Tusitusiga Paia
Alema 26


Mataupu 26

Ua olioli Amona i le Alii—E faamalosi e le Alii ē faamaoni ma tuuina mai ia te i latou le malamalama—O le faatuatua e mafai ai e tagata ona aumaia le afe ma afe o agaga i le salamo—Ua i ai i le Atua le mana uma ma ua ia silafia mea uma. E tusa o le 90–77 T.L.M.

1 Ma o lenei, o upu nei a Amona i ona uso, ua faapea ona fai atu: Ou uso e, ma le au uso, faauta ou te fai atu ia te outou, ua tele lava se pogai tatou te olioli ai; ona sa mafai ea ona tatou manatu ina ua tatou aamata mai le laueleele o Sara’emila, o le a tuuina mai e le Atua ia te i tatou ni faamanuiaga tetele faapenei?

2 Ma o lenei, ou te fesili atu, o a faamanuiaga silisili ua ia tuuina mai ia te i tatou? E mafai ona outou ta’u mai?

3 Faauta, ou te tali atu mo outou; ona o o tatou uso, o sa Lamanā, sa i ai i le pouliuli, ioe, i se to ua sili lava ona pouliuli; ae faauta, i le atoatele o i latou ua aumai e vaai i le malamalama ofoofogia o le Atua! Ma o le faamanuiaga lenei ua faaee mai i o tatou luga, lea ua avea ai i tatou o ni emeafaigaluega i aao o le Atua e faataunuu ai lenei galuega tele.

4 Faauta, e aafe ma afe i latou ua olioli, ma ua aumai i le faapotopotoga a le Atua.

5 Faauta, sa matua le afaatoaga, ma amuia lava outou, ona sa outou sasau atu le eselesaito, ma outou selesele mai ma lo outou malosi, ioe, sa outou galulue i le aso atoa; ma faauta i le tele o a outou ifusisaito! Ma o le a faaputuputuina i latou i falesaito, ina ia le faama’umauina i latou.

6 Ioe, o le a le taia i latou i lalo e le afā i le aso gataaga; ioe, pe lagā foi i luga i latou e le asiosio; ae a sau le aafā o le a faaputuputu faatasi i latou i o latou nofoaga, ina ia le mafai e le afā ona ulu atu ia te i latou; ioe, pe faalelea foi i latou e matagi malolosi i soo se mea e manao le fili e ave i ai i latou.

7 Ae faauta, ua i ai i latou i aao o le Alii o le aseleselega, ma o i latou o ana; ma o le a ia efaatutū a’e i latou i luga i le aso gataaga.

8 Ia faamanūina lava le suafa o lo tatou Atua; ia tatou apepese i lona viiga, ioe, ia tatou avatu le efaafetai i lona suafa paia, ona ua faia e ia le amiotonu e faavavau.

9 Auā a na tatou le o a’e mai le laueleele o Sara’emila, o o tatou uso pele nei, o e ua sili ona alolofa ia te i tatou, po ua mafatia pea i latou i le aita faasaga mai ia te i tatou, ioe, ma po ua avea foi i latou o ni tagata ese i le Atua.

10 Ma sa oo ina ua uma ona fai mai e Amona nei upu, sa a’oa’i atu lona uso o Arona ia te ia, e faapea: Amona e, ou te fefe o lou olioli o le a fai ma mea e te mitamitavale ai.

11 Ae sa fai mai Amona ia te ia: Ou te le amitamita i lo’u lava malosi, po o lo’u lava poto; ae faauta, ua atoatoa lo’u eolioli, ioe, ua tumu lo’u loto i le olioli, ma o le a ou olioli i lo’u Atua.

12 Ioe, ua ou iloa o a’u o se tagata noa; a faatatau i lo’u malosi ou te vaivai; o lea ou te le amitamita ai ia te a’u lava ia, ae ou te mitamita i lo’u Atua, ona o lona emalosi e mafai ai ona ou faia o mea uma; ioe, faauta, e tele vavega tetele ua tatou faia i lenei laueleele, o mea o le a tatou viia ai lona suafa e faavavau.

13 Faauta, e fia le tele o afe o o tatou uso ua ia tatalaina mai tiga o aseoli; ma ua aumai ai i latou e eusuina le alofa togiola, ma ua tupu mai lenei mea ona o le mana o lana afioga ua i totonu o i tatou, o lea, po ua le i ai ea ia te i tatou se pogai tele tatou te olioli ai?

14 Ioe, ua ia i tatou se pogai e viia ai o ia e faavavau, ona o ia o le Atua Silisili Ese, ma ua ia tatalaina o tatou uso mai afilifili o seoli.

15 Ioe, sa siosiomia faataamilo i latou i le pouliuli ma le faafanoga tumau e faavavau; ae faauta, ua ia aumai i latou i lona amalamalama tumau e faavavau, ioe, i le faaolataga tumau e faavavau, ma ua siosiomia faataamilo i latou i le tele lē mafaatusalia o lona alofa; ioe, ma ua avea i tatou o ni meafaigaluega i ona aao i le faia o lenei galuega tele ma le ofoofogia.

16 O lea, ia tatou amitamita ai, ioe, o le a tatou emitamita i le Alii; ioe, o le a tatou olioli, ona ua atoatoa lo tatou olioli; ioe, o le a tatou viia lo tatou Atua e faavavau. Faauta, o ai ea e mafai ona tele naua lona mitamita i le Alii? Ioe, o ai e mafai ona tele naua upu na te faia e uiga i lona mana tele, ma e uiga i lona ialofa mutimutivale, ma i lona tali-tiga i le fanauga a tagata? Faauta, ou te fai atu ia te outou, e le mafai ona ou fai atu se vaega itiiti o le mea ua ou lagona.

17 O ai sa mafai ona manatu o le a alofa mutimutivale tele mai lo tatou Atua ua vave aveese ai i tatou mai lo tatou tulaga leaga matautia, ma agasala, ma eleelea?

18 Faauta, sa tatou o atu i le ita, ma le faamata’u tele e afaaumatia lana ekalesia.

19 O lea, aisea na ia le tuu atu ai i tatou i se faafanoga matautia, ioe, aisea na ia le faapa’ū ifo ai i o tatou luga le pelu o lana faamasinotonu, ma faamalaia i tatou i le noa ma se faamoemoe e faavavau?

20 E, lou agaga e, e toetoe lava, ia sola ese mai lea manatu. Faauta, sa ia le faatinoina lana faamasinotonu i luga o i tatou, ae na ia aumai i tatou i lona alofa mutimutivale tele i luga o lena avanu tumau e faavavau o le oti ma le pagatia, mo le faaolaina lava o o tatou agaga.

21 Ma o lenei faauta, o’u uso e, o ai se atagata natura o i ai ua ia iloaina nei mea? Ou te fai atu ia te outou, ua leai se tasi ua ia eiloaina nei mea, vagana ai i latou ua salamo.

22 Ioe, o ia o lē e asalamo ma faatino le efaatuatua, ma fai galuega lelei, ma tatalo pea e le aunoa—o i latou ia ua tuuina mai ia iloa imealilo a le Atua; ioe, o i latou ia e tuuina mai i ai latou te faaali mai mea e lei faaalia lava; ioe, ma o le a tuuina mai latou te aumai le afe ma afe o agaga i le salamo, e pei lava ona tuuina mai ia i tatou e aumai o tatou uso nei i le salamo.

23 O lenei pe tou te manatua ea, o’u uso e, sa tatou fai atu i o tatou uso i le laueleele o Sara’emila, o le a tatou o a’e i le laueleele o Nifae, e tala’i atu i o tatou uso, o sa Lamanā, ma sa latou tōē faatauemu mai ia te i tatou.

24 Ona sa latou fai mai ia te i tatou: Tou te manatu ea e mafai ona outou aumaia sa Lamanā i le malamalama o le upumoni? Tou te manatu e mafai ona outou faatalitonuina sa Lamanā i le sesē o auputuu a o latou tamā, ao avea pea i latou ma tagata ua emaaa e pei ona latou i ai nei; o ē ua fiafia o latou loto i le faamasaaina o le toto; o ē ua faaaluina o latou aso i le amioletonu sili ona leaga; o ē o o latou ala o ala o sē na solitulafono mai i le amataga? O lenei, o’u uso e, tou te manatua o la latou gagana lena.

25 Ma e le gata i lea, sa latou fai mai: Ia tatou sii auupega o taua e faasaga ia te i latou, ina ia tatou faaumatia ese i latou ma lo latou amioletonu mai le laueleele, nei latou solia i tatou ma faaumatia i tatou.

26 Ae faauta, ou uso pele e, sa tatou lei o mai i le vao ma le faamoemoe e faaumatia o tatou uso, ae ma le faamoemoe atonu e mafai ona tatou faaolaina ni isi e toaitiiti o o latou agaga.

27 O lenei ina ua vaivai o tatou loto, ma toetoe a tatou toe foi i tua, faauta, sa afaamafanafanaina i tatou e le Alii, ma fetalai mai: O atu i totonu o o outou uso, o sa Lamanā, ma tauave ma le eonosai o outou ipuapuaga, ma o le a ou tuu atu ia te outou le manuia.

28 Ma o lenei faauta, ua tatou o mai, ma ua tatou i ai i totonu ia te i latou; ma sa tatou onosai i o tatou mafatiaga, ma sa tatou mafatia i mea uma sa tatou manaomia; ioe, sa tatou malaga atu mai lea fale i lea fale, ma faalagolago i luga o le mutimutialofa o le lalolagi—e le na’o luga o le mutimutialofa o le lalolagi, ae i luga foi o le alofa mutimutivale o le Atua.

29 Ma sa tatou ulu atu i totonu o o latou fale ma aoao i latou, ma sa tatou a’oa’o i latou i o latou auala; ioe, ma sa tatou a’oa’o i latou i luga o o latou mea maupuepue; ma sa tatou ulu atu foi i o latou malumalu ma o latou sunako ma a’oa’o i latou; ma sa tutuli i tatou i fafo, ma tauemua, ma feanu tagata i o tatou luga, ma fepō o tatou alafau; ma sa fetogi i tatou i maa, ma ave ma saisai i maea malolosi, ma lafo i le falepuipui; ma sa toe laveaiina i tatou e ala i le mana ma le poto o le Atua.

30 Ma sa tatou mafatia i ituaiga uma o puapuaga, ma o nei mea uma na tutupu mai, atonu ina ia mafai ona avea ai i tatou ma ala e faaolaina ai ni nai agaga; ma sa tatou manatu o le a atoatoa lo tatou aolioli pe afai e mafai ona avea i tatou ma ala e faaolaina ai ni isi.

31 O lenei faauta, e mafai ona tatou vaai atu ma vaai i fua o a tatou galuega; ma ua itiiti ea i latou? Ou te fai atu ia te outou, E leai, ua atoatele i latou; ioe, ma e mafai ona tatou molimau i lo latou faamaoni, ona o lo latou alolofa i o latou uso ma ia i tatou foi.

32 Aua faauta, sa sili ia i latou le ataulagaina o o latou ola nai lo le ave o le ola o so latou fili; ma ua latou etanumia loloto i le eleele a latou auupega o taua, ona o lo latou alolofa i o latou uso.

33 Ma o lenei faauta ou te fai atu ia te outou, sa i ai ea se alofa tele faapea i le laueleele atoa? Faauta, ou te fai atu ia te outou, E leai, sa le’i i ai lava, e oo lava i totonu o sa Nifaē.

34 Aua faauta, latou te sii auupega o taua e faasaga i o latou uso; latou te le fia tuu i latou lava ia fasiotia. Ae faauta pe toafia ea o i latou nei na tuuina atu o latou ola; ma ua tatou iloa ua latou o atu i lo latou Atua, ona o lo latou alolofa ma ona o lo latou inoino i le agasala.

35 O lenei pe le ua i ai ea ia te i tatou se pogai tatou te olioli ai? Ioe, ou te fai atu ia te outou, e le’i i ai lava ni tagata na i ai se pogai tele naua latou te olioli ai e pei o i tatou, talu mai le amataga o le lalolagi; ioe, ma ua soona tele lava lo’u olioli, ua oo lava i le mitamita i lo’u Atua; ona ua ia te ia le amana uma, ma le poto atoa, ma le malamalama uma; ua esilafia e ia mea uma, ma o ia o Lē ialofa mutimutivale, e oo lava i le faaolataga, o i latou o ē e salamo ma talitonu i lona suafa.

36 O lenei afai o le mitamitavale lea, o le a faapea lava ona ou mitamita; ona o lo’u ola ma lo’u sulu lea, o lo’u olioli ma lo’u faaolataga, ma lo’u togiola lea mai le malaia tumau e faavavau. Ioe, ia faamanūina lava le suafa o lo’u Atua, o le ua manatu mai i lenei nuu, o ē o se alālā o le laau o Isaraelu, ma ua vavaeeseina mai i lona tino atoa i se laueleele ese; ioe, ou te fai atu, ia faamanūina lava le suafa o lo’u Atua, o lē ua manatu mai ia te i tatou, o ni tagata etaase i se laueleele ese.

37 O lenei o’u uso e, ua tatou vaai e manatu mai le Atua i atagata uma, i soo se laueleele lava atonu ua latou i ai; ioe, ua ia faitauina ona tagata, ma o lona liuliualo i le alofa mutimutivale ua i luga o le lalolagi uma. O lenei o lo’u olioli lea, ma la’u faafetai tele; ioe, ma o le a ou avatu le faafetai i lo’u Atua e faavavau. Amene.