Koroboki Aika Tabu
Aramwa 12


Mwakoro 12

Aramwa e taetae nakon Teeterom—Ana waaki aika a kamimi te Atua a ti anganaki ake a kakaonimaki—Aomata a na motikaki taekaia n aia iango, koaua, taeka, ao mwakuri—Naake a buakaka a na rinanon te kainnano n te mate n tamnei—Te maiu aei bon te tai n tataninga—Te babaire ni kaboaki e na karekea te Mangauti ao rinanon te onimaki, kamaunaan bure—Naake a rairinanoia a kona ni karekea nanoangakia rinanon te Nati ae te Rikitemanna. Uakaan ma 82 I.K.

1 Ngkai Aramwa e nooria bwa ana taeka Amureki e a tia ni kaina wiin Teeterom, bwa e nooria bwa Amureki e a tia ni akamwanea n ana kewe ao ana mwaamwana te aba ngke e biangoa kamaunakina, ao ngke e nooria bwa e ruru i aan ataakin ana bure, e kaurea wiina ao e waaki n taetae nakoina, ao ma ni kamatoa ana taeka Amureki, ao ma ni kabwarabwarai bwaai aika a riao, ke e kabwaranakoi koroboki aika tabu riaon are e a tia Amureki ni karaoi.

2 Ngkai taeka ake e taekin Aramwa nakon Teeterom a bon ongoraeaki irouia aomata ni kabuta; bwa a korakora te botanaomata, ao bon aio aron ana taetae:

3 Teeterom, ngkai e nooraki bwa ko a tia ni mwane n am kewe ma am waaki ni kamwamwane, bwa ko aki ti keweia aomata ma ko kewea naba te Atua; bwa nooria, e atai am aiango ni kabane, ao ko bon ataia bwa am iango a kaotaki nakoira iroun tamneina.

4 Ao ko nooria bwa ti bon ataia bwa am babaire bon te babaire ae rang kamwamwane, ae aekan ana kamwamwane te riaboro, bwa ko kewe ma ni mwaamwanaiia te botanaomata aio bwa ko aonga ni menaia bwa a na kaaitaraira, a na kabuakakaira ao ana teweira nako—

5 Ngkai aio bon ana babaire am akairiribai, ao e kamwakura mwaakana iroum. Ao ngkanne I tangiria bwa ko na uringnga bwa te bwai are I taekinna nakoim I taekinna nakoia ni kabane.

6 Ao nooria I taku nakoimi ni kabane bwa aio bon ana bwai ni kamwane te tia kaitara, are e kawenea bwa e na kamwaneia te botanaomata aio, bwa e aonga n uotingkami nako aan ana tautaeka, bwa e aonga n ae e katobibingkami n ana ataurekereke, bwa e na kabaeingkami rikaaki nakon te kamaunaki ae aki totoki, n aron mwaakan ana waaki n tautorona te aba.

7 Ngaia are ngke e a tia Aramwa n taekin taeka aikai, e a korakora rurun Teeterom, bwa e korakora riki kakoauan mwaakan te Atua irouna; ao e a kakoaua naba bwa Aramwa ao Amureki a ataa arona, bwa e kakoaua bwa a ataa ana iango ao nanona; bwa a anganaki te mwaaka bwa a na atai bwaai aikai n aron tamnein te taeka ni burabeti.

8 Ao Teeterom e a waaki ni kakorakora ni kakaea mai irouia, bwa e aonga n ataa riki waakin Uean te Atua. Ao e taku nakon Aramwa: Teraa nanon aei ae a tia n taku Amureki ni kaineti ma mangautiia mate, bwa a na bane aomata n teirake man te mate, naake a raoiroi ao ake aki raoiroi, ao a na uotaki bwa a na tei i matan te Atua bwa a na motikaki taekaia n aron aia mwakuri.

9 Ao ngkai Aramwa e a waaki ni kabwaranakoi bwaai aikai ni kangai: A bon anganaki aomata aika a mwaiti bwa ana ataa ana amwakuri aika a kamimi te Atua; ma e ngae n anne a bon anganaki te tua ae matoatoa bwa ana aki tibwauaia ma bti ngkana e kaineti ma mwakoron ana taeka are e anganiia natia aomata n aron te ongeaba ao te kakaonimaki are a anganna.

10 Ao ngaia are, te aomata are e akamatoa nanona, e na bon reke irouna mwakoron ana taeka are e buarereke riki; ao te aomata are e caki kamatoa nanona, e bon danganaki mwakoron te taeka are e bubura riki, ni karokoa ae a anganaki bwa e na atai ana mwakuri aika a kamimi te Atua ni karokoa ae a bwanin ana atatai.

11 Ao naake a kamatoa nanoia, a na bon anganaki amwakoron te taeka are e uarereke riki ni karokoa ae bakea te bwai ae a ataia ni kaineti ma ana mwakuri aika a kamimi; ao ngkanne a tautoronaki iroun te riaboro, ma ni kairaki nakon nanon te riaboro nakon kamaunakia. Ao aio ae e nanonaki n ctaurekereken dmoone.

12 Ao Amureki e a tia n taetae n te aro ae maataata ni kaineti ma te amate, ao kateirakeakira man te maiu n rabwata nakon te aro n aki kona ni maamate, ao uotakira nako matan ana kai ni bmotiki taeka te Atua, bwa ti na motikaki taekara n aron ara mwakuri.

13 Ao ngkana nanora a matoatoa, eng, ngkana ti a tia ni kamatoai nanora ni kaitaraa te taeka, n te aro ae e aki kuneaki iroura, ngkanne e na bon rang buakaka arora, bwa ngkanne ti na kabuakakaki.

14 Bwa ara ataeka a na kabuakakaira, eng, ara mwakuri ni kabane a na kabuakakaira; ti na bon aki kuneaki n aki bareka; ao ara iango a na kabuakakaira naba; ao n arora ae buakaka aio ti na bon aki kona n tararake n taraa Atuara; ao ti na bon rang kukurei ngkana ti kona n tuangiia taian bwaa ma bmaunga bwa a na bwaka iaora ni ckarabaira mai matana.

15 Ma e aki kona n riki aio; ti na riai n roko man tei i matana ma mimitongina ma mwaakana, ma korakorana, ueana ao ana bwai ni kabane, ma ni kakoaua ma te amaamaa ae aki totoki bwa a bane ni motiraoi ana bmotikitaeka, ao e motiraoi n ana mwakuri ni kabane, ao e nanoanga nakoia natia aomata, ao bon iai mwaakana bwa e na kamaiuia aomata ni kabane ake a kakoaua arana ma ni kariki uaa aika a riai ibukin te rairannano.

16 Ao ngkai nooria, I taetae nakoim bwa e na roko te mate, ae bon te kauoua ni amate, are bon te mate n tamnei; ao ngkanne e na roko te tai are ane e mate i nanon ana bure, n te bmate n rabwata, e na bon cmate naba n tamnei, eng, e na bon mate ni bwaai ni kabane ake a kaineti ma te raoiroi.

17 Ao ngkanne e na roko te tai are korakaia bon ai aron te anei n ai ma te burimton, are e waerake aina n aki totoki; ao ngkanne e na roko te tai are a na kabaeaki n te taurekereke nakon te kamaunaki ae aki totoki, n aron mwaakan ao ana kabaebae Tatan, are e a bon tia ni kabaeiia i aan nanona.

18 Ao ngkanne, I taku nakoimi, a na riki n aron ae bon aakea te kaboaki ae e a tia ni karaoaki; bwa aki kona ni kabooaki n aron ana momotiraoi te Atua; ao a aki kona ni bmate, ngkai e nooraki bwa akea te waaki ae bure.

19 Ngkai e koro bukina bwa ngke e a tia Aramwa ni katoka taekinan taian taeka aikai, a moanna n rang ni mimi aomata;

20 Ma iai temanna ae Anteona, ae mataniwia taan tararua i buakoia, ae roko ma n taku nakoina: Teraa te bwai aei ae ko a tia n taekinna, bwa te aomata e na teirake man te mate ao e na bitaki man te rabwata aei nakon te aro ae aaki kona ni maamate, ao te rabwata n ikotaki ma te tamnei e aki kona ni mate.

21 Tera nanon te koroboki ae tabu, are e taku bwa te Atua e katuka te akerubim ao te kabaang ae ura i mainikun te nne n aroka are bEten, bwa mwiina a rin ara moan kaaro ma ni kana uaan te kai ni kamaiu, ma ni maiu n aki toki? Ao ngaia are ti a nooria bwa bon akea te anga ae a na kona ni maiu n aki totoki.

22 Ngaia are e taku Aramwa nakoina: Aio te bwai are N nang bon waaki ni kabwarabwara. Ngkai ti nooria bwa Atam e abwaka man kanakin buaan te kai are e tabuaki, n aron ana taeka te Atua; ao ngaia are ti a nooria, bwa man bwakana, ni kabane aomata a riki bwa te botanaomata ae a cbua ma ni bwaka.

23 Ao ngkai nooria, I taku nakoimi bwa ngke arona bwa e kona Atam ni akana uaan te kai ni kamaiu n te tai arei, ao e na bon akea te mate, ao a na bon akea bonganan te taeka, ao e na karika te Atua bwa te tia kewe, bwa e taku: bNgkana kam kanna ao kam na bon mate.

24 Ao ti nooria bwa te amate e roko i aoia aomata, eng, are e a tia n taekinaki iroun Amureki, are bon te mate n rabwata; ma e ngae n anne bon iai te tai are e anganaki te baomata are e na kona iai te aomata n rairananona; ngaia are te maiu aei bon te tai n tarataraki; te tai ni ckatauraoi n noora te Atua; te tai ni katauraoi ibukin te tai are aki totoki are e a tia n taekinaki iroura, are i mwin mangautiia maate.

25 Ngaia are, ngke arona bwa akea te ababaire ibukin te kaboaki, are e kaweneaki man moan katean te aonaba, e na bon akea bmangautiia maate; ma iai te babaire ni kabomwi are e kaweneaki, are e na kakoroa bukin mangautiia maate, are e a tia n taekinaki.

26 Ao ngkai nooria, bwa ngke arona bwa a kona ara moan kaaro ni waaki nako ma ni kana uaan te akai ni kamaiu ao a na bon aki kukurei n aki toki, ma n aki karekea aia tai n tarataraki; ao ngkanne te bbabaire ni kabomwi e na bon kamangaoki, ao ana taeka te Atua e na bon akea manenana, bwa ai akea mwina.

27 Ma nooria, bon tiaki arona aio; ma e akatauaki nakoia aomata bwa a na riai ni mate; ao i mwin te mate, a na roko nakon te bmotikitaeka, are bon te motikitaeka are ti a tia n taekinna, are bon te toki.

28 Ao i mwin arei te Atua e a tia ni bairei bwaai aikai bwa a na riki nakon te aomata, nooria, e a bon manga nooria bwa e riai bwa aomata a na atatai ni kaineti ma bwaai ake a tia ni katauaki ibukiia,

29 Mangaia ae e kanakoia aanera bwa a na maroro mangaia, are a noora mimitongina irouia.

30 Ao a waaki man te tai anne ni wetea arana; ngaia are te Atua e amaroro ma aomata, ma ni kaota nakoia te bbabaire ni kabomwi, are e a kaman katauraoaki man cmoan te aonaba; ao e kaota aio nakoia n aron aia onimaki ao rairannano ao aia mwakuri aika a tabu.

31 Mangaia ae e anga ataian tua nakoia aomata, ngkai bon ngaiia ake a bon urua taian bmoan tua ni kaineti ma bwaai ake bwain te maiu aei, ma n riki bwa kanga taian Atua, n cataa te raoiroi man te buakaka, n tiku n te aro are a na riai ni dmwakuri, ke ni katukaki n te aro are a na riai ni mwakuri n aron nanoia ma kukureia, e ngae ngke a karaoa te buakaka ke a karaoa te raoiroi—

32 Mangaia ae te Atua e anga taian tua, i mwin akaotan nakoia te babaire ni kabomwi, bwa a na aki karaoa te buakaka, are te tuua iai bon te kauoua ni bmate, are bon te mate are e aki totoki ni kaineti ma bwaai ake a raoiroi; bwa bon akea korakoran te babaire ni kabomwi i aoia aikai, ma mwakuri ni cmomotiraoi aki kona ni kamaunaki, n aron korakoran raoiroin te Atua.

33 Ma te Atua e bon weteia aomata, n aran natina, (bwa aio te babaire ni kabomwi are e kaweneaki) ni kangai: Ngkana kam rairinanomi, ma n aki kamatoai nanomi, ao ngkanne N na nanoangaingkami, rinanon Natiu ae te Rikitemanna.

34 Ngaia ae, ane e rairananona, ma n aki kamatoa nanona, e na bon karekea te ananoanga rinanon Natiu ae te Rikitemanna, nakon bkamaunan ana bure; ao aikai ake a na rin i nanon au crau.

35 Ao ane e kamatoa nanona ma ni karaoa te bure, nooria, I tuea n uniu bwa e na aki rin i nanon au rau.

36 Ao ngkai, tariu, nooria I taku nakoimi, bwa ngkana kam kamatoai nanomi kam aki kona n rin i nanon ana rau te Uea; ngkai kam kaunna n ami bure ao are e a karuoa unna i aomi n aron are n ana amoan tai n un, eng, n aron ana taeka n ana kabanea n tai n un n ikotaki ma te moan, nakon te bkamaunaki ae aki totoki nakon rabwatam ma tamneim; ngaia ae n aron ana taeka, nakon te kabanea ni mate n ikotaki ma te moan.

37 Ao ngkai, tariu, n nooran ae ti atai bwaai aikai, ao a bon koaua, ti na rairinanora, ma n aki kamatoai nanora, bwa ti aonga n aki akauna te Uea are Atuara bwa e na karuoa unna i aora n ana kauoua n tua are e a tia n anganiira; ma ti na rin i nanon ana brau te Atua, are e a tia ni katauraoaki n aron ana taeka.