝາຍ ແລະ ຕາມຫລັກຖານພະຍານທີ່ນຳມາຟ້ອງຜູ້ນັ້ນ, ແລະ ຜູ້ນັ້ນຍ່ອມຖືກບັງຄັບໃຫ້ຈ່າຍສິ່ງທີ່ເປັນໜີ້ຕາມນັ້ນ, ຫລື ຖືກຍຶດຊັບສິນທັງໝົດ, ຫລື ຖືກຂັບໄລ່ອອກຈາກບັນດາຜູ້ຄົນເໝືອນດັ່ງຄົນຂະໂມຍ ແລະ ໂຈນ.
3 ແລະ ຜູ້ຕັດສິນຈະໄດ້ຮັບຄ່າຈ້າງຂອງຕົນຕາມເວລາ ແລະ ວຽກງານຂອງຕົນ—ຊຶ່ງເປັນຄຳໜຶ່ງຊີໄນສຳລັບມື້ໜຶ່ງ, ຫລື ເປັນເງິນໜຶ່ງຊີນຳ, ຊຶ່ງເທົ່າກັບຄຳໜຶ່ງຊີໄນ; ແລະ ນີ້ເປັນໄປຕາມກົດທີ່ມີໃຫ້ໄວ້.
4 ບັດນີ້ ນີ້ເປັນຊື່ຄຳ ແລະ ເງິນຊິ້ນຕ່າງໆຂອງພວກເຂົາຕາມຄຸນຄ່າຂອງມັນ. ແລະ ຊື່ເຫລົ່ານີ້ແມ່ນຊາວນີໄຟໃຫ້ໄວ້, ເພາະພວກເຂົາບໍ່ໄດ້ຄິດຄ່າຕາມວິທີຂອງຊາວຢິວທີ່ຢູ່ໃນເຢຣູຊາເລັມ ທັງພວກເຂົາບໍ່ໄດ້ວັດແທກຕາມວິທີຂອງຊາວຢິວ; ແຕ່ພວກເຂົາປ່ຽນວິທີຄິດຄ່າ ແລະ ວັດແທກຂອງພວກເຂົາ, ຕາມຄວາມນຶກຄິດ ແລະ ສະພາບຂອງຜູ້ຄົນໃນທຸກລຸ້ນຄົນ, ຈົນເຖິງການປົກຄອງຂອງຜູ້ຕັດສິນ, ແລະ ສິ່ງຕໍ່ໄປນີ້ໄດ້ຖືກ ກສະຖາປະນາຂຶ້ນໂດຍກະສັດໂມໄຊຢາ.
5 ບັດນີ້ວິທີຄິດຄ່າເປັນດັ່ງນີ້—ຄຳໜຶ່ງຊີໄນ, ຄຳໜຶ່ງຊີອັນ, ຄຳໜຶ່ງຊຳ, ແລະ ຄຳໜຶ່ງລິມນາ.
6 ເງິນໜຶ່ງຊີນຳ, ເງິນໜຶ່ງອາມນໍ, ເງິນໜຶ່ງເອຊະຣອມ, ແລະ ເງິນໜຶ່ງອອນໄທ.
7 ເງິນໜຶ່ງຊີນຳເທົ່າກັບຄຳໜຶ່ງຊີໄນ, ແລະ ທັງມີຄ່າເທົ່າກັບເຂົ້າບາເລໜຶ່ງສ່ວນ, ແລະ ມີຄ່າເທົ່າກັບເມັດພືດທຸກຊະນິດໜຶ່ງສ່ວນຄືກັນ.
8 ບັດນີ້ຄຳໜຶ່ງຊີອັນ ມີຄ່າເທົ່າກັບຄຳຊີໄນສອງເທົ່າ.
9 ແລະ ຄຳໜຶ່ງຊຳ ມີຄ່າເທົ່າກັບຄຳຊີອັນສອງເທົ່າ.
10 ແລະ ຄຳໜຶ່ງລິມນາ ມີຄ່າເທົ່າກັບຄຳທັງໝົດນັ້ນ.
11 ແລະ ເງິນໜຶ່ງອາມນໍ ມີຄ່າເທົ່າກັບເງິນຊີນຳສອງເທົ່າ.
12 ແລະ ເງິນໜຶ່ງເອຊະຣອມ ມີຄ່າເທົ່າກັບເງິນຊີນຳສີ່ເທົ່າ.
13 ແລະ ເງິນໜຶ່ງອອນໄທ ມີຄ່າເທົ່າກັບເງິນທັງໝົດນັ້ນ.
14 ບັດນີ້ ນີ້ຄືຄຸນຄ່າຈຳນວນນ້ອຍຂອງວິທີການຄິດໄລ່ຂອງພວກເຂົາ—
15 ໜຶ່ງຊິບລັນ ມີຄ່າເທົ່າກັບເຄິ່ງໜຶ່ງຂອງຊີນຳ; ສະນັ້ນ, ເງິນໜຶ່ງຊິບລັນ ຈຶ່ງມີຄ່າເທົ່າກັບເຂົ້າບາເລເຄິ່ງສ່ວນ.
16 ແລະ ໜຶ່ງຊິບລຳ ມີຄ່າເທົ່າກັບເຄິ່ງໜຶ່ງຂອງເງິນຊິບລັນ.
17 ແລະ ໜຶ່ງເລອາ ມີຄ່າເທົ່າກັບເຄິ່ງໜຶ່ງຂອງເງິນຊິບລຳ.
18 ບັດນີ້ ນີ້ຄືຈຳນວນຕາມວິທີຄິດໄລ່ຂອງພວກເຂົາ.
19 ບັດນີ້ຄຳໜຶ່ງອານທຽນ ມີຄ່າເທົ່າກັບເງິນຊິບລັນສາມເທົ່າ.
20 ບັດນີ້, ມັນເປັນໄປເພື່ອຈຸດປະສົງຢ່າງດຽວທີ່ຈະຫາຜົນປະໂຫຍດ, ເພາະວ່າພວກເຂົາໄດ້ຮັບຄ່າຈ້າງຕາມວຽກງານຂອງພວກເຂົາ, ສະນັ້ນ, ພວກເຂົາໄດ້ຍຸຍົງໃຫ້ຜູ້ຄົນກໍ່ຄວາມວຸ້ນວາຍ ແລະ ຄວາມຫຍຸ້ງຍາກ ແລະ ຄວາມຊົ່ວຮ້າຍນາໆປະການເພື່ອພວກເຂົາຈະໄດ້ມີວຽກເຮັດຫລາຍຂຶ້ນ ເພື່ອພວກເຂົາຈະ ກໄດ້ຮັບເງິນຕາມຄະດີທີ່ຖືກນຳມາໃຫ້ພວກເຂົາ; ດັ່ງນັ້ນ ພວກເຂົາຈຶ່ງໄດ້ຍຸຍົງໃຫ້ຜູ້ຄົນຕໍ່ຕ້ານແອວມາ ແລະ ແອມມິວເລັກ.
21 ແລະ ຊີເອສຣອມຜູ້ນີ້ຕັ້ງຕົ້ນຊັກຖາມແອມມິວເລັກ, ມີຄວາມວ່າ: ທ່ານຈະຕອບຄຳຖາມຂອງຂ້າພະເຈົ້າຈັກສອງສາມຄຳທີ່ຂ້າພະເຈົ້າຈະຖາມທ່ານໄດ້ບໍ? ບັດນີ້ຊີເອສຣອມເປັນຄົນທີ່ຊຳນານໃນ ກເລ່ກົນຂອງມານ, ເພື່ອລາວຈະໄດ້ທຳລາຍສິ່ງທີ່ດີ; ສະນັ້ນ, ລາວຈຶ່ງກ່າວກັບແອມມິວເລັກວ່າ: ທ່ານຈະຕອບຄຳຖາມທີ່ຂ້າພະເຈົ້າຈະຖາມທ່ານໄດ້ບໍ?
22 ແລະ ແອມມິວເລັກກ່າວກັບລາວວ່າ: ຕອບໄດ້, ຖ້າຫາກມັນເປັນໄປຕາມ ກພຣະວິນຍານຂອງພຣະຜູ້ເປັນເຈົ້າ, ຊຶ່ງຢູ່ໃນຂ້າພະເຈົ້າ; ເພາະຂ້າພະເຈົ້າຈະບໍ່ເວົ້າຫຍັງຊຶ່ງເປັນຄວາມກົງກັນຂ້າມກັບພຣະວິນຍານຂອງພຣະຜູ້ເປັນເຈົ້າ. ແລະ ຊີເອສຣອມກ່າວກັບລາວວ່າ: ຈົ່ງເບິ່ງ, ນີ້ແມ່ນເງິນຫົກອອນໄທ ແລະ ທັງໝົດນີ້ ຂ້າພະເຈົ້າຈະມອບໃຫ້ທ່ານຖ້າຫາກທ່ານຈະປະຕິເສດການເປັນຢູ່ຂອງພຣະຜູ້ສູງສຸດ.
23 ແລະ ແອມມິວເລັກກ່າວວ່າ: ໂອ້ ເຈົ້າ ກຜູ້ເປັນລູກຂອງນະລົກເອີຍ, ເປັນດ້ວຍເຫດໃດເຈົ້າຈຶ່ງຈະມາ ຂລໍ້ລວງຂ້າພະເຈົ້າ? ເຈົ້າຮູ້ບໍວ່າຄົນຊອບທຳບໍ່ຜ່າຍແພ້ຕໍ່ການລໍ້ລວງເຊັ່ນນັ້ນດອກ?
24 ເຈົ້າເຊື່ອບໍວ່າບໍ່ມີພຣະເຈົ້າ? ຂ້າພະເຈົ້າກ່າວກັບເຈົ້າວ່າ, ບໍ່ເລີຍ, ເຈົ້າຮູ້ວ່າມີພຣະເຈົ້າ, ແຕ່ເຈົ້າຮັກ ກຊັບສິນນັ້ນຫລາຍກວ່າພຣະອົງ.
25 ແລະ ບັດນີ້ເຈົ້າເວົ້າຕົວະເຮົາຢູ່ຕໍ່ໜ້າພຣະເຈົ້າ. ເຈົ້າກ່າວກັບຂ້າພະເຈົ້າວ່າ—ຈົ່ງເບິ່ງ ຫົກອອນໄທນີ້ ຊຶ່ງມີຄ່າຫລາຍ ຂ້າພະເຈົ້າຈະມອບໃຫ້ແກ່ທ່ານ—ເມື່ອເຈົ້າມີຄວາມຕັ້ງໃຈທີ່ຈະບໍ່ໃຫ້ຂ້າພະເຈົ້າ ແຕ່ຄວາມປາດຖະໜາຂອງເຈົ້າຄືພຽງແຕ່ໃຫ້ຂ້າພະເຈົ້າປະຕິເສດພຣະເຈົ້າອົງທ່ຽງແທ້, ແລະ ຊົງພຣະຊົນຢູ່ ເພື່ອເຈົ້າຈະໄດ້ມີເຫດຜົນທີ່ຈະທຳລາຍຂ້າພະເຈົ້າ. ແລະ ບັດນີ້ຈົ່ງເບິ່ງ, ເພາະຄວາມຊົ່ວອັນໃຫຍ່ຫລວງນີ້ ເຈົ້າຈະໄດ້ຮັບຜົນຕອບແທນ.
26 ແລະ ຊີເອສຣອມຖາມແອມມິວເລັກອີກວ່າ: ທ່ານກ່າວວ່າມີພຣະເຈົ້າອົງທ່ຽງແທ້ ແລະ ຊົງພຣະຊົນຢູ່ແມ່ນບໍ?
27 ແລະ ແອມມິວເລັກຕອບວ່າ: ແມ່ນແລ້ວ, ມີພຣະເຈົ້າອົງທ່ຽງແທ້ ແລະ ຊົງພຣະຊົນຢູ່.
28 ບັດນີ້ຊີເອສຣອມຖາມວ່າ: ມີພຣະເຈົ້າຫລາຍກວ່າອົງໜຶ່ງບໍ?
29 ແລະ ແອມມິວເລັກຕອບວ່າ, ບໍ່.
30 ບັດນີ້ຊີເອສຣອມຖາມແອມມິວເລັກອີກວ່າ: ທ່ານຮູ້ເລື່ອງເຫລົ່ານີ້ໄດ້ແນວໃດ?
31 ແລະ ລາວຕອບວ່າ: ກທູດອົງໜຶ່ງເຮັດໃຫ້ຂ້າພະເຈົ້າຮູ້ເຖິງເລື່ອງນີ້.
32 ແລະ ຊີເອສຣອມຖາມອີກວ່າ: ຜູ້ທີ່ຈະມານັ້ນແມ່ນໃຜ? ພຣະບຸດຂອງພຣະເຈົ້າບໍ?
33 ແລະ ລາວຕອບຊີເອສຣອມວ່າ, ແມ່ນແລ້ວ.
34 ແລະ ຊີເອສຣອມຖາມອີກວ່າ: ພຣະອົງຈະຊ່ວຍຜູ້ຄົນຂອງພຣະອົງໃຫ້ລອດ ກໃນບາບຂອງເຂົາບໍ? ແລະ ແອມມິວເລັກຕອບ ແລະ ກ່າວກັບລາວວ່າ: ຂ້າພະເຈົ້າກ່າວກັບເຈົ້າວ່າ ພຣະອົງຈະບໍ່ກະທຳເຊັ່ນນັ້ນ, ເພາະເປັນໄປບໍ່ໄດ້ທີ່ພຣະອົງຈະປະຕິເສດພຣະຄຳຂອງພຣະອົງ.
35 ບັດນີ້ຊີເອສຣອມກ່າວກັບຜູ້ຄົນວ່າ: ໃຫ້ພວກເຈົ້າຈົດຈຳເລື່ອງເຫລົ່ານີ້ໄວ້; ເພາະລາວເວົ້າວ່າ ມີພຣະເຈົ້າພຽງອົງດຽວ; ເຖິງຢ່າງໃດກໍຕາມ, ລາວຍັງກ່າວວ່າ ພຣະບຸດຂອງພຣະເຈົ້າຈະສະເດັດມາ, ແຕ່ພຣະອົງຈະບໍ່ຊ່ວຍຜູ້ຄົນຂອງພຣະອົງໃຫ້ລອດ—ຄືກັນກັບວ່າລາວມີສິດອຳນາດບັນຊາພຣະເຈົ້າ.
36 ບັດນີ້ແອມມິວເລັກກ່າວກັບລາວອີກວ່າ: ຈົ່ງເບິ່ງ ເຈົ້າເວົ້າຕົວະ, ເພາະເຈົ້າກ່າວວ່າຂ້າພະເຈົ້າເວົ້າຄືກັນກັບວ່າ ຂ້າພະເຈົ້າມີສິດອຳນາດບັນຊາພຣະເຈົ້າ ເພາະຂ້າພະເຈົ້າກ່າວວ່າ ພຣະອົງຈະບໍ່ຊ່ວຍຜູ້ຄົນຂອງພຣະອົງໃຫ້ລອດໃນບາບຂອງພວກເຂົາ.
37 ແລະ ຂ້າພະເຈົ້າກ່າວກັບເຈົ້າອີກວ່າ ພຣະອົງບໍ່ສາມາດຊ່ວຍເຂົາໃຫ້ລອດໃນ ກບາບພວກເຂົາໄດ້; ເພາະຂ້າພະເຈົ້າປະຕິເສດພຣະຄຳຂອງພຣະອົງບໍ່ໄດ້, ແລະ ພຣະອົງໄດ້ກ່າວໄວ້ວ່າ ຂສິ່ງທີ່ບໍ່ສະອາດຈະບໍ່ໄດ້ຮັບ ຄອານາຈັກສະຫວັນເປັນມູນມໍລະດົກໄດ້ເລີຍ; ສະນັ້ນ, ເຈົ້າຈະລອດໄດ້ແນວໃດເວັ້ນເສຍແຕ່ເຈົ້າຈະໄດ້ຮັບອານາຈັກສະຫວັນເປັນມູນມໍລະດົກ? ສະນັ້ນ, ເຈົ້າຈະລອດບໍ່ໄດ້ໃນບາບຂອງເຈົ້າ.
38 ບັດນີ້ຊີເອສຣອມຖາມແອມມິວເລັກອີກວ່າ: ພຣະບຸດຂອງພຣະເຈົ້າຄືພຣະບິດາຜູ້ສະຖິດນິລັນດອນບໍ?
39 ແລະ ແອມມິວເລັກຕອບລາວວ່າ: ແທ້ຈິງແລ້ວ, ພຣະອົງຄື ກພຣະບິດາຜູ້ສະຖິດນິລັນດອນຂອງສະຫວັນ ແລະ ແຜ່ນດິນໂລກ, ແລະ ຂທຸກສິ່ງທີ່ຢູ່ໃນນັ້ນ; ພຣະອົງເປັນຕົ້ນ ແລະ ທີ່ສຸດ, ເປັນຜູ້ທຳອິດ ແລະ ເປັນຜູ້ສຸດທ້າຍ;
40 ແລະ ພຣະອົງຈະສະເດັດມາໃນ ກໂລກນີ້ເພື່ອ ຂໄຖ່ຜູ້ຄົນຂອງພຣະອົງ; ແລະ ພຣະອົງຈະ ຄຮັບເອົາການລ່ວງລະເມີດຂອງຄົນເຫລົ່ານັ້ນ ຜູ້ທີ່ເຊື່ອໃນພຣະນາມຂອງພຣະອົງ; ແລະ ຄົນເຫລົ່ານັ້ນຄືຜູ້ທີ່ຈະມີຊີວິດນິລັນດອນ, ແລະ ຄວາມລອດຈະບໍ່ມາຫາໃຜອີກເລີຍ.
41 ສະນັ້ນ ຄົນຊົ່ວຈຶ່ງຄົງຢູ່ເໝືອນກັບວ່າ ກບໍ່ມີການໄຖ່ເກີດຂຶ້ນເລີຍ, ເວັ້ນເສຍແຕ່ຈະເປັນການແກ້ສາຍຮັດແຫ່ງຄວາມຕາຍອອກ; ເພາະຈົ່ງເບິ່ງ, ມື້ນັ້ນຈະມາເຖິງທີ່ ຂຄົນທັງປວງຈະລຸກຂຶ້ນຈາກຄວາມຕາຍ ແລະ ຢືນຢູ່ຕໍ່ພຣະພັກຂອງພຣະເຈົ້າ, ແລະ ຖືກ ຄພິພາກສາຕາມວຽກງານຂອງພວກເຂົາ.
42 ບັດນີ້, ຄວາມຕາຍຢ່າງໜຶ່ງຊຶ່ງເອີ້ນວ່າຄວາມຕາຍທາງໂລກ; ແລະ ຄວາມຕາຍຂອງພຣະຄຣິດ ຈະແກ້ ກສາຍຮັດແຫ່ງຄວາມຕາຍທາງໂລກນີ້ ເພື່ອຈະຍົກຄົນທັງປວງຂຶ້ນຈາກຄວາມຕາຍທາງໂລກນີ້.
43 ວິນຍານກັບຮ່າງກາຍຈະ ກຮ່ວມເຂົ້າກັນອີກໃນຮູບລັກສະນະອັນສົມບູນຂອງມັນ; ທັງແຂນຂາ ແລະ ຂໍ້ຕໍ່ຈະກັບຄືນສູ່ໂຄງຮ່າງອັນຖືກຕ້ອງຂອງມັນ, ເໝືອນດັ່ງທີ່ພວກເຮົາເປັນຢູ່ໃນເວລານີ້; ແລະ ພວກເຮົາຈະຖືກນຳມາຢືນຢູ່ຕໍ່ພຣະພັກຂອງພຣະເຈົ້າ, ໂດຍຮູ້ຈັກຄືກັບທີ່ພວກເຮົາຮູ້ຢູ່ໃນເວລານີ້, ແລະ ຈະມີ ຂການຈື່ຈຳເຖິງ ຄຄວາມຜິດທັງໝົດຂອງພວກເຮົາໄດ້ຢ່າງແຈ່ມແຈ້ງ.
44 ບັດນີ້, ການກັບຄືນມານີ້ຈະເກີດກັບຄົນທັງປວງ, ທັງແກ່ ແລະ ໜຸ່ມ, ທັງຂ້າທາດ ແລະ ຜູ້ເປັນອິດສະລະ, ທັງຊາຍ ແລະ ຍິງ, ທັງຄົນຊົ່ວ ແລະ ຄົນຊອບທຳ; ແລະ ເຖິງແມ່ນຜົມໃນຫົວຂອງພວກເຂົາ ເສັ້ນໜຶ່ງກໍຈະບໍ່ເສຍໄປ; ແຕ່ທຸກຢ່າງຈະ ກກັບຄືນສູ່ໂຄງຮ່າງອັນສົມບູນຂອງມັນດັ່ງທີ່ເປັນຢູ່ໃນເວລານີ້, ຫລື ໃນຮ່າງກາຍ, ແລະ ຈະຖືກນຳມາພິຈາລະນາຢູ່ຕໍ່ໜ້າບ່ອນພິພາກສາຂອງພຣະຄຣິດອົງເປັນພຣະບຸດ, ແລະ ພຣະເຈົ້າອົງເປັນ ຂພຣະບິດາ ແລະ ພຣະວິນຍານສັກສິດ, ຊຶ່ງເປັນ ຄພຣະເຈົ້າອົງດຽວຜູ້ສະຖິດນິລັນດອນ ເພື່ອຮັບ ງການພິພາກສາຕາມວຽກງານຂອງພວກເຂົາ, ບໍ່ວ່າພວກເຂົາຈະດີ ຫລື ຈະຊົ່ວ.
45 ບັດນີ້, ຈົ່ງເບິ່ງ, ຂ້າພະເຈົ້າໄດ້ເວົ້າກັບເຈົ້າແລ້ວກ່ຽວກັບຄວາມຕາຍຂອງຮ່າງກາຍທີ່ເປັນມະຕະ, ແລະ ກ່ຽວກັບ ກການຟື້ນຄືນຊີວິດຂອງຮ່າງກາຍທີ່ເປັນມະຕະ. ຂ້າພະເຈົ້າກ່າວກັບເຈົ້າວ່າ ຮ່າງກາຍທີ່ເປັນມະຕະນີ້ຈະຖືກ ຂຍົກຂຶ້ນເປັນຮ່າງກາຍທີ່ເປັນ ຄອະມະຕະຄືຈາກຄວາມຕາຍ, ເຖິງແມ່ນຄວາມຕາຍຄັ້ງທຳອິດມາສູ່ຊີວິດ, ຄືພວກເຂົາຈະ ງຕາຍບໍ່ໄດ້ອີກຕໍ່ໄປ; ວິນຍານຂອງພວກເຂົາຮ່ວມເຂົ້າກັບຮ່າງກາຍຂອງພວກເຂົາ, ແລະ ຈະບໍ່ຖືກແຍກອອກຈາກກັນອີກເລີຍ; ທັງໝົດຈະກັບເປັນ ຈທາງວິນຍານ ແລະ ອະມະຕະດັ່ງນີ້, ຊຶ່ງພວກເຂົາຈະບໍ່ເຫັນຄວາມເນົ່າເປື່ອຍອີກຕໍ່ໄປ.
46 ບັດນີ້ເມື່ອແອມມິວເລັກຈົບຂໍ້ຄວາມນີ້ແລ້ວ ຜູ້ຄົນເລີ່ມແປກໃຈອີກ, ແລະ ຊີເອສຣອມເລີ່ມສັ່ນສາຍ. ແລະ ຄຳເວົ້າຂອງແອມມິວເລັກໄດ້ຈົບລົງດັ່ງນີ້, ຫລື ຂ້າພະເຈົ້າໄດ້ຂຽນໄວ້ເທົ່ານີ້.