O Le Tusi a Alema O Le Atalii o Alema

Mataupu 26

Ua olioli Amona i le Alii—E faamalosi e le Alii e faamaoni ma tuuina mai ia te i latou le malamalama—O le faatuatua e mafai ai e tagata ona aumaia le afe ma afe o agaga i le salamo—Ua i ai i le Atua le mana uma ma ua ia silafia mea uma. E tusa o le 90–77 T.L.M.

 Ma o lenei, o upu nei a Amona i ona uso, ua faapea ona fai atu: Ou uso e, ma ou au uso, faauta ou te fai atu ia te outou, ua tele lava se pogai tatou te olioli ai; ona sa mafai ea ona tatou manatu, ina ua tatou aamata mai le laueleele o Saraʼemila, o le a tuuina mai e le Atua ia te i tatou ni faamanuiaga tetele faapenei?

 Ma o lenei, ou te fesili atu, o a faamanuiaga silisili ua ia tuuina mai ia te i tatou? E mafai ona outou tau mai?

 Faauta, ou te tali atu mo outou; ona o o tatou uso, o sa Lamanā, sa i ai i le pouliuli, ioe, i se to ua sili lava ona pouliuli; ae faauta, i le atoatele o i latou ua aumai e vaai i le malamalama ofoofogia o le Atua! Ma o le faamanuiaga lenei ua faaee mai i o tatou luga, lea ua avea ai i tatou o ni emea faigaluega i aao o le Atua e faataunuu ai lenei galuega tele.

 Faauta, e aafe ma afe i latou ua olioli, ma ua aumai i le lafu a le Atua.

 Faauta, sa matua le afaatoaga, ma amuia lava outou, ona sa outou sasau atu le eselesaito, ma outou selesele mai ma lo outou malosi, ioe, sa outou galulue i le aso atoa; ma faauta i le tele o a outou ifusisaito! Ma o le a faaputuputuina i latou i falesaito, ina ia le faamaʼumauina i latou.

 Ioe, o le a le taia i latou i lalo e le afa i le aso gataaga; ioe, pe lagā foi i luga i latou e le asiosio; ae a sau le aafa o le a faaputuputu faatasi i latou i o latou nofoaga, ina ia le mafai e le afa ona ulu atu ia te i latou; ioe, pe faalelea foi i latou e matagi malolosi i soo se mea e manao le fili e ave i ai i latou.

 Ae faauta, ua i ai i latou i aao o le Alii o le aseleselega, ma o i latou o ana; ma o le a ia efaatutu mai i latou i luga i le aso gataaga.

 Ia faamanuina lava le suafa o lo tatou Atua; ia tatou apepese i lona viiga, ioe, ia tatou avatu le efaafetai i lona suafa paia, ona ua faia e ia le amiotonu e faavavau.

 Aua a na tatou le o mai i fafo mai le laueleele o Saraʼemila, o o tatou uso pele nei, o e ua sili ona alolofa ia te i tatou, po ua fālō pea i latou i le aita faasaga mai ia te i tatou, ioe, ma po ua avea foi i latou o ni tagata ese i le Atua.

 10 Ma sa oo ina ua uma ona fai mai e Amona nei upu, sa aoai atu lona uso o Arona ia te ia, ua fai atu: Amona e, ou te fefe ua aveese atu oe i le mitamitavale e lou olioli.

 11 Ae sa fai mai Amona ia te ia: Ou te le amitamita i loʼu lava malosi, po o loʼu lava poto; ae faauta, ua atoatoa loʼu eolioli, ioe, ua tumu loʼu loto i le olioli, ma o le a ou olioli i loʼu Atua.

 12 Ioe, ua ou iloa o au o se meanoa; a faatatau i loʼu malosi ua ou vaivai; o lea ou te le amitamita ai ia te au lava ia, ae ou te mitamita i loʼu Atua, ona o lona emalosi e mafai ai ona ou faia o mea uma; ioe, faauta, e tele vavega tetele ua tatou faia i lenei laueleele, o mea o le a tatou viia ai lona suafa e faavavau.

 13 Faauta, e fia le tele o afe o o tatou uso ua ia tatalaina mai tiga o aseoli; ma ua aumai ai i latou e epesea le alofa togiola, ma ua tupu mai lenei mea ona o le mana o lana afioga ua i totonu o i tatou, o lea, po ua le i ai ea ia te i tatou se pogai tele tatou te olioli ai?

 14 Ioe, ua ia i tatou se pogai e viia ai o ia e faavavau, ona o ia o le Atua Silisili Ese, ma ua ia tatalaina o tatou uso mai afilifili o seoli.

 15 Ioe, sa siosiomia faataamilo i latou i le pouliuli ma le faafanoga tumau-faavavau; ae faauta, ua ia aumai i latou i lona amalamalama tumau-faavavau, ioe, i le olataga tumau-faavavau, ma ua siosiomia faataamilo i latou i le tele le mafaatusalia o lona alofa; ioe, ma a avea i tatou o ni mea faigaluega i ona aao i le faia o lenei galuega tele ma le ofoofogia.

 16 O lea, ia tatou amitamita ai, ioe, o le a tatou emitamita i le Alii; ioe, o le a tatou olioli, ona ua atoatoa lo tatou olioli; ioe, o le a tatou viia lo tatou Atua e faavavau. Faauta, o ai ea e mafai ona tele naua lona mitamita i le Alii? Ioe, o ai e mafai ona tele naua upu na te faia e uiga i lona mana tele, ma e uiga i lona ialofa mutimutivale, ma i lona tali-tiga i le fanauga a tagata? Faauta, ou te fai atu ia te outou, e le mafai ona ou fai atu se vaega itiiti o le mea ua ou lagona.

 17 O ai sa mafai ona manatu o le a alofa mutimutivale tele mai lo tatou Atua e sei ese i tatou mai lo tatou tulaga leaga matautia, ma agasala, ma eleelea?

 18 Faauta, sa tatou o atu i le ita, ma le faamatau tele e afaaumatia lana ekalesia.

 19 O lea, aisea na ia le tuu atu ai i tatou i se faafanoga matautia, ioe, aisea na ia le faapau ifo ai i o tatou luga le pelu o lona faamasinotonu, ma faamalaia i tatou i le noa ma se faamoemoe e faavavau?

 20 E, lou agaga e, e pei ona sa toeitiiti oo i ai, ia sola ese mai lea manatu. Faauta, sa ia le faaoo mai lona faamasinotonu i luga o i tatou, ae na ia aumai i tatou i lona alofa mutimutivale tele i luga o lena avanu tumau-faavavau o le oti ma le pagatia, mo le faaolaina lava o o tatou agaga.

 21 Ma o lenei faauta, ou uso e, o ai se atagata natura o i ai ua ia iloaina nei mea? Ou te fai atu ia te outou, ua leai se tasi ua ia eiloaina nei mea, vagana ai i latou ua salamo.

 22 Ioe, o ia o le e asalamo ma faaaoga le efaatuatua, ma fai galuega lelei, ma tatalo pea e le aunoa—o tagata faapea ua tuuina mai i ai ia latou iloa imealilo a le Atua; ioe, o tagata faapea e tuuina mai i ai latou te faaali mai mea e lei faaalia lava; ioe, ma o le a tuuina mai i tagata faapea latou te aumai le afe ma afe o agaga i le salamo, e pei lava ona tuuina mai ia i tatou e aumai o tatou uso nei i le salamo.

 23 O lenei pe tou te manatua ea, ou uso e, sa tatou fai atu i o tatou uso i le laueleele o Saraʼemila, o le a tatou o ae i le laueleele o Nifae, e talai atu i o tatou uso, o sa Lamanā, ma sa latou tōē faatauemu mai ia te i tatou.

 24 Ona sa latou fai mai ia te i tatou: Tou te manatu ea e mafai ona outou aumaia sa Lamanā i le malamalama o le upumoni? Tou te manatu e mafai ona outou faatalitonuina sa Lamanā i le sese o auputuu a o latou tamā, ao avea pea i latou ma etagata ua maaa e pei ona latou i ai nei; o e ua fiafia o latou loto i le faamasaaina o le toto; o e ua faaaluina o latou aso i le amioletonu sili ona leaga; o e o o latou ala o ala o se na solitulafono mai i le amataga? O lenei, ou uso e, tou te manatua o la latou gagana lena.

 25 Ma e le gata i lea, sa latou fai mai: Ia tatou sii auupega o taua e faasaga ia te i latou, ina ia tatou faaumatia ese i latou ma lo latou amioletonu i fafo mai le laueleele, nei latou solia i tatou ma faaumatia i tatou.

 26 Ae faauta, ou uso pele e, sa tatou lei o mai i le vao ma le faamoemoe e faaumatia o tatou uso, ae ma le faamoemoe atonu e mafai ona tatou faaolaina ni isi e toaitiiti o o latou agaga.

 27 O lenei ina ua vaivai o tatou loto, ma toetoe a tatou toe foi i tua, faauta, sa afaamafanafanaina i tatou e le Alii, ma fetalai mai: O atu i totonu o o outou uso, o sa Lamanā, ma tauave ma le eonosai ou ipuapuaga, ma o le a ou tuu atu ia te outou le manuia.

 28 Ma o lenei faauta, ua tatou o mai, ma ua tatou i ai i totonu ia te i latou; ma sa tatou onosai i o tatou mafatiaga, ma sa tatou mafatia i mea uma sa tatou le maua; ioe, sa tatou malaga atu mai lea fale i lea fale, ma le faalagolago i luga o le alofa mutimutivale o le lalolagi—e le sa nao luga o le alofa mutimutivale o le lalolagi, ae i luga o le alofa mutimutivale o le Atua.

 29 Ma sa tatou ulu atu i totonu o o latou fale ma aoao i latou, ma sa tatou aoao i latou i o latou auala; ioe, ma sa tatou aoao i latou i luga o o latou maupuepue; ma sa tatou ulu atu foi i o latou malumalu ma o latou sunako ma aoao i latou; ma sa tutuli i tatou i fafo, ma tauemuina, ma feanu tagata i o tatou luga, ma fepo o tatou alafau; ma sa fetogi i tatou i maa, ma ave ma saisai i maea malolosi, ma lafo i le falepuipui; ma sa toe laveaiina i tatou e ala i le mana ma le poto o le Atua.

 30 Ma sa tatou mafatia i ituaiga uma o puapuaga, ma o nei mea uma na tutupu mai, atonu ina ia mafai ona avea ai i tatou ma ala e faaolaina ai ni nai agaga; ma sa tatou manatu o le a atoatoa lo tatou aolioli pe afai atonu e mafai ona avea i tatou ma ala e faaolaina ai ni isi.

 31 O lenei faauta, e mafai ona tatou vaai atu ma vaai i fua o a tatou galuega; ma ua itiiti ea i latou? Ou te fai atu ia te outou, E leai, ua atoatele i latou; ioe, ma e mafai ona tatou molimau i lo latou faamaoni, ona o lo latou alolofa i o latou uso ma ia i tatou foi.

 32 Aua faauta, sa sili ia i latou le ataulagaina o o latou ola nai lo le ave o le ola o so latou fili; ma ua latou etanu loloto i le eleele a latou auupega o taua, ona o lo latou alolofa i o latou uso.

 33 Ma o lenei faauta ou te fai atu ia te outou, sa i ai ea se alofa tele faapea i le laueleele atoa? Faauta, ou te fai atu ia te outou, E leai, sa lei i ai lava, e oo lava i totonu o sa Nifaē.

 34 Aua faauta, latou te sii auupega o taua e faasaga i o latou uso; latou te le fia tuu i latou lava ia fasiotia. Ae faauta pe toafia ea o i latou nei na tuuina atu o latou ola; ma ua tatou iloa ua latou o atu i lo latou Atua, ona o lo latou alolofa ma ona o lo latou inoino i le agasala.

 35 O lenei pe le ua i ai ea ia te i tatou se pogai tatou te olioli ai? Ioe, ou te fai atu ia te outou, e lei i ai lava ni tagata na i ai se pogai tele naua latou te olioli ai e pei o i tatou, talu mai le amataga o le lalolagi; ioe, ma ua soona tele lava loʼu olioli, ua oo lava i le mitamita i loʼu Atua; ona ua ia te ia le amana uma, ma le poto uma, ma le malamalama uma; ua esilafia e ia mea uma, ma o ia o se Tagata ialofa mutimutivale, e oo i le olataga, o i latou o e e salamo ma talitonu i lona suafa.

 36 O lenei afai o le mitamitavale lea, o le a faapea lava ona ou mitamita; ona o loʼu ola ma loʼu sulu lea, o loʼu olioli ma loʼu olataga, ma loʼu togiola lea mai le malaia tumau-faavavau. Ioe, ia faamanuina lava le suafa o loʼu Atua, o le ua manatu mai i lenei nuu, o e o se alala o le laau o Isaraelu, ma ua leiloa mai i lona tino i se laueleele ese; ioe, ou te fai atu, ia faamanuina lava le suafa o loʼu Atua, o le ua manatu mai ia te i tatou, o ni tagata emaumausolo i se laueleele ese.

 37 O lenei ou uso e, ua tatou vaai e manatu mai le Atua i atagata uma, i soo se laueleele atonu ua latou i ai; ioe, ua ia faitauina ona tagata, ma o ona loto alofa mutimutivale ua i luga o le lalolagi uma. O lenei o loʼu olioli lea, ma laʼu faafetai tele; ioe, ma o le a ou avatu le faafetai i loʼu Atua e faavavau. Amene.