Mga Kasulatan
Alma 25


Kapitulo 25

Ang mapintas nga mga buhat sa mga Lamanita mikaylap—Ang kaliwat sa mga pari ni Noah nangamatay sumala sa panagna ni Abinadi—Daghan nga Lamanita ang nakabig ug miipon sa katawhan sa Anti-Nephi-Lehi—Mituo sila kang Kristo ug mituman sa balaod ni Moises. Mga 90–77 B.C.

1 Ug tan-awa, karon nahitabo nga kadtong mga Lamanita nasuko pag-ayo tungod kay napatay nila ang ilang kaigsoonan; busa nanumpa sila nga manimalos sa mga Nephita; ug wala na sila mosulay sa pagpatay sa katawhan sa aAnti-Nephi-Lehi niana nga panahon.

2 Apan gidala nila ang ilang mga kasundalohan ug miadto lapas sa mga utlanan sa yuta sa Zarahemla ug misulong sa katawhan nga anaa sa yuta sa Ammonihah ug amilaglag kanila.

3 Ug human niana, sila adunay daghan nga panaggubat sa mga Nephita, diin sila giabog ug gipatay.

4 Ug apil sa mga Lamanita nga gipamatay hapit ang tanan akaliwat ni Amulon ug sa iyang kaigsoonan, nga mga pari ni Noah, ug gipamatay sila pinaagi sa mga kamot sa mga Nephita;

5 Ug ang nahibilin, nga nakalayas ngadto sa silangan sa kamingawan, ug nakailog sa gahom ug awtoridad sa mga Lamanita, misugo nga daghan sa mga Lamanita ang apatyon pinaagi sa kalayo tungod sa ilang gituohan—

6 Kay daghan akanila, human mag-antos sa dakong kapildihan ug daghan kaayo nga kasakit, misugod sa paghinumdom sa mga bpulong nga gisangyaw kanila ni Aaron ug sa iyang kaigsoonan didto sa ilang yuta; busa nagsugod sila nga dili na motuo sa mga ctradisyon sa ilang mga amahan, ug sa pagtuo sa Ginoo, ug nga siya mihatag og dakong gahom sa mga Nephita; ug tungod niini dihay daghan kanila nga nakabig didto sa kamingawan.

7 Ug nahitabo nga kadtong mga magmamando nga nahibilin sa kaliwatan ni aAmulon misugo nga sila pahamtangan og bkamatayon, oo, kadtong tanan nga mituo niining mga butanga.

8 Karon kini nga pagpamatay nakapasuko sa ilang daghan nga kaigsoonan; ug nagsugod ang panagbingkil didto sa kamingawan; ug ang mga Lamanita misugod sa apagpangita sa mga kaliwat ni Amulon ug sa iyang kaigsoonan ug misugod sa pagpamatay kanila; ug miikyas sila ngadto sa silangan nga bahin sa kamingawan.

9 Ug tan-awa gipangita sila sa mga Lamanita hangtod niining adlawa. Sa ingon niana ang mga pulong ni Abinadi nahitabo, diin gisulti niya ang kabahin sa kaliwat sa mga pari nga misugo nga siya silotan sa kamatayon pinaagi sa kalayo.

10 Kay siya miingon kanila: Unsa man ang inyong abuhaton ngari kanako mao ang matang sa mga butang nga moabot.

11 Ug karon si Abinadi mao ang unang nag-antos sa akamatayon pinaagi sa kalayo tungod sa iyang pagtuo sa Dios; karon kini mao ang iyang gipasabot, nga daghan ang mag-antos sa kamatayon pinaagi sa kalayo, sama sa iyang giantos.

12 Ug miingon siya ngadto sa mga pari ni Noah nga ang ilang mga kaliwat mao ang makaingon nga daghan ang pahamtangan og kamatayon, sama sa nahitabo kaniya, ug nga sila pagakatagon sa bisan asa ug pagapatyon, sama sa usa ka karnero nga walay magbalantay nga abogon ug patyon pinaagi sa ihalas nga mga mananap; ug karon tan-awa, kini nga mga pulong napamatud-an, kay sila giabog sa mga Lamanita, ug gipangita sila, ug gibunalan sila.

13 Ug nahitabo nga sa dihang nakita sa mga Lamanita nga dili sila makabuntog sa mga Nephita namalik sila pag-usab sa ilang kaugalingon nga yuta; ug daghan kanila ang miadto aron mopuyo sa yuta sa Ishmael ug sa yuta sa Nephi, ug miipon sa ilang mga kaugalingon sa katawhan sa Dios, kinsa mao ang katawhan sa aAnti-Nephi-Lehi.

14 Ug usab agilubong nila ang ilang mga hinagiban sa gubat, sumala sa gibuhat sa ilang kaigsoonan, ug nagsugod sila nga mahimong matarong nga katawhan; ug nagsubay sila sa mga pamaagi sa Ginoo, ug naningkamot sa pagtuman sa iyang mga sugo ug sa iyang mga balaod.

15 Oo, ug nagtuman sila sa balaod ni Moises; kay kinahanglan nga motuman sila sa balaod ni Moises sa pagkakaron, kay wala pa matuman ang tanan. Apan bisan pa sa abalaod ni Moises, nagpaabot sila sa pag-anhi ni Kristo, kay ilang giisip nga ang balaod ni Moises mao ang usa ka bsimbolo sa iyang pag-anhi, ug nagtuo nga kinahanglan silang motuman niadtong cmakita nga mga tulumanon hangtod sa panahon nga siya ipadayag ngadto kanila.

16 Karon wala sila motuo nga ang akaluwasan miabot pinaagi sa bbalaod ni Moises; kondili ang balaod ni Moises nakatabang sa paglig-on sa ilang pagtuo kang Kristo; ug sa ingon niana ilang gibutang sa hunahuna ang cpaglaom pinaagi sa pagtuo, ngadto sa mahangtoron nga kaluwasan, misalig sa espiritu sa pagpanagna, nga naghisgot sa mga butang nga moabot.

17 Ug karon tan-awa, si Ammon, ug si Aaron, ug si Omner, ug si Himni, ug ang ilang kaigsoonan naglipay sa hilabihan, tungod sa kalamposan nga ilang naangkon sa mga Lamanita, sa dihang ilang nakita nga ang Ginoo mitugyan ngadto kanila sumala sa ilang mga apag-ampo, ug nga siya usab nagmatuod sa iyang pulong ngadto kanila sa matag higayon.